[᭙᭕ 95 B]
᭙᭕
᭞ᬫᬦᬶᬓ᭄ᬳᬭᬧᬦ᭄ᬥᬫ᭄ᬲᬭᬷ᭞ᬲᬫ᭄ᬬᬢᬶᬮᬃᬧᬤᬾᬧᭀᬓ᭄ᬓᬦ᭄᭞ᬧ᭄ᬭᬧ᭄ᬢᬦ᭄ᬦᬾᬳᬯᭀᬃᬮᬦ᭄ᬳᬗᬶᬦ᭄᭞ᬲᬸᬫᬸᬲᬸᬮ᭄ᬳᬶᬂᬮᬓᬶᬦ᭄ᬦᬶᬭ᭞᭠ᬳᬜ᭄ᬚᬸᬚᬸᬕ᭄ᬳᬶᬂᬢᬶᬮᬫ᭄ᬲᬭᬶ᭛ᬓᬧᬶᬢᬲᬸᬓᬳᬶᬂᬓᬮ᭄ᬪᬸ᭞ᬭᬳᬤᬾᬦ᭄ᬫᬸᬮᬯ᭄ᬳᬶᬂᬭᬩᬶ᭞ᬧ᭄ᬭᬕᬃᬯ᭄ᬯᬲᬫᬶᬯᬶᬦᬃᬣᬦ᭄᭞ᬳᬶᬂᬧ᭄ᬭᬧ᭄ᬢᬦ᭄ᬦᬾᬭ
ᬩᬶᬓᬮᬶᬄ᭞ᬢᬦ᭄ᬓᬯᬃᬡ᭄ᬦᬮᬫᬶᬦ᭄ᬦᬶᬭ᭞ᬦᬾᬂᬩᬭᬢ᭄ᬫᬤ᭄ᬬᬦᬵᬕᬭᬷ᭛ᬤ᭄ᬬᬦ᭄ᬩᬸᬤᬮ᭄ᬲᬯᬤ᭄ᬬᬦ᭄ᬦᬶᬧᬸᬦ᭄᭞ᬕᬃᬯ᭄ᬯᬲᬤᬬᬢᬦ᭄ᬓᬭᬶ᭞ᬧᬧᬢᬶᬄᬳᬶᬂᬩᬭᬢ᭄ᬫᬤ᭄ᬬ᭞ᬮᬦ᭄ᬭᬵᬚᬧᬸᬢ᭄ᬭᬓᬓᬮᬶᬄ᭞ᬭᬤᬾᬦ᭄ᬫᬬᬂᬓᬭᬮᬯᬦ᭄᭞ᬯᬶᬚᬓᬭᬳᬶᬓᬂᬭᬬᬶᬓᬢᬶ᭠
ᬕᬲᬫ᭄ᬬᬢᬶᬦᬸᬤᬸᬄ᭞ᬤᬾᬦ᭄ᬦᬶᬭᬰ᭄ᬭᬷᬦᬭᬧ᭄ᬢᬶ᭞ᬳᬸᬫᬶᬭᬶᬂᬧᬸᬢ᭄ᬭᬾᬂᬫᬮᬯ᭞ᬩᬶᬦᭂᬓ᭄ᬢᬪᬹᬱᬡᬧᬾᬦ᭄ᬦᬶ᭞ᬫᬶᬯᬄᬭᬵᬚᬩ᭄ᬭᬡ᭠ᬓᬢᬄ᭞ᬢ᭄ᬭᬶᬦᬫ᭄ᬪᬂᬲᬶᬓᭂᬧ᭄ᬧᬶᬂᬚᬸᬭᬶᬢ᭄᭛ᬮᬫ᭄ᬧᬄᬳᬶᬂᬯᬳᬦᬲᭂᬮᬸᬃ᭞ᬢᬦ᭄ᬥᬸᬓ᭄ᬚᭂᬫ᭄ᬧᬦᬫ᭄ᬬᬂᬚᭀᬮᬶ᭞ᬲᬭᬸᬫ᭄ᬧᬸᬂᬧᬮᭀᬗ᭄ᬓᬦ᭄ᬢ᭠
ᬮᬂ᭞ᬲᬓᬢᬄᬳᬶᬂᬧᬭᬘᬾᬝᬶ᭞ᬯᭂᬦᬾᬄᬯᬳᬦᬢᬸᬭᭀᬗ᭄ᬕ᭞ᬓᬦᬓᬯ᭄ᬭᬢ᭄ᬢᬶᬂᬧᬤᬢᬶ᭛ᬳᬶᬂᬫᬃᬕ᭄ᬕᬤᬢᬦ᭄ᬯᬶᬦᬸᬯᬸᬲ᭄᭞ᬮᬫ᭄ᬧᬳᬾᬭᬳᬤᬾᬦ᭄ᬓᬮᬶᬄ᭞ᬓᬮᬯᬦ᭄ᬲᬕᬃᬯ᭄ᬯᬦ᭄ᬦᬶᬭ᭞ᬪᬹᬱᬡᬳᬯᬃᬡ᭄ᬦᬶ᭞ᬓ᭄ᬯᬘᬦ᭄ᬦᬶᬂᬩᬮᬓᬹᬲ᭄ᬯ᭞ᬳᬶᬓᬂᬧᬸᬢᬶᬄᬲᬫ᭄ᬬᬧᬸᬢᬶᬄ
[᭙᭖ 96 A]
