Kaca:Bali-lontar-gaguritan-anuman-wetugangga-350ppi.pdf/80

Saking Wikisource
Kaca puniki sampun kauji-wacén

[᭗᭙ 79B]
᭗᭙
ᬚᬳᬬᬢ᭄᭞ᬕᬅᬦᬸᬮᬶᬓᬳᬾᬓ᭄ᬱᬶ᭞ᬤᬾᬦᬾᬲᬂᬰᬷᬖ᭄ᬭᬶᬯ᭞ᬦᬶᬬᬸᬧ᭄ᬲᬓᬶᬂᬕᬕᬡ᭞ᬲᬶᬦᬺᬧᭂᬓᬦ᭄ᬲᬂᬤᬾᬢ᭄ᬬᬵᬚᬶ᭞ᬰ᭄ᬭᬷᬭᬵᬫᬩᬤ᭄ᬭ᭞ᬯᬸᬲ᭄ᬫᬸᬗ᭄ᬕ᭄ᬯᬾᬂᬚᭂᬫᬡᬵᬥᬶ᭚ᬓ
ᬢᬶᬗ᭄ᬳᬮᬦ᭄ᬢᬲᬶᬭᬧ᭄ᬭᬪᬸᬓᬶᬲ᭄ᬓᬶᬡ᭄ᬥ᭞ᬫᬺᬧᬓᭂᬦ᭄ᬲᬸᬦᬂᬬᭂᬓ᭄ᬱᬶ᭞ᬕ᭄ᬬᬰ᭄ᬭᬷᬭᬵᬫᬩᬤ᭄ᬭ᭞ᬢ᭄ᬤᬓ᭄ᬱᬓᬶᬂᬚᭂᬫ᭄ᬧᬡ᭞ᬲᬶᬦᬫ᭄ᬩᬸᬢ᭄‌ᬳᬱ᭄ᬝᬦᬶᬭᬾᬓᬶ᭞ᬢᬲᬂᬰᬹᬕ᭄ᬭᬷᬯ᭞ᬭᬵᬫᬯᬶᬚ
ᬬᬳᬗ᭄ᬮᬶᬂ᭚ᬥᬹᬄᬳᬭᬶᬗ᭄ᬓᬸᬢᬲᬶᬭᬧ᭄ᬭᬪᬸᬓᬶᬲ᭄ᬓᬶᬡ᭄ᬥᬵ᭞ᬮᬳ᭄ᬬᬫᬸᬦ᭄ᬤᬸᬃᬲᬶᬭᬾᬓᬶ᭞ᬳ᭄ᬬᬫᬗ᭄ᬓᬾᬳᬶᬗ᭄ᬯᬂ᭞ᬳᬧ᭄ᬭᬂᬳᬫᭂᬂᬲᬄᬤᬾᬢ᭄ᬬ᭞ᬲᬸᬲᬸᬓᬦ᭄ᬲᬓᬋᬧ᭄ᬦᬾᬓᬶ᭞ᬭᬶᬂᬭᬡᬬᬵᬚ᭄ᬜᬵ᭞
ᬤᬸᬦ᭄ᬲᬂᬰᬷᬕ᭄ᬭᬷᬯᬳᬚᬶ᭚ᬫᬶᬯᬄᬲᬂᬩᬮᬶᬧᬸᬢ᭄ᬭᬫᬵᬢᬸᬃᬲᬦ᭄ᬤᬶᬓ᭞ᬰ᭄ᬭᬷᬭᬵᬫᬯᬶᬚᬬᬵᬕ᭄ᬮᬶᬲ᭄᭞ᬫᬭᬦᬶᬲᬂᬤᬾᬢ᭄ᬬ᭞ᬭᬵᬫᬚᬓᬵᬯᬷᬰᬾᬱ᭞ᬳᬦᭀᬦ᭄ᬫᭂᬓ᭄ᬱᬶᬄᬳᬫᬭᬵ
