[᭘᭗ 87 B]
᭘᭗
᭞ᬓᬢᬸᬚᬸᬦ᭄ᬦᬾᬫᬓ᭄ᬱᬶᬤᬸᬯᬾᬩᬧ᭞ᬩᭂᬜ᭄ᬚᬢᭂᬫᭂᬦ᭄ᬲᬶᬭ᭞ᬳᬗ᭄ᬕᬾᬃ᭞ᬳᬸᬧᬫᬲᬸᬦ᭄ᬯᬸᬲ᭄ᬮᬫ᭄ᬧᬸᬲ᭄᭞ᬬᭂᬓ᭄ᬢᬶᬦᬵᬭᬲᬶᬤᬳᬭ᭠ᬩᬶ᭞ᬫᬃᬫ᭄ᬫᬗᭀᬂᬢᬶᬮᬃᬧ᭄ᬭᬚ᭞ᬲᬶᬭᬓᬂᬲᬸᬦ᭄ᬭᬸᬭᬸᬄ᭞ᬳᬾᬬᬂᬗᬶᬭᬓᬭᭀᬲᬾᬤ᭞ᬲᬶᬭᬓᬸᬮᬸᬧ᭄ᬲᬸᬫᬶᬮᬶᬄᬳᬦᬭᬧᬢᬶ᭞ᬮ᭠
ᬦ᭄ᬓᬭᭀᬳᬶᬩᬸᬦ᭄ᬦᬶᬭ᭛ᬲ᭄ᬭᬸᬲᬸᬗ᭄ᬓᬯᬳᭀᬦ᭄ᬦᭂᬂᬗᬾᬓᬧᬢᬶ᭞ᬫᬭᬂᬲᬶᬭᬫᬃᬫ᭄ᬫᬦ᭄ᬦᬾᬤᬾᬦ᭄ᬦᬾᬗ᭄ᬕᬮ᭄᭞ᬧᬬᭀᬓᬸᬮᬸᬧ᭄ᬧᬥᬫᬸᬮᬄ᭞ᬯᭂᬮᬲ᭄ᬲᬫ᭄ᬭᬶᬂᬳᬶᬩᬸᬫᬸ᭞ᬭᬤᬾᬦ᭄ᬓᬮᬶᬄᬓᬕ᭄ᬬᬢ᭄ᬫᬶᬬᬃᬱᬶ᭞ᬫᭀᬚᬃᬲᬶᬦ᭄ᬢᭂᬦ᭄ᬦᬶᬓ᭞ᬓᬂᬧᬭᬶᬂᬧᬶᬢᬸᬢᬸᬃ᭞ᬩᬬᬢᬓᬂᬚᬕ᭄ᬭᬾᬂ
ᬢᬫᬦ᭄᭞ᬫᬾᬲᭂᬫ᭄ᬫᭀᬚᬃᬮᬬᬓ᭄ᬮᬮ᭄ᬬᬾᬂᬲ᭄ᬯᬭᬫᬫᬶ᭞ᬚᭂᬃᬧᬥᬲᬸᬯ᭄ᬯᬶᬩᬯ᭛ᬳᬶᬬᬳᬶᬗ᭄ᬲᬸᬦ᭄ᬫᬵᬫᬦ᭄ᬦᬶᬭᬓᬓᬶ᭞ᬳᬗ᭄ᬮᬶᬂᬥᬃᬫ᭄ᬫᬭᬵᬚᬳᬶᬫᬮᬯ᭞ᬭᬤ᭄ᬬᬦ᭄ᬓᬕ᭄ᬬᬢ᭄ᬧᬫ᭄ᬬᬃᬱᬦ᭄ᬦᬾ᭞ᬢᬦ᭄ᬲᬫᬃᬳᬶᬂᬧᬗ᭄ᬭᬸᬗᬸ᭞ᬫ᭄ᬭᬶᬂᬲ᭄ᬯᬭᬦ᭄ᬦᬾ ᬭᬵᬫᬦᬃᬧᬢᬶ᭞ᬭᬤ᭄ᬬᬦ᭄ᬧᬋᬂᬢᬸᬫᭂᬗ᭄ᬳᬵ᭞᭠
ᬫ᭄ᬬᬢ᭄ᬓᬥᬮᬶᬧᬶᬗᬸᬮ᭄᭞ᬓᬤ᭄ᬬᬓᬧᬲ᭄ᬯᬶᬦᭀᬲᭀᬦ᭄ᬦᬦ᭄᭞ᬲᬸᬓᬳᬶᬂᬢ᭄ᬬᬲ᭄ᬲᬶᬭᬭᬵᬚᬧᬸᬢ᭄ᬭᬓᬮᬶᬄ᭞ᬧᬋᬂᬲᬫ᭄ᬬᬫᬦᭂᬫ᭄ᬩᬄ᭞᭛ᬤᬸᬄᬧᬸᬓᬸᬮᬸᬦ᭄ᬪᬝᬵᬃᬳᬦ᭄ᬦᬶᬂᬤᬲᬶᬄ᭞ᬢᬸᬫᬸᬭᬸᬦ᭄ᬦᬓᬳᬸᬮᬵᬃᬱᬦᭂᬫ᭄ᬩᬄ᭞ᬯᬸᬲ᭄ᬢᬸᬭᬸᬦ᭄ᬓᬥᬮᬶᬧᬸᬢᬾᬄ᭞ᬫᬾᬜ᭄ᬘᭀᬓᬶᬂᬓᬭᬂᬳᬸᬮᬸ᭞
[᭘᭘ 88 A]
