[᭑᭒᭖ 126B]
᭑᭒᭖
ᬗ᭄ᬳᬵᬮ᭄᭞ᬳᬶᬂᬳᬬᬸᬲᬂᬯᬳᬸᬧ᭄ᬭᬧ᭄ᬢᬶ᭞ᬧᬶᬬᬓ᭄ᬱᬕᬸᬂᬓᬂᬗᬲᬾᬩ᭞ᬕᬃᬓ᭄ᬓᬭᬮᬸᬫᬫ᭄ᬧᬄᬳᬮᭀᬦ᭄᭞ᬫᬸᬗ᭄ᬕᬄᬫᬭᬶᬂᬧᬗᬲ᭄ᬢ᭄ᬭ᭄ᬬᬦ᭄᭞ᬮᬫ᭄ᬧᬳᬾᬫᬕᬫ᭄ᬧᬭᬦ᭄᭞ᬫᭀ
ᬮᬄᬫᭂᬫ᭄ᬩᬢ᭄ᬳᬱ᭄ᬝᬦᬶᬧᬸᬦ᭄᭞ᬮ᭄ᬯᬶᬃᬧᬥᬧᬓᬧᬯᬦᬦ᭄᭚ᬜ᭄ᬚᬸᬚᬸᬕ᭄ᬫ᭄ᬭᬶᬂᬗᬃᬱᬲᬗ᭄ᬳᬵᬚᬶ᭞ᬮᬾᬗ᭄ᬲᬃᬳᬦᬸᬮ᭄ᬬᬳᬍᬗ᭄ᬕᬄ᭞ᬫᬭᬂᬬᬸᬦᬶᬭᬲᬂᬓᬢᭀᬂ᭞ᬢᬸᬕᬗ᭄ᬕᬵᬰᬶᬕ᭄ᬭ
ᬳᬦᬸᬮ᭄ᬬᬵ᭞ᬢ᭄ᬤᬓ᭄ᬱᬓᬶᬂᬯᬶᬚᭀᬳᬦ᭄᭞ᬮᬸᬗ᭄ᬕ᭄ᬯ᭄ᬯᬾᬂᬲᭀᬃᬮᬦ᭄ᬳᬶᬩᬸᬦᬶᬧᬸᬦ᭄᭞ᬓᬗ᭄ᬓᭃᬓ᭄᭞ᬰ᭄ᬭᬷᬭᬵᬫᬯᬷᬚᬬ᭚ᬳᬦᭀᬦᬶᬓᬂᬯᬢᬸᬧ᭄ᬭᬧ᭄ᬢᬶ᭞ᬤᬾᬭᬳᬦᬸᬫᬵᬦ᭄ᬢᬸᬕᬗ᭄ᬕᬵ᭞ᬢ᭄ᬤᬓ᭄ᬱ
ᬓᬶᬂᬯᬶᬚᭀᬳᬦᬾ᭞ᬲᬂᬦᬵᬣᬳᬭᬹᬫ᭄ᬗᬦ᭄ᬤᬶᬓᬵ᭞ᬲᬧᬵᬲᬶᬦ᭄ᬢᭂᬦ᭄ᬢᬲᬶᬭ᭞ᬫᬵᬦᬶᬭᬓᬮᬶᬦ᭄ᬢᬂᬢᬫ᭄ᬩᬸᬄ᭞ᬲᬓᬶᬂᬦ᭄ᬤᬶᬲᬧᬵᬪᬶᬰᬾᬓᬵ᭚ᬫ᭄ᬯᬄᬢᬧᬲᬶᬦᭂᬤ᭄ᬬᬾᬂᬭᬶᬓᬶ᭞ᬦᬶ
[᭑᭒᭗ 127A]
᭑᭒᭗
ᬕᬃᬓ᭄ᬓᬭᬮᬚᭃᬂᬦᭂᬫ᭄ᬩᬄ᭞ᬳᬸᬫᬵᬢᬸᬃᬳᬶᬗ᭄ᬕᬶᬄᬲᬂᬓᬢᭀᬂ᭞ᬳᬫ᭄ᬩᬵᬯᬱ᭄ᬝᬦᬶᬕᬃᬓ᭄ᬓᬭ᭞ᬇᬩᬸᬦᬾᬧᬸᬦ᭄ᬢᬸᬕᬗ᭄ᬕᬵ᭞ᬲᬸᬫᭂᬤ᭄ᬬᬫᭂᬤᭂᬓ᭄ᬱᬂᬧ᭄ᬭᬪᬸ᭞ᬳᬫᬶᬦ᭄ᬢᬵᬧᬸᬦ᭄ᬲᬶᬢᬸᬕᬗ᭄ᬕᬵ᭚ᬓ
ᬕ᭄ᬬᬢ᭄ᬲᬂᬰ᭄ᬭᬷᬭᬵᬫᬦᬸᬮᬶ᭞ᬳᬭᬹᬫ᭄ᬤᬾᬦᬶᬭᬗᬦ᭄ᬤᬶᬓᬵ᭞ᬮᬳ᭄ᬬᬦᬶᬦᬶᬫᬸᬗ᭄ᬕᬄᬳᬕᬾ᭞ᬫᬭᬂᬯᬶᬚᭀᬳᬦ᭄ᬢᬍᬗ᭄ᬕᬄ᭞ᬧᬋᬂᬮᬦ᭄ᬧᬸᬢ᭄ᬭᬦᬶᬭ᭞ᬕᬃᬓ᭄ᬓᬭᬵᬦᭂᬫ᭄ᬩᬄᬳᬸᬫᬢᬸᬃ᭞ᬲᬦ᭄ᬤᬶ
ᬓᬵᬫᬸᬗ᭄ᬕᬾᬂᬯᬶᬚᭀᬳᬦ᭄᭚ᬧᬋᬂᬮᬦ᭄ᬧᬸᬢ᭄ᬭᬦᬶᬭᬾᬓᬶ᭞ᬲᬸᬫᬦ᭄ᬤᬶᬂᬮᬦ᭄ᬗᬬ᭄ᬯᬵᬢ᭄ᬫᬚ᭞ᬲᬂᬦᬵᬣᬕᬸᬫᬸᬬᬸᬮᬶᬗᬾ᭞ᬮᬄᬢᬦᬶᬦᬶᬦᬶᬕᬃᬓ᭄ᬓᬭ᭞ᬬᬦ᭄ᬫᬗ᭄ᬓᬦᬲᬶᬧ᭄ᬢᬦ᭄ᬢᬵ
ᬩᬤᬾᬗᬶᬭᬶᬤ᭄ᬦᬓ᭄ᬢᬫᬵᬦ᭄ᬢᬸᬓ᭄᭞ᬜ᭄ᬘᬶᬓ᭄ᬫᬭᬂᬮᬓᬶᬦᬶᬭ᭚ᬧᬺᬦᬄᬫᬶᬦ᭄ᬢᬧᬸᬢ᭄ᬭᬦ᭄ᬢᬾᬓᬶ᭞ᬲᬫ᭄ᬬᬳᬮᬢᬄᬓᬂᬲᬾᬪ᭞ᬫ᭄ᬬ᭄ᬯᬃᬱᬮᬶᬗᬶᬭᬲᬂᬓᬢᭀᬂ᭞ᬳᬗ᭄ᬮᬶᬂᬦᬶᬤᬾᬯᬷᬕᬃ
Kaca:Bali-lontar-gaguritan-anuman-wetugangga-350ppi.pdf/127
Kaca puniki sampun kauji-wacén
