[᭘᭙ 89 B]
᭘᭙
ᬦ᭄ᬲᬸᬯᬯᬶ᭞ᬳᬶᬂᬲᬤᬤᬳᬶᬬᬓᬮᬓ᭄ᬯᬦ᭄ᬦ᭞ᬧᬤᬸᬓᬤᬤᭀᬲ᭄ᬰ᭄ᬭᬡᬦ᭄ᬦᬾ᭞ᬩᬤᬾᬧᬓ᭄ᬭᬫᬦ᭄ᬳᬸᬮᬸᬦ᭄᭞ᬦᬸᬦ᭄ᬢᭂᬦ᭄ᬳᬫ᭄ᬪᬲ᭠ᬕᭂᬦ᭄ᬥᬫᬸᬮᬶᬄ᭞ᬤᬢᬦ᭄ᬳᭀᬦ᭄ᬦᭂᬂᬓᬳᬸᬮ᭞ᬥᬢᭂᬳᬶᬂᬚᭂᬂᬗᬸᬩᬸ᭞ᬓᬂᬭᬵᬫᬫᬾᬲᭂᬫ᭄ᬩᬦ᭄ᬥᬶᬓ᭞ᬮᬄᬯᬸᬲ᭄ᬧᬥᬓᬭᬶᬬᬳᬶᬦ᭄ᬲᬸᬦ᭄ᬮᬸ
ᬫᬭᬶᬲ᭄᭞ᬫᭂᬲᬢ᭄ᬓᬥᬮᬶᬲᬾᬢ᭛ᬫᬮ᭄ᬩ᭄ᬯᬾᬂᬧᬸᬭᬯᬬᬄᬫᬤ᭄ᬬᬭᬢ᭄ᬭᬶ᭞ᬲᬂᬋᬢ᭄ᬦᬵᬬᬸᬓᬮᬶᬄᬤᬾᬭᬾᬦᬾᬦ᭄ᬤ᭄ᬭ᭞ᬮᬸᬗ᭄ᬕ᭄ᬯᬂᬧᬮᭀᬗ᭄ᬓᬕᭂᬤᬄᬳᬾ᭞ᬮᬕ᭄ᬬᬳᬗ᭄ᬭᬸᬚᬶᬢ᭄ᬲᬦ᭄ᬢᬸᬦ᭄᭞ᬲᬓᬢᬄᬳᬾᬧᬋᬓᬦ᭄ᬘᬾᬝᬶ᭞ᬯᬸᬲ᭄ᬳᬢᬸᬭᬸᬲᬤᬬ᭞ᬥᬮᬶ
ᬧᭂᬢᬦ᭄ᬫᬮ᭄ᬩᬸ᭞ᬲᬂᬧᬸᬢ᭄ᬭᬶᬤᬢᬦ᭄ᬳᬸᬦ᭄ᬦᬶᬗ᭞ᬭᬶᬲᬓ᭄ᬱᬡ᭞ᬳᬦ᭄ᬥᭂᬓᭂᬫ᭄ᬧ᭄ᬭᬢᬶᬱ᭄ᬝᬾᬂᬕᬸᬮᬶᬂ᭞ᬳᬭᬶᬲ᭄ᬧᬗᬸᬘᬨᬶᬭ᭛ᬳᬶᬗ᭄ᬲᬸᬦ᭄ᬦᬶᬓᬶᬫᭀᬗ᭄ᬓᬢᬶᬩᬲᬫ᭄ᬧᬶᬃ᭞ᬢᬶᬦᬫ᭄ᬩᬸᬄᬳᬦ᭄ᬤᬗᬸᬢᬦ᭄ᬲᬶᬦᬧ᭞ᬫᬭᬂᬓᬶᬤᬃᬩᬾᬯᬶᬰ᭄ᬫᬦ᭄ᬦᬾ᭞ᬓᬕ᭄ᬬᬢ᭄ᬫ᭄ᬬᬃᬱᬲᬂᬗᬬᬸ᭞
ᬫᬸᬮᬢ᭄ᬳᬦᬓᬥᬮᬶᬧᬸᬢᬶᬄ᭞ᬕᬸᬧᬸᬄᬤᬾᬦ᭄ᬦ᭄ᬬᬵᬦᬫ᭄ᬩ᭄ᬭᬫ᭞ᬩᬕᬾᬬᬓᬶᬫᬦᬸᬓ᭄᭞ᬮᬄᬢᬲᬧᬳᬭᬦ᭄ᬦᬶᬭ᭞ᬳᬦᬯᬸᬃᬭᬶᬓᬂᬦᬹᬓ᭄ᬱ᭄ᬫᬾᬓᬥᬮᬶᬧᬸᬢᬶᬄ᭞ᬗᭀᬂᬭᬦ᭄ᬕᬸᬡ᭄ᬦᬯᬶᬱᬬ᭛ᬯᬶᬚᬶᬮ᭄ᬳᬶᬗ᭄ᬲᬸᬦ᭄ᬳᬶᬂᬫᬮᬯᬧᬢᬶ᭞ᬗᭀᬂᬓᬶᬦᬃᬬ᭄ᬬᬤᬸᬢᬳᬶᬂᬦ
[᭙᭐ 90 A]
