[ ᭑᭔ 14B]
᭑᭔
ᬮᬾᬫᬚᬚᬃ᭞ᬓᬯᭀᬦᬦ᭄ᬜ᭞ᬫᬵᬦᬹᬢ᭄ᬓᬤᬶᬮᬶᬗ᭄ᬕᬶᬄᬧᬸᬭᬷ᭞ᬧᬲᬗ᭄ᬕ᭄ᬭᬳᬦ᭄ᬧ᭄ᬭᬪᬸᬲᬸᬦ᭄ᬤ᭟ᬳᬾᬕᬃᬫᬦᬄᬦᬶᬭᬦᬭᬧᬢᬶ᭞ᬭᬶᬂᬧᬲᬾᬩᬦ᭄᭞ᬲᬋᬂᬳᬶᬦ᭄ᬦᬸᬘᬧᬦ᭄᭞ᬧ᭄ᬭᬪᬸᬓᭀᬭᬶᬧᬦ᭄ᬳᬶᬂᬫᬗ᭄ᬓᬾ᭞ᬧ᭄ᬭᬪᬸᬤᬳᬲᬫᬶᬳᬶᬕᬸᬫ᭄᭞
ᬲᬂᬢᬶᬕᬲᬫᬶᬧᬓ᭄ᬜᬶᬃ᭞ᬲᬫᬶᬮᬾᬤᬂᬚᬕᬫᭂᬦ᭄ᬤᬓ᭄᭞ᬲᬶᬭᬲᬂᬦᬵᬣᬭᬢᬸ᭞ᬫᬗ᭄ᬕᬮᬦᬶᬂᬚᬕᬢ᭄ᬲᬸᬦ᭄ᬤ᭞ᬧᬧᬲᬗᬦ᭄᭞ᬫᬢ᭄ᬯᬦ᭄ᬳᬶᬤᬦᬵᬭᬧᬢᬶ᭞ᬲᬢ᭄ᬫᬓᬳᬚᬶᬦ᭄ᬲᬂᬦᬵᬣ᭞ᬕ᭄ᬮᬶᬲ᭄ᬧ᭄ᬭᬩ᭄ᬪᬸᬓᭀᬭᬶᬧᬦ᭄ᬤᬯᬸᬳᬶᬦ᭄᭞ᬩᬳᬸᬤ
ᬡ᭄ᬤᬫᬦ᭄ᬢ᭄ᬭᬶᬮᬦ᭄ᬧᬸᬗ᭄ᬕᬯ᭞ᬧᬢᬶᬄᬤᭂᬫᬸᬂᬲᬶᬤ᭄ᬥᬳᬕᬾ᭞ᬲᬶᬤ᭄ᬥᬬᬢ᭄ᬦᬚᬕᬶᬜᬤ᭄ᬬᬧᬸᬧᬸᬢ᭄᭞ᬫᬢᬓᬶᬢᬓᬶᬫᬓᬶᬦ᭄ᬓᬶᬦ᭄᭞ᬧᬘᬂᬫᭂᬦ᭄ᬤᬓ᭄ᬜᬗ᭄ᬕ᭄ᬭᬳᬶᬤᬵ᭞ᬲᬂᬯᬸᬲ᭄ᬮᬫᬶᬓᬢᬸᬗ᭄ᬕᬸ᭞ᬲᬶᬭᬧ᭄ᬭᬪᬸᬚᬕᬢ᭄ᬲᬸᬦ᭄ᬤ᭞ᬲᬶᬤᬲᬬᬕ᭞ᬫ
ᬗ᭄ᬤᬾᬤᬶᬕ᭄ᬮᬶᬲ᭄᭞ᬲᬕᬺᬳᬦ᭄ᬧᬘᬂᬮᬸᬫᬫ᭄ᬧᬄ᭟ᬳᬶᬦᬸᬘᬧ᭄ᬲᬂᬧ᭄ᬭᬪᬸᬓᭀᬭᬶᬧᬦ᭄ᬫᬗ᭄ᬓᬶᬦ᭄᭞ᬧᬭᬫᬮᬾᬤᬂ᭞ᬕᬸᬧᬸᬄᬗᬾᬜ᭄ᬘᬓ᭄ᬗ᭄᭞ᬧ᭄ᬭᬬᬜᬋᬗᬶᬦ᭄ᬧᬸᬢ᭄ᬭᬦᬾ᭞ᬜᬗ᭄ᬕ᭄ᬭᬫᬢ᭄ᬯᬦ᭄ᬲᬶᬭᬧ᭄ᬭᬪᬸ᭞ᬲᬳᬯᬃᬕ᭄ᬕᬦ᭄ᬳᬶᬤ
[᭑᭕ 15A]
