[᭑᭓ 13B]
᭑᭓
ᬕ᭄ᬦᬄᬧᬓᭀᬍᬫᬦ᭄ᬧᬭᬭᬢᬸ᭞ᬲᬦᬾᬫᬗᬶᬭᬶᬗᬂᬳᬶᬤ᭞ᬲᬂᬧ᭄ᬭᬪᬸᬲᬸᬦ᭄ᬤᬦᬕᬭᬶ᭟ᬯᬾᬦ᭄ᬢᭂᬦᬾᬫ᭄ᬘᬶᬓᬂᬫᬃᬕ᭄ᬕ᭞ᬓᬸᬭᬶᬳᬕᬸᬂᬫᬳᬸᬧᬋᬗ᭄ᬕᬗ᭄ᬭᬯᬶᬢ᭄᭞ᬚᬩᬧᬸᬭᬷᬦᬾᬫᬳᬸᬤᬸᬤ᭄᭞ᬓᬸᬝᬵᬭᬵᬚ᭄ᬬᬓᬢᭀᬦ᭄
ᬭᬫ᭄ᬬ᭞ᬲᬫᬶᬅᬳ᭄ᬬᬲ᭄᭞ᬮᬶᬦ᭄ᬢᬗᬸᬮᬗᬶᬦᬶᬦ᭄ᬓᬬᬸᬦ᭄᭞ᬢᬶᬤᬤᬦᬾᬲᬂᬫᬜᬶᬗᬓ᭄᭞ᬯᬶᬭᬾᬄᬋᬲᬶᬓᬶᬦᬰ᭄ᬭᬷ᭟ᬲᬧᬶᬭᬦ᭄ᬢᬶᬦᬶᬂᬯᬶᬯᬳ᭞ᬲᬵᬫ᭄ᬧᬸᬦ᭄ᬓᬘᬯᬶᬲᬂᬫᬗ᭄ᬮᬶᬓ᭄ᬭᬶᬂᬧᬸᬭᬷ᭞ᬗᬾᬦ᭄ᬢᬾᬓᭀᬩᬾᬃᬳᬸᬫ᭄ᬩᬸ
ᬮᬸᬫ᭄ᬩᬸᬮ᭄᭞ᬲᬫ᭄ᬬᬦ᭄ᬲᬵᬫ᭄ᬧᬸᬦ᭄ᬫᬚᬚᬃ᭞ᬓᬤᬶᬤᬶᬮᬄ᭞ᬲᬚ᭄ᬭᭀᬦᬶᬂᬧᬸᬭᬶᬳᬕᬸᬂ᭞ᬢᬸᬳᬸᬧᬸᬭᬷᬦ᭄ᬲᬶᬭᬦᬵᬣ᭞ᬧ᭄ᬭᬪᬸᬮ᭄ᬯᬶᬄᬜᬓᬺᬯᬃᬢ᭄ᬢᬶ᭟ᬲᬶᬭᬯᬶᬮᬢᬶᬓ᭄ᬢᬦᬵᬣ᭞ᬲ᭄ᬬᬂᬤᬮᬸᬗᬚᬧ᭄ᬳᬚᬧ᭄ᬲᬂᬤᬾᬯᬶ᭞ᬲᬶᬤ᭄ᬥᬕ᭄ᬮᬶ
ᬲ᭄ᬳᬶᬤᬭᬯᬸᬄ᭞ᬓᬬᬸᬦᬾᬢᭀᬂᬲᬶᬤ᭄ᬥᬧᬲᬄ᭞ᬭᬶᬂᬲᬂᬤ᭄ᬬᬄ᭞ᬮᬶᬧᬸᬭᬂᬢᭀᬂᬲᬶᬤ᭄ᬥᬮᬶᬧᬸᬃ᭞ᬮᬮᬶᬳᬶᬤᬗᬫᭀᬂᬚᬕᬢ᭄᭞ᬚᬕᬢᬾᬢᭀᬂᬓᬧᬶᬦᭂᬳ᭄ᬳᬶᬦ᭄᭟᭐᭟ᬧᬸᬧᬸᬄᬥᬂᬥᬂᬓᬘᬭᬶ
[ ᭑᭔ 14A]