ᬭᬾᬦ᭄ᬤ᭄ᬭ᭞ᬓᬶᬦ᭄ᬦᬗᬸᬮᬃᬭᬶᬧᬸᬢ᭄ᬭᬦ᭄ᬦᬾ᭞ᬓᬓᬮᬶᬄᬮᬸᬗ᭄ᬕᬵᬗ᭄ᬮᬗᬸᬢ᭄᭞ᬫᬗ᭄ᬓᬾᬧᬥᬓᬧᬗ᭄ᬕ᭄ᬬᬾᬂᬭᬶᬓᬶ᭞ᬮᬕᬶᬳᬓ᭄ᬭᬫᬳᬜᬃ᭞ᬓᬧᬵᬮᬂᬢᬦ᭄ᬳᬦ᭄ᬢᬸᬓ᭄᭞ᬲᬸᬫᬃᬫ᭄ᬫᬫᬗ᭄ᬓᬾᬫᬦ᭄ᬦᬶᬭ᭞ᬓᬂᬓᬶᬦᬃᬬ᭄ᬬᬢᬶᬩᬲᬫ᭄ᬧᬶᬃᬭᬶᬂᬧᬓ᭄ᬭᬫᬶ᭞ᬳᬶᬗ᭄ᬲᬸᬦ᭄ᬲᬫ᭄ᬪᬶᬢ᭄ᬢᬦ᭄ᬦᬶᬭ᭞
᭛ᬘᬶᬮᬶᬓ᭄ᬫᬸᬮᬮᬓᬶᬦ᭄ᬦᬶᬭᬤᬶᬳᬶᬦ᭄᭞ᬮᬫᬸᬦ᭄ᬫᭀᬝᬄᬫᬸᬯᬄᬬᬾᬦ᭄ᬓᬭᬸᬡ᭄ᬦ᭞ᬲᬸᬦ᭄ᬓᭂᬚᭂᬃᬭᬶᬂᬗᬭᬶᬂᬗᬦ᭄ᬦᬾ᭞ᬤᬤ᭄ᬬ᭠ᬳᬭᬶᬲ᭄ᬳᬫᬸᬯᬸᬲ᭄᭞ᬦᬸᬮᬶᬲᬸᬓᬯ᭄ᬯᭀᬂᬗᬭᬶᬄᬗᬭᬶᬄ᭞ᬫᬗ᭄ᬓᬾᬤᬶᬯᬲᬓ᭄ᬭᬫ᭞ᬢᬦ᭄ᬮᬶᬬᬂᬯᬓ᭄ᬳᬶᬗ᭄ᬲᬸᬦ᭄᭞ᬳᬶᬓᬂᬦᬃᬬ᭄ᬬ
ᬰᬭᬡ᭞ᬲᬸᬦ᭄ᬮᬓᭀᬦ᭄ᬦᬯᬸᬫᭂᬓᬳᬶᬂᬮᬭᬧᬢᬶ᭞ᬤᬢᬦ᭄ᬦᭂᬤ᭄ᬬᬲᬸᬫᬶᬗ᭄ᬕᬄ᭛ᬦᬶᬫᬶᬢᬦ᭄ᬬᬳᬢᬹᬢ᭄ᬢᬢᬸᬫᬸᬮᬶ᭞ᬮᬯᬦ᭄ᬭᬵᬚᬧᬸᬢ᭄ᬭᬳᬶᬂᬫᬮᬯ᭞ᬩᬕᬸᬲ᭄ᬢᬦ᭄ᬦᬦᬘᬘᬤ᭄ᬥᬾ᭞ᬧ᭄ᬭᬯᬷᬭᬾᬂᬧ᭄ᬭᬂᬧᬶᬦᬸᬜ᭄ᬚᬸᬮ᭄᭞ᬩᬧᬭᬵᬚᬢᬸᬃᬳᬶᬩᬸᬲᭀᬭᬷ᭞ᬳᬓᬓᬶ
ᬤᬶᬦ᭄ᬦᬕᬯᬵᬦ᭄᭞ᬩᬸᬬᬸᬢ᭄ᬧᬭᬭᬢᬸ᭞ᬓᭀᬦ᭄ᬥᬂᬧᬫᬦ᭄ᬲᬶᬦᬂᬗᬃᬲ᭄ᬬ᭞ᬢᬸᬲ᭄ᬦᬶᬂᬢᬧᬯᬶᬦᭀᬗᬶᬂᬚᬯᬢᬮᬸᬯᬶᬄ᭞ᬫᬦ᭄ᬥᬄᬯ᭄ᬭᬸᬄᬳᬓᬂᬭᬵᬫ᭛ᬩᬬᬩᬸᬗᬄᬳᬾᬳᬗ᭄ᬮᬶᬯᬢ᭄ᬢᬶ᭞ᬤᬃᬩᬾᬫᬦ᭄ᬢᬸᬧᬸᬢ᭄ᬭᬷᬮᬶᬃᬳᬦ᭄ᬥᬶᬓ᭞ᬳᬶᬂᬯᭂᬮᬳᭂᬮᬧᬦ᭄ᬢᭂ
Kaca:Bali-lontar-gaguritan-anging-kusuma-250ppi.pdf/90
Kaca puniki sampun kauji-wacén