ᬲᬫᬶ᭞ᬳᬶᬭᬶᬓᬭᬶᬂᬤᬾᬰᬩᬸᬩᬢ᭄᭞ᬜᬤ᭄ᬬᬓᬳᬶᬭᬶᬂᬫᬦ᭄ᬢᬸᬓ᭄᭞ᬫᬭᬶᬂᬧᬸᬭᬷᬯᬶᬮᬢᬶᬓ᭄ᬢ᭞ᬫᬲᬗ᭄ᬕ᭄ᬭᬳᬦ᭄᭞ᬫᬮᬾᬤᬂᬮᬾᬤᬂᬭᬶᬂᬧᬸᬭᬷ᭞ᬜᬤ᭄ᬬᬫᬗᬤᬸᬗᬂᬳᬃᬱ᭟᭐᭟ᬧᬸᬧᬸᬄᬧᬗ᭄ᬓᬸᬃ᭟ᬧᬸᬗ᭄ᬕᭂᬮᬂᬧᬸᬦᬂ
ᬘᬭᬶᬢ᭞ᬓᬘ᭄ᬭᬶᬢᬬᬂᬭᬶᬂᬩᬜ᭄ᬘᬶᬗᬄᬦᬾᬫᬗ᭄ᬓᬶᬦ᭄᭞ᬧᬦᬗ᭄ᬓᬶᬮᬦ᭄ᬗᬾᬩᭂᬓ᭄ᬧ᭄ᬦᬸᬄ᭞ᬫᬦᬗ᭄ᬓᬶᬮᬶᬦ᭄ᬲᬶᬭᬦᬵᬣ᭞ᬲᬫᬶᬮᬾᬤᬂ᭞ᬧᬘᬂᬫᭂᬦ᭄ᬤᬓ᭄ᬭᬤᬾᬦ᭄ᬕᬮᬸᬄ᭞ᬭᬢᬸᬳᬬᬸᬲᭂᬓᬃᬲᬸᬦ᭄ᬤ᭞ᬳᬶᬭᬶᬓᬭᬶᬂᬩᬸᬩᬢ᭄ᬫᬗ᭄ᬓᬶᬦ᭄᭟ᬭᬶᬬᬸᬄᬧᬸᬦᬂᬧ
ᬦᬗ᭄ᬓᬶᬮᬦ᭄᭞ᬫᬳᬶᬘᬳᬶᬘᬬᬦ᭄ᬲᬮᬶᬂᬓ᭄ᬜᬶᬗᬶᬦ᭄᭞ᬤᬳᬢ᭄ᬳᬾᬕᬭᬾᬓᬮᬗ᭄ᬓᬸᬂ᭞ᬯᬃᬡ᭄ᬦᬦ᭄ᬲᬶᬭᬦᬵᬣᬩᬶᬗᬃ᭞ᬧ᭄ᬭᬫᬮᬾᬤᬂ᭞ᬲᬭᬢ᭄ᬓᬬᬸᬦᬾᬫᬢᭂᬫᬸ᭞ᬭᬶᬂᬲᬶᬭᬲᬂᬧᬸᬱ᭄ᬧᬚ᭄ᬯᬶᬢ᭞ᬧᬸᬱ᭄ᬧᬦ᭄ᬳᬃᬱᬦ᭄ᬲᬶᬭᬚᬢᬶ᭟ᬤᬦᬾᬧᬢᬶᬄ
ᬕᬚᬄᬫᬤ᭄ᬥ᭞ᬫ᭄ᬦᭂᬂᬫ᭄ᬦᭂᬂᬩᬯᬦᬾᬲᬤᬚ᭄ᬗᬶᬲ᭄᭞ᬤᬦᬾᬢ᭄ᬯᬭᬓᬧᬶᬭᬸᬗᬸ᭞ᬢᬦ᭄ᬫᬦ᭄ᬢᬸᬓᬾᬭᬶᬂᬫᬦᬄ᭞ᬧᬘᬂᬫᭂᬦ᭄ᬤᬓ᭄᭞ᬫᬭᬲᬦᬶᬱ᭄ᬝᬭᬶᬂᬓᬬᬸᬦ᭄᭞ᬧᬘᬂᬫᭂᬦ᭄ᬤᬓᬾᬓᬩᬸᬩᬢ᭄᭞ᬧ᭄ᬭᬪᬸᬲᬸᬦ᭄ᬤᬧᬘᬸᬦ᭄ᬤᬂᬳᬸᬭᬶᬧ᭄᭟ᬧᬢᬶᬄ
Kaca:Bali-lontar-gaguritan-babad-sunda-300ppi.pdf/15
Kaca puniki sampun kauji-wacén