ᬧᬸᬢ᭄ᬭᬓᬮᬶᬄᬧᬋᬂᬗᬜ᭄ᬚᬮᬶ᭞ᬮᬶᬃᬓᭀᬜ᭄ᬘᭂᬫ᭄ᬫᬶᬂᬧ᭄ᬭᬢᬮ᭞ᬯᬱ᭄ᬧᬵᬤᬺᬲ᭄ᬳᬫᬸᬘᬸᬃ᭞ᬳᬸᬫᬢᬸᬃᬥᬸᬄᬓᬂᬚᭂᬂᬭᬵᬫ᭞ᬓᬳᬸᬮᬵᬢᬸᬃ᭠ᬳᬸᬤᬦ᭄ᬦᬶᬬᬾᬦ᭄ᬳᬸᬯᬫᬥ᭄ᬭᬶᬫ᭄᭞ᬧᬮᬲ᭄ᬢ᭄ᬭᬗᬤᬶᬮᬕ᭛ᬳᬧᬲᬶᬭᬦᭀᬭᬦᭂᬤ᭄ᬬᬫᬸᬮᬶᬄ᭞ᬦᭀᬭᬯᭂᬮᬲ᭄ᬫᬭᬂᬳᬶᬩᬸᬦ᭄ᬦᬶᬭ᭞ᬓᬂ᭠
ᬧᬸᬢ᭄ᬭᬓᬮᬶᬄᬳᬢᬸᬭᬾ᭞ᬤᬾᬯᬵᬚᬶᬲᬓᬮᬗ᭄ᬓᬸᬂ᭞ᬳᬃᬱᬫᬦ᭄ᬢᬸᬓ᭄ᬦᬗ᭄ᬳᬶᬂᬲᬢᬸᬗ᭄ᬕᬶᬮ᭄᭞ᬳᬶᬓᬂᬤᬤᭀᬲ᭄ᬲᬂᬲᬬ᭞ᬦᬶᬯᬃᬤᬬᬗ᭄ᬳᬸᬮᬸᬦ᭄᭞ᬤᬾᬭᬾᬂᬳᬘᬋᬫ᭄ᬫᬶᬂᬓ᭄ᬭᬫ᭞ᬮᬦ᭄ᬧᬸᬢ᭄ᬭᬷᬳᬶᬂᬢᬩᭂᬮᬋᬢ᭄ᬦᬤᬾᬯᬵᬚᬶ᭞ᬦᬤ᭄ᬬᬦ᭄ᬲᬶᬮᬶᬄᬫᬦ᭄ᬢᬸᬓ᭄ᬓ᭛ᬮᬫᬸᬦ᭄ᬧ
ᬋᬂᬓᬮᬯᬦ᭄ᬲᬂᬤᬾᬯᬷ᭞ᬮᬗ᭄ᬓᬸᬂᬦᬶᬱ᭄ᬝᬲᬢ᭄ᬭᬶᬬᬳᬓ᭄ᬭᬫ᭞ᬢᬦ᭄ᬘᬋᬫ᭄ᬮᬯᬦ᭄ᬕᬃᬯ᭄ᬯᬦ᭄ᬦᬾ᭞ᬗᬦ᭄ᬥᬶᬓᬳᬯᭀᬃᬕᬸᬬᬸ᭞ᬓᬂᬳ᭠ᬦᬸᬓ᭄ᬱ᭄ᬫᬾᬂᬓᬥᬮᬶᬧᬸᬢᬶᬄ᭞ᬦᭀᬭᬘᬋᬫ᭄ᬳᬓ᭄ᬭᬫ᭞ᬳᬧᬓᬭᬦ᭄ᬦᬶᬧᬸᬦ᭄᭞ᬲᬢ᭄ᬭᬶᬬᬩᬕᬸᬲ᭄ᬧ᭄ᬭᬯᬷᬭ᭞ᬳᬧᬳᬶᬓᬂᬘᬶᬦᬘ᭠
ᬤ᭄ᬧᬸᬢ᭄ᬭᬗᬩᭂᬓ᭄ᬢᬶ᭞ᬦᭂᬥᬓᬥᬮᬶᬧᭂᬢᬓ᭄᭛ᬳᬶᬓᬂᬩᬗ᭄ᬓᬶᬢ᭄ᬳᬗᬸᬘᬧ᭄ᬮᬶᬃᬚᬦ᭄ᬫᬶ᭞ᬫᬶᬯᬄᬳᬶᬓᬂᬓᬢᬄᬓᬦ᭄ᬥᬦ᭄ᬦᬶᬭ᭞ᬫᭀᬂᬓᬧᬢᬶᬩᬲᬫ᭄ᬧᬶᬃᬭᬾ᭞ᬧᬸᬦ᭄ᬦᬦᬶᬓᬓᬂᬧᬶᬦᬸᬦ᭄ᬤᬸᬢ᭄᭞ᬓᬤ᭄ᬬᬢᭂᬫᬄᬥᬢᭂᬂᬳᬶᬂᬮᬮᬶᬲ᭄᭞ᬬᬾᬦ᭄ᬯᬸᬲ᭄ᬦᬳᬧᬧ᭛ᬮᬦ᭄ᬫᬦ᭄ᬢᬸᬧᬸᬓᬸ᭠
Kaca:Bali-lontar-gaguritan-anging-kusuma-250ppi.pdf/88
Kaca puniki sampun kauji-wacén
