Kaca:Bali-lontar-gaguritan-anging-kusuma-250ppi.pdf/97

Saking Wikisource
Kaca puniki sampun kauji-wacén

[᭙᭖ 96 B]
᭙᭖
ᬗᬧ᭄ᬢᬶ᭞ᬤᬾᬧᬸᬢᬸᬢ᭄ᬲᬫ᭄ᬪᬶᬢᬦ᭄ᬦᬶᬭ᭞ᬧ᭄ᬭᬳᬾᬦ᭄ᬥᬂᬲᬫ᭄ᬬᬳᬸᬫᬭᬶᬂ᭛ᬓᬃᬢᬶᬭᬕᬲᭀᬫᬦ᭄ᬦᬶᬧᬸᬦ᭄᭞ᬗᬶᬂᬳᬧᬶᬢ᭄ᬳᬶᬂᬓᬦᬦᬾᬓᬭᬶ᭞ᬯᭂᬦᬾᬄᬯ᭄ᬯᭀᬂᬳᬗ᭄ᬭᬢᬫᬃᬕ᭄ᬕ᭞ᬲᬸᬕᬢᬮᬶᬃᬢᭀᬬᬫᬶᬮᬶᬃ᭞ᬦᬸᬫ᭄ᬧᬸᬓ᭄ᬯᭀᬂᬳᬶᬂᬧᬶᬗ᭄ᬕᬶᬃᬫᬃᬕ᭄ᬕ᭞ᬢᬸᬳᬸᬦ᭄ᬓᬂᬲᬫᬶᬮᬸᬫᬭᬶᬲ᭄᭛ᬯᬸᬲ᭄ᬧ᭄ᬭ
ᬧ᭄ᬢᬲᭂᬗ᭄ᬓᬦ᭄ᬦᬶᬂᬕᬸᬦᬸᬂ᭞ᬗ᭄ᬮᬶᬂᬓᬸᬲᬸᬫᬢᭂᬥᬓ᭄ᬦᬸᬮᬶ᭞ᬓᬮᬯᬦ᭄ᬓᬂᬧᬭᬕᬃᬯ᭄ᬯ᭞ᬓᬃᬣᬶᬭᬕᬢᬸᬃᬳᬸᬫᬓ᭄ᬱᬶ᭞ᬫ᭄ᬭᬶᬂᬭᬤᬾᬦ᭄ᬕᭀᬦ᭄ᬥᬓᬸ᭠ᬲᬸᬫ᭞ᬧᬸᬦᬶᬓᬭᬵᬫᬦ᭄ᬢᬕᬸᬲ᭄ᬢᬶ᭛ᬲᬓ᭄ᬱᬡᬭᬳᬤᬾᬦ᭄ᬩᬕᬸᬲ᭄᭞ᬮᬦ᭄ᬭᬩᬶᬲᬸᬢᬶᬓ᭄ᬱ᭄ᬡᬯᬢᬷ᭞ᬳᬗ᭄ᬭᬗ᭄ᬓᬸᬮ᭄ᬧᬤᬦ᭄ᬦᬶᬂᬭᬵᬫ᭞ᬚ
