[᭗᭖ 76B]
᭗᭖
ᬮ᭄ᬯᬕ᭞ᬮᬚᭂᬂᬧᬋᬗᬫ᭄ᬩᬮᬂ᭞ᬳᬶᬂᬰᬾᬮᬵᬕᬸᬂᬕᬸᬂᬢᬦ᭄ᬲᬶᬧᬶ᭞ᬢᬶᬦᬸᬚᬸᬯᬤ᭄ᬬ᭞ᬤᬦᬸᬚᬲᬫ᭄ᬬᬓ᭄ᬦᬶ᭚ᬋᬫᭂᬓᬺᬫ᭄ᬧᬸᬄᬧ᭄ᬚᬄᬓᬧᭂᬦ᭄ᬤᭂᬫᬶᬂᬰᬾᬮ᭞ᬮ᭄ᬯᬶᬃᬳᬸᬤᬦ᭄ᬢᬶᬩᬦᬾᬓᬶ᭞
ᬯᬢᬸᬗᭂᬦᬾᬦ᭄ᬬᭂᬓ᭄ᬱᬰᬾᬱᬦ᭄ᬧ᭄ᬚᬄᬓᬩ᭄ᬭᬡᬦ᭄᭞ᬫᬮᬬᬸᬳᬯ᭄ᬭᬶᬦ᭄ᬯ᭄ᬭᬶᬦ᭄᭞ᬓᬶᬧᬢᬶᬄᬩᬤ᭄ᬭ᭞ᬗᬶᬦᬾᬦ᭄ᬳᬫ᭄ᬩᬸᬭᬸᬲ᭄᭚ᬬᬤᬸᬩᬮᬲᬫ᭄ᬬᬳᬫᭂᬦ᭄ᬢᬂᬕᬦ᭄ᬤᬾᬯ᭞ᬢᬶᬦᬸ
ᬚᬸᬬᭂᬓ᭄ᬱᬓ᭄ᬦᬶ᭞ᬯᬸᬲ᭄ᬢ᭄ᬮᬲ᭄ᬧᬮᬢ᭄ᬭᬶ᭞ᬓᬕ᭄ᬬᬢ᭄ᬭᬓ᭄ᬬᬦᬧᬢ᭄ᬬ᭞ᬪᬸᬫᬶᬓᬮᬳᬦᬶᬗ᭄ᬳᬮᬶ᭞ᬳᬶᬂᬧᬤ᭄ᬬᬦᬶᬭ᭞ᬢᬦ᭄ᬓᬦ᭄ᬢᬸᬦ᭄ᬲᬶᬚᬶᬲᬶᬚᬶ᭚ᬳᬢᬶᬕᬧᬃᬓ᭄ᬬᬦᬧᬢᬶᬄᬪᬸᬫᬶᬓ
ᬮᬵ᭞ᬮᬚᭂᬂᬳᬰ᭄ᬭᬸᬄᬫᬗᬃᬱᬶ᭞ᬗᬫᬸᬓᬶᬂᬧᬧ᭄ᬭᬗᬦ᭄᭞ᬳᬲᬶᬧ᭄ᬤᭂᬓ᭄ᬕᬶᬦᬥ᭞ᬧ᭄ᬚᬄᬳᬚᬸᬃᬯᭀᬭᬶᬂᬲᬶᬣᬶ᭞ᬓᬂᬬᬥᬸᬩᬮ᭞ᬓᬢᬄᬗᭂᬫᬲᬶᬦ᭄ᬧᬢᬶ᭚ᬓᬮᬪᬸᬫᬶᬧᬗᬫᬸᬓᬾ
[᭗᭗ 77A]
᭗᭗
ᬓᬬᬓᬶᬮᬢ᭄᭞ᬓ᭄ᬭᬸᬭᬳᬗᭀᬩ᭄ᬭᬓ᭄ᬓᬩ᭄ᬭᬶᬓ᭄᭞ᬳᬶᬓᬂᬬᬥᬸᬩᬮ᭞ᬘᬶᬦᬦ᭄ᬤᬵᬓ᭄ᬗᬶᬦᬦ᭄ᬢᬶᬗᬦ᭄᭞ᬲᬯ᭄ᬦᬾᬄᬳᬦᬪᬶᬦᬸᬓ᭄ᬢᬶ᭞ᬳᬶᬂᬓ᭄ᬬᬦᬧᬢ᭄ᬬ᭞ᬮ᭄ᬯᬶᬃᬮᬶᬫᬦ᭄ᬯᬸᬭᬸᬓᬾᬓ᭄ᬱᬶ᭚
ᬲᬃᬯ᭄ᬯᬶᬦᬶᬭᬵᬲ᭄ᬕᬓ᭄ᬗᬸᬘᬧ᭄ᬲᬸᬫ᭄ᬩᬃᬲᬸᬫ᭄ᬩᬃ᭞ᬲᬧᬓᬵᬋᬧ᭄ᬗᭂᬫᬲᬶᬦ᭄᭞ᬮᬄᬯᬯᬕᭂᬦᬶᬗ᭄ᬯᬂ᭞ᬳᬶᬓᬶᬲᬶᬪᬸᬫᬶᬓᬮ᭞ᬕᭂᬕᭂᬤᬸᬕ᭄ᬳᬶᬂᬮᭀᬓᬕᬶᬭᬶ᭞ᬢᬫ᭄ᬩᬶᬂᬥᬥᬜ᭞ᬲᬂᬓᬮᬯᬶᬰᬾ
ᬱᬵᬚᬶ᭚ᬓᬯᬶᬬᬃᬱᬳᬶᬂᬲᬕᬸᬗᬶᬂᬧ᭄ᬭᬤᬶᬧᬢ᭄ᬬ᭞ᬮᬚᭂᬂᬲᬫ᭄ᬬᬫᬗᬃᬱᬶ᭞ᬳᬸᬯᬸᬲ᭄ᬳᬯᬯᬗ᭄ᬕ᭄ᬬ᭞ᬮᬦ᭄ᬧᬢᬶᬄᬪᬸᬫᬶᬓᬮ᭞ᬭᬶᬦᭂᬩᬸᬢ᭄ᬳᬶᬂᬧ᭄ᬭᬤᬶᬧᬢᬶ᭞ᬫ᭄ᬯᬂᬧᬢᬶᬄᬩᬤ᭄ᬭ᭞
ᬓᬸᬬᭂᬗᬦ᭄ᬳᬶᬗᬚᬸᬭᬶᬢ᭄᭚ᬦᭀᬭᬓᬾᬧ᭄ᬭᬦ᭄ᬓ᭄ᬬᬦᬧᬢᬶᬪᬸᬫᬶᬓᬮᬵ᭞ᬤᬢᬦ᭄ᬓ᭄ᬦᬧᬶᬦᬶᬧᬶᬢ᭄᭞ᬤᬾᬦᬶᬂᬧ᭄ᬭᬤᬶᬧᬢ᭄ᬬ᭞ᬗ᭄ᬕᬶᬢᬶᬓ᭄ᬧᬶᬦᭂᬥᬂᬧᭂᬥᬂ᭞ᬪᬸᬫᬶᬓᬮᬵ
Kaca:Bali-lontar-gaguritan-anuman-wetugangga-350ppi.pdf/77
Kaca puniki sampun kauji-wacén
