[᭙᭐ 90 B]
᭙᭐
ᬲ᭄ᬲᬾ᭞ᬩᭂᬜ᭄ᬚᬦᬾᬓᬂᬓᬫᬦ᭄ᬢᬸ᭞ᬢᬸᬃᬧᬶᬦᬸᬚᬸᬫᬸᬗ᭄ᬕᬄᬲ᭄ᬯᬃᬕ᭄ᬕᬵᬤᬶ᭞ᬯᬸᬲ᭄ᬓᬲᬓ᭄ᬱᬾᬦ᭄ᬳᬶᬂᬤᬾᬯ᭞ᬮᬫᬸᬦ᭄ᬯᭀᬂᬓᬫᬦ᭄ᬢᬸ᭞ᬳᬶᬂᬲᬂᬧ᭄ᬭᬪᬸᬳᬗ᭄ᬮᬶᬂᬥᬃᬫ᭄ᬫ᭞ᬘᬶᬦ᭄ᬦᬤᬂᬲᬧᬢᬓᬂᬮᬸᬯᬶᬄᬳᬤᬶ᭞ᬲᬸᬫᬃᬫ᭄ᬫᬦᬾᬢᬸᬮᬸᬲ᭄ᬦ᭛ᬳᬲᬶᬄᬲᭂᬢ᭄ᬬᬢᬸᬳᬸᬫᬭᬂᬮᬓᬶ᭞ᬦᬶᬭᬧᬸ
ᬢ᭄ᬭᬳᬶᬂᬫᬮᬯᬧᬢ᭄ᬬ᭞ᬳᬯᬶᬢ᭄ᬳᬕᬸᬂᬳᬜ᭄ᬚᬭᬦ᭄ᬦᬾ᭞ᬮᬫᬸᬦ᭄ᬲᬶᬭᬢᬦ᭄ᬳᬢᬹᬢ᭄᭞ᬦᬧ᭄ᬮᬾᬲᬾᬤ᭄ᬦᬾᬂᬯᭀᬢ᭄ᬳᭀᬕᬮ᭄ᬳᬕᬶᬮ᭄᭞ᬓᬍᬩ᭄ᬯᬾᬂᬘᬦ᭄ᬤ᭄ᬭᬫᬸᬓ᭞ᬧᬸᬢ᭄ᬭᬶᬓᬮᬶᬄᬫᬸᬯᬸᬲ᭄᭞ᬳᬧᬢᭂᬫᭂᬦ᭄ᬳᬸᬚᬃᬭᬶᬭ᭞ᬯ᭄ᬯᭀᬂᬓᬫᬦ᭄ᬢᬸᬫ᭄ᬭᬶᬂᬦᬵᬣᬾᬫᬮᬯᬧ᭠
ᬢᬶ᭞ᬲᭀᬓ᭄ᬘᬶᬦᬤᬂᬲᬸᬯᬃᬗ᭄ᬕ᭛ᬯᬶᬢ᭄ᬦᬳᬶᬗ᭄ᬲᬸᬦ᭄ᬳᬯᭂᬮᬲ᭄ᬓᬧᬢᬶ᭞ᬫᬭᬂᬭᬵᬚᬧᬸᬢ᭄ᬭᬳᬶᬂᬫᬮᬯ᭞ᬯ᭄ᬯᭀᬂᬢᬶᬦᬸᬓᬸᬳᬶᬂ᭠ᬧ᭄ᬭᬂᬭᬫᬾ᭞ᬦᬗ᭄ᬳᬶᬂᬲᬸᬦ᭄ᬚ᭄ᬭᬶᬄᬓᬮᬗ᭄ᬓᬸᬂ᭞ᬳᬫᬸᬭᬂᬗᬭᬾᬄᬳᬶᬂᬲᬸᬥᬃᬫ᭄ᬫᬶ᭞ᬫᬗ᭄ᬓᬾᬯᬸᬲ᭄ᬓᬮᬫ᭄ᬧᬄᬳᬦ᭄᭞ᬳᬶᬓᬂᬲᬫ᭄ᬧᬶᬃᬫᬦᬸᬓ᭄
᭞ᬳᬶᬗ᭄ᬲᬸᬦ᭄ᬫᬯ᭄ᬯᭀᬂᬗᬦ᭄ᬫ᭄ᬭᬶᬂᬢᬫᬦ᭄᭞ᬩᬾᬜ᭄ᬚᬶᬂᬭᬵᬫᬳᬦ᭄ᬤᬸᬓᬲᬸᬦ᭄ᬳᬮᬂᬗᬢᬶ᭞ᬲᬂᬥᬮᬶᬫᬶᬘᬭᬾᬂᬢ᭄ᬬᬲ᭄᭛ᬓᬢᬸᬚᬸ᭠ᬢᬲᬶᬭᬫᭀᬦ᭄ᬥᭀᬂᬧᬸᬢ᭄ᬭᬶ᭞ᬓᬓᬶᬧᬸᬢ᭄ᬭᬰᬭᬡᬯ᭄ᬯᭀᬂᬦᬸᬯ᭞ᬕᬸᬡ᭄ᬦᬧᬢᬶᬂᬩᬲᬫ᭄ᬧᬶᬃᬭᬾ᭞ᬤᬗᬸᬲᬂᬦᬹᬃᬓ᭄ᬱ᭄ᬫᬾᬂᬫᬦᬸᬓ᭄᭞ᬳ
[᭙᭑ 91 A]
