[ ᭑᭕ 15B]
᭑᭕
ᬫᬤ᭄ᬥᬫᬵᬢᬸᬃᬲᭂᬫ᭄ᬩᬄ᭞ᬤᬾᬯᬳᬕᬸᬂᬲᬭᬵᬢ᭄ᬳᬢᬸᬃᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬭᬬᬂᬢᬶᬢ᭄ᬬᬂᬭᬢᬸ᭞ᬓᬤᬶᬮᬗ᭄ᬕ᭄ᬬᬳᬢᬸᬃᬢᬶᬢ᭄ᬬᬂ᭞ᬭᬶᬂᬲᬂᬦᬵᬣ᭞ᬭᬢᬸᬢᬸᬲ᭄ᬦᬶᬂᬢᬸᬳᬸᬭᬢᬸ᭞ᬲᬸᬲᬸᬳᬸᬦᬦ᭄ᬢᬶᬢ᭄ᬬᬂᬤᬾᬯ᭞ᬦᬵᬣᬭᬢᬸ
ᬜᬤᬺᬯᬺᬢ᭄ᬢᬶ᭟ᬓᬢᬄᬭᬢᬸᬗ᭄ᬯᬯᬚᬕᬢ᭄᭞ᬫᬥᬸᬭᬧᬮᬾᬫ᭄ᬩᬂᬩᬮᬶᬮᬦ᭄ᬓᭀᬘᬶ᭞ᬢᬜ᭄ᬚᬸᬂᬧᬸᬭᬯᬦ᭄ᬤᬦ᭄ᬲᬸᬬᬸᬂ᭞ᬲᬯᬓᬸᬂᬢᬸᬫᬲᬶᬓ᭄ᬳᬶᬓ᭞ᬦ᭄ᬤᬢᬦᬦᬧᬸᬭᬸᬦ᭄ᬮᬗ᭄ᬕ᭄ᬬᬭᬶᬂᬲᬂᬧ᭄ᬭᬪᬸ᭞ᬧ᭄ᬭᬲᬗ᭄ᬕᬫᬫᬤᬫᬤ᭞ᬜᬫᬾᬂᬮᬸᬗ᭄ᬕᬸᬄ
ᬰ᭄ᬭᬷᬪᬸᬧᬢᬶ᭟ᬧ᭄ᬭᬪᬸᬲᬸᬦ᭄ᬤᬲᬶᬭᬘᭀᬗᬄ᭞ᬮᬶᬧ᭄ᬬᬢᬦ᭄ᬫᬾᬮᬶᬂᬕᬶᬂᬮᬶᬗ᭄ᬕᬶᬳᬾᬚᬢᬶ᭞ᬫᬜᬫᬾᬓ᭄ᬮᬶᬗ᭄ᬕᬶᬄᬲᬂᬧ᭄ᬭᬪᬸ᭞ᬫᬶᬦᬗ᭄ᬳᬶᬤᬲᬵᬫ᭄ᬧᬸᬦ᭄ᬮᬶᬧ᭄ᬬ᭞ᬭᬶᬂᬧᬶᬤᬩ᭄ᬤᬩ᭄ᬤᬸᬓ᭄ᬬᬸᬤᬦᬾᬲᬦᬾᬲᬵᬫ᭄ᬧᬸᬦ᭄᭞ᬚᬕᬢ᭄ᬳᬶᬤᬓᬓᬲᭀ
ᬭᬂ᭞ᬳᬦ᭄ᬢᬸᬓ᭄ᬯᬤ᭄ᬯᬦ᭄ᬰ᭄ᬭᬷᬪᬸᬧᬢᬶ᭟ᬤᬳᬢᬾᬭᬂᬫᬦᬄᬢᬶᬢ᭄ᬬᬂ᭞ᬬᬦ᭄ᬳᬶᬤᬢᬸᬮᬾᬤᬂᬧᬘᬂᬫᬫᭂᬡ᭄ᬥᬓᬶᬦ᭄᭞ᬫᬗ᭄ᬤᬾᬦᬾᬧᬗ᭄ᬕᬶᬄᬲᬂᬧ᭄ᬭᬪᬸ᭞ᬫᬦ᭄ᬢᬸᬓᬾᬭᬶᬂᬧ᭄ᬭᬪᬸᬲᬸᬦ᭄ᬤ᭞ᬢᬶᬢ᭄ᬬᬂᬳᬗᭂᬦ᭄᭞ᬲ᭄ᬤᬶᬄᬫᬗᬢᬾ᭞ᬲᬂᬭᬢᬸ᭞
[ ᭑᭖ 16A]
