Kaca:Bali-lontar-gaguritan-anuman-wetugangga-350ppi.pdf/18

Saking Wikisource
Kaca puniki sampun kauji-wacén

[᭑᭗ 17B]
᭑᭗
ᬳᬋᬧ᭄ᬧᬮᬲ᭄ᬢ᭄ᬭ᭚ᬢᬦᬸᬭᬸᬂᬲᬶᬭᬓᬮᬶᬄᬜ᭞ᬩ᭄ᬭᬱ᭄ᬝᬵᬚᬸᬃᬢᬸᬫ᭄ᬧᬸᬭᬶᬚᬸᬭᬶᬢ᭄᭞ᬲᬂᬤᬾᬢ᭄ᬬᬓᬮᬶᬄᬳᬦ᭄ᬭᬚᬂ᭞ᬯᬸᬲ᭄ᬧ᭄ᬭᬬᬢ᭄ᬦᬲᬂᬫᬭᬸᬢᬶ᭞ᬭᬶᬦᭂᬩᬸᬢ᭄ᬓᬦᬦ᭄ᬓᬾᬭᬶ᭞ᬢ
ᬦ᭄ᬓᬾᬯ᭄ᬭᬦ᭄ᬲᬂᬩᬬᬶᬲᬶᬫᬶ᭞ᬭᬫᬾᬧ᭄ᬭᬂᬢ᭄ᬗᬳᬶᬂᬯᬦ᭞ᬓᬂᬍᬩᬸᬫᬼᬓ᭄‌ᬩ᭄ᬮᬶᬧᬸᬢᬶᬦ᭄‌᭞ᬮᬶᬭᬶᬫᭀᬮᬄᬕᬶᬫ᭄ᬩᬮ᭄ᬳᬦᬶᬩᬾᬂᬩᬦ᭄ᬢᬮ᭚ᬮᬶᬡ᭄ᬥᬸᬃᬭᬶᬂᬢ᭄ᬗᬳᬶᬂᬳᬮᬲ᭄᭞ᬯᬶᬢ᭄ᬦᬶᬂᬢᬭᬸᬩᭀᬲᬄ
ᬩᬲᬶᬄ᭞ᬰᬾᬮᬵᬕᭂᬗᬕᭃᬂᬓᬧᬼᬲᬢ᭄᭞ᬓ᭄ᬭᬸᬭᬧ᭄ᬭᬪᬯᬦᬶᬂᬚᬸᬭᬶᬢ᭄᭞ᬩᬸᬭᬸᬩᬶᬦᬸᬭᬸᬓᬮᬶᬄ᭞ᬩᬦ᭄ᬢᬶᬂᬦᬦ᭄ᬢᬶᬂᬲ᭄ᬮᬾᬂᬗᬺᬗ᭄ᬕᬸᬢ᭄᭞ᬲᬂᬤᬾᬢ᭄ᬬᬲ᭄ᬕᬓ᭄ᬗᬸᬘᬧ᭄᭞ᬳᬾᬄᬩᭀ
ᬲᬾᬢ᭄ᬳᬸᬳᬸᬧ᭄ᬭᬚᬸᬭᬶᬢ᭄᭞ᬦᬗᬶᬂᬦᬶᬭᬗᭀᬂᬯᬸᬭᬸᬂᬧᬗᬦᭂᬦ᭄ᬲᬶᬭ᭚ᬲᬂᬩᬬᬸᬆᬢ᭄ᬫᬚᬵᬗᬸᬘᬧ᭄᭞ᬕᬫ᭄ᬧᬂᬢ᭄ᬫᭂᬦ᭄ᬓᬶᬢᬬᬓ᭄ᬱᬶ᭞ᬓᬵᬃᬱᬳᬫ᭄ᬪᬓ᭄ᬱᬫᬦᬶᬭ᭞ᬫᬾᬄ
[᭑᭘ 18A]
᭑᭘
ᬓᬶᬢᬓᬕᬸᬮᬂᬕᬮᬶᬂ᭞ᬫᬱ᭄ᬝᬓᬦᬶᬭᬓᬮᬶᬄ᭞ᬲᬂᬬᬓ᭄ᬱᬓᬭᭀᬓᬮᬗ᭄ᬓᬸᬂ᭞ᬓᬩ᭄ᬭᬳ᭄ᬫᬵᬦ᭄ᬢ᭄ᬬᬦᬶᬂᬦᬮᬄᬰᬭᬶᬭᬮ᭄ᬯᬶᬃᬫ᭄ᬢᬸᬕ᭄ᬦᬶ᭞ᬓᬢᬶᬕᬦ᭄ᬬᬮᬚᭂᬂᬳᬦᬫ᭄ᬩᬸᬢ᭄‌ᬯᬦ᭄ᬤᬶᬭ
᭚ᬧᬋᬂᬕᬧ᭄ᬬᬸᬓ᭄ᬓᬧᬶᬲᬦᬦ᭄᭞ᬢᬭᬸᬋᬫᭂᬓ᭄ᬯᭀᬃᬭᬶᬂᬲᬶᬱᬶ᭞ᬲᬂᬫᬭᬸᬢᬶᬦᬫ᭄ᬩᬸᬢ᭄ᬰᬾᬮ᭞ᬳᬕᭂᬗᬾᬓᬕᬶᬭᬶᬕᬶᬭᬶ᭞ᬩᬶᬦᬮᬂᬬᬓ᭄ᬱᬓᬮᬶᬄ᭞ᬓᬧᭂᬡ᭄ᬥᭂᬫᬶᬂᬰᬾᬮᬳ
ᬕᬸᬂ᭞ᬫᬍᬤᬸᬕ᭄ᬳᬸᬢᭂᬓ᭄ᬦᬾᬓᬵ᭞ᬲᬓᬭᭀᬦᬾᬯᬸᬲ᭄‌ᬗ᭄ᬫᬲᬶᬦ᭄᭞ᬳᭂᬦ᭄ᬓᬢᬸᬱ᭄ᬝᬵᬢ᭄ᬬᬲᬶᬭᬲᬂᬩ᭄ᬬ᭄ᬯᬵᬢ᭄ᬫᬚ᭚ᬮᬚᭂᬂᬫᬍᬲᬢ᭄‌ᬗ᭄ᬕᬕᬡᬵᬲᬸᬫ᭄ᬩᬃᬲᬸᬫ᭄ᬩᬃᬭᬶᬂᬯ᭄ᬬᬢᬶ᭞ᬳᭂᬦ᭄ᬤᬶ
ᬫᬮᬶᬄᬓᬂᬤᬦᬯ᭞ᬮᬄᬢᬸᬢᭂᬦ᭄ᬫᬦᬶᬭᬳᬶᬓᬶ᭞ᬦᬾᬂᬪ᭄ᬬᭀᬫᬦ᭄ᬢᬸᬭᬵᬕ᭄ᬮᬶᬲ᭄᭞ᬯᬦ᭄ᬤᬾᬭᬾᬂᬜᬾᬲᭂᬦ᭄ᬳᬘᬸᬘᬸᬄ᭞ᬓᭂᬕ᭄ᬲᬓᬤᬗᬶᬭ᭞ᬳᬦᬓ᭄ᬧᬸᬢᬸᬫᬸᬚᬮ᭄ᬯᬾᬲ᭄ᬢ᭄ᬭᬶ᭞ᬢᬦ᭄ᬧ᭄ᬭᬶᬯ