[᭙᭓ 93 B]
᭙᭓
ᬫ᭛ᬲᬂᬋᬢ᭄ᬦᬲᬸᬢᬶᬓ᭄ᬱ᭄ᬩᬯᬢᬷ᭞ᬧ᭄ᬭᬧ᭄ᬢᬾᬂᬫᭀᬗ᭄ᬲᬯᬸᬲ᭄ᬳᬫ᭄ᬩᬩ᭞ᬳᬸᬫᬶᬬᬾᬲ᭄ᬚᬬᬸᬧᬸᬢ᭄ᬭᬦ᭄ᬦᬾ᭞ᬳᬧᭂᬓᬶᬓ᭄ᬱᬸᬯᬃᬡ᭄ᬦᬦ᭄ᬦᬶᬭ᭞᭠ᬓᬂᬳᬾᬂᬬᬂᬲᬩᬯᬹᬶᬕᬯᬵᬦ᭄᭞ᬫᬶᬯᬄᬓᬂᬓᬥᬮᬶᬧᬶᬗᬸᬮ᭄᭞ᬓᭂᬃᬢᬵᬃᬤ᭄ᬥᬲᬸᬓᬦ᭄ᬦᬶᬂᬤ᭄ᬯᬶᬬ᭛ᬫᬶᬬᬢ᭄ᬯᬬᬄᬚᬮᬸᬧᭂᬓᬶᬓ᭄᭞
ᬤ᭄ᬯᬶᬚᬯᬭᬳᬢᬸᬃᬭᬶᬭ᭞ᬫᬭᬶᬂᬓᬂᬓᬥᬮᬶᬧᬶᬂᬗᬾ᭞ᬫᬦᬯᬧᬦᬸᬤ᭄ᬯᬾᬂᬓᬃᬱ᭞ᬧᬤᬸᬓᬰ᭄ᬭᬶᬦᬭᬾᬦ᭄ᬤ᭄ᬭ᭞ᬩᬸᬬᬸᬢ᭄ᬧᬤᬸᬓᬧᬸᬓᬸᬮᬸᬦ᭄᭞ᬧᬸᬦᬶᬓᬵᬃᬱᬓᬸᬮᬧᬸᬤ᭄ᬬ᭛ᬤ᭄ᬭᬧᭀᬦ᭄ᬳᬾᬗ᭄ᬕᬮ᭄ᬩᬶᬭᬳᬶ᭞ᬲᬂᬥᬮᬶᬫᬗᬬᬸᬩᬕ᭄ᬬ᭞ᬤ᭄ᬬᬦ᭄ᬩᬸᬬᬸᬢ᭄ᬲᬶᬦ
ᬫ᭄ᬩᬸᬢ᭄ᬳᬕᬾ᭞ᬯᬶᬦᬯᬫ᭄ᬭᬶᬂᬧᬫᭂᬍᬗᬦ᭄᭞ᬦᭂᬦᭂᬥᬢᬶᬂᬚᬯᬢ᭞ᬫᬾᬗ᭄ᬕᬮ᭄ᬳᬕᭂᬂᬯᬬᬄᬳᬶᬧᬸᬦ᭄᭞ᬢᬦ᭄ᬫᬾᬗᬾᬂᬘᬶᬧ᭄ᬢᬦ᭄ᬦᬶᬂᬤ᭄ᬭᬶᬬ᭛ᬢᬸᬳᬸᬧᬵᬡ᭄ᬥᬶᬢᬮᬶᬦᬸᬯᬶᬄ᭞ᬓᬶᬦᬢᬸᬚᭀᬦ᭄ᬳᬶᬂᬲᬓᬃᬱ᭞ᬭᬳᬤᬾᬦ᭄ᬩᬸᬬᬸᬢ᭄ᬳᬶᬂᬫᬗ᭄ᬓᬾ᭞ᬲᬓᬵᬮᬲᬫ᭄ᬧᬸᬦ᭄ᬤᬶᬯᬲ᭞᭠
ᬤᬳᬢ᭄ᬧᭂᬓᬶᬓ᭄ᬓᬂᬯᬃᬡ᭄ᬦ᭞ᬳᬗᭂᬩᬼᬕ᭄ᬕᬶᬳᬾᬬᬂᬗᬶᬧᬸᬦ᭄᭞ᬰ᭄ᬭᬷᬦᬹᬧᬢᬶᬳᬶᬂᬫᬮᬯ᭛ᬲᬂᬧᬵᬡ᭄ᬥᬶᬢᬯᬸᬲ᭄ᬳᬸᬫᬶᬚᬶᬮ᭄᭞ᬲᬓᬶᬂᬲᬗ᭄ᬕᬃᬧᬫᭂᬍᬗᬦ᭄᭞ᬤ᭄ᬬᬦ᭄ᬩᬸᬬᬸᬢ᭄ᬳᬦᬾᬂᬯᬸᬭᬶᬦ᭄ᬦᬾ᭞ᬧ᭄ᬭᬧ᭄ᬢᬳᬃᬱᬦ᭄ᬦᬾᬓᬂᬳᬾᬬᬂ᭞ᬓᬂᬥᬮᬶᬲᬾᬢᬫᬶᬬᬢ᭄᭞ᬫ᭄ᬭᬶᬂᬩᬸ᭠
[᭙᭔ 94 B]
