[᭕᭕ 55B]
᭕᭕
᭞ᬳᬶᬂᬕᬶᬭᬶᬮᭀᬓᬵᬦᬦ᭄ᬤᬂᬓᬮᬭᬦ᭄᭞ᬚ᭄ᬭᭀᬦᬶᬂᬓᭀᬜ᭄ᬘᬭᬧᬺᬦᬳᬾ᭞ᬥᬹᬳᬶᬗ᭄ᬕᬶᬄᬘᬢᬸᬃ᭞ᬮᭀᬓᬳᬶᬓᬂᬗ᭄ᬮᬂᬮᬂᬯᬶᬬᬢᬶ᭞ᬫᬶᬯᬄᬲᬂᬳ᭄ᬬᬂᬧᬦ᭄ᬮᬕ᭄᭞ᬇᬰ᭄ᬯᬭᬲᬤᬸ
ᬮᬸᬃ᭞ᬫᬳᬾᬰ᭄ᬯᬭᬩ᭄ᬭᬳ᭄ᬫᬵᬭᬹᬤ᭄ᬭ᭞ᬫᬳᬵᬤᬾᬯ᭞ᬫ᭄ᬯᬄᬰᬗ᭄ᬓᬭᬯᬶᬱ᭄ᬡᬍᬯᬶᬄ᭞ᬮᬵᬯᬜ᭄ᬚᬫ᭄ᬪᬸᬪᬝᬵᬭ᭚ᬫᬶᬯᬄᬲᬂᬳ᭄ᬬᬂᬅᬓᬵᬰᬧᬺᬱᬶᬯᬶ᭞ᬲᬂᬳ᭄ᬬᬂᬩᬬᬸ᭞ᬢᬸᬮᬸᬲ᭄ᬓᭂᬦ᭄ᬲᬶᬄ
ᬤᬾᬯ᭞ᬳᬶᬗ᭄ᬕᬶᬄᬫᬭᬂᬳᬫ᭄ᬩᬵᬓᬶᬬᬾ᭞ᬢᬸᬤᬸᬄᬓᭂᬦ᭄ᬩᬬᬸᬲᬸᬦᬸ᭞ᬳᬗᬸᬮᬢᬶᬳᬫ᭄ᬩᬫᬭᬶᬓᬶ᭞ᬫ᭄ᬯᬂᬲᬕᬸᬗᬶᬂᬯᬮ᭄ᬯᬕ᭞ᬤᬶᬫᬾᬦ᭄ᬳᬕᬾᬭᬯᬸᬄ᭞ᬦ᭄ᬗᬵᬓ᭄ᬦᬓᬂᬲᬲᬲᬫ᭄ᬩᬢ᭄᭞
ᬓᬯᬸᬯᬸᬲᬦ᭄᭞ᬋᬓ᭄ᬱᬲᬵᬓᬂᬳᬾᬲ᭄ᬢ᭄ᬭᬷᬳᭀᬮᬶᬄ᭞ᬳᬦᬵᬦ᭄ᬰ᭄ᬭᬷᬭᬵᬫᬪᬤ᭄ᬭ᭚ᬦᭀᬭᬓ᭄ᬦᬤᬾᬜᬫᭂᬦ᭄ᬤᭂᬓ᭄ᬗᬸᬦ᭄ᬥᬶ᭞ᬓᬂᬓᬰ᭄ᬫᬭᬦ᭄᭞ᬫᬭᬂᬲᬂᬰ᭄ᬭᬷᬭᬵᬫ᭞ᬲᬫ᭄ᬬᬫᬸᬫᬹ
[᭕᭖ 56A]
᭕᭖
ᬚ᭄ᬬᬾᬂᬯᬶᬰ᭄ᬫᬦᬾ᭞ᬳᬓᬢᬄᬬᬜ᭄ᬘᬶᬦᬢᬸᬃ᭞ᬧᭀᬮᬳᬶᬭᬵᬫᬹᬚᬶᬓᬭᬰ᭄ᬫᬶᬦ᭄᭞ᬯᬸᬯᬸᬲᭂᬦ᭄ᬯᬤ᭄ᬬᬬᬓ᭄ᬱ᭞ᬳᬶᬂᬲ᭄ᬬᬂᬲᬧᬸᬮᬸᬄ᭞ᬬᬦ᭄ᬳᬶᬂᬤᬮᬸᬓᬵᬮᬶᬄᬤᬰ᭞ᬓᬗᬜ᭄ᬚᬕ᭞
ᬓᭀᬜ᭄ᬘᬭᬰ᭄ᬭᬷᬭᬵᬫᬳᬚᬶ᭞ᬢᬦ᭄ᬧ᭄ᬕᬢ᭄ᬫᬫᬹᬚᬶᬳ᭄ᬬᬂ᭚ᬦᭂᬗᬓ᭄ᬦᬫᬗ᭄ᬓᬾᬰ᭄ᬭᬷᬪᬸᬧᬢᬶ᭞ᬭᬵᬫᬪᬤ᭄ᬭ᭞ᬳᬦᬾᬂᬕᬶᬭᬶᬮᭀᬓ᭞ᬳᬦᬤᬂᬧᬜ᭄ᬘᬕᬢᬶᬦᬾ᭞ᬦᬾᬗᬬᭀᬥ᭄ᬬ
ᬯᬶᬦᬸᬯᬸᬲ᭄᭞ᬳᬯᬸᬭᬳᬦ᭄ᬲᬤᬕᬶᬂᬧᬸᬭᬶ᭞ᬲᬫᬹᬱ᭄ᬡᬦᬾᬦᬭᬾᬦ᭄ᬤ᭄ᬭ᭞ᬲᬄᬲᬓᬶᬂᬚᬶᬦᭂᬫ᭄ᬭᬸᬫ᭄᭞ᬳᬸᬫᬸᬂᬢᬗᬶᬲᬶᬂᬚ᭄ᬭᭀᬧᬸᬭ᭞ᬮ᭄ᬯᬶᬃᬳᬫ᭄ᬧᬸᬳᬦ᭄᭞ᬓᬵᬢᬸᬃᬫ᭄ᬭᬶᬂᬲᬂᬭᬦ᭄ᬢᭂᬦ᭄ᬓᬢ᭄ᬭᬶ᭞ᬳᬶᬂ
ᬲᬦᬓᬶᬭᬳᬶᬘᬮ᭄᭚ᬮᬶᬦ᭄ᬢᬂᬓᬕ᭄ᬬᬢ᭄ᬲᬂᬪᬭᬢᬫ᭄ᬬᬃᬱᬶ᭞ᬫ᭄ᬯᬂᬲᬸᬫᬶᬢ᭄ᬭᬓᬢᬶᬕᬰᬢ᭄ᬭᬸᬖ᭄ᬦ᭞ᬲᬂᬪᬭᬢᬳᬦᬸᬮ᭄ᬬᬵᬕᬾ᭞ᬓᬾᬜ᭄ᬘᬭᬓᬮᬸᬫᬓᬸ᭞ᬳᬗᬸᬦ᭄ᬤᬗᬶ
Kaca:Bali-lontar-gaguritan-anuman-wetugangga-350ppi.pdf/56
Kaca puniki sampun kauji-wacén
