[ ᭒᭓ 23B]
᭒᭓
ᬮ᭄ᬬᬸᬧ᭄ᬢ᭞ᬫᬸᬜᬶᬮ᭄ᬬᬸᬧᬘᬂᬧᬲᬶᬮ᭄᭟ᬳᬾᬗ᭄ᬕᬮᬾᬗᬮ᭄᭞ᬓ᭄ᬫᬳᬶᬩᬫᬤᬩ᭄ᬤᬩᬦ᭄᭞ᬓᬳᬶᬜᬤ᭄ᬬᬫᬦᭂᬦᬦᬶᬦ᭄᭞ᬓ᭄ᬫᬓᬤᬾᬰᬩᬸᬩᬢ᭄᭞ᬜᬤ᭄ᬬᬫᬫᬹᬃᬡ᭄ᬦᬬᬂᬘᬶᬢ᭞ᬫᬶᬲᬶᬓ᭄ᬦᭂᬄᬳᬶᬩᬚᬦᬶ᭞ᬧᬹᬃ
ᬡ᭄ᬡᬬᬂᬧᬶᬲᬦ᭄᭞ᬳᬾᬗ᭄ᬕᬮ᭄ᬳᬶᬩᬫᬯᬮᬶ᭟ᬅᬦᬧᬓᭂᬫ᭄ᬓᬶᬧᬢᬶᬄᬲᬸᬦ᭄ᬤᬫᬕᬶᬩ᭄ᬭᬲ᭄᭞ᬓᬳᬶᬲᬶᬂᬫᬲᬶᬫᬲᬶᬮᬶᬦ᭄ᬫᬸᬜᬶ᭟ᬮᬚᬸᬢᬂᬳᬶᬩᬢ᭄ᬓ᭞ᬓᬳᬶᬜᬤ᭄ᬬᬧᬘᬂᬦ᭄ᬭᬶᬫ᭞ᬍᬕᬦ᭄ᬳᬶᬩᬢ᭄ᬓᬾᬦ᭄ᬓᬳᬶ᭞ᬳᬧᬂᬳᬾ
ᬗ᭄ᬕᬮ᭄᭞ᬳ᭄ᬤᬳᬶᬩᬢ᭄ᬯᬭᬜᬕᬦᬶᬦ᭄᭟᭐᭟ᬧᬸᬧᬸᬄᬕᬶᬦᬤ᭄ᬥ᭟ᬧᬵᬡ᭄ᬥᬶᬢᬳᬲ᭄ᬫᬭᬦᬵᬣ᭞ᬫᬗᬦ᭄ᬤᬶᬓᬩᬦ᭄ᬩᬦ᭄ᬫᬦᬶᬲ᭄᭞ᬕᬸᬲ᭄ᬢᬶᬧᬢᬶᬄᬕᬚᬄᬫᬤ᭄ᬥ᭞ᬓᬮᬶᬄᬳᬸᬢᬸᬲᬦ᭄ᬲᬂᬧ᭄ᬭᬪᬸ᭞ᬲᬶᬭᬦᬵᬣᬚ
ᬕᬢ᭄ᬲᬸᬦ᭄ᬤ᭞ᬲᬓᬶᬂᬚᬢᬶ᭞ᬧᬗᬶᬥᬶᬄᬩᬧᬦᬾᬲᬭᬢ᭄᭟ᬤᬩ᭄ᬤᬩᬂᬫᬗ᭄ᬤᬾᬦᬾᬲᬶᬤ᭄ᬥ᭞ᬭᬳᬃᬚ᭄ᬚᬓᬃᬬ᭄ᬬᬦᬾᬫᬗ᭄ᬓᬶᬦ᭄᭞ᬓ᭄ᬦᬶᬕᬸᬲ᭄ᬢᬶᬧᬢᬶᬄᬲᬸᬦ᭄ᬤ᭞ᬜᬦ᭄ᬢᭀᬲ᭄ᬓᬬᬸᬦ᭄ᬳᬶᬤᬭᬢᬸ᭞ᬲᬶᬭᬧ᭄ᬭᬪᬸᬕᬸᬲ᭄ᬢᬶᬦ᭄
[ ᭒᭔ 24A]
ᬩᬧ᭞ᬓ᭄ᬦᬶᬧᬗ᭄ᬕᬶᬄ᭞ᬤᬕᬶᬂᬳᬃᬲᬦ᭄ᬳᬶᬤᬧᬶᬲ᭟ᬓᬶᬳᬦᬧᬓᭂᬫ᭄ᬫᬜᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬲᬂᬲᬸᬮᬶᬗ᭄ᬕᬶᬄ᭞ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬜᬗ᭄ᬕ᭄ᬭᬜᬸᬂᬲᬸᬂᬲ᭄ᬯᬾᬘᬦ᭄ᬭᬢᬸ᭞ᬲᬵᬫ᭄ᬧᬸᬦ᭄ᬭᬢᬸᬲᬮᬶᬢ᭄ᬳᬃᬱ᭞ᬢᬶᬢ᭄ᬬᬂᬧᬫᬶᬢ᭄᭞
ᬧᬘᬂᬜᬦ᭄ᬢᭀᬲᬂᬭᬶᬂᬩᬸᬩᬢ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭟ᬦᬾᬫᬗ᭄ᬓᬶᬦ᭄ᬮᬦ᭄ᬢᬸᬭᬂᬢᬶᬢ᭄ᬬᬂ᭞ᬳᬶᬦᬸᬘᬧ᭄ᬭᬶᬂᬩᬩᬤ᭄ᬧᬗ᭄ᬕᬶᬄ᭞ᬭᬶᬲ᭄ᬤᭂᬓ᭄ᬱᬂᬧ᭄ᬭᬪᬸᬲᬸᬦ᭄ᬤ᭞ᬓᬢᬗ᭄ᬓᬶᬮᬶᬦ᭄ᬧᬭᬫᬦ᭄ᬢ᭄ᬭᬶ᭞ᬓᬳᬶᬭᬶᬂᬮᬦ᭄ᬯᬤ᭄ᬯᬲᬫᬶ᭞
ᬓᬂᬤᬶᬦᬸᬢᬓᬕᬾᬢ᭄ᬭᬯᬸᬄ᭞ᬜᬸᬚᬸᬃᬧᬸᬦᬂᬧᬦᬗ᭄ᬓᬶᬮᬦ᭄᭞ᬧᬫᬃᬕ᭄ᬕᬶᬦᬾᬲᬤᬕ᭄ᬮᬶᬲ᭄᭞ᬯᬸᬲ᭄ᬫᬮᬸᬗ᭄ᬕᬸᬄ᭞ᬫᬗᬜ᭄ᬚᬮᬶᬲᬳᬲᭂᬫ᭄ᬩᬄ᭟ᬤᬦᬾᬧᬢᬶᬄᬳᬦᬧᬓᭂᬫ᭄᭞ᬗᬢᬸᬭᬂᬳᬶᬦ᭄ᬤᬶᬓᬾᬲᬫᬶ᭞ᬓᬧᬗ᭄ᬕᬸᬄᬭᬶᬂᬓ
ᬧᬢᬶᬳᬦ᭄᭞ᬩᬯᭀᬲᬾᬲᬮᬶᬂᬢᬫ᭄ᬩᬸᬗᬶᬦ᭄᭞ᬲᬮ᭄ᬯᬶᬭᬶᬗᬦᬶᬦᬶᬦ᭄ᬳᬢᬶ᭞ᬲᬫᬶᬓᬵᬢᬸᬭᬶᬂᬲᬂᬧ᭄ᬭᬪᬸ᭞ᬤᬕᬶᬗᬸᬚᬃᬧᬢᬶᬄᬫᬤ᭄ᬥ᭞ᬓ᭄ᬦᬶᬳᬶᬤᬢᬢᬲ᭄ᬳᬸᬦᬶᬂ᭞ᬲᬶᬭᬧ᭄ᬭᬪᬸ᭞ᬫᬗ᭄ᬤᬲᬬᬕᬭᬶᬂᬳᬗ᭄ᬕ᭟ᬳᬾ
Kaca:Bali-lontar-gaguritan-babad-sunda-300ppi.pdf/24
Kaca puniki sampun kauji-wacén
