[᭘᭓ 83B]
᭘᭓
᭛᭐᭛ᬲᬂᬤᬾᬢ᭄ᬬᬲᬶᬚᬬᬮᬸᬤ᭄ᬭ᭞ᬲᬓᬭᭀᬦᬾᬓᬮᬵᬤᬸᬃᬕ᭄ᬕᬵᬦᬾᬂᬕᬶᬭᬶ᭞ᬕ᭄ᬦᬶᬓᬂᬦᬫᬦᬶᬂᬕᬸᬦᬸᬂ᭞ᬯᬸᬲ᭄ᬮᬫᬫᬗᬸᬦ᭄ᬢᬧᬵ᭞ᬮᬩ᭄ᬥᬓᬃᬬ᭄ᬬᬓᬲᬶᬦᬦ᭄ᬫᬢᬲᬓᬳ᭄ᬬᬸ
ᬦ᭄᭞ᬫᭂᬓ᭄ᬱᬶᬄᬳᬢᭂᬗ᭄ᬕᬵᬦᬾᬂᬳᬵᬃᬕ᭄ᬕ᭞ᬧᬦ᭄ᬮᭀᬪᬾᬂᬫᬦᬄᬢᬦ᭄ᬲᬶᬧᬶ᭚ᬤᬹᬓ᭄ᬓᬵᬮᬦᬶᬭᬓᬮᬸᬄᬜ᭞ᬍᬗ᭄ᬕᬄᬫᬹᬱ᭄ᬝᬶᬦᬾᬂᬢᬸᬂᬢᬸᬂᬧᬃᬯ᭄ᬯᬢᬵᬕ᭄ᬦᬶ᭞ᬮᬚᭂᬂᬳ᭄ᬬᬂᬅᬗ᭄ᬕᬷᬭᬭᬯᬸᬄ᭞ᬮᬸᬗ᭄ᬕᬸᬄᬦᬾᬂ
ᬗᬃᬱᬦᬶᬭ᭞ᬳᬗᬦ᭄ᬤᬶᬓᬵᬳᬾᬄᬤᬾᬢ᭄ᬬᬧᬭᬦ᭄ᬕᬯᬾᬫᬸ᭞ᬮᬫᬵᬫᬶᬗ᭄ᬓᬾᬦᬾᬦᬾᬂᬳᬃᬗ᭄ᬕᬵ᭞ᬯᬸᬲ᭄ᬓᬲᬶᬦᬦ᭄ᬫᬢᬓᬮᬶᬄ᭚ᬳ᭄ᬓᬓᬶᬢᬫᭂᬓ᭄ᬱᬶᬄᬳᬸᬕ᭞ᬳᬦᬾᬂᬓᬾᬦᬾᬧᬂᬕᬄᬦᬸᬗ᭄ᬕᬸᬓᭂ
ᬦ᭄ᬕᬶᬭᬶᬦᭀᬕᬭᬦ᭄ᬢᬲᬶᬡ᭄ᬦᬮᬸᬳᬸᬃ᭞ᬤᬤ᭄ᬬᬵᬮᬲ᭄ᬧᬩᬬᭂᬫᬦ᭄᭞ᬚᭂᬂᬭᬵᬫᬦ᭄ᬢᬯᬸᬲ᭄ᬧ᭄ᬚᬄᬳᬶᬂᬭᬡᬤᬇ᭞ᬫ᭄ᬯᬄᬓᬶᬧᬢᬶᬄᬪᬸᬫᬶᬓᬮᬵ᭞ᬢᬸᬫ᭄ᬧᭂᬲ᭄ᬢ᭄ᬓᬾᬂᬯᬥ᭄ᬬᬲᬫᬶ᭚ᬧ᭄ᬭᬂᬫᭂᬂᬲᬄ
[᭘᭔ 84A]
᭘᭔
