[᭙᭘ 98B]
᭙᭘
ᬦᭂᬩᬸᬢ᭄ᬲᬂᬤᬦᬯ᭞ᬳᬶᬂᬲᬕᬸᬂᬧ᭄ᬭᬤᬶᬧᬢᬶ᭞ᬫ᭄ᬯᬂᬭᬤ᭄ᬬᬦ᭄ᬓᬢᬶᬕ᭞ᬫᬶᬯᬄᬳᬶᬂᬬᬥᬸᬩᬮ᭞ᬳᬦᬳᬫᭂᬤᬂᬳᬗ᭄ᬕᬶᬢᬶᬓ᭄ᬯ᭄ᬦᬾᬄᬳᬦᬸᬫ᭄ᬩᬓ᭄᭞ᬲᬂᬤᬾᬢ᭄ᬬᬢᬗᬸᬫᬶᬗ᭄ᬲᬶᬃ᭚ᬮᬗ᭄ᬓᬸᬂᬲ
ᬓᬾᬂᬩ᭄ᬭᬳ᭄ᬫᬵᬢ᭄ᬬᬦᬶᬭᬓᬮᬶᬄᬜ᭞ᬗᬫᬹᬓ᭄ᬳᬗᭀᬩᬢᬩᬶᬢ᭄᭞ᬲᬶᬂᬧ᭄ᬤᭂᬓ᭄ᬕᬶᬦᬥ᭞ᬩᬶᬦᬦ᭄ᬢᬶᬂᬮ᭄ᬬᬦ᭄ᬭᬶᬦᬸᬧᬓ᭄᭞ᬘᬶᬦᬦ᭄ᬤᬓ᭄ᬗᬶᬦᬸᬓ᭄ᬢᬶᬪᬸᬓ᭄ᬢᬶ᭞ᬓᬸᬦᬧ᭄ᬧᬦᬶᬂᬯ᭄ᬯᬂ᭞ᬲᬸᬲᬸᬦ᭄ᬢᬸᬫ᭄ᬧᬂᬮ᭄ᬯᬶᬃᬕᬶᬭᬶ
᭚ᬮᭀᬂᬮᬶᬦᭀᬗᬦ᭄ᬧ᭄ᬭᬤᬶᬧᬢᬶᬯᬤ᭄ᬬᬧ᭄ᬚᬄ᭞ᬓᬂᬭᬄᬮ᭄ᬯᬶᬃᬓᬮᬶᬩᬜ᭄ᬚᬶᬃ᭞ᬧ᭄ᬭᬤᬶᬧᬢᬶᬫᬯᬄ᭞ᬬᬥᬸᬩᬮᬧ᭄ᬭᬲᬶᬫ᭞ᬓᬵᬃᬱᬦᬶᬭᬳᬸᬮᬄᬲᬩᬶᬮ᭄᭞ᬳᬸᬫᬗ᭄ᬲᬄᬳᬶᬂᬧ᭄ᬭᬂ᭞ᬫᬶᬯᬄ
ᬭᬤ᭄ᬬᬦ᭄ᬓᬢ᭄ᬭᬶᬡᬶ᭚ᬳᬫᬺᬧᬓᭂᬦ᭄ᬲᬂᬤᬦᬯᬦᭀᬭᬓᬾᬯ᭄ᬭᬦ᭄᭞ᬲᬶᬦᬸᬤᬸᬓ᭄ᬚᬶᬦᭂᬫ᭄ᬧᬭᬶᬂ᭞ᬲᬓᬶᬗᬵᬃᬱᬯᬸᬦ᭄ᬢᬢ᭄᭞ᬳᬶᬂᬓᬾᬭᬶᬫᬶᬯᬄᬓᬦᬦ᭄᭞ᬲᬜ᭄ᬚᬢᬢᬦ᭄ᬧᬫᬶᬬ
[᭙᭙ 99A]
᭙᭙
