Kaca:Bali-lontar-gaguritan-anuman-wetugangga-350ppi.pdf/72

Saking Wikisource
Kaca puniki sampun kauji-wacén

[᭗᭑ 71B]
᭗᭑
ᬢ᭄ᬬ᭞ᬳᬗᬦ᭄ᬢᭀᬲ᭄‌ᬰ᭄ᬭᬷᬪᬸᬧᬢᬶ᭚ᬲᬗᬧ᭄ᬭᬪᬸᬭᬵᬫᬯᬶᬚᬬᬳᬦᬸᬮ᭄ᬬ᭞ᬗ᭄ᬭᬵᬗ᭄ᬲᬸᬓ᭄ᬓᬧ᭄ᬭᬪᭀᬜ᭄ᬚᬸᬭᬶᬢ᭄᭞ᬫᬓᬹᬝᬵᬲᬶᬦᭀᬢ᭄ᬬ᭞ᬫᬸᬭᬩ᭄‌ᬳᬶᬂᬳᬶᬦ᭄ᬢᭂᬦ᭄ᬫᬹᬮ᭄ᬬ᭞ᬲᬯᬸᬲᬾᬳᬦᬸ
ᬮ᭄ᬬᬫᬶᬚᬶᬮ᭄᭞ᬳᬧᬬᬸᬓᭂᬫ᭄ᬩᬃ᭞ᬮᬃᬩ᭄ᬭᬳ᭄ᬫᬵᬳᬭᬶᬦᬓᬶᬢ᭄᭚ᬓᬾᬭᬶᬂᬤᬾᬦᬶᬂᬭᬦ᭄ᬢᭂᬦᬶᬭᬓᬢᬶᬕ᭞ᬫᬶᬯᬄᬲᬂᬧᬭᬋᬱᬶ᭞ᬤ᭄ᬬᬦ᭄ᬧᬸᬢ᭄ᬭᬓᬵᬮᬶᬄᬜ᭞ᬳᬢᭂᬗ᭄ᬕᬳᬶᬂᬚ᭄ᬭᭀᬧᬸᬭ᭞
ᬲᬂᬰ᭄ᬭᬷᬦᬭᬾᬦ᭄ᬤ᭄ᬭᬯᬸᬲ᭄ᬧ᭄ᬭᬧ᭄ᬢᬶ᭞ᬦᬾᬂᬧᬗᬲ᭄ᬢ᭄ᬭ᭄ᬬᬦ᭄᭞ᬚᭂᬫ᭄ᬧᬡᬋᬢ᭄ᬦᬵᬘᬯᬶᬲ᭄᭚ᬮᬶᬦ᭄ᬢᬂᬕᬯᭀᬓ᭄ᬧ᭄ᬭᬤᬶᬧᬢ᭄ᬬᬫ᭄ᬯᬂᬧᬮ᭄ᬯᬕ᭞ᬧᬢᬶᬄᬫ᭄ᬯᬄᬯᬤ᭄ᬬᬲᬫᬶ᭞ᬳᬦᭀᬦ᭄ᬕᬲ᭄ᬢᬶᬦᬶᬭ᭞ᬲᬂᬰ᭄ᬭᬷᬭᬵ
ᬫᬯᬶᬚᬬ᭞ᬢᬸᬳᬸᬲᬂᬳ᭄ᬬᬂᬅᬭᬶᬫᬹᬃᬢ᭄ᬢᬷ᭞ᬩᬤᬾᬳᬫᭂᬚᬄ᭞ᬓᬂᬰᬢ᭄ᬭᬸᬲᬸᬭᬰᭃᬓ᭄ᬢᬶ᭚ᬫᬗ᭄ᬓᬦᬳᬶᬂᬢ᭄ᬬᬲ᭄ᬜᬲᬕᬸᬂᬧ᭄ᬭᬤᬶᬧᬢ᭄ᬬ᭞ᬫᬓᬢᭂᬦ᭄‌ᬰ᭄ᬭᬷᬪᬸᬧᬢᬶ᭞ᬳᬜ᭄ᬚᬬᬾᬂᬧᬩ᭄ᬭ
