Kaca:Bali-lontar-gaguritan-anuman-wetugangga-350ppi.pdf/24

Saking Wikisource
Kaca puniki sampun kauji-wacén

[᭒᭓ 23B]
᭒᭓
᭛ᬯᭀᬦ᭄ᬢᭂᬦ᭄‌ᬘᬭᬶᬮᬫᭀᬦ᭄ᬧ᭄ᬭᬧ᭄ᬢ᭞ᬩᬬᬸᬲᬸᬢᬳᬗᬶᬦ᭄ᬫᬤᬺᬱ᭄ᬝᬦ᭄ᬲᬶᬧᬶ᭞ᬳᭀᬲᬄᬯᬶᬢᬶᬢᬭᬸᬳᬕᬸᬂ᭞ᬭ᭄ᬯᬦᬶᬂᬢᬳᭂᬦ᭄ᬳᬗ᭄ᬮᬬᬂ᭞ᬧᬶᬦᬸᬢᭂᬭᬤᬾᬦᬶᬂᬳᬗᬶᬦ᭄ᬳᬕᬸᬂᬮᬶᬮᬸᬲ᭄᭞ᬓᬾᬄ
ᬭᭀᬦ᭄ᬢᭀᬕ᭄ᬲᭂᬫ᭄ᬧᬮ᭄ᬓᬧᬺᬳᬮ᭄᭞ᬳᬭᬸᬳᬸᬦ᭄ᬭᬸᬳᬸᬦ᭄ᬗᬯ᭄ᬬᬢᬶ᭚ᬕᭂᬋᬄᬓ᭄ᬢᬸᬕ᭄ᬳᬲᭂᬮᬸᬭᬦ᭄᭞ᬳᬤᬸᬃᬳᬭᭀᬓ᭄‌ᬍᬩᬸᬫᬼᬓ᭄ᬦᬯᬸᬢᬶᬦ᭄᭞ᬬᬦ᭄ᬮᬸᬫᬫ᭄ᬧᬄᬢᬦ᭄ᬓᬤᬸᬮᬸ᭞ᬓ᭄ᬜ
ᬭᬶᬂᬲᬂᬳᬸᬂᬲᬹᬃᬬ᭄ᬬᬵ᭞ᬋᬫᬺᬫ᭄ᬓᬮᬶᬫᬸᬢᬦ᭄ᬤᬾᬦᬶᬂᬍᬩᬸᬗ᭄ᬮᬶᬯᬸᬢ᭄᭞ᬳᬯᬸᬤᭂᬭᬦ᭄ᬭᬶᬂᬗᬫ᭄ᬩᬭ᭞ᬓᭀᬗ᭄ᬰᬶᬢ᭄ᬓᬾᬂᬯᬦᬕᬶᬭᬶ᭚ᬗ᭄ᬕᬶᬮᬶᬳᬯᬸᬕᬶᬦᬯᬦ᭄ᬬ᭞ᬓᬢᭀᬦ᭄ᬓᬢ᭄ᬬᬸ
ᬧ᭄ᬤᬾᬦᬶᬂᬧᬯᬦᬕᬢᬶ᭞ᬫᬭᬂᬕ᭄ᬭᭀᬂᬲᬶᬕ᭄ᬭᭀᬗᬶᬂᬕᬸᬦᬸᬂ᭞ᬭᬶᬂᬢᬫ᭄ᬗᬶᬂᬧ᭄ᬭᬶᬗ᭄ᬕᬚᬸᬭᬂ᭞ᬲᬸᬫᬸᬭᬸᬧᬭᬶᬂᬲ᭄ᬮᬲ᭄ᬮᬦᬶᬂᬢᬭᬸ᭞ᬳᬸᬢᬸᬂᬦ᭄ᬬᬩᬸᬗ᭄ᬰᬂᬳᬗ᭄ᬲᬂ᭞ᬫᬮᬳᬸᬯᬶᬢᬦ᭄ᬤ᭄ᬭᬸᬄᬯᬭᬦᬶᬂ᭚
[᭒᭔ 24A]
᭒᭔
ᬮᬸᬩᬓ᭄ᬫᬄᬫᬄᬓᬸᬫᬭᬲᬄ᭞ᬮᬦ᭄ᬳᬶᬋᬗᬦ᭄ᬓᬶᬤᬂᬩᬭᬶᬗ᭄ᬕᬓᬜ᭄ᬘᬶᬮ᭄᭞ᬳᬦᬢᬸᬫᬸᬭᬸᬦ᭄ᬭᬶᬂᬩᬩᬸ᭞ᬓᬂᬧᬓ᭄ᬱᬶᬯᬲᬫ᭄ᬩᬸᬭᬢ᭄᭞ᬤᬾᬂᬕᬕᬡᬳᬧᬸᬬᭂᬗᬦ᭄‌ᬬᬫᬶᬦ᭄ᬥᬸᬳᬸᬃᬓ
ᬲᬶᬮᬶᬃᬤᬾᬦᬶᬂᬫᬭᬸᬢ᭞ᬳᬶᬋᬗᬦ᭄ᬳᬦᬶᬩᬾᬢᬺᬩᬶᬲ᭄᭚ᬕᬸᬫᬭᬬᬂᬳᬦᬾᬂᬚᬸᬭᬂ᭞ᬗᬮᬸᬯᬮᬸᬧ᭄‌ᬳᬗᬮᬸᬧ᭄ᬭᭀᬯᬦᬾᬓᬶ᭞ᬕᬓ᭄ᬯᬾᬄᬓᬲᬂᬲᬂᬭᬷᬮᬓᬸ᭞ᬦᬸᬭᬸᬦᬶᬂᬍᬩᬓ᭄ᬢᬸ
ᬭᬂ᭞ᬢᬦ᭄ᬤ᭄ᬭᬸᬄᬯᬯᬭᬦ᭄‌ᬮᬸᬫᬸᬦ᭄ᬪᬢ᭄ᬮᬸᬜ᭄ᬘᬢ᭄ᬫᬮᬬᬸ᭞ᬯᬶᬚᬸᬂᬓ᭄ᬦᬓᬮᬸᬜ᭄ᬘᬢᬦ᭄᭞ᬲᬶᬦᬸᬭᬸᬂᬯᬶᬦᬸᬦ᭄ᬢᭂᬮ᭄ᬫᬵᬢᬶ᭚ᬳᬧᬦ᭄ᬳᬓᬾᬄᬓᬂᬯᬭᬳᬵ᭞ᬯᬮᬬᬸᬦᬾᬓᬸᬘᬸᬧ᭄ᬲᬮᬾᬂᬮᬵ
ᬗ᭄ᬓᬸᬗᬶ᭞ᬍᬩᬸᬯᬸᬲ᭄ᬲᬸᬫ᭄ᬬᬃᬓᬤᬸᬮᬸ᭞ᬲᬶᬦᬂᬢᬾᬚᬦᬶᬜᬃᬓ᭄ᬓ᭞ᬩᬬᬸᬲᬸᬢᬵᬓᬤᬸᬮᬸᬭᬶᬂᬳᬯᬸᬦ᭄ᬳᬯᬸᬦ᭄᭞ᬢᬸᬫ᭄ᬤᬓ᭄ᬱᬓᬶᬂᬕᬕᬡ᭞ᬧ᭄ᬭᬲᬫᬫᬸᬮᬢ᭄ᬯᬶᬬᬢᬶ᭚ᬲ