ᬢᬫᬸᬗ᭄ᬕᬄᬭᬶᬂᬩᬩᬤ᭄ᬧᬲ᭄ᬢᬶ᭞ᬤᬰᬤᬶᬦ᭄ᬢᭂᬦ᭄᭞ᬲᬲᬵᬫ᭄ᬧᬸᬦ᭄ᬜᬧ᭄ᬭᬧ᭄ᬢ᭞ᬓᬶᬧᬢᬶᬄᬫᬥᬸᬭᬯᬸᬳᬾ᭞ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬧᬜ᭄ᬚᬓ᭄ᬭᬯᬸᬄ᭞ᬲᬓᬶᬂᬤᬾᬰᬩᬸᬩᬢ᭄ᬫᬦᬗ᭄ᬓᬶᬮ᭄᭞ᬗᬯᭂᬓᬲᬂᬭᬶᬂᬲᬂᬦᬵᬣ᭞ᬯᬶᬮᬢᬶᬓ᭄ᬢᬧ᭄ᬭᬪᬸᬭᬶ
ᬳᬶᬦ᭄ᬤᬶᬓ᭄ᬧᬗᬯᬸᬳᬶᬤ᭞ᬧ᭄ᬭᬪᬸᬲᬸᬦ᭄ᬤ᭞ᬭᬶᬂᬧᬲᬶᬲᬶᬃᬫᬗ᭄ᬓᬶᬦ᭄ᬧ᭄ᬭᬧ᭄ᬢᬶ᭞ᬲᬕᬺᬳᬦ᭄ᬮᬦ᭄ᬩᬯᬸᬤᬡ᭄ᬥ᭟ᬧᬗ᭄ᬕᬶᬄᬢᬶᬢ᭄ᬬᬂᬳᬶᬤᬮᬦ᭄ᬧ᭄ᬭᬫᬾᬰ᭄ᬯᬭᬷ᭞ᬭᬤᬾᬦ᭄ᬤᬾᬯ᭄ᬬ᭞ᬲᬋᬂᬫᬗᬶᬭᬶᬗᬂ᭞ᬓᬧ᭄ᬯᬧ᭄ᬭᬲᬶᬭᬫᬗ᭄ᬓᬾ᭞ᬧᬢᬶᬄᬢᬦ᭄ᬤᬫᬦ᭄ᬢ᭄ᬭᬶᬦᭂᬫᬸᬂ᭞
ᬧ᭄ᬭᬚᬸᬭᬶᬢᬾᬓᬢᬄᬢᬶᬢᬶᬩ᭄᭞ᬲᬬᬕᬫ᭄ᬯᬢ᭄ᬲᬜ᭄ᬚᬢ᭞ᬲᬫᬶᬲᬵᬫ᭄ᬧᬸᬦ᭄ᬢᭂᬤᬸᬦ᭄᭞ᬲᬓᬶᬂᬧ᭄ᬭᬳᬸᬮᬦ᭄ᬩᬳᬶᬢ᭞ᬢᬩᭂᬄᬢᬩᭂᬳᬦ᭄᭞ᬲᬬᬕᬲᬫᬶᬘᬸᬫᬯᬶᬲ᭄᭟ᬳᬶᬭᬶᬓᬭᬶᬂᬤᬾᬰᬩᬸᬩᬢ᭄᭟ᬲᬓᬶᬂᬲ᭄ᬫᭂᬂᬧᬜ᭄ᬚᬓ᭄ᬳᬶᬫ᭄ᬧᬸᬢ᭄
ᬲᬫᬶ᭞ᬗᬫ᭄ᬩᬶᬮ᭄ᬓᬃᬬ᭄ᬬ᭞ᬫᬧᬯᬗᬸᬦ᭄ᬩᬗ᭄ᬲᬮ᭄᭞ᬲᭀᬯᬂᬲᭀᬯᬂᬗᬫᭀᬂᬕᬯᬾ᭞ᬮᬦᬂᬳᬶᬲ᭄ᬢ᭄ᬭᬶᬲᬫᬶᬕᬸᬧᬸᬄ᭞ᬯᬾᬦ᭄ᬢᭂᬦ᭄ᬲᬦᬾᬫᬋᬋᬲᬶᬓ᭄᭞ᬗᬭᬶᬲᬓᬶᬦ᭄ᬧᬓᬭᬗᬦ᭄᭞ᬫᬗ᭄ᬤᬲᬶᬤ᭄ᬥᬳᬮᬸᬲ᭄᭞ᬕ᭄ᬦᬄᬩᬗ᭄ᬲ
Kaca:Bali-lontar-gaguritan-babad-sunda-300ppi.pdf/14
Kaca puniki sampun kauji-wacén
