Kaca:Bali-lontar-gaguritan-anuman-wetugangga-350ppi.pdf/33

Saking Wikisource
Kaca puniki sampun kauji-wacén

[᭓᭒ 32B]
᭓᭒
ᬯᭂᬭᬦ᭄᭞ᬦᬸᬭᬸᬩᬶᬦᬸᬭᬸᬓᬳᬓ᭄ᬱᬶ᭚ᬮ᭄ᬬᬦ᭄ᬳᬫ᭄ᬩᬮᬫ᭄ᬩᬮ᭄ᬳᬤᬸᬮᬸᬃ᭞ᬓᬢᭀᬦ᭄ᬭᬶᬂᬲ᭄ᬮᬵᬲ᭄ᬮᬦᬶᬂ᭞ᬲᬾᬮᬓ᭄ᬱᬶᬮᬸᬓᬶᬂᬧᬭᬗᬦ᭄᭞ᬫᬮᬬᬸᬫ᭄ᬯᬄᬫᬜ᭄ᬚᬶᬂᬫᬶᬚᬶᬮ᭄᭞ᬭᬶᬂᬚ᭄ᬭᭀᬦᬶᬂᬩ
ᬜᬸᬓᬢᬶᬗ᭄ᬳᬮ᭄᭞ᬢᬸᬕᬗ᭄ᬕᬵᬕᬃᬚ᭄ᬚᬶᬢᬾᬂᬳᬢᬶ᭚ᬳᬦᭀᬦ᭄ᬢᭀᬦ᭄ᬓᬂᬫᬶᬡᬇᬓᬸ᭞ᬲ᭄ᬮᬾᬂᬩᬸᬭᬸᬮᬦ᭄ᬭᭀᬯᬂᬦᬾᬓᬶ᭞ᬳᬜᬶᬗ᭄ᬓᭂᬮᬸᬓ᭄ᬜᬸᬗ᭄ᬲᬂᬳᬗᭂᬤᬧ᭄᭞ᬳᬗ᭄ᬮᬮᬾᬧᬾᬃᬫᬋᬧ᭄ᬫᬵ
ᬭᬶᬂ᭞ᬳᬮᭀᬦ᭄ᬳᬦᬸᬫᬵᬦ᭄ᬢᬸᬕᬗ᭄ᬕᬵ᭞ᬢᬸᬫᬸᬭᬸᬦ᭄ᬭᬶᬂᬚ᭄ᬭᭀᬦᬶᬂᬯᬭᬶᬄ᭚ᬳᬋᬧ᭄‌ᬗᬫ᭄ᬗᬸᬮ᭄ᬫᬶᬡᬇᬓᬸ᭞ᬳᬜᬸᬫ᭄ᬧᬸᬢ᭄‌ᬚ᭄ᬭᭀᬦᬶᬂᬉᬥᬥᬶ᭞ᬫᬶᬡᬫᬮᬬᬸᬳᬜᬲᬃ᭞ᬳᬶᬂᬧ᭄ᬤᬶᬦᬶᬭ
ᬳᬶᬗᬫ᭄ᬩᬶᬮ᭄᭞ᬫᬡᬳᬸᬫᬲᬸᬓ᭄ᬭᬶᬂᬮ᭄ᬯᬂ᭞ᬳᬦᬸᬫᬵᬦ᭄ᬢᬸᬕᬗ᭄ᬕᬵᬫᬮᬶᬄ᭚ᬫᬸᬗ᭄ᬕᬄᬲᬭᬫᬭᬶᬮᬸᬳᬸᬃ᭞ᬭᬶᬂᬯᬢᬸᬳᬸᬗ᭄ᬕ᭄ᬯᬦ᭄ᬢᬵᬮᬶᬗ᭄ᬕᬶᬄ᭞ᬓᬳᭂᬩᬦᬶᬂᬧᬸᬤᬓ᭄ᬭᬗ᭄ᬓᬂ᭞ᬢᬶᬦᭂᬫ᭄ᬧᬸᬳᬶᬂᬫᬭᬸ
[᭓᭓ 33A]
᭓᭓
ᬢᬵᬭᬶᬲ᭄᭞ᬲᬸᬫᬦ᭄ᬤᬄᬫᬸᬮᬢ᭄ᬲᬫᭀᬤ᭄ᬭ᭞ᬧᬡ᭄ᬥᬮᬸᬗ᭄ᬭᬸᬭᬸᬮ᭄ᬯᬶᬃᬳᬭᬶᬧ᭄᭚ᬓᬹᬦᭂᬂᬫᬗ᭄ᬓᬾᬓᬯᬶᬦᬸᬯᬸᬲ᭄᭞ᬢᬲᬶᬭᬲᬂᬩᬬᬸᬲᬶᬯᬶ᭞ᬲᬯᬸᬲᬶᬂᬬᬚ᭄ᬜᬵᬦᬭᬾᬦ᭄ᬤ᭄ᬭ᭞ᬫᬦ᭄ᬢᬸ
ᬓ᭄ᬦᬾᬂᬫᬮᬬᬕᬶᬭᬶ᭞ᬫᬾᬗᭂᬢ᭄ᬮᬗᭃᬦᬶᬂᬲᬫᭀᬤ᭄ᬭ᭞ᬫᬲ᭄ᬓᬸᬫᬫ᭄ᬩᬂᬳᬶᬂᬚᬮᬤ᭄ᬭᬶ᭛᭐᭛ᬤᬢᬦ᭄ᬳᬾᬘᬢ᭄ᬬᬲᬶᬭᬲᬂᬫᬭᬸᬢᬶ᭞ᬦᬾᬂᬕᬶᬭᬶᬫᬮᬬ᭞ᬳᬶᬂᬫᬗ᭄ᬓᬾᬓᬵᬃ
ᬱᬦᬶᬭᬾᬓᬶ᭞ᬧ᭄ᬭᬬᬮᬸᬗ᭄ᬳᬵᬳᬮᬾᬮᬾᬤᬂ᭚ᬫ᭄ᬭᬶᬂᬲᬫᭀᬤ᭄ᬭᬮᬚᭂᬂᬫᭂᬲᬢ᭄ᬲᬂᬫᬭᬸᬢᬶ᭞ᬯᬸᬲ᭄ᬧ᭄ᬭᬧ᭄ᬢᬾᬂᬕᬕᬡ᭞ᬳᬮᭀᬦ᭄ᬮᭀᬦᬦ᭄ᬮᬫ᭄ᬧᬄᬦᬾᬓᬶ᭞ᬳᬓᬮᬗᭂᬦ
ᬦᬾᬂᬢᬯᬂ᭚ᬲᬵᬫ᭄ᬧᬸᬦᬼᬧᬲ᭄‌ᬮᬫ᭄ᬧᬳᬾᬲᬂᬩᬬᬸᬲᬶᬯᬶ᭞ᬳᬧᬦ᭄ᬤᬸᬲ᭄ᬢᬮᬵᬢᬄ᭞ᬓᬳᭀᬦ᭄ᬢᬾᬓᬦᬂᬚᬮᬤ᭄ᬭᬶ᭞ᬫᬶᬗ᭄ᬲᭀᬂᬫᬯᬦᬲᬸᬳ᭚ᬲᬃᬯ᭄ᬯᬶᬫᬵᬯᬲ᭄ᬫᬯ