[᭑᭑᭕ 115B]
᭑᭑᭕
ᬫᬭᬸᬢᬶ᭞ᬗᬪᭂᬓ᭄ᬢᬶᬓᬮᬶᬄᬜ᭞ᬢᬸᬕᬗ᭄ᬕᬵᬗᭀᬲᬧ᭄ᬧᬤᬵᬚᬶ᭞ᬧᬋᬂᬮᬯᬦ᭄ᬳᬶᬩᬸᬦᬶᬭ᭚ᬩᬬᬸᬲᬸᬢᬳᬫᭂᬓᬸᬮᬵᬢ᭄ᬫᬚᬦᬾᬓᬶ᭞ᬮᬗ᭄ᬓᬸᬂᬢᬸᬱ᭄ᬝᬋᬡ᭞ᬳᬦ᭄ᬤᬸᬮᬸᬧᬸᬢ᭄ᬭᬦᬾ
ᬪᭂᬓ᭄ᬢᬶ᭞ᬯ᭄ᬭᬸᬄᬫᬭᬂᬲᬢᬶᬗ᭄ᬓᬄᬧᭀᬮᬄ᭚ᬲᬂᬯᬦᬧᬸᬢ᭄ᬭᬳᬭᬹᬫ᭄ᬤᬾᬦᬶᬭᬵᬗ᭄ᬮᬶᬂ᭞ᬤᬸᬄᬅᬢ᭄ᬫᬚᬦᬶᬗ᭄ᬯᬂ᭞ᬢᬸᬕᬗ᭄ᬕᬵᬓᬶᬢᬫᬵᬲ᭄ᬓ᭄ᬯᬶᬓᬶ᭞ᬢᬸᬳ᭄ᬯᬵᬲᬶᬄᬭᬵᬫᬫᬭᬶᬂᬗ᭄ᬯᬂ᭚ᬳᬶᬓᬂᬫᬶ
ᬮᬲᭂᬤ᭄ᬬᬳᬶᬗ᭄ᬲᬸᬦ᭄ᬧ᭄ᬭᬧ᭄ᬢᬾᬂᬭᬶᬓᬶ᭞ᬳᬗᬸᬮᬢᬶᬓᬶᬢ᭞ᬳᬫᬶᬦ᭄ᬢᬢᬸᬮᬸᬗᬜ᭄ᬚᬸᬭᬶᬢ᭄᭞ᬳᬫᭂᬂᬲᬄᬢᬾᬓᬂᬤᬦᬸᬚ᭚ᬫᬸᬂᬓᬓᬮᬶᬄᬓᬮᬗ᭄ᬓᬸᬂᬧ᭄ᬭᬓᭀᬰᬰᭂᬓ᭄ᬢᬶ᭞ᬬᬦ᭄ᬩᭀᬢᭂᬦ
ᬲᬶᬭᬳᬫᭂᬚᬄᬧᬸᬦ᭄ᬤᬾᬢ᭄ᬬᬓᬵᬮᬶᬄ᭞ᬧᭂᬱ᭄ᬝᬶᬦᭀᬋᬓ᭄ᬦᬧᭂᬚᬄ᭚ᬳᬶᬗᭀᬂᬗᬶᬭᬶᬂᬚᭃᬂᬳᬶᬭᬰ᭄ᬭᬶᬭᬵᬫᬳᬚᬶ᭞ᬳᬫ᭄ᬭᬂᬧᭀᬦᬂᬬᭂᬓ᭄ᬱ᭞ᬲᬕᬸᬂᬲᬜ᭄ᬚᬢᬢᬦ᭄ᬫ᭄ᬬᬢᬶ᭞ᬳᬶᬬᬫᬵ
[᭑᭑᭖ 116A]
᭑᭑᭖
ᬭᬂᬰᬭᬶᬭᬜ᭚ᬕᬸᬂᬳᬶᬓᬂᬧᬮ᭄ᬯᬕᬵᬫ᭄ᬯᬂᬧ᭄ᬭᬤᬶᬧᬢᬶ᭞ᬧᬢᬶᬄᬬᬥᬸᬩᬮ᭞ᬮᬦ᭄ᬭᬦ᭄ᬢᭂᬦ᭄ᬳᬵᬚᬶᬓᬢ᭄ᬭᬶᬡᬶ᭞ᬢᬸᬫ᭄ᬧᭂᬲ᭄ᬧ᭄ᬚᬳᬶᬂᬧᬧ᭄ᬭᬗᬦ᭄᭚ᬲᬶᬢᬸᬕᬗ᭄ᬕᬵᬳᬸᬫᬵᬢᬸᬃᬲᬵ
ᬳᬵᬯᭀᬢ᭄ᬲᬭᬶ᭞ᬳᬶᬗ᭄ᬕᬶᬄᬳᬬ᭄ᬯᬵᬦ᭄ᬤᬶᬓᬵ᭞ᬓ᭄ᬯᬳᬶᬂᬓᬳᬸᬮᬵᬳᬗᬶᬭᬶᬂ᭞ᬳᬫᭂᬚᬄᬤᬾᬢ᭄ᬬᬓᬵᬮᬶᬄᬜ᭚ᬳᬶᬗ᭄ᬕᬶᬄᬇᬩᬸᬓᬳᬸᬮᬳᬦᭂᬤ᭄ᬬᬳᬫᬶᬢ᭄᭞ᬲᬃᬯ᭄ᬯᬶᬦ᭄ᬬᬳᬦᭂᬫ᭄ᬩᬄ᭞ᬫ
ᬗ᭄ᬕᬸᬢ᭄ᬦᬶᬕᬃᬓ᭄ᬓᬭᬳᬗ᭄ᬮᬶᬂ᭞ᬮᬳ᭄ᬬᬧᬮᬶᬗ᭄ᬕᬭᬓᬶᬢ᭚ᬲᬂᬧᬯᬦᬧᬸᬢ᭄ᬭᬳᬭᬹᬫ᭄ᬤᬾᬜᬳᬗ᭄ᬮᬶᬂ᭞ᬫᬭᬂᬕᬃᬯ᭄ᬯᬦᬶᬭ᭞ᬤᬾᬯᬧᬓᬦ᭄ᬢᬸᬦᬾᬂᬭᬶᬓᬶ᭞ᬧᬸᬦ᭄ᬢᬓᬂᬳᬫᬶᬢ᭄ᬫᬦ᭄ᬢᬸᬓᬵ᭚ᬦᬶ
ᬕᬃᬓ᭄ᬓᬢᬫᬾᬲᭂᬫ᭄ᬫᬢᬸᬃᬲᬯᭀᬢ᭄ᬲᬵᬭᬶ᭞ᬳᬶᬗ᭄ᬕᬶᬄᬤᬯᭂᬕ᭄ᬤᬾᬯ᭞ᬓᬳᬸᬮᬳᬦᭂᬤ᭄ᬬᬳᬫᬶᬢ᭄᭞ᬫᬗ᭄ᬕᬸᬢ᭄ᬲᬂᬫᬭᬸᬢᬵᬧᬸᬢ᭄ᬭ᭚ᬤ᭄ᬬᬄᬕᬃᬓ᭄ᬓᬭᬚᭂᬗ᭄ᬓᬃᬳᬦᬸᬮ᭄ᬬᬮᬸᬫᬭᬶᬲ᭄᭞
Kaca:Bali-lontar-gaguritan-anuman-wetugangga-350ppi.pdf/116
Kaca puniki sampun kauji-wacén