[᭘᭐ 80A]
᭘᭐
ᬦᬶ᭞ᬲᬂᬤᬾᬢ᭄ᬬᬦᬵᬣ᭞ᬳᬲ᭄ᬕᬓ᭄ᬧ᭄ᬕᬓ᭄ᬳᬗ᭄ᬮᬶᬂ᭚ᬳᬾᬄᬢᬭᬵᬫᬯᬶᬚᬬᬳᬶᬗᭀᬂᬢᬢᬜ᭞ᬫᬦᬯᬢᬫᬸᬃᬯᬶᬥᬶ᭞ᬢᬦ᭄ᬤᬶᬂᬧ᭄ᬭᬂᬮᬦᬶᬗ᭄ᬯᬂ᭞ᬫᬃᬫ᭄ᬫᬫᬸᬫᬶᬦ᭄ᬢᬰ᭄ᬭᬬ᭞ᬫᬭᬂᬲᬕᬸᬂ
ᬯᬦᬭᬵᬚᬶ᭞ᬧᬫᬶᬚᬬᬾᬧ᭄ᬭᬂᬬᬾᬂᬧ᭄ᬭᬂ᭞ᬓᬶᬢᬚᬸᬫ᭄ᬦᭂᬂᬳᬚᬶ᭚ᬮᬶᬦ᭄ᬢᬂᬦᬶᬱ᭄ᬝᬵᬧᬦ᭄‌ᬜ᭄ᬚᬮᬸᬓ᭄ᬱ᭄ᬳᭂᬓ᭄ᬢᬶᬦᬶᬂᬮᬶᬬᬦ᭄᭞ᬦᭀᬭᬫᬗ᭄ᬓᬦᬵᬩ᭄ᬘᬶᬓ᭄᭞ᬦᭂᬤ᭄ᬬᭀᬭᬶᬧ᭄ᬦᬸᬗ᭄ᬓᬸᬮ᭞ᬫᬸᬫᬭᬂᬭᬕᬦᬶᬗ᭄ᬯᬂ᭞ᬬ
ᬦ᭄ᬲᬶᬭᬯ᭄ᬤᬶᬂᬗᭂᬫᬲᬶᬦ᭄᭞ᬮᬄᬲ᭄ᬭᬳᬓᭂᬦ᭞ᬦᬓ᭄‌ᬭᬩᬶᬫᬸᬫ᭄ᬭᬶᬂᬫᬫᬶ᭚ᬳᬶᬗᭀᬂᬓᭂᬃᬬ᭄ᬬᬯᬢᭀᬗᬦ᭄ᬳᬶᬂᬚ᭄ᬭᭀᬦᬶᬂᬧᬸᬭ᭞ᬓᬶᬢᬤᬤᬶᬬᭀᬯᬓᬢᬶᬓ᭄᭞ᬓᬸᬤ᭄ᬥᬓᬤ᭄ᬬᬵᬗᬧᬵ᭞ᬫᬶᬯᬄ
ᬬᬦ᭄ᬓᬶᬢᬫᬂᬲᬄ᭞ᬯᬋᬂᬲᬕᬸᬂᬯᬦᬭᬵᬚᬶ᭞ᬳᬧ᭄ᬭᬂᬮᬦᬶᬗ᭄ᬯᬂ᭞ᬧᭂᬱ᭄ᬝᬶᬢᬸᬫ᭄ᬧᭂᬲ᭄ᬗᭂᬫᬲᬶ᭚ᬮᬶᬦ᭄ᬢᬂᬓ᭄ᬭᭀᬥᬲᬂᬧ᭄ᬭᬪᬸᬭᬵᬫᬯᬷᬚᬬ᭞ᬗᬸᬘᬧ᭄ᬲᬃᬯ᭄ᬯᬶᬦᬸᬤᬶᬗᬶ᭞ᬳᬾᬄᬩ᭄ᬮᬶᬲ᭄ᬮ