ᬰ᭄ᬭᬷᬭᬵᬫᬩᬤ᭄ᬭ᭞ᬓᬂᬚᬸᬫ᭄ᬦᭂᬂᬦᬵᬣᬾᬂᬗᬬᭀᬥ᭄ᬬᬦᭂᬕ᭄ᬭᬶ᭞ᬫᬗ᭄ᬓᬦᬪᬝᬵᬭᬵᬫᬸᬯᬸᬲ᭄᭞ᬕᬳᬶᬩ᭄ᬫᬦ᭄ᬢᬸᬓᬶᬂᬲ᭄ᬯᬃᬕ᭄ᬕ᭞ᬮᬶᬦ᭄ᬢᬂᬓᬕ᭄ᬬᬢ᭄ᬤᬾᬢ᭄ᬬᬧᬸᬢ᭄ᬭᬓᬮᬶᬄᬗ᭄ᬭᬸᬗᬸ᭞ᬲᬂᬚᬬᬮᬸᬤ᭄ᬭ
ᬳᬗᬸᬘᬧ᭄᭞ᬳᬾᬄᬲᬂᬓᬮᬵᬤᬸᬃᬕ᭄ᬕᬬᬬᬶ᭚ᬮᬳ᭄ᬬᬧᬥᬳᬸᬫᬦ᭄ᬢᬸᬓᬵ᭞ᬳᬦ᭄ᬤᬶᬓᬦᬾᬲᬂᬳ᭄ᬬᬂᬅᬗ᭄ᬕᬷᬭᬳᬶᬓᬶ᭞ᬦᬵᬕᬭᬦ᭄ᬢᬩ᭄ᬭᬱ᭄ᬝᬮᬸᬳᬸᬃ᭞ᬚᭃᬂᬭᬵᬫᬲᬫ᭄ᬧᬸᬦ᭄ᬮᬾᬡᬵ᭞ᬓ᭄ᬬᬦᬧ
ᬢᬶᬄᬫ᭄ᬯᬂᬲᬕᬸᬗᬶᬂᬯᬤ᭄ᬬᬤᬶᬬᬸ᭞ᬢᬸᬫᭀᬯᭂᬲ᭄ᬧ᭄ᬭᬲᬫ᭄ᬬᬧᬮᬲ᭄ᬢ᭄ᬭ᭞ᬧᬶᬦᭂᬚᬳᬶᬂᬫᬦᬸᬂᬱᬾᬓᬶ᭚ᬗᬭᬦ᭄ᬭᬵᬫᬯᬷᬚᬬᬾᬦ᭄ᬤ᭄ᬭ᭞ᬦᬾᬂᬗᬬᭀᬤ᭄ᬬᬮᬳ᭄ᬬᬳᬗᬧᬵᬬᬬᬶ᭞ᬲᬂᬓᬮᬵᬤᬸᬃ
ᬕ᭄ᬖᬳᬸᬫᬢᬸᬃ᭞ᬬᬦ᭄ᬲᬯᬯᬶᬢᬸᬃᬳᬫ᭄ᬩ᭞ᬢᬦ᭄ᬧᬓᭂᬃᬬ᭄ᬬᬫᬦ᭄ᬢᬸᬓ᭄ᬫᬭᬂᬮᭀᬓᬕᬸᬦᬸᬂ᭞ᬕᭂᬫ᭄ᬧᬸᬋᬦ᭄ᬳᬸᬕᬬᭀᬥ᭄ᬬ᭞ᬩ᭄ᬭᬱ᭄ᬝᬵᬚᬸᬃᬢᬸᬫᭀᬧᬸᬭᬶᬂᬚᬸᬭᬶᬢ᭄᭚ᬩᭀᬢᭂᬦ᭄ᬓᭀᬗ᭄ᬲᬶᬬᬲᬤᬶ
Kaca:Bali-lontar-gaguritan-anuman-wetugangga-350ppi.pdf/84
Kaca puniki sampun kauji-wacén