ᬮ᭄ᬯᬾᬲ᭄ᬢ᭄ᬭᬷᬲᬫ᭄ᬬᬫᬦᬗᬶᬲ᭄᭞ᬧᬸᬢ᭄ᬭᬓᬮᬶᬄᬬᬧᬶᬦᬃᬱ᭄ᬬ᭞ᬮᬶᬂᬜᬩᬩᭀᬳᬦᬓ᭄ᬫᬫᬶ᭛ᬲᬶᬭᬧᬥᬮᬯᬦ᭄ᬦᬶᬗ᭄ᬲᬸᬦ᭄᭞ᬤᬸᬭᬸᬂᬧᬥᬳᬦ᭄ᬦᬶᬗ᭄ᬳᬮ᭄ᬮᬶ᭞ᬓᬂᬲᬶᬦᬸᬗ᭄ᬕᬶᬮ᭄ᬳᬶᬓᬸᬲᬧ᭞ᬧᬸᬢ᭄ᬭᬳᬸᬫᬢᬸᬃᬯᭀᬢ᭄ᬲᬭᬷ᭞ᬧᬸᬦᬶᬓᬯᬬᬄᬧᬤᬸᬓ᭞ᬰ᭄ᬭᬷᬫᬮᬯᬓᬂᬯᬯᬗᬶ᭛ᬯ
ᬲᬾᬳᬢ᭄ᬲᬂᬳᬾᬬᬂᬧ᭄ᬭᬪᬸ᭞ᬯᬬᬄᬲᬶᬦᬫ᭄ᬩᬸᬲᬃᬬᬵᬗ᭄ᬮᬶᬂ᭞ᬧᬸᬬᬸᬓᬸᬮᬶᬃᬩᬸᬬᬸᬢ᭄ᬳᬶᬭ᭞ᬫᬸᬕᬢᬶᬭᬸᬯᬓᬲᭂᬓ᭄ᬢᬶ᭞ᬭᬤ᭄ᬬᬦ᭄ᬢᬦ᭄ᬦ᭄ᬬᬫᬭᬂᬧᬸᬢ᭄ᬭ᭞ᬳᬶᬩᬸᬦ᭄ᬦᬶᬭᬳᬦᬾᬂᬗᭂᬦ᭄ᬥᬶ᭛ᬤᬾᬦᬾᬦᭀᬭᬦᬓᬤᬸᬮᬸ᭞ᬳᬢᬸᬃᬭᬶᬂᬚᭂᬂᬧᬸᬢ᭄ᬭᬳᬸᬫᬶ᭞ᬲᬯᭂᬕ᭄ᬧᬸᬬᭂᬂᬫᬶᬮᬤᬳᬃ᭞ᬢᬸᬫᬸ᭠
[᭙᭗ 97 A]
ᬢᬸᬃᬫᭂᬝᬵᬸᬓ᭄ᬫᬭᬶᬓᬶ᭞ᬯᬂᬯᬷᬭᬤᬾᬦ᭄ᬥᬦᬹᬃᬯᬾᬦ᭄ᬥ᭞ᬢᬸᬫᬥᬓ᭄ᬱᬓᬶᬂᬳᬶᬂᬗᬾᬲ᭄ᬢᬶ᭛ᬤ᭄ᬬᬦ᭄ᬕᭀᬦ᭄ᬥᬓᬸᬲᬸᬫᬕᬸᬧᬸᬄ᭞ᬳᬯᬦ᭄ᬭᬩᬶᬫ᭠ᬋᬧᭂᬓ᭄ᬓᬶ᭞ᬫᬦᭂᬫ᭄ᬩᬄᬫᬦᬯᬸᬧ᭄ᬧᬤ᭞ᬦᬶᬂᬲᬸᬤᬃᬫ᭄ᬫᬫᬶᬯᬄᬳᬸᬫᬶ᭞ᬦᬸᬮ᭄ᬬᬕᭂᬦ᭄ᬢᬶᬗ᭄ᬭᬗ᭄ᬓᬸᬮ᭄ᬯᬬᬄ᭞ᬫ᭄ᬬᬂᬗᬸᬗᬸᬤᬂᬳᬗᬺᬋᬫᬶᬄ᭛ᬬᬢᬲ
