[᭕᭗ 57B]
᭕᭗
ᬳᬶᬂᬓᬶᬲ᭄ᬓᬶᬡ᭄ᬥᬫᬵᬢᬸᬭᬶᬂ᭞ᬲᬂᬧ᭄ᬭᬪᬸᬰᬸᬕ᭄ᬭᬷᬯ᭞ᬮᬚᭂᬂᬦᬵᬣᬾᬓᬶᬲ᭄ᬓᬶᬡ᭄ᬥᬧ᭄ᬭᬾᬦ᭄ᬢᬄᬫᬭᬂᬧᬮ᭄ᬯᬕᬵᬚᬶ᭞ᬫᬶᬯᬄᬯ᭄ᬭᬾᬩᬮ᭞ᬓ᭄ᬭᬶᬕ᭄ᬧ᭄ᬭᬲᬫ᭄ᬬᬧ᭄ᬭᬧ᭄ᬢᬶ᭚ᬯᬸᬲ᭄ᬜᬵᬓᬸᬫ᭄ᬧᬸᬕ᭄ᬲᬕᬸᬂᬯ
ᬮ᭄ᬯᬕᬵᬲᬤᬬ᭞ᬫᭂᬲᬢ᭄ᬫᬃᬕ᭄ᬕᬾᬂᬧᬶᬬᬢᬶ᭞ᬯ᭄ᬭᬾᬗᬫ᭄ᬩᬳᬾᬂᬤᬭᬢ᭄᭞ᬤᭂᬤᭂᬢ᭄ᬳᬦᬾᬂᬕᬕᬡ᭞ᬮ᭄ᬯᬶᬃᬚᬮᬥᬳᬫᭂᬫ᭄ᬯᬃᬱᬶ᭞ᬳᬶᬂᬓᬾᬄᬧᬮ᭄ᬯᬕ᭞ᬢᬦ᭄ᬓᬢᭀᬦ᭄ᬲᬳ᭄ᬬᬂᬭᬯᬷ᭚ᬮ
ᬫ᭄ᬧᬳᬶᬭᬯᬸᬲ᭄ᬢᬮᬢᬄᬳᬶᬗ᭄ᬬᭀᬥ᭄ᬬᬵ᭞ᬓᬭᬸᬗᬸᬦᬾᬂᬦᬕᬭᬷ᭞ᬰ᭄ᬯᬭᬦᬶᬂᬢᭂᬗᬭ᭞ᬳᬢ᭄ᬭᬶᬦᬶᬫ᭄ᬩᬮ᭄ᬢᬶᬦᬶᬫ᭄ᬩᬮ᭄᭞ᬮ᭄ᬯᬶᬃᬭᬶᬂᬩᬶᬦᬤᭀᬕ᭄ᬳ᭄ᬬᬂᬭᬯᬶ᭞ᬳᬕ᭄ᬮᬶᬲ᭄ᬮᬫ᭄ᬧᬄᬜ᭞ᬯᬸᬲ᭄
ᬧ᭄ᬭ᭞ᬧ᭄ᬢᬾᬂᬬᭀᬥ᭄ᬬᬧᬹᬭᬷ᭚ᬮᬚᭂᬂᬢ᭄ᬤᬓ᭄ᬜ᭄ᬚᬸᬚᬸᬕ᭄ᬫᬭᬂᬧᬗᬲ᭄ᬢ᭄ᬭ᭄ᬬᬦ᭄᭞ᬧᬶᬬᬓ᭄ᬱᬕᬸᬂᬓᬂᬦᬗ᭄ᬓᬶᬮ᭄᭞ᬲᬕᬸᬗᬶᬂᬧᬮ᭄ᬯᬕ᭞ᬮᬚᭂᬂᬲᬫ᭄ᬬᬫᬗᬵᬃᬱ᭞ᬗᬃᬱᬲᬂᬭᬦ᭄ᬢᭂᬦ᭄ᬓ
[᭕᭘ 58A]
᭕᭘
ᬢ᭄ᬭᬶᬡᬶ᭞ᬲᬕᬸᬂᬯᬦᬭ᭞ᬗᬢᬸᬃᬓᭂᬦ᭄ᬧᬗᬜ᭄ᬚᬮᬶ᭚ᬲᬂᬰᬹᬕ᭄ᬭᬶᬯᬳᬸᬫᬢᬸᬃᬳᬶᬗ᭄ᬕᬶᬄᬭᬳᬤ᭄ᬬᬦ᭄᭞ᬗᬧᬫᬃᬫ᭄ᬫᬭᬓᬵᬚᬶ᭞ᬳᬲᬂᬰ᭄ᬭᬷᬦᬭᬾᬦ᭄ᬤ᭄ᬭ᭞ᬫᬹᬱ᭄ᬡᬲᬓᬳᬶᬂᬢᬶ
ᬮᬫ᭄᭞ᬲᬂᬪᬭᬣᬳᬦᬯᬸᬭᬶ᭞ᬤᬸᬄᬲᬶᬗ᭄ᬕᬶᬄᬧᬫᬦ᭄᭞ᬫᬦᬶᬭᬤᬳᬦ᭄ᬳᬸᬦᬶᬂ᭚ᬧᬦ᭄ᬳᬶᬂᬤᬮᬸᬳᬶᬘᬮᬾᬢᬦ᭄ᬧᬯᬂᬫᬢ᭄ᬭ᭞ᬬᬦ᭄ᬫᬗ᭄ᬓᬦᬤᬾᬦᬵᬕ᭄ᬮᬶᬲ᭄᭞ᬦᭂᬤ᭄ᬬᬳᬸᬮᬵ
ᬢᭂᬦ᭞ᬳᬫ᭄ᬩᬵᬫᬵᬃᬕ᭄ᬕᬾᬕᬕᬡ᭞ᬳᬦ᭄ᬤᬶᬓᬗᬫ᭄ᬩᬳᬶᬂᬲᬶᬣᬶ᭞ᬲᬸᬫᬳᬸᬃᬮᬳ᭄ᬬ᭞ᬲᬕᬸᬂᬧᬮ᭄ᬯᬕᬲᬫᬶ᭚ᬮᬚᭂᬂᬫᭂᬲᬢ᭄ᬳᬯᭀᬃᬮᬯᬜ᭄ᬚᬮᬤᬭ᭞ᬲᬧ᭄ᬭᬋᬦᬶᬭᬾᬂᬯ᭄ᬬᬢᬶ᭞ᬳᬦ
ᬗᬮᭀᬃᬗᬾᬢᬦ᭄᭞ᬳᬦᬗᬶᬤᬸᬮ᭄ᬩᬸᬮᭀᬦ᭞ᬮᬫ᭄ᬧᬳᬶᬭᬧᬮ᭄ᬯᬮᬵᬚᬶ᭞ᬳᬗᬸᬮᬢᬦ᭄᭞ᬰ᭄ᬭᬷᬭᬵᬫᬯᬶᬚᬬᬵᬚᬶ᭚ᬩᭀᬢᭂᬦ᭄ᬯᭂᬦ᭄ᬢᭂᬦ᭄ᬓᬢ᭄ᬫᬸᬫᬭᬶᬂᬗᬫ᭄ᬩᬭ᭞ᬢᬸᬫᭂᬤᬸᬦ᭄ᬫᬭᬂ
Kaca:Bali-lontar-gaguritan-anuman-wetugangga-350ppi.pdf/58
Kaca puniki sampun kauji-wacén
