[᭔᭕ 45B]
᭔᭕
ᬭᬶᬢ᭄᭞ᬢᬦ᭄ᬯᬦᬶᬰᬢ᭄ᬭᬸᬫᬜ᭄ᬘᬗᬄ᭞ᬳᬶᬂᬧ᭄ᬭᬂᬦᬗ᭄ᬕᬸᬮᬂᬩᬶᬩᬶᬢᬶ᭞ᬫᭂᬂᬗ᭄ᬲᬄᬓ᭄ᬭᬶᬦᬭᬧᬢᬶ᭞ᬤᬰᬵᬕ᭄ᬭᬶᬯᬲᬗ᭄ᬳᬳᬸᬮᬸᬦ᭄᭞ᬫᬦ᭄ᬤᬦᬾᬯᭀᬂᬯᬦᬶᬬ᭞ᬲᬂᬳ᭄ᬬᬂᬲᬢᬓᬺᬢᬸ
ᬗ᭄ᬕᬶᬮᬶ᭞ᬢᬦ᭄ᬯᬦ᭄ᬬᬬᬫᬸᬢ᭄ᬫ᭄ᬭᬶᬂᬲᬂᬤᬰᬵᬦᬦ᭚ᬤᬤ᭄ᬬᬦᬾᬫᬗ᭄ᬓᬾᬫᬦᬸᬂᬱ᭞ᬳᬵᬫᭂᬚᬄᬰ᭄ᬭᬷᬦᬭᬧᬢᬶ᭞ᬮᬗ᭄ᬓᬸᬂᬤᬸᬃᬰ᭄ᬰᬶᬮᬦᬶᬂᬮᬫ᭄ᬧᬄ᭞ᬢᬦ᭄ᬳᬫ᭄ᬩᭂᬓᬶᬂᬭᬢᬸᬍᬯᬶᬄ᭞ᬫᬶᬗ᭄ᬓᬾᬦᬾ
ᬦᬶᬓ᭄ᬱ᭄ᬡ᭄ᬕᬾᬂᬗᬢᬶ᭞ᬳᬶᬜᬾᬂᬳᬶᬓᬶᬳᬸᬮᬶᬄᬳᬫᬍᬲ᭄ᬳᬜ᭄ᬚᬬ᭚ᬲᬫᬗ᭄ᬓᬦᬵᬳᬸᬚᬃ
ᬳᬶᬗ᭄ᬯᬂ᭞ᬫᬭᬶᬂᬓᬶᬢᬓ᭄ᬬᬦᬧᬢᬶᬄ᭞ᬳᬗᬯᬓᬭᬱᬤᬾᬦ᭄ᬢ᭞ᬯᬭᬳᭂᬦᬶᬗᭀᬂᬲᬬᭂᬓ᭄ᬢᬶ᭞ᬧᬢᬶᬄᬫᬵᬢᬸᬃᬯᭀᬢ᭄ᬲᬵᬭᬶ᭞ᬲᬶᬗ᭄ᬕᬶᬄᬤᬾᬯᬲᬗᬳᬸᬮᬸᬦ᭄᭞ᬲᬬᭂᬓ᭄ᬢᬶᬲᬫᬗ᭄ᬓ
[᭔᭖ 46A]
᭔᭖
ᬦ᭞ᬬᭂᬢᬦ᭄ᬓ᭄ᬦᭀᬯᬬᬲᬦ᭄ᬥᬶ᭞ᬩᭀᬢᭂᬦ᭄ᬮᬾᬦᬚᭂᬂᬭᬫᬵᬦ᭄ᬤᬶᬓᬾᬂᬗᬍᬗ᭄ᬓ᭚ᬳᬶᬗ᭄ᬕᬶᬄᬲ᭄ᬯᬯᬶᬧᬵᬤᬸᬓᬾᬦ᭄ᬤ᭄ᬭ᭞ᬫᬸᬦ᭄ᬳᬩ᭄ᬓᬩ᭄ᬭᬳ᭄ᬫᬵᬢ᭄ᬬᬾᬂᬳᬢᬶ᭞ᬓᬢᬸᬮᬫᬗ᭄ᬓᬦᬳᬸᬕ᭞ᬓᬬᬬᬸ
ᬦᬾᬚᭃᬂᬦᬺᬧᬢᬶ᭞ᬳᬾᬭᬳᬫ᭄ᬩᬢᬦ᭄ᬲᬶᬧᬶ᭞ᬳᬶᬂᬲᬵᬓᬾᬚᭂᬂᬭᬵᬫᬧ᭄ᬭᬪᬸ᭞ᬫ᭄ᬯᬂᬰ᭄ᬭᬷᬓᬦ᭄ᬤ᭄ᬕᬭᬯᬦ᭞ᬰᬶᬯᬳᬾᬳᬶᬓᬶᬲᬢᬶᬢᬶᬓ᭄᭞ᬰ᭄ᬭᬷᬦᬭᬾᬦ᭄ᬤ᭄ᬭᬭᬶᬂᬍᬗ᭄ᬓᬧᬸᬭᬦᬵᬕᬭ᭚ᬢᬦᬕ᭄ᬬ
ᬗ᭄ᬮᬫ᭄ᬧᬄᬓᭂᬦ᭄ᬪᬹᬢᬵ᭞ᬳᬸᬫᬢᬸᬃᬫ᭄ᬭᬶᬂᬚᭂᬂᬩᬸᬧᬢᬶ᭞ᬳᬶᬗ᭄ᬓᬾᬦᬾᬭᬶᬂᬕᬶᬭᬶᬮᭀᬓᬵ᭞ᬧᬭᬗᬗ᭄ᬭᬾᬯᭂᬤᬶᬂᬳᬢᬶ᭞ᬚᭃᬂᬭᬫᬰ᭄ᬭᬷᬪᬸᬧᬢᬶ᭞ᬫᬮᬄᬳᬶᬂᬫᬗ᭄ᬓᬾᬯᬸᬲ᭄ᬮᬸᬢᬸᬃ᭞ᬍᬗ᭄ᬓ
ᬧᬸᬭᬦᬵᬕᬭ᭞ᬦᬸᬦ᭄ᬢᭂᬦ᭄ᬯᭂᬦ᭄ᬢᭂᬦ᭄ᬯᬃᬢ᭄ᬢᬬᭂᬓ᭄ᬢᬶ᭞ᬓᬢᬸᬃᬫᬭᬂᬚᭃᬂᬧᬵᬤᬸᬓᬰ᭄ᬭᬷᬦᬭᬾᬦ᭄ᬤ᭄ᬭ᭚ᬓᬬᬯᭀᬂᬗ᭄ᬮᬶᬦ᭄ᬢᬗᬶᬂᬢᭀᬬ᭞ᬯᬸᬲ᭄ᬗᬸᬜᬸᬢ᭄ᬳᬋᬧ᭄ᬗ᭄ᬮᬸᬕᬲᬶ᭞ᬬᬦ᭄ᬲᬸᬯᬯᬶᬢᬸᬃᬓᬳᬸ
Kaca:Bali-lontar-gaguritan-anuman-wetugangga-350ppi.pdf/46
Kaca puniki sampun kauji-wacén
