Kaca:Bali-lontar-gaguritan-anuman-wetugangga-350ppi.pdf/27

Saking Wikisource
Kaca puniki sampun kauji-wacén

[᭒᭖ 26B]
᭒᭖
ᬫᬯ᭄ᬭᬸᬳᬶᬂᬦᬫ᭞ᬤᬤ᭄ᬬᬳᬶᬓᬂᬫᬶᬡᬓᬰ᭄ᬫᬭᬦ᭄ᬳᬢᬶ᭞ᬫᬭᬶᬂᬓᬳᬸᬮᬲᬢᬸᬳᬸ᭞ᬢ᭄ᬫᬳᬦ᭄ᬫᬲᬗ᭄ᬕᬫ᭞ᬳᬦᬾᬗ᭄ᬓᬦᬓᬳᬸᬮᬳᬫᬶᬦ᭄ᬢᬢᬸᬮᬸᬂ᭞ᬳᬗᬸᬮᬢᬶᬓᬋᬭᬕ᭞ᬫᬶᬡ
ᬳᬶᬓᬳᬗᬲᬸᬗᬶ᭚ᬯᬸᬲ᭄ᬓᬢᬭᬶᬫᬾᬂᬓᬳᬸᬮ᭞ᬓᬂᬰᬥᬡᬳᬫ᭄ᬩᬫᬍᬲᬵᬢ᭄ᬳᬕ᭄ᬮᬶᬲ᭄᭞ᬓᬮᬾᬗᬮᬦ᭄ᬮᬫ᭄ᬧᬄᬳᬦ᭄ᬤᬭᬸᬂ᭞ᬓᬲᬢᬦ᭄ᬭᬶᬂᬅᬫ᭄ᬩᬭ᭞ᬤᬦ᭄ᬢᬸᬫᬸᬭᬸᬦ᭄ᬓᬳᬸᬮ
ᬢᬶᬩᬜᬸ᭞ᬳᬦᬾᬂᬲᬸᬓᬸᬫᬳᬶᬥᬭ᭞ᬲᬯᬶᬲᬾᬗᬸᬫ᭄ᬳᬦᬸᬮᬶ᭚ᬫᬮᬶᬄᬫᬸᬗ᭄ᬕᬄᬫᬭᬶᬗᬵᬃᬕ᭄ᬕ᭞ᬳᬭᬃᬬ᭄ᬬᬦᬦ᭄‌ᬲᭀᬭᬶᬂᬢᬭᬸᬳᬮᬶᬗ᭄ᬕᬶᬄ᭞ᬢᬦ᭄ᬮᬫᬳᬫ᭄ᬩᬧᬸᬓᬸᬮᬸᬦ᭄᭞
ᬮᬸᬗ᭄ᬕᬸᬄᬳᬦᬭᬶᬗ᭄ᬓᬦ᭞ᬤᬤ᭄ᬬᬵᬦᬭᬓ᭄ᬱᬲᬓᬃᬯ᭄ᬯᬵᬮᬸᬂᬭᬯᬸᬄᬳᬗᬺᬩᬸᬢ᭄ᬓᬳᬸᬮᬤᬾᬯ᭞ᬳᬶᬓᬶᬓᬧᬹᬭᬕᬍᬯᬶᬄ᭚ᬳᬸᬮᬶᬄᬓᬳᬸᬮᬫᬯ᭄ᬭᬂ᭞ᬳᬦᬾᬂᬕᬶᬭᬶᬧ᭄ᬢᬄᬭᬵᬓ᭄ᬱᬲ
[᭒᭗ 27A]
᭒᭗
ᬓᬵᬮᬶᬄ᭞ᬫᬮᬶᬄᬓᬳᬸᬮᬮᬸᬫᬓᬸ᭞ᬧ᭄ᬭᬧ᭄ᬢᬭᬶᬂᬕᬶᬭᬶᬭᬶᬯᬶᬤ᭄ᬬ᭞ᬦᬾᬗ᭄ᬓᬦᬲᬬᭂᬫ᭄ᬧ᭄ᬭᬪᬫᬮᬶᬄᬓᬢ᭄ᬯ᭞ᬫᬾᬗᭂᬢ᭄ᬳᬫ᭄ᬩᬤᬸᬓᬶᬂᬓᬶᬦ᭞ᬲᬬᭂᬫ᭄ᬧ᭄ᬭᬪᬮᬶᬦ᭄ᬢᬂᬚᬳᬶᬮ᭄᭚
ᬳᬋᬳᬫ᭄ᬚᬄᬓᬳᬸᬮ᭞ᬮᬗ᭄ᬓᬸᬂᬓ᭄ᬭᬾᬤᬳᬦ᭄ᬩᬮᬚᬸᬫᬍᬲᬶ᭞ᬬᬦ᭄ᬢᬦ᭄‌ᬳ᭄ᬬᬂᬅᬗ᭄ᬕᬶᬭᬭᬯᬸᬄ᭞ᬢᬦ᭄ᬧᬯᬾᬄᬳᬫ᭄ᬚᬳᬵ᭞ᬢᬦ᭄ᬧ᭄ᬭᬶᬯᬗ᭄ᬤᬾᬧᬸᬦᬶᬲᬬᭂᬫ᭄ᬧ᭄ᬭᬪᬮᬫ᭄ᬧᬸᬲ᭄
᭞ᬲᬫᬗ᭄ᬓᬦᬳᬸᬕᬤᬾᬯ᭞ᬮᬫ᭄ᬧᬳᬾᬓᬳᬸᬮᬇᬓᬶ᭚ᬫᬾᬲᭂᬫ᭄‌ᬰ᭄ᬭᬷᬭᬵᬫᬯᬶᬚᬬ᭞ᬳᬫᬶᬬᬵᬃᬱᬳᬢᬸᬭᬾᬲᬂᬢᬶ᭞ᬫᬗ᭄ᬓᬾᬢᬲᬶᬭᬲᬂᬧ᭄ᬭᬪᬸ᭞ᬫᬦ᭄ᬤᬸᬲ᭄ᬳᭀᬮᬶᬄ
ᬤᬥᬡ᭞ᬓᬵᬃᬬ᭄ᬬᬳᬬᬸᬮᬶᬦ᭄ᬢᬂᬢᬸᬱ᭄ᬝᬋᬡᬾᬂᬓᬬᬸᬦ᭄‌ᬚᭂᬗ᭄ᬓᬃᬮᬚᭃᬂᬳᬗᬤᬢ᭄ᬯᬦ᭄᭞ᬩᬸᬩᬃᬲᬓᬾᬳᬾᬓᬂᬦᬗ᭄ᬓᬶᬮ᭄᭚ᬲᬫᬶᬫᬵᬦ᭄ᬢᬸᬓ᭄ᬱᭀᬯᬂᬲᭀᬯᬂ᭞ᬳᬧᬦ᭄ᬫᬵ