ᬫᬢᬸᬢᬸᬃᬫ᭄ᬭᬶᬂᬧᬸᬢ᭄ᬭᬶᬓᬮᬶᬄ᭞ᬧ᭄ᬭᬢᬶᬓᭂᬮ᭄ᬮᬶᬂᬳᬓ᭄ᬭᬫ᭞ᬓᬓᬃᬬ᭄ᬬᬦ᭄ᬲᬂᬗᬬᬸ᭞ᬫᬗ᭄ᬓᬶᬦ᭄ᬲᬶᬄᬫ᭄ᬭᬶᬂᬭᬵᬚᬧᬸᬢ᭄ᬭ᭞ᬕᬹᬶᬂᬳᬶᬓᬂᬬᬫᬶᬫᬦᬸᬯᭀᬦ᭄ᬳᬶᬂᬢᬫᬦ᭄ᬲᬭᬷ᭞ᬳᬶᬂᬢ᭄ᬬᬲ᭄ᬢᬦ᭄ᬲᬄᬓᬲ᭄ᬫᬭᬦ᭄᭛᭜᭛ᬲᬫᬦ᭄ᬦᬫᬾᬄᬧ᭄ᬭᬧ᭄ᬢᬳᬾᬜ᭄ᬚᬶᬂ᭞ᬓᬂᬋᬢ᭄ᬦᬳᬭᬶᬧ᭄ᬓᬮᬶᬦ᭄ᬢᬂ᭞᭠
ᬓᬮᬶᬄᬳᬾᬫᬸᬚᬸᬂᬳᬲᬭᬾ᭞ᬰᬷᬖ᭄ᬭᬓᬂᬓᬥᬮᬶᬄᬲᬾᬢ᭞ᬳᬦ᭄ᬦᬶᬮᬶᬩ᭄ᬯᬲ᭄ᬢᬸᬫᭂᬲᬢ᭄᭞ᬲᬧ᭄ᬭᬦ᭄ᬦᬶᬂᬢᬫᬦ᭄ᬲᬦ᭄ᬢᬸᬦ᭄᭞ᬧᬗ᭄ᬕᬶᬄᬯᬦ᭄ᬧᬸᬢ᭄ᬭᬦ᭄ᬦᬶᬭ᭛ᬦᭂᬮᬲ᭄ᬤᬾᬦ᭄ᬦᬶᬭᬫᭂᬫᭂᬮᬶᬂᬫᬶᬢᬸᬮᬸᬧᬸᬢ᭄ᬭᬓᬮᬶᬄᬜ᭞ᬓᬂᬭᬵᬫᬵᬮᭀᬦ᭄ᬳᬦ᭄ᬥᬶᬓᬦ᭄ᬦᬾ᭞ᬯᬸᬲ᭄ᬓᬓᬶᬧ
ᬥᬓᬭᬶᬬ᭞ᬤᬾᬦ᭄ᬩᭂᬘᬶᬓ᭄ᬨᬮᬓ᭄ᬭᬫ᭞ᬲᬸᬦ᭄ᬕᬃᬱᬫᬸᬮᬶᬄᬭᬸᬫᬸᬳᬸᬦ᭄᭞ᬧᬯᬃᬣᬫ᭄ᬭᬶᬂᬳᬶᬓᬸᬦ᭄ᬦᬶᬭ᭛ᬬᭂᬓ᭄ᬢᬶᬩᬗᭂᬢ᭄ᬗᬦ᭄ᬢᬶᬳᬦ᭄ᬢᬶ᭞ᬬᬦ᭄ᬦᬶᬗ᭄ᬲᬸᬦ᭄ᬢᬦ᭄ᬳᬾᬗ᭄ᬕᬄᬧ᭄ᬭᬧ᭄ᬢ᭞ᬫᬦᬯᬓᬓᬸᬳᬢᬶᬦ᭄ᬦᬾ᭞ᬳᬶᬩᬸᬦ᭄ᬦᬶᬭᬓᬭᭀᬧᬶᬲᬦ᭄᭞ᬭᬤᬾᬦ᭄ᬓᬮᬶᬄᬳᬦᭂᬫ᭄ᬩᬄ
᭞ᬓᬥᬮᬶᬧᬸᬢᬶᬄᬤ᭄ᬬᬦ᭄ᬫᬩᬸᬃ᭞ᬫᬮᬸᬓ᭄ᬳᬗᬬᬸᬄᬕᬕᬦ᭄ᬦ᭛ᬳᬯᭀᬃᬮᬯᬦ᭄ᬫᬾᬖᬧᬸᬢᬶᬄ᭞ᬦᬳᬦ᭄ᬳᬶᬓᬂᬓᬯᬃᬡ᭄ᬦ᭠ᬳ᭞ᬯᬳᬸᬓᬂᬢᬶᬦᬶᬮᬃᬲᬭᬾ᭞ᬓᬾᬦ᭄ᬫᬬᬡ᭄ᬦᬲᬭᬷᬮᬯᬦ᭄᭞ᬳᬭᬶᬓᬾᬦ᭄ᬭᬦ᭄ᬢᬦ᭄ᬲᭂᬓᬃ᭞ᬓᬮᬶᬄᬳᬶᬭᬳᭀᬯᬋᬂᬯᬸᬗᬸ᭞ᬫᬸ᭠
Kaca:Bali-lontar-gaguritan-anging-kusuma-250ppi.pdf/91
Kaca puniki sampun kauji-wacén