[᭗᭒ 72A]
᭗᭒
ᬢᬦ᭄᭞ᬲᬫ᭄ᬬᬳᬾᬕᬃᬭᬶᬂᬦᬮᬵ᭞ᬫᬵᬢᬸᬃᬲᬳᬕᬸᬂᬯᬦᬭᬵᬚᬶ᭞ᬲᬃᬯ᭄ᬯᬶᬳᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬲᬂᬰ᭄ᬭᬷᬪᬸᬯᭀᬧᬢᬶ᭚ᬳᬫ᭄ᬩᬵᬦᭂᬤ᭄ᬬᬮᬸᬕ᭄ᬭ᭞ᬗᬫ᭄ᬩᬳᬶᬂᬕᬕᬡ᭞ᬫᬗ᭄ᬕᬸᬢ᭄ᬰ᭄ᬭᬷᬭᬵᬫᬳᬚᬶ᭞ᬲᬕᬸ
ᬗᬶᬂᬧᬮ᭄ᬯᬕᬵᬮᬚᭂᬂᬫᭂᬲᬢ᭄ᬗᬸᬫ᭄ᬩᬭ᭞ᬭᬵᬫᬯᬶᬚᬬᬫᬸᬗ᭄ᬕᬳᬶᬂ᭞ᬚᭂᬫ᭄ᬧᬡᬋᬢ᭄ᬦᬵ᭞ᬳᭀᬩᭂᬓᬶᬂᬲᭀᬲᭀᬢ᭄ᬬᬵ᭚ᬯᬤ᭄ᬬᬳᬶᬓᬂᬫᬓᬧᬗᬜ᭄ᬚᬸᬃᬮᬸᬫᬫ᭄ᬧᬄ᭞ᬓᬾᬦ᭄ᬢᭂᬃᬤᬾᬦᬾᬓᬶᬧᬢᬶᬄ
᭞ᬤ᭄ᬯᬚᬵᬯᬃᬡ᭄ᬦᬯᬃᬡ᭄ᬦ᭞ᬲᬂᬭᬦ᭄ᬢᭂᬦ᭄ᬓᬓᬢᬶᬕ᭞ᬮᬗᬶᬭᬶᬂᬲᬂᬧᬭᬋᬱᬶ᭞ᬗᬵᬃᬱᬚᭂᬫ᭄ᬧᬦ᭞ᬲᬕᬸᬗᬶᬂᬧ᭄ᬭᬤᬶᬧᬢᬶ᭚ᬫᬭᬂᬳᬸᬦ᭄ᬢᬢ᭄‌ᬚᭂᬫ᭄ᬧᬦᬦᬾᬰ᭄ᬭᬷᬦᬭᬾᬦ᭄ᬤ᭄ᬭ᭞ᬩ᭄ᬭᬂᬲᬶᬦᬂᬳᬦᭂ
ᬍᬳᬶ᭞ᬢᬾᬚᬦᬶᬂᬲᭀᬲᭀᬢ᭄ᬬ᭞ᬯᬶᬦᬸᬯᬸᬳᬶᬂᬫᬓᬹᬝᬵ᭞ᬓᬸᬫᬺᬚᭂᬧ᭄‌ᬫᬫ᭄ᬦᬸᬃᬦᬾᬓᬶ᭞ᬳᬕᭂᬩ᭄ᬬᬃᬕᭂᬩ᭄ᬬᬃ᭞ᬮ᭄ᬯᬶᬃᬲᬹᬃᬬ᭄ᬬᬢᬶᬩᬾᬂᬲᬶᬣᬶ᭚ᬲᬶᬦᭀᬗ᭄ᬕᬵᬳᬶᬂᬫᬓᬹᬝᬵᬦᬾᬰ᭄ᬭᬷᬦᬭᬾ