ᬪᬝᬵᬭᬢᭂᬤᬸᬗᬶᬂᬚᬕᬢ᭄᭞ᬜᬤ᭄ᬬᬭᬯᬸᬄᬫᬦᬗ᭄ᬓᬶᬮᬶᬦ᭄᭟ᬬᬦ᭄ᬲ᭄ᬯᬾᬘᬘᭀᬓᭀᬃᬳᬶᬤᬾᬯ᭞ᬦᬸᬦᬲ᭄ᬮᬸᬕ᭄ᬭᬢᬶᬢ᭄ᬬᬂᬭᬶᬂᬳᬶᬭᬢᬸᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬢᬸᬭᬂᬧᬸᬯᬸᬗᬸ᭞ᬚᬦ᭄ᬢᭀᬲ᭄ᬤᬸᬫᬸᬦ᭄ᬫᬗ᭄ᬤᬢᬢᬲ᭄᭞ᬳᬶᬘᭂᬦ᭄ᬯᬦᬶ
ᬲᬚ᭄ᬭᭀᬦᬶᬂᬳᬗᭂᬦ᭄ᬲᬂᬧ᭄ᬭᬪᬸ᭞ᬚᬗ᭄ᬓᭂᬧᬂᬮᬶᬫᬂᬭᬳᬶᬦ᭞ᬓ᭄ᬦᬶᬳᬶᬤᬫᬗ᭄ᬭᬯᬸᬳᬶᬦ᭄᭟ᬬᬦ᭄ᬲᬵᬫ᭄ᬧᬸᬦ᭄ᬮᬶᬫᬂᬭᬳᬶᬦᬫ᭄ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬳᬶᬤᬗᬭᬯᬸᬳᬶᬦ᭄ᬫ᭄ᬭᬶᬓᬶ᭞ᬲᬶᬦᬄᬓᬬᬸᬦᬾᬢᬦ᭄ᬧᬵᬢᬹᬢ᭄᭞ᬧ᭄ᬲ᭄ᬓ᭄ᬱ᭄ᬬᬸᬦ᭄ᬲ᭄ᬦ᭄ᬳᬶᬤᬮᭀ
ᬫ᭄ᬧᬂ᭞ᬗᬶᬦ᭄ᬤ᭄ᬭᬚᬮ᭞ᬗᬤᬸᬫᬦᬶᬲ᭄ᬭᬶᬂᬲᬲᭂᬫᬸ᭞ᬫᬦᬶᬲᬾᬫᬧ᭄ᬭ᭄ᬯᬭᬮᬭ᭞ᬳᬶᬲᭂᬫᬸᬢ᭄ᬧᬥᭂᬫᬂᬕᭂᬦ᭄ᬤᬶᬲ᭄᭟ᬲ᭄ᬧᬶᬮᬶᬤᬶᬕ᭄ᬭᬶᬂᬧᬲᬾᬩᬦ᭄᭞ᬫᬶᬬᬃᬱᬬᬂᬧᬫᬸᬗᬸᬦ᭄ᬳᬶᬕᬸᬲ᭄ᬢᬶᬧᬢᬶᬄ᭞ᬢᬦᬦᬧᬸᬭᬸᬦ᭄ᬫᬲᬯᬸᬃ᭞ᬭᬶᬂᬓᬶᬧᬢᬶᬄᬕᬚᬄᬫᬤ᭄ᬥ᭞
ᬢᬩᭂᬂᬯᬶᬭᬂᬫ᭄ᬫᬳᬵᬧᬢᬶᬄᬤᬳᬢ᭄ᬓᬲᬸᬩ᭄᭞ᬳᬗ᭄ᬕᬓ᭄ᬭᬸᬭᬫᬯᬶᬰᬾᬱ᭞ᬧ᭄ᬭᬓᬗ᭄ᬕᬾᬦ᭄ᬰ᭄ᬭᬷᬦᬭᬧᬢᬶ᭟ᬧ᭄ᬭᬪᬸᬓᭀᬭᬶᬧᬦ᭄ᬳᬶᬦᬸᬘᬧ᭄᭞ᬗᬮᬶᬗ᭄ᬕᬶᬳᬶᬦ᭄ᬳᬢᬸᬃᬤᬦᬾᬓᬶᬧᬢᬶᬄ᭞ᬲᬶᬭᬯᬶᬮᬢᬶᬓ᭄ᬢᬧ᭄ᬭᬪᬸ᭞ᬫᬗᬶᬕᬸ
Kaca:Bali-lontar-gaguritan-babad-sunda-300ppi.pdf/16
Kaca puniki sampun kauji-wacén