ᬢᬶ᭞ᬦᬾᬗᬵᬗ᭄ᬕᬦᬶᬭ᭞ᬲᬂᬤᬾᬢ᭄ᬬᬳᬗ᭄ᬭᬓ᭄ᬗᭂᬭᬶᬓ᭄᭚ᬧᬗᬫᬸᬓᬾᬮ᭄ᬯᬶᬃᬖᭀᬄᬳᬦᬦ᭄ᬤᬓᬩ᭄ᬭᬡᬦ᭄᭞ᬲᬕᬸᬗᬶᬂᬧ᭄ᬭᬤᬶᬧᬢᬶ᭞ᬤᬜ᭄ᬘᬶᬦᬦ᭄ᬤᬓ᭄ᬘᬦ᭄ᬤᬶᬓ᭄᭞ᬫᬓᬫ᭄ᬯᬄᬬᬥᬸᬩᬮ᭞ᬩᬶ
ᬦᬦ᭄ᬢᬶᬂᬩᬦ᭄ᬢᬶᬗᬾᬂᬲᬶᬣᬶ᭞ᬳᭂᬦ᭄ᬢᬶᬧᬮᬲ᭄ᬢ᭄ᬭ᭞ᬫᭂᬓ᭄ᬱᬶᬄᬦᬫᬸᬓᬢ᭄ᬭᬶᬡᬶ᭚ᬲᬂᬪᬭᬢᬲᬸᬫᬶᬢ᭄ᬭᬮᬦ᭄ᬰᬢ᭄ᬭᬸᬕᭂᬦ᭞ᬳᬭᬸᬓᭂᬢ᭄ᬧᬧ᭄ᬭᬂᬦᬾᬓᬶ᭞ᬕ᭄ᬬᬲᬂᬚᬬᬮᬸᬤ᭄ᬭ᭞ᬓᬢᬶᬕᬦᬾᬭᬳᬵ
ᬤ᭄ᬬᬦ᭄᭞ᬘᬶᬦᬦ᭄ᬤᬓ᭄ᬓᭂᬦᬩᬶᬦᬦ᭄ᬢᬶᬂ᭞ᬩᬦ᭄ᬢᬶᬗᬾᬂᬍᬫᬄ᭞ᬓᬢ᭄ᬭᬶᬦᬾᬳᬗᭂᬫᬲᬶ᭚ᬤᬦ᭄ᬓᬤᬸᬮᬸᬤᬾᬭᬰ᭄ᬭᬷᬭᬵᬫᬯᬶᬬᬶᬚᬬ᭞ᬲᬦᬓᬶᬭᬯᬸᬲ᭄ᬳᭂᬦ᭄ᬢᬶ᭞ᬧ᭄ᬚᬳᬾᬂᬧᬩ᭄ᬭᬢᬦ᭄᭞ᬫᬓ
ᬫ᭄ᬯᬄᬲᬂᬲᬸᬕ᭄ᬭᬶᬯ᭞ᬮᬦ᭄ᬲᬕᬸᬂᬧᬮ᭄ᬯᬕᬲᬫᬶ᭞ᬫ᭄ᬯᬄᬧ᭄ᬭᬤᬶᬧᬢ᭄ᬬ᭞ᬢᬸᬫ᭄ᬧᭂᬲ᭄ᬗᭂᬫᬲᬶᬦ᭄ᬧᬢᬶ᭚ᬮᬶᬦ᭄ᬢᬂᬳᬾᬕᬃᬲ᭄ᬯᬪᬯᬦᬾᬰ᭄ᬭᬷᬦᬭᬾᬦ᭄ᬤ᭄ᬭ᭞ᬳᬶᬂᬓᬧ᭄ᬭᬯᬶᬂᬭᬦᭂᬓᬶ᭞ᬮᬚᭂᬂ
Kaca:Bali-lontar-gaguritan-anuman-wetugangga-350ppi.pdf/99
Kaca puniki sampun kauji-wacén
