[ ᭑᭑ 11B]
᭑᭑
ᬦᬗ᭄ᬓᬶᬮᬦ᭄᭞ᬯᬯᬶᬮᬗᬦ᭄ᬲᬵᬫ᭄ᬧᬸᬦ᭄ᬳᬶᬕᬸᬫ᭄᭞ᬧᬜ᭄ᬚᬓᬾᬜᬤ᭄ᬬᬗᬶᬭᬶᬗᬂ᭞ᬭᬤᬾᬦ᭄ᬤᬾᬯᬶ᭞ᬓᬯᬶᬮᬢᬶᬓ᭄ᬢᬦᬵᬕᬭ᭟᭐᭟ᬧᬸᬧᬸᬄᬧᬗ᭄ᬓᬸᬃ᭟ᬧᬶᬭᬂᬤᬶᬦ᭄ᬢᭂᬦ᭄ᬢᬦ᭄ᬓᬘ᭄ᬭᬶᬢ᭞ᬲᬲᬵᬫ᭄ᬧᬸᬦᬾᬓᬶᬧᬢᬶᬄ
ᬫᬥᬸᬫᬧᬦᬶᬢ᭄᭞ᬧᬜ᭄ᬚᬓ᭄ᬲᬸᬦ᭄ᬤᬲᬫᬶᬳᬶᬫ᭄ᬧᬸᬢ᭄᭞ᬗᬢᬸᬭᬂᬳᬬᬄᬫᬓᬃᬬ᭄ᬬ᭞ᬩᭂᬓᭂᬮᬸᬗ᭄ᬚᬓᬫᬚᬧᬳᬶᬢ᭄ᬓᬯᬸᬯᬸᬲ᭄᭞ᬜᬤ᭄ᬬᬗᬶᬭᬶᬂᬲᬶᬭᬦᬵᬣ᭞ᬫᬜᬋᬗᬶᬦ᭄ᬭᬤᬾᬦ᭄ᬤᬾᬯᬶ᭟ᬓᬢᬄᬩᬳᬶᬢᬦᬾ
ᬲᬢᬓ᭄᭞ᬲᬾᬬᭀᬲ᭄ᬫᬮᬶᬄᬳᬶᬦᬸᬘᬧ᭄ᬦᬾᬯᬶᬮᬗᬶᬦ᭄᭞ᬧ᭄ᬭᬧ᭄ᬢᬓᬮᬶᬳᬾᬢᬸᬃᬧ᭄ᬭᬳᬸ᭞ᬕᬚᬄᬓᬸᬤᬧᬮᬶᬗ᭄ᬕᬶᬳᬦ᭄᭞ᬲᬮ᭄ᬯᬶᬃᬦ᭄ᬬ᭞ᬧᬶᬭᬦ᭄ᬢᬶᬦ᭄ᬲᬂᬦᬵᬣᬭᬢᬸ᭞ᬲᬫᬶᬯᬸᬲ᭄ᬢᭂᬕᭂᬲ᭄ᬲᬬᬕ᭞ᬳᬾᬩᭂᬓ᭄ᬚᭂᬚᭂᬮ᭄ᬭᬶᬂᬧᬲᬶᬲᬶᬃ᭟
ᬲᬦᬾᬫᬗ᭄ᬓᬶᬦ᭄ᬘᬭᬶᬢᬬᬂ᭞ᬲᬶᬭᬦᬵᬣᬯᬸᬲ᭄ᬧ᭄ᬭᬧ᭄ᬢᬭᬶᬂᬧᬲᬶᬲᬶᬃ᭞ᬘᬶᬳ᭄ᬦᬜ᭄ᬚᬕᬢᬾᬢᬦ᭄ᬧᬵᬢᬹᬢ᭄᭞ᬢᭀᬬᬦ᭄ᬲᬕᬭᬫᬓ᭄ᬮᬶᬬᬄ᭞ᬫᬯᬃᬡ᭄ᬦᬶᬩᬂᬧᬓ᭄ᬱᬶᬕᬕᬓ᭄ᬧᬓᬩᬸᬃᬩᬸᬃ᭞ᬲ᭄ᬯᬭᬦ᭄ᬜᬦᬾᬗᬮᬤᬮᬤ᭄
[ ᭑᭒ 12A]
ᬲᬳᬫᬗᬸᬢᬳᬂᬕ᭄ᬢᬶᬄ᭟ᬓᬤᬶᬲ᭄ᬤᬶᬄᬲ᭄ᬯᬭᬦ᭄ᬳᬶᬕᭀᬯᬓ᭄᭞ᬧᬶᬦᬓᬧᬯᬸᬗᬸᬭᬶᬂᬲᬂᬪᬸᬧᬢᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬳᬶᬤᬓᬤᬸᬭᬸᬲ᭄᭞ᬧᬘᬂᬫᬗ᭄ᬮᬦ᭄ᬢᬸᬭᬂᬮᬫ᭄ᬧᬄ᭞ᬫᬤᬹᬃᬕ᭄ᬕᬫᬧᬫᬃᬕ᭄ᬕᬶᬦ᭄ᬳᬶᬤᬲᬂᬧ᭄ᬭᬪᬸ᭞ᬲᬶᬦᬳᬶᬤᬧᬘᬂᬭᬸᬲᬓ᭄
