[ ᭒᭔ 24B]
᭒᭔
ᬭᬶᬂᬓᬬᬸᬦ᭄ᬲᬶᬭᬦᬵᬣ᭞ᬫ᭄ᬬᬃᬱᬬᬂᬳᬢᬸᬃᬓᬶᬧᬢᬶᬄ᭞ᬲ᭄ᬯᬪᬯᬦ᭄ᬳᬶᬤᬓᬩᬗᬦ᭄᭞ᬫᬓᬼᬢᭂᬕ᭄ᬭᬶᬂᬓᬬᬸᬦ᭄ᬫᬗ᭄ᬓᬶᬦ᭄᭞ᬯᬶᬯᬾᬓᬦ᭄ᬳᬦᬓᬾᬭᬶᬭᬶᬄ᭞ᬓᭂᬫᬶᬓᬦ᭄ᬜᬗᭂᬫᬸᬫᬥᬸ᭞ᬫᬦᬶᬲᬾᬳᬗ᭄ᬕᭀᬰᬭᬡ᭞ᬚᬮ
ᬭᬦ᭄ᬳᬗ᭄ᬕᭀᬗᬸᬫ᭄ᬧᭂᬦᬶᬦ᭄᭞ᬲᬶᬤᬤᬸᬭᬸᬲ᭄᭞ᬲᬭᬢ᭄ᬜᬤ᭄ᬬᬫ᭄ᬩᬾᬘᬸᬦ᭄ᬤᬗᬂ᭟ᬩ᭄ᬬᬧᬭᬓᬬᬸᬦ᭄ᬲᬂᬦᬵᬣ᭞ᬫ᭄ᬦᭂᬂᬫ᭄ᬦᭂᬂᬰ᭄ᬭᬶᬪᬸᬧᬢᬶ᭞ᬢᬦᬦᬯᭀᬂᬫᭂᬢᬸᬳᬸᬚᬃ᭞ᬧᬩᬼᬲᭂᬓ᭄ᬭᬶᬂᬓᬬᬸᬦ᭄ᬲᬫᬶ᭞ᬓᬳᬗ᭄ᬕᬾᬦ᭄ᬧᬘᬸᬦ᭄ᬤᬗᬸᬭᬶᬧ᭄᭞
ᬩ᭄ᬘᬶᬓᬦ᭄ᬚᬲᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬳᬸᬭᬶᬧᬾᬫᬦᬦ᭄ᬤᬂᬳᬾᬭᬂ᭞ᬤᬤᭀᬲ᭄ᬓᬓ᭄ᬤᬾᬓᬦ᭄ᬕᬸᬫᬶ᭞ᬜᬤ᭄ᬬᬫᬸᬧᬸᬢ᭄᭞ᬦᬶᬃᬕᬸᬡᬫᬦ᭄ᬤᬤᭀᬲ᭄ᬚᬢ᭄ᬫ᭟ᬫᭀᬚᬃᬲᬶᬭᬧ᭄ᬭᬪᬸᬲᬸᬦ᭄ᬤ᭞ᬧᬫᬦ᭄ᬧᬢᬶᬄᬢᬦ᭄ᬤᬫᬦ᭄ᬢ᭄ᬭᬶ᭞ᬯᬤ᭄ᬯᬦᬾᬧ
ᬤᬫᬓ᭄ᬚᬂ᭞ᬳ᭄ᬤᬩᬾᬦ᭄ᬜᬢᬓᬸᬢ᭄ᬫᬢᬶ᭞ᬢᬸᬢᬸᬭᬂᬳᭂᬜᭂᬢᬾᬚᬢᬶ᭞ᬳᬧᬂᬲᬶᬤ᭄ᬥᬦᬶᬭᬢᬯᬸ᭞ᬧᬓᬜᭂᬢ᭄ᬘᬳᬶᬫᬓᭂᬚᬂ᭞ᬓᬾᬦ᭄ᬓᬾᬦ᭄ᬚᬦᬶᬩᬦ᭄ᬫᬶᬦᭂᬳᬶᬦ᭄᭞ᬲᬶᬤᬳᬶᬕᬸᬫ᭄᭞ᬳᬧᬂᬩ᭄ᬦᭂᬄᬩᬦ᭄ᬗᬶᬢᬸᬗᬂ᭟ᬬᬦ᭄ᬧ
[ ᭒᭕ 25A]
