Kaca:Bali-lontar-gaguritan-anging-kusuma-250ppi.pdf/86

Saking Wikisource
Kaca puniki sampun kauji-wacén

[᭘᭕ 85 B ]
᭘᭕
ᬭᬷ᭞ᬫᬦᭂᬗᭂᬭᬦ᭄ᬧᬸᬦ᭄ᬳᬗ᭄ᬮᬶᬂᬓᬸᬲᬸᬫ᭞ᬧᬸᬦ᭄ᬥᬦᬹᬃᬯᬾᬦ᭄ᬥᬓᬂᬗᬦᬾᬫ᭄᭞ᬳᬃᬤ᭄ᬥᬓᬯᬾᬮᬲ᭄ᬲᬬᬸᬦ᭄᭞