[᭔᭑ 41B]
᭔᭑
ᬭᬲᬫᬶ᭞ᬗ᭄ᬳᬶᬂᬓᬳᬸᬮᬵᬤᬾᬯ᭞ᬮᬗ᭄ᬓᬸᬗᬶᬂᬤᬺᬤ᭄ᬥᬳᬢ᭄ᬯᬂ᭞ᬲᬸᬯᬶᬢᬦ᭄ᬭᬶᬂᬚᭃᬂᬪᬸᬧᬢᬶᬯᬶᬂᬲᬧ᭄ᬢᬵᬜ᭄ᬚᬤ᭄ᬫ᭞ᬫᬗ᭄ᬤᬫᬯᭀᬗᬦ᭄ᬳᬸᬕᬶ᭚ᬫ᭄ᬭᬶᬂᬚᭃᬂᬧᬵᬤᬸᬮᬢᬸᬳᬸᬚᬢᬶᬫᬗ᭄ᬓᬦ᭞ᬳᬗ᭄ᬳᬶᬂᬤᬾ
ᬯᬩᬬᬾᬓᬶ᭞ᬢᬦ᭄ᬢ᭄ᬭᬸᬲ᭄ᬳᬲᬶᬢ᭄ᬬᬲ᭄᭞ᬳᬗᬗ᭄ᬕᬾᬬᬓᬯᬸᬮ᭞ᬧᬯᭀᬗᬦ᭄ᬯᭀᬂᬓᬯ᭄ᬮᬲ᭄ᬳᬲᬶᬄᬯᭀᬂᬲᬗ᭄ᬮᬵᬧᬧ᭞ᬯᭀᬂᬢᬦᬦᬺᬩᬾᬪᬸᬓ᭄ᬢᬶ᭚ᬓᬧᬶᬂᬭᭀᬦᬾᬳᬶᬓᬶᬤᬾᬯᬲ᭄ᬬᬦᬸᬫᬵ
ᬦ᭄᭞ᬫ᭄ᬢᬸᬕᬗ᭄ᬕᬧᭀᬢ᭄ᬭᬚᬶ᭞᭞ᬦᭀᬭᬭᭀᬭᭀᬢᬶᬕ᭞ᬳᬗᬃᬤ᭄ᬥᬶᬬᬳᬢ᭄ᬫᬚ᭞ᬧᬵᬤᬸᬓᬳᬸᬕᬳᬦ᭄ᬤᬶᬭᬶ᭞ᬫᬲᬸᬓᬶᬂᬕᬃᬪᬵ᭞ᬳ᭄ᬬᬂᬳᬦᬗ᭄ᬕᬪᬸᬧᬢᬶ᭚ᬫᬗ᭄ᬓᬾᬤᬾᬯᬦ᭄ᬲᬾᬤᭂᬧ᭄ᬳᬢ᭄ᬫ
ᬚᬦ᭄ᬤᬶᬓᬵ᭞ᬳᬦ᭄ᬤᬶᬓᬚᬢᬶᬳᬶᬓᬶ᭞ᬯᬭᬳᭂᬦ᭄ᬓᬯᬸᬮ᭞ᬫᬗ᭄ᬤᬳᬾᬫ᭄ᬩᬯ᭄ᬭᬸᬳ᭞ᬫᬭᬂᬬᬸᬦᬾᬤᬾᬯᬳᬚᬶ᭞ᬳᬶᬮᬶᬬᬦ᭄ᬮᬸᬧ᭞ᬫᬗ᭄ᬓᬦᬳᬸᬕᬳᬚᬶ᭚ᬲᬂᬫᬭᬸᬢᬶᬮᬚᭂᬂᬜ
[᭔᭒ 42A]
᭔᭒
ᬦ᭄ᬤᬓ᭄ᬦᬶᬕᬃᬓ᭄ᬓᬭ᭞ᬧᬶᬦᬗ᭄ᬓᬸᬫ᭄ᬓᬸᬮ᭄ᬲᬸᬃᬯ᭄ᬯᬶ᭞ᬳᬶᬗᬭᬶᬳᬶᬂᬰᬩ᭄ᬤ᭞ᬥᬸᬄᬳᬢ᭄ᬫᬚᬶᬯᬦᬶᬗ᭄ᬯᬂ᭞ᬤᬾᬯᬲᬂᬳ᭄ᬬᬂᬳ᭄ᬬᬂᬗᬶᬂᬭᬢᬶᬄ᭞ᬰᬹᬘᬶᬳᬵᬃᬦ᭄ᬦᬯ᭞ᬮᬸᬫᬶᬫ᭄ᬩᬓ᭄ᬚ᭄ᬭᭀᬦᬶᬂᬳᬢᬶ᭚ᬮ᭄ᬯᬶᬃᬓᬸᬫᬸᬤ᭄ᬥ
ᬓᬶᬢᬢ᭄ᬗᬳᬶᬂᬳᬃᬡ᭄ᬦᬯ᭞ᬰᬹᬘᬷᬗ᭄ᬭᬶᬂᬗ᭄ᬭᬶᬗᬶᬂᬳᬢᬶ᭞ᬮᬸᬫᭂᬬᭂᬧ᭄ᬦᬸᬭᬸᬦ᭞ᬢᬶᬩᬳᬦᬭᬶᬂᬳᭀᬯᬗ᭄ᬓ᭄ᬯᬦ᭄᭞ᬓᬓᬦ᭄ᬢᬸᬤᬾᬯᬫᬲ᭄ᬬᬾᬓᬶ᭞ᬓᬬᬯᭀᬂᬮᬭ᭞ᬫᬗ᭄ᬓᬾᬳᬫᬗ᭄ᬕᬶᬄᬚᬫ᭄ᬧᬶ᭚
ᬲᬸᬓ᭄ᬱ᭄ᬫᬲᬸᬓ᭄ᬱ᭄ᬫᬦᬶᬃᬫ᭄ᬫᬮᬲᬚ᭄ᬭᭀᬦᬶᬂᬫᬦᬄ᭞ᬫᬦᬄᬢᬦ᭄ᬯᬮᬶᬓ᭄ᬭᬸᬲᬶᬢ᭄᭞ᬯᬶᬦ᭄ᬭᬂᬦᬶᬓᬫᬶᬭᬄ᭞ᬕᬶᬕᬶᬲᬶᬦ᭄ᬢᬜᬸᬲᬸᬧᬵ᭞ᬚ᭄ᬭᭀᬦᬶᬂᬯᬺᬤ᭄ᬥᬬᬗ᭄ᬓᬸᬳᬶᬓᬶ᭞ᬧᬶᬦᬓᬫᬗ᭄ᬤ᭞ᬫᬦᬄ
ᬓᬸᬢᬦᬮᬮᬶ᭚ᬫᬭᬶᬂᬓᬶᬢᬢᬾᬓᬶᬚᬢᬶᬧᬦᭂᬗᭂᬋ᭞ᬫᬦᬯᬳᬦᬧ᭄ᬭᬧ᭄ᬢᬶ᭞ᬧᬸᬗ᭄ᬓᬸᬭᬶᬂᬲᬵᬕᬭ᭞ᬳᬦᬩᬬᬸᬫᬤᬺᬱ᭞ᬳᬗᭀᬘᬓ᭄ᬯᬾᬦᬶᬂᬚᬮᬤ᭄ᬭᬶ᭞ᬬᬳᬶᬗ᭄ᬲᬸᬦ᭄
Kaca:Bali-lontar-gaguritan-anuman-wetugangga-350ppi.pdf/42
Kaca puniki sampun kauji-wacén
