[᭑᭒᭔ 124B]
᭑᭒᭔
ᬓ᭄ᬓᬭᬓᬂᬦᬫᬶ᭚ᬓᬗᬵᬲᬸᬂᬓᬧᬹᬭᬕᬾᬓᬸ᭞ᬫᬶᬦᭀᬗ᭄ᬓᬲᬥᬦᬂᬓᬵᬃᬤ᭄ᬥᬶ᭞ᬳᬶᬬᬳᬶᬓᬶᬲᬶᬢᬸᬕᬗ᭄ᬕᬵ᭞ᬓᬂᬳᬫᭂᬚᬄᬤᬾᬢ᭄ᬬᬓᬵᬮᬶᬄ᭞ᬮᬚᭃᬂᬲᬂᬧ᭄ᬭᬪᬹᬰᬹᬕ᭄ᬭᬷᬯ᭞ᬲᬤᬸ
ᬮᬸᬃᬧᬮ᭄ᬯᬕᬲᬫᬶ᭚ᬢᬸᬕᬗ᭄ᬕᬵᬭᬶᬦᬗ᭄ᬓᬸᬮ᭄ᬭᬗ᭄ᬓᬸᬮ᭄᭞ᬧ᭄ᬭᬲᬫ᭄ᬬᬳᬾᬭᬫ᭄ᬢᬵᬦ᭄ᬲᬶᬧᬶ᭞ᬫᬭᬂᬳᬦᬸᬫᬵᬦ᭄ᬢᬸᬕᬗ᭄ᬕᬵ᭞ᬤᬾᬦᬾᬲᬶᬭᬫᭂᬓ᭄ᬱᬶᬄᬘᬶᬮᬶᬓ᭄᭞ᬫᭂᬚᬄᬤᬢ᭄ᬬᬵᬦᬾᬂ
ᬧᬧ᭄ᬭᬗᬦ᭄᭞ᬢᬸᬃᬬᭂᬓ᭄ᬱᬧ᭄ᬭᬓᭀᬰᬰᭂᬓ᭄ᬢᬶ᭚ᬧ᭄ᬭᬲᬫᬳᬦᬫᬳᬭᬹᬫ᭄᭞ᬥᬸᬄᬤᬾᬯᬢᬸᬕᬗ᭄ᬕᬵᬢᬾᬓᬶ᭞ᬳᬗᬸᬭᬶᬧ᭄ᬳᬶᬗ᭄ᬲᬸᬦ᭄ᬧ᭄ᬭᬲᬫ᭞ᬳᬗᬦ᭄ᬤᬶᬓᬵᬰ᭄ᬭᬷᬪᬸᬧᬢᬶ᭞ᬲᬯᭂᬚᬳᬾ
ᬓᬶᬢᬲᬫ᭄ᬬ᭞ᬫᬦᬶᬭᬮᬦ᭄ᬲᬶᬫᬭᬸᬢᬶ᭚ᬧ᭄ᬭᬂᬫᭂᬂᬲᬄᬋᬓ᭄ᬱᬲᬵᬳᬶᬓᬸ᭞ᬓᭀᬗ᭄ᬲᬶᬲᬸᬫᬸᬭᬸᬧ᭄ᬳ᭄ᬬᬂᬭᬯᬷ᭞ᬢᬦ᭄ᬗᬶᬱᬓ᭄ᬮᬶᬲᬶᬂᬲᬜ᭄ᬚᬢ᭞ᬬᭂᬓ᭄ᬱᬾᬓᬧ᭄ᬭᬓᭀᬱᬰᭂᬓ᭄ᬢᬶ᭞ᬬᬦ᭄ᬢᬦ᭄
[᭑᭒᭕ 125A]
᭑᭒᭕
ᬲ᭄ᬬᬵᬦᬸᬫᬵᬦ᭄ᬢᬸᬕᬗ᭄ᬕᬵ᭞ᬫᭂᬚᬄᬯᭂᬱ᭄ᬝᬶᬢᬦ᭄ᬗᭂᬫᬲᬶ᭚ᬦᬸᬦ᭄ᬢᭂᬦ᭄ᬧ᭄ᬭᬲᬫ᭄ᬬᬳᬸᬫᬢᬸᬃ᭞ᬳᬾᬲ᭄ᬢᬸᬓᬬᬮᬶᬂᬦᬺᬧᬢᬶ᭞ᬳᬶᬗ᭄ᬕᬶᬄᬲᬓᬶᬂᬓᬹᬦᬵᬓᬹᬦ᭞ᬳᬫ᭄ᬩᬵᬗᬶᬭᬶᬂᬧᬵᬤᬸᬓᬵᬚᬷ᭞ᬳ᭄ᬧ᭄ᬭᬂ
ᬳᬫᭂᬂᬲᬄᬤᬦᬹᬚ᭞ᬩᭀᬢᭂᬦ᭄ᬯᭂᬦ᭄ᬢᭂᬦ᭄ᬪᬬᬳᬶᬓᬶ᭚ᬓᬰᭂᬓ᭄ᬢᬾᬦ᭄ᬧ᭄ᬭᬓᭀᬰᬦᬶᬧᬸᬦ᭄᭞ᬰ᭄ᬭᬷᬭᬵᬫᬯᬷᬚᬬᬳᬗ᭄ᬮᬶᬂ᭞ᬬᬳᬾᬲ᭄ᬢᬸᬓᬬᭀᬚᬭᬶᬭ᭞ᬲ᭄ᬫᬡᬧᬋᬫ᭄ᬗᬕ᭄ᬦᬾᬓᬶ᭞ᬮᬚᭂᬂ
ᬩᬸᬤᬮ᭄ᬲᬓᬶᬂᬧᬧᬦ᭄᭞ᬧᬺᬦᬳᬾᬗᬲ᭄ᬫᬭᬾᬂᬚᬸᬭᬶᬢ᭄᭛᭐᭛ᬩᬸᬩᬸᬮ᭄ᬓᭂᬲᭂᬮ᭄ᬓᬂᬳᬗᬶᬭᬶᬂ᭞ᬲᬂᬧ᭄ᬭᬪᬸᬫᬵᬦ᭄ᬢᬸᬓ᭄ᬦᬾᬂᬧᬸᬭ᭞ᬧ᭄ᬭᬲᬫ᭄ᬬᬲᬸᬓᬵᬘᬶᬧ᭄ᬢᬦᬾ᭞ᬲᬕᬸᬂᬧᬮ᭄ᬯᬕᬵ
ᬲᬥᬬ᭞ᬳᬗᭂᬫ᭄ᬩᬦ᭄ᬲᬂᬢᬸᬕᬗ᭄ᬕᬵᬳᬕᬦ᭄ᬢᬶᬕᬦ᭄ᬢᬶᬲᬶᬦᬸᬦ᭄ᬤᬸᬮ᭄᭞ᬳᬸᬯᬸᬲ᭄ᬧ᭄ᬭᬧ᭄ᬢᬦᬾᬂᬧᬗᬲ᭄ᬢ᭄ᬭᬦ᭄᭚ᬯᬶᬚᭀᬳᬦ᭄ᬲᬵᬫ᭄ᬧᬸᬜ᭄ᬘᬸᬫᬯᬶᬲ᭄᭞ᬰ᭄ᬭᬷᬯᬵᬫᬯᬷᬚᬬᬵᬍᬗ᭄ᬕᬄ᭞ᬭᬦ᭄ᬢᭂᬦ᭄ᬓᬢ᭄ᬭᬶ
Kaca:Bali-lontar-gaguritan-anuman-wetugangga-350ppi.pdf/125
Kaca puniki sampun kauji-wacén
