[ ᭑᭘ 18B]
᭑᭘
ᬦᬧᬓᭂᬫ᭄᭞ᬩᬩᬯᭀᬲ᭄ᬜᬲᬤᬩ᭄ᬭᬗ᭄ᬢᬶ᭟ᬳᬫ᭄ᬧᬸᬭᬬᬂᬳᬢᬸᬃᬢᬶᬢ᭄ᬬᬂᬓᬤᬶᬮᬗ᭄ᬕ᭄ᬬ᭞ᬦᬧᬶᬚᬦ᭄ᬢᭀᬲ᭄ᬕᬸᬲ᭄ᬢᬶᬳᬶᬭᬶᬓᬶ᭞ᬲ᭄ᬯᬾᬲᬵᬫ᭄ᬧᬸᬦ᭄ᬫᬧᬤᬃ᭞ᬧᬚᬼᬕ᭄ᬚᭂᬕ᭄ᬜᬦ᭄ᬢᭀᬲ᭄ᬭᬶᬂᬚᬩ᭞ᬢᬦ᭄ᬳᬦᬯ᭄ᬯᬂᬫᬦᬓᬾᬦᬶᬦ᭄᭞ᬗᬾᬭ
ᬗᬶᬦ᭄ᬫᬦᬄ᭞ᬓᬤᬶᬲᭀᬮᬄᬯᭀᬂᬧᬗᬫᬶᬲ᭄᭟ᬦ᭄ᬤᬯᭂᬕ᭄ᬢᬶᬢ᭄ᬬᬂᬗᬶᬭᬶᬂᬗᬭᬜ᭄ᬚᬶᬂᬓᬚ᭄ᬭᭀᬯᬦ᭄᭞ᬗ᭄ᬭᬯᬸᬳᬶᬦ᭄ᬓᬶᬕᬸᬲ᭄ᬢᬶᬧᬢᬶᬄ᭞ᬧ᭄ᬭᬬᬫᬦᬸᬦᬲᬂ᭞ᬳᬶᬦ᭄ᬤᬶᬓ᭄ᬯᬶᬯᬳᬦ᭄ᬲᬂᬦᬵᬣ᭞ᬫᬗ᭄ᬤᬧ᭄ᬭᬲᬶᬤ᭄ᬤᬕ᭄ᬮᬶᬲ᭄᭞ᬫᭀᬮᬶᬳᬂᬕᬢᬺ᭞ᬳᬶ
ᬦ᭄ᬤᬶᬓ᭄ᬧᬶᬤᬩ᭄ᬤᬩᬾᬧᬲ᭄ᬢᬶ᭟ᬳᬶᬦᬸᬘᬧᬦ᭄ᬳᬸᬢᬸᬲᬦᬾᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬭᬶᬂᬳᬚᭂᬂᬓᬶᬕᬸᬲ᭄ᬢᬶᬧᬢᬶᬄ᭞ᬧᬢᬶᬄᬕᬚᬄᬫᬤ᭄ᬥ᭞ᬜᬤ᭄ᬬᬗᬢᬸᬭᬂᬳᬸᬦᬶᬗ᭞ᬤᬕᬶᬂᬳᬃᬱᬦ᭄ᬦᬭᬧᬢᬶ᭞ᬲᬲᬸᬳᬸᬦᬦ᭄ᬲᬸᬦ᭄ᬤ᭞ᬭᬶᬂᬲᬂᬧ᭄ᬭᬪᬸᬫᬚᬧ
ᬳᬶᬢ᭄᭟ᬧ᭄ᬭᬧ᭄ᬢᬾᬂᬧᬢᬶᬄᬫᬤ᭄ᬥᬭᬭᬶᬲ᭄ᬜᬧ᭞ᬯᬯᬸᬭᬯᬸᬄᬚ᭄ᬭᭀᬲᬫᬶ᭞ᬦᬧᬶᬯᬾᬦ᭄ᬢᭂᬦ᭄ᬩ᭄ᬯᬢ᭄᭞ᬳᬶᬤ᭄ᬤᬬᬂᬕ᭄ᬮᬶᬲ᭄ᬩᬯᭀᬲᬂ᭞ᬳᬧᬂᬲᬶᬤ᭄ᬥᬕ᭄ᬕᬳᬸᬦᬶᬂ᭞ᬭᬶᬂᬧᬳᬶᬦ᭄ᬤᬶᬓᬦ᭄᭞ᬲᬳᬭᬶᬂᬮᬶᬗ᭄ᬕᬶᬳᬾᬲᬫᬶ᭟ᬯᬲ᭄ᬢᬢᬶᬢ᭄ᬬᬂ
[ ᭑᭙ 19A]