ᬬᬸᬢ᭄ᬕᬳᭀᬓ᭄ᬓᬮᬗ᭄ᬓᬸᬂ᭞ᬤᬾᬳᬕᭂᬂᬲᬫᬶᬲᬓᬵᬮ᭛ᬯᬬᬄᬤᬶᬯᬲᬳᬗᭂᬦ᭄ᬢᬶᬂ᭞ᬲᬂᬦᬵᬣᬳᭀᬲᬶᬓ᭄ᬓᬶᬂᬤ᭄ᬭᬶᬬ᭞ᬢᬸᬳᬸᬯᬵ᭠ᬡ᭄ᬥᬶᬢᬓᬶᬦ᭄ᬦᬯᭀᬢ᭄᭞ᬓᬶᬩᬾᬲᬦ᭄ᬳᬶᬂᬗᬃᬘᬋᬢ᭄ᬦ᭞ᬲᬂᬢᬧᬳᬗᬦ᭄ᬥᬶᬓ᭞ᬫ᭄ᬭᬶᬂᬩᬸᬬᬸᬢ᭄ᬦᭂᬫ᭄ᬩᬄᬓᬸᬮᬸᬧ᭄᭞ᬳᬶᬂᬓᬥᬮᬶᬳᬾᬬᬂᬗᬶ
ᬭ᭛ᬤ᭄ᬬᬦ᭄ᬩᬸᬬᬸᬢ᭄ᬫᬗ᭄ᬲᬄᬗᬜ᭄ᬚᬮᬶ᭞ᬲᬂᬢᬧᬵᬮᭀᬦ᭄ᬳᬢᬸᬃᬭᬶᬭ᭞ᬳᬧᬭᬦ᭄ᬓᬃᬱᬲᬂᬓᬢᭀᬂ᭞ᬳᬫᬭᬶᬂᬗᬦᬫᬫᬭᬂ᭞ᬩᬸᬬᬸᬢ᭄ᬳᬶᬓᬧ᭄ᬭᬬᭀᬕ᭞ᬓᬥᬮᬶᬲᬾᬢᬳᬸᬫᬢᬸᬃ᭞ᬧᬸᬓᬸᬮᬸᬦ᭄ᬮᬫᬸᬦ᭄ᬲᬫ᭄ᬪᬤ᭛ᬮᬦ᭄ᬓᬃᬱᬲᬂᬫᬳᬵᬬᬸᬓ᭄ᬢᬶ᭞ᬓ᭠
ᬳᬸᬮᬧᬭᬶᬂᬗᬶᬂᬦᬵᬫ᭞ᬧᬸᬦ᭄ᬩᬫ᭄ᬩᬂᬰ᭄ᬭᬷᬫᬮᬯᬦᬾ᭞ᬚᬸᬫᬸᬭᬸᬂᬲᬂᬫᬸᬦᬶᬯᬭ᭞ᬮᬶᬦᬸᬫ᭄ᬩ᭄ᬭᬄᬓᭂᬦ᭄ᬳᬶᬂᬓᬢᬄ᭞ᬓᬮᬫᬸᬦ᭄ᬭ᭠ᬳᬤᬾᬦ᭄ᬩᬸᬬᬸᬢ᭄᭞ᬦᬵᬫᬩᬫ᭄ᬩᬂᬰ᭄ᬭᬷᬫᬮᬯ᭛ᬲᬂᬓᬥᬮᬶᬫᬢᬸᬃᬫᬮᬶᬄ᭞ᬧᬸᬓᬸᬮᬸᬦ᭄ᬢᬸᬳᬦ᭄ᬓᬦ᭄ᬢᬸᬦ᭞ᬩᬲᬸᬓᬶᬓᬳᬸᬮ
ᬫᬗ᭄ᬓᬾ᭞ᬳᬃᬱᬫᬦ᭄ᬢᬸᬓ᭄ᬫ᭄ᬭᬶᬂᬫᬮᬯ᭞ᬤᬳᬢ᭄ᬯᬢᭂᬂᬳᬶᬂᬯᬸᬦ᭄ᬢᬢ᭄᭞ᬤᬾᬯᬸᬲ᭄ᬮᬫᬶᬦ᭄ᬦᬾᬲᬄᬗ᭄ᬳᬸᬮᬸᬦ᭄᭞ᬫᬸᬳᬸᬂᬯᭂᬯᭂᬮᬶᬂᬓᬳᬸᬮ᭛ᬳᬶᬂᬲᬫᬗ᭄ᬲᬦ᭄ᬦᬶᬧᬸᬦ᭄ᬧ᭄ᬭᬧ᭄ᬢᬶ᭞ᬧᬸᬢ᭄ᬭᬤᬸᬓᬳᬶᬂᬧᬸᬢ᭄ᬭ᭞ᬬ᭄ᬯᬓᭀᬗ᭄ᬲᬶᬮᬫᬶᬦᬾᬓᬾᬦ᭄ᬦᬾ᭞ᬦᬸᬦ᭄ᬢᭂᬦ᭄ᬢᬸᬳᬦ᭄ᬓᭀᬦ᭄ᬦ
Kaca:Bali-lontar-gaguritan-anging-kusuma-250ppi.pdf/94
Kaca puniki sampun kauji-wacén