ᬫᬦᬯᬸᬲ᭄ᬭᬯᬸᬄ᭞ᬭᬶᬂᬗᬰ᭄ᬭᬫᬗᬃᬘ᭄ᬘᬫᬦᬶᬓ᭄᭞ᬧᬗ᭄ᬕᬶᬄᬮᬯᬦ᭄ᬲᬂᬧᬵᬡ᭄ᬥᬶᬢ᭞ᬳᬩᭂᬓ᭄ᬢᬶᬕᬕᭂᬦ᭄ᬢᬶᬕᭂᬦ᭄ᬢᬶ᭞ᬯᬸᬲ᭄ᬦ᭄ᬬᬲᬧ᭄ᬝᬵᬭᬶᬦᬾᬂ᭠ᬗᬃᬕ᭄ᬕ᭞ᬲᬂᬢᬧᬗᬦ᭄ᬥᬶᬓᬳᬭᬶᬲ᭄᭛ᬫ᭄ᬭᬶᬂᬫᬦ᭄ᬢᬸᬫᬸᬮᬶᬄᬳᬕᬸᬧᬸᬄ᭞ᬮᬕᬃᬯᬸᬦ᭄ᬓᬫᬸᬯᬄᬲᬶᬯᬶ᭞ᬲ᭄ᬭᬸᬯᭂᬓᬲ᭄ᬲᬾᬭᬵᬫᬦ᭄ᬦᬶᬭ᭞ᬳ᭠
ᬯᬶᬢ᭄ᬳᬶᬂᬩᭀᬚᬦᬵᬕᬭᬷ᭞ᬫᬸᬯᬄᬳᬶᬓᬃᬣᬦᬵᬕᬭ᭞ᬢᬦ᭄ᬦᬓᬂᬚᬸᬫᭂᬂᬦᭂᬂᬗᬚᬶᬓᬃᬱᬦ᭄ᬦᬾᬭᬵᬫᬦ᭄ᬢᬧ᭄ᬭᬪᬸ᭞ᬗ᭄ᬮᬶᬂᬓᬸᬲᬸᬫᬓᬂᬧᬶᬦ᭄ᬦᬶᬮᬶᬄ᭞ᬓᬧ᭄ᬭᬩᭀᬦ᭄ᬦᬾᬳᬾᬬᬂᬗᬶᬭ᭞ᬫᭂᬗ᭄ᬕᬵᬳᬶᬂᬩᭀᬚᬦᬵᬕᬭᬷ᭞ᬲᬶᬭᬤᬦᬹᬃᬯᬾᬦ᭄ᬥᬳᬶᬓᬂ᭞ᬫᭂᬗ᭄ᬓᬸᬳᬶᬂᬓᬃᬣᬦᬵᬕᬭᬷ
᭛ᬭᬤ᭄ᬬᬦ᭄ᬓᬮᬶᬄᬦᬸᬮ᭄ᬬᬤᬯᬸᬄ᭞ᬫ᭄ᬭᬶᬂᬯᬤ᭄ᬬᬧᬶᬦ᭄ᬭᬶᬄᬭᬸᬫᬦ᭄ᬢᬶ᭞ᬳᬶᬂᬮᬫ᭄ᬧᬄᬦ᭄ᬬᬸᬓ᭄ᬢᬶᬯᬳᬦ᭞ᬭᬤᬾᬦ᭄ᬮᬦ᭄ᬕᬃᬯ᭄ᬯᬗᬩᭂᬓ᭄ᬢᬶ᭞ᬲ᭠ᬳᬧᬸᬢ᭄ᬭᬮᬯᬦ᭄ᬯᬬᬄ᭞ᬯᬸᬲ᭄ᬩᬸᬤᬮ᭄ᬳᬶᬂᬗᬃᬘ᭄ᬘᬫᬦᬶᬓ᭄᭛ᬫᬫ᭄ᬩᬓ᭄ᬓᬶᬩᬭᬶᬲ᭄ᬧᬗᬜ᭄ᬚᬸᬃ᭞ᬓᬤᬶᬢ᭄ᬭᬸᬡᬦ᭄ᬦᬶᬂᬗᬸᬤᬤᬶ᭞ᬩᬸᬲᭂᬓ᭄ᬓᬦ᭄ᬧᬭ