᭞ᬭᬾᬄᬘᬶᬳ᭄ᬦᬦᬾᬦᬾᬦ᭄ᬢᭂᬦ᭄ᬩᭂᬘᬶᬓ᭄᭟ᬲᬂᬧ᭄ᬭᬪᬸᬢᬦ᭄ᬫᬗᬺᬗᬬᬂ᭞ᬭᬶᬂᬳᬶᬦ᭄ᬤᬶᬓ᭄ᬧᬭᬘᬶᬭᬶᬦ᭄ᬚᬕᬢ᭄ᬲᬫᬶ᭞ᬢ᭄ᬕᬃᬲᬵᬫ᭄ᬧᬸᬦ᭄ᬳᬶᬤᬓᬓᬬᬸᬦ᭄᭞ᬜᬤ᭄ᬬᬧᬘᬂᬫᬚᬗ᭄ᬓᭂᬧᬂ᭞ᬚᬢᬸᬓᬃᬫ᭄ᬫ᭞ᬧᬸᬢ᭄ᬭᬦ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬗᬶᬭᬶᬂᬯᬶᬮᬢᬶᬓ᭄ᬢ
ᬦᬣ᭄ᬲᬸᬩᬬᬦᬾᬲᬵᬫ᭄ᬧᬸᬦ᭄ᬧᬲ᭄ᬢᬶ᭟ᬲᬂᬦᬵᬣᬮᬦ᭄ᬩᬮᬯᬃᬕ᭄ᬕ᭞ᬫᬳᬵᬧᬢᬶᬄᬮᬦ᭄ᬢᬦ᭄ᬤᬫᬦ᭄ᬢ᭄ᬭᬶᬦᬾᬲᬫᬶ᭞ᬧᬸᬗ᭄ᬕᬯᬲᬳᬢᬸᬫᭂᬗ᭄ᬕᬸᬂ᭞ᬧ᭄ᬭᬯᬶᬭᬲᬺᬕᭂᬧ᭄ᬲᬜ᭄ᬚᬢ᭞ᬲᬵᬫ᭄ᬧᬸᬦ᭄ᬫᬸᬗ᭄ᬕᬄ᭞ᬩᬳᬶᬢᬧ᭄ᬭᬳᬸᬦᬾᬧ᭄ᬦᬸᬄ᭞ᬳᬾᬩᭂᬓ᭄ᬚᭂᬚᭂ
ᬮ᭄ᬫᬕᬶᬬᬓᬦ᭄᭞ᬲᬫᬶᬫᬗ᭄ᬕᬄᬮᬶᬬᬗᬢᬶ᭟ᬭᭀᬦ᭄ᬘᬾᬓᭀᬩᬾᬃᬮᬦ᭄ᬕᬫᭂᬮᬦ᭄᭞ᬲᬳᬧᬶᬭᬦ᭄ᬢᬶᬦᬶᬂᬳᬕᬸᬗᬾᬮ᭄ᬯᬶᬄ᭞ᬲᬶᬦᬫ᭄ᬬᬦ᭄ᬘᬸᬫᬯᬶᬲᬵᬫ᭄ᬧᬸᬦ᭄᭞ᬲᭀᬯᬂᬗᬫᭀᬗᬶᬦ᭄ᬕᬕᬶᬦᬦ᭄᭞ᬲᬵᬫ᭄ᬧᬸᬦ᭄ᬢ᭄ᬭᬕ᭄ᬬ
Kaca:Bali-lontar-gaguritan-babad-sunda-300ppi.pdf/12
Kaca puniki sampun kauji-wacén
