Kaca:Bali-lontar-gaguritan-anuman-wetugangga-350ppi.pdf/54

Saking Wikisource
Kaca puniki sampun kauji-wacén

[᭕᭓ 53B]
᭕᭓
ᬧ᭄ᬭᬧ᭄ᬢᬵᬦᬾᬮᭀᬓᬕᬸᬦᬸᬂ᭞ᬳᬗᬸᬗ᭄ᬓᬸᬮᬶᬧᬲᬾᬩᬦ᭄᭞ᬪᬸᬫᬶᬓᬧᬳᬯᬲ᭄ᬤᬾᬦᬶᬭᬳᬦ᭄ᬤᬸᬮᬸ᭞ᬓᬢᭀᬦ᭄ᬢᬵᬲᬂᬰ᭄ᬭᬷᬦᬭᬾᬦ᭄ᬤ᭄ᬭ᭞ᬲᬶᬦᬶᬯ᭄ᬬᬧ᭄ᬭᬤᬦᬯᬵᬚᬶ᭚ᬓᬶᬧᬢᬶᬄᬮᬚᭃᬂ
ᬢᬸᬫ᭄ᬤᬓ᭄᭞ᬧ᭄ᬭᬧ᭄ᬢᬾᬂᬗᬵᬃᬱᬦᬶᬭᬲᬂᬰ᭄ᬭᬷᬪᬸᬧᬢᬶ᭞ᬳᬯᬲ᭄ᬤᬾᬦᬶᬭᬳᬦ᭄ᬤᬸᬮᬸ᭞ᬓᬢᭀᬦ᭄ᬓᬶᬧᬢᬶᬄᬧ᭄ᬭᬧ᭄ᬢ᭞ᬳᬫ᭄ᬩᭂᬓ᭄ᬢᬳᬵᬩᬩᬦ᭄ᬤᬦ᭄ᬧᬫᭂᬓ᭄ᬱᬶᬄᬢᬸᬭᬸ᭞ᬰ᭄ᬭᬷᬦᬭᬾᬦ᭄ᬤ᭄ᬭᬵᬰ᭄ᬭᬸᬄᬗᬦ᭄ᬤᬶᬓᬵ
᭞ᬳᬾᬄᬧᬢᬶᬄᬓᭀᬓᬶᬢᬧ᭄ᬭᬧ᭄ᬢᬶ᭚ᬪᬸᬫᬶᬓᬮᬫᬵᬢᬸᬃᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬤᬾᬯᬧᬸᬓᬸᬮᬸᬦ᭄‌ᬰ᭄ᬭᬷᬪᬸᬧᬢᬶ᭞ᬓᬢ᭄ᬓᬦ᭄‌ᬳ᭄ᬬᬸᬦᬾᬲᬂᬧ᭄ᬭᬪᬸ᭞ᬓ᭄ᬦᬲᬶᬭᬵᬫᬩᬤ᭄ᬭ᭞ᬳ᭄ᬬᬳᬶᬓᬶᬦᬵᬣ
ᬗᬬᭀᬤ᭄ᬬᬦᬵᬕᬦ᭄ᬢᬸᬦ᭄᭞ᬧ᭄ᬭᬲᬫ᭄ᬬᬕᬯᭀᬓ᭄ᬢᬸᬫᬶᬗ᭄ᬳᬮ᭄᭞ᬲᬂᬤᬾᬢ᭄ᬬᬳᬶᬂᬧᭀᬜ᭄ᬘᬦᬶᬢᬶ᭚ᬳᬶᬩᬕᬸᬲ᭄‌ᬰ᭄ᬭᬷᬭᬵᬫᬩᬤ᭄ᬭ᭞ᬫᬯᬘᬄᬬᬵᬓ᭄ᬜᬳᬃᬫᬡ᭄ᬥᬰᬰᬶ᭞ᬮ᭄ᬯᬶᬃ
[᭕᭔ 54A]
᭕᭔
ᬲᬂᬳ᭄ᬬᬂᬫᬦ᭄ᬤᬢᬵᬦᬸᬭᬸᬦ᭄᭞ᬓᬢᬄᬤᬾᬢ᭄ᬬᬯᬦᭀᬤ᭄ᬬ᭞ᬳᬦᭀᬓᭀᬤ᭄ᬢᭀᬦ᭄ᬲᬓᬶᬂᬮᬮᬾᬬᬦ᭄‌ᬳᬸᬮᬗᬸᬦ᭄᭞ᬧ᭄ᬭᬲᬫ᭄ᬬᬓᬰ᭄ᬫᬭᬦ᭄ᬢᬶᬗ᭄ᬳᬮ᭄᭞ᬫ᭄ᬭᬶᬂᬰ᭄ᬭᬷᬭᬵᬫᬯᬶ
ᬚᬬᬵᬚᬶ᭚ᬲᬂᬧ᭄ᬭᬪᬸᬓᬮᬯᬶᬰᬾᬱ᭞ᬮᬗ᭄ᬓᬸᬂᬢᬸᬱ᭄ᬝᬋᬡᬢ᭄ᬬᬲᬶᬭᬾᬓᬶ᭞ᬳᬧᬦᭀᬮᬶᬄᬫᬍᬲ᭄ᬳᬸᬓᬸᬫ᭄᭞ᬲᬂᬦᬵᬣᬳᬗᬦ᭄ᬤᬶᬓᬵ᭞ᬮᬄᬢᬧᬢᬶᬄᬳᬫᬾᬢᭂᬦ᭄ᬓᭀ
ᬜ᭄ᬘᬭᬳᬰ᭄ᬭᬸᬄ᭞ᬓᬶᬧᬢᬶᬄᬮᬚᭃᬂᬮᬸᬫᬫ᭄ᬧᬄ᭞ᬳᬗᬫᬾᬢ᭄ᬓᭀᬜ᭄ᬘᬭᬳᬕ᭄ᬮᬶᬲ᭄᭚ᬯᬸᬲ᭄ᬓᬵᬢᬸᬃᬫᬭᬶᬂᬲᬂᬦᬵᬣ᭞ᬤᬦ᭄ᬮᬶᬦᭂᬩᭀᬓ᭄ᬱᬂᬭᬵᬫᬚᬬᬵᬚᬶ᭞ᬳᬶᬂᬚ᭄ᬭᭀ
ᬦᬶᬂᬓᭀᬜ᭄ᬘᬭᬲᬵᬫ᭄ᬧᬸᬦ᭄᭞ᬍᬚᭂᬂᬳᬯᬸᬗᬸᬲᬶᬭ᭞ᬭᬵᬫᬩᬤ᭄ᬭᬳᬸᬫᬶᬬᬵᬢ᭄‌ᬓᬕ᭄ᬬᬢ᭄ᬓᬳᬗ᭄ᬓᬸᬂ᭞ᬳᬶᬂᬗ᭄ᬓᬦᬾᬚ᭄ᬭᭀᬦᬶᬂᬓᭀᬜ᭄ᬘᬭ᭞ᬢᬸᬃᬤᬾᬢ᭄ᬬᬳᬸᬕᬵᬓᬳᬾᬓ