ᬢᬹᬢ᭄ᬓᬩᬯᭀᬲ᭄ᬦᬶᬭ᭞ᬫ᭄ᬮᬄᬚᬫᬢᬓᬶᬢᬓᬶ᭞ᬲᬕᬺᬳᬦ᭄ᬘᬳᬶᬫᬚᬮᬦ᭄᭞ᬓᬼᬲᬶᬢᬾᬢᬸᬭᬫᬢᬹᬢᬶᬦ᭄᭞ᬓ᭄ᬫᬘᬳᬶᬧᬤᬫᬸᬮᬶᬄ᭞ᬳᬶᬭᬶᬗᬂᬳᬶᬦᬦᬓ᭄ᬕᬮᬸᬄ᭞ᬫ᭄ᬯᬳᬤᬶᬧᬭᬫᬰ᭄ᬯᬭᬶᬬ᭞ᬫ᭄ᬮᬳᬂᬳᬶᬤᬤᬶᬧᬸ
ᬭᬷ᭞ᬦᬶᬭᬫᬸᬧᬸᬢ᭄᭞ᬮᬰ᭄ᬘᬃᬬ᭄ᬬᬗᭂᬢᭀᬳᬂᬚᬶᬯ᭟ᬢᬸᬤᬸᬳᬶᬤᬲᬗ᭄ᬬᬂᬯ᭄ᬦᬂ᭞ᬧᬗ᭄ᬕᬸᬳᬶᬦ᭄ᬦᬶᬭᬦᬾᬚᬦᬶ᭞ᬢᬦ᭄ᬜᬦ᭄ᬤᬂᬧᬘᬂᬲᭂᬮ᭄ᬲᭂᬮᬂ᭞ᬢ᭄ᬯᬄᬫᬸᬮᬳᬶᬍᬳᬦ᭄ᬕᬸᬫᬶ᭞ᬧ᭄ᬢᭂᬂᬍᬫᬄᬳᬾᬫᬕᬶᬮᬶᬃ᭞ᬧᬸᬦᬶᬓᬲᬳᬶᬢ᭄ᬬ
ᬧᬗ᭄ᬕᬸᬄ᭞ᬲᬸᬓᬤᬸᬓᬦᬾᬢᬦ᭄ᬧᬲᬄ᭞ᬲᬚ᭄ᬭᭀᬦᬶᬂᬓᬢᬸᬗ᭄ᬕᭀᬦ᭄ᬦᬸᬭᬶᬧ᭄᭞ᬓᬾᬢᭀᬢᬸᬳᬸ᭞ᬢ᭄ᬯᬭᬲᬶᬤ᭄ᬥᬩᬦ᭄ᬗ᭄ᬮᬾᬫ᭄ᬧᬲᬂ᭟ᬫ᭄ᬯᬄᬥᬃᬫ᭄ᬫᬦᬶᬂᬓᬲᬢ᭄ᬭᬶᬬ᭞ᬬᬱᬦᬾᬭᬶᬂᬢᬸᬂᬢᬸᬂᬓ᭄ᬭᬶᬲ᭄᭞ᬲᬤ᭄ᬬᬫᬫᭀᬮᬶᬳᬂ
ᬬᬱ᭞ᬳᬾᬕᬃᬫᬦᬳᬾᬓᬲᬶᬯᬶ᭞ᬫᬤᭂᬕ᭄ᬓᬾᬗᬶᬦ᭄ᬰ᭄ᬭᬶᬪᬸᬧᬢᬶ᭞ᬬᬾᬦᬶᬂᬮᬘᬸᬭᬾᬓᬧᬗ᭄ᬕᬸᬄ᭞ᬫᬸᬧᬸᬢᬂᬭᬕᬭᬶᬂᬭᬡ᭞ᬢᬦ᭄ᬯᭂᬤᬶᬗᭂᬢᭀᬳᬂᬳᬸᬭᬶᬧ᭄᭞ᬢᬸᬳᬸᬭᬢᬸ᭞ᬲᬂᬲᬢ᭄ᬭᬶᬬᬧ᭄ᬚᬄᬭᬶᬂᬭᬡ᭟
Kaca:Bali-lontar-gaguritan-babad-sunda-300ppi.pdf/25
Kaca puniki sampun kauji-wacén