᭛ᬳᬶᬓᬂᬕᬥᬸᬂᬧᬥᬕᬥᬸᬂ᭞ᬳᬶᬓᬂᬕᬩ᭄ᬭᬢ᭄ᬲᬫᬶᬳᬩ᭄ᬭᬶᬢ᭄᭞ᬳᬶᬓᬂᬳᬶᬋᬂᬳᬶᬋᬂᬲᬫ᭄ᬬ᭞ᬳᬶᬓᬂᬩᬶᬭᬸᬩᬶᬭᬸᬲᬫᬶ᭞ᬓᬂᬚᬩᭀ᭠ᬦ᭄ᬚᬫ᭄ᬩᭀᬦ᭄ᬲᬤᬬ᭞ᬳᬶᬓᬂᬓᬸᬦ᭄ᬦᬶᬂᬲᬫᬶᬓᬸᬦ᭄ᬦᬶᬂ᭛ᬤ᭄ᬬᬦ᭄ᬧᬜ᭄ᬘᬤ᭄ᬬᬡ᭄ᬦᬦᬾᬂᬧᬸᬗ᭄ᬓᬸᬃ᭞ᬯᬤ᭄ᬬᬲᬍᬓ᭄ᬱᬢᬶᬢᬶᬦ᭄ᬥᬶᬄ᭞ᬤᬦᬹᬃᬯᬾᬦ᭄ᬥᬫᬸᬗ᭄ᬕ᭄ᬯᬶᬂ
ᬮᬶᬫᬦ᭄᭞ᬯ᭄ᬬ᭄ᬲ᭄ᬧ᭄ᬭᬧ᭄ᬢᬳᬶᬂᬗᬃᬘ᭄ᬘᬫᬦᬶᬓ᭄᭛ᬮᬯᬦ᭄ᬦᬶᬓᬂᬧᬭᬭᬩᬶ᭞ᬕᬸᬫᭂᬭᬄᬲᬫᬃᬕ᭄ᬕᬫᬃᬕ᭄ᬕ᭞ᬯᬸᬲ᭄ᬧ᭄ᬭᬧ᭄ᬢᬳᬶᬂᬗᬃᬘᬫᬦᬶ᭠ᬓ᭄᭛ᬯ᭄ᬯᭀᬂᬗᬃᬘᬫᬦᬶᬓ᭄ᬱᬸᬲᬸᬕᬸᬄ᭞ᬕᬸᬫᭂᬢᭂᬃᬭᬄᬲᬫ᭄ᬬᬘᬸᬫᬯᬶᬲ᭄᭞ᬯᬲᬶᬳᬚᬃᬲᬫ᭄ᬬᬫᬧᬕ᭄᭞ᬳᬶᬂᬧ᭄ᬭᬧ᭄ᬢᬦ᭄ᬦᬾᬭᬵᬚᬲᬶᬢᬶ᭞ᬤ᭄ᬬ
ᬦ᭄ᬕᭀᬦ᭄ᬥᬓᬸᬲᬸᬫᬗᬸᬘᬧ᭄᭞ᬳᬶᬩᬸᬤᬯᭂᬕ᭄ᬫᬦ᭄ᬢᬸᬓ᭄ᬱᬫᬶ᭛ᬚᭂᬂᬭᬵᬫᬓᬯᬃᬣᬭᬯᬸᬄ᭞ᬓᬂᬳᬶᬩᬸᬗᬦ᭄ᬥᬶᬓᬳᬭᬶᬲ᭄᭞ᬓᬶᬢᬫᬧᬗ᭄ᬕᬧ᭄ᬭᬬᭀᬗ᭄ᬕ᭞ᬮᬯᬦ᭄ᬭᬵᬫᬦ᭄ᬦᬶᬭᬓᬓᬶ᭞ᬮᬫᬸᬦ᭄ᬦᬶᬗ᭄ᬲᬸᬦ᭄ᬢᬸᬫᬸᬭ᭞ᬫᬾᬦᬵᬥᬄᬳᬾᬲᭂᬫ᭄ᬫᬾᬯ᭄ᬯᭀᬂᬕ᭄ᬭᬷ᭛ᬳᬶᬗ᭄ᬲᬸᬦ᭄ᬳᬶᬓᬶᬯ᭄ᬯᭀᬂ
ᬯᬸᬲ᭄ᬲᭂᬧᬸᬄ᭞ᬲᭂᬤᭂᬂᬫᬃᬥᬓᬫᭀᬂᬲᬶᬯᬶ᭞ᬲᬂᬋᬢ᭄ᬦᬲᬸᬢᬶᬓ᭄ᬱ᭄ᬡᬯᬢ᭄ᬬ᭞ᬫᬢᬸᬃᬳᬶᬂᬳᬶᬩᬸᬲᬸᬯᬯᬶ᭞ᬚᭂᬂᬗᬶᬩᬸᬲᬫᬶᬳᬫᬧᬕ᭄᭞ᬓᬂᬳᬶᬂᬗᬢᬸᬭᬦ᭄ᬦᬯᬸᬃᬭᬶ᭛ᬫᬧᬕ᭄ᬕᬮᬯᬦ᭄ᬮᬓᬶᬫᬸ᭞ᬤ᭄ᬬᬦ᭄ᬕᭀᬦ᭄ᬥᬓᬸᬲᬸᬫᬦᬸᬮᬶ᭞ᬫᬦᬸᬗ᭄ᬲᬸᬂᬮᬯᬦ᭄ᬓᬂᬧᬸᬢ᭄ᬭ᭞ᬲᬶᬦᬸᬗ᭄ᬕᬧ᭄ᬭᬢᬶᬱ᭄ᬝᬾᬂ
Kaca:Bali-lontar-gaguritan-anging-kusuma-250ppi.pdf/96
Kaca puniki sampun kauji-wacén