ᬯᬦ᭄ᬢᬄᬧᬢᬶᬄᬳᬦᬧᬓᭂᬦ᭄᭞ᬧᬢᬶᬄᬲᬧᭀᬫᬜᬋᬗᬶᬦ᭄᭞ᬓᬶᬢᬸᬫᭂᬗ᭄ᬕᬸᬂᬩᭀᬭᬂ᭞ᬧᬶᬦᬶᬄᬧᬸᬗ᭄ᬓᬸᬃᬧᬢᬶᬄᬧᬶᬢᬃ᭞ᬢᬶᬢ᭄ᬬᬂᬧ᭄ᬭᬬᬫᬢᬸᬃᬧᬶᬳᬸᬦᬶᬂ᭞ᬓᬾᬗᬶᬦ᭄ᬤᬶᬓᬸᬢ᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬰ᭄ᬭᬶᬪᬸᬧᬢᬶ᭟ᬫᬗᬤᬾᬲᭂᬫ᭄ᬲᬶᬭᬧᬢᬶᬄᬕ
ᬚᬄᬫᬤ᭄ᬥ᭞ᬤᬶᬕ᭄ᬮᬶᬲ᭄ᬤᬦᬾᬜᬯᬸᬭᬶᬦ᭄᭞ᬇᬄᬓᬶᬧᬢᬶᬄᬲᬸᬦ᭄ᬤ᭞ᬢ᭄ᬯᬭᬦᬯᬂᬰᬷᬮᬓ᭄ᬭᬫ᭞ᬤᬤᬶᬩᬦᬶᬢ᭄ᬓᬫᬳᬶ᭞ᬢᬦ᭄ᬧᬯᭂᬓᬲᬦ᭄᭞ᬫᬶᬭᬶᬩ᭄ᬓᬸᬩᬸᬲᬸᬯᬸᬂᬤᬶᬦᬶ᭟ᬧᬢᬶᬄᬲᬸᬦ᭄ᬤᬧᬲᬯᬸᬭᬾᬲᬤᬩᬦ᭄ᬩᬦ᭄᭞ᬳ
ᬫ᭄ᬧᬸᬭᬬᬂᬕᬸᬲ᭄ᬢᬶᬧᬢᬶᬄ᭞ᬓᬤᬶᬲᬶᬲᬸᬢᬶᬢ᭄ᬬᬂ᭞ᬲ᭄ᬯᬾᬢᬶᬢ᭄ᬬᬂᬫᬜᬦ᭄ᬢᭀᬲᬂ᭞ᬲᬶᬤᬫᭀᬮᬶᬄᬢᬶᬢ᭄ᬬᬂᬢᬗ᭄ᬓᬶᬮ᭄᭞ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬤᬳᬢ᭄ᬲᬭᬵᬢ᭄ᬭᬶᬂᬳᬶᬕᬸᬲ᭄ᬢᬶ᭟ᬕᬸᬲ᭄ᬢᬶᬢᬶᬢ᭄ᬬᬂᬲᬭᬵᬢ᭄ᬦᬓᬾᬦᬂᬧᬶᬤ
ᬩ᭄ᬤᬩ᭄᭞ᬯᬶᬯᬳᬦ᭄ᬲᬂᬭᬤᬾᬦ᭄ᬤᬾᬯᬶ᭞ᬯᭂᬓᬦ᭄ᬲᬶᬭᬦᬵᬣ᭞ᬲᬫ᭄ᬧᬸᬦ᭄᭞ᬲ᭄ᬯᬾᬳᬶᬤᬧ᭄ᬭᬧ᭄ᬢ᭞ᬜᬦ᭄ᬢᭀᬲ᭄ᬭᬶᬂᬩᬸᬩᬢ᭄ᬦᬾᬫᬗ᭄ᬓᬶᬦ᭄᭞ᬲᬶᬤ᭄ᬥᬫᬚᬦ᭄ᬢᭂᬦ᭄᭞ᬲᬵᬫ᭄ᬧᬸᬦ᭄ᬲ᭄ᬯᬾᬳᬶᬤᬳᬶᬭᬶᬓᬶ᭞ᬧᬃᬡ᭄ᬡᬦ᭄ᬳᬶ
Kaca:Bali-lontar-gaguritan-babad-sunda-300ppi.pdf/19
Kaca puniki sampun kauji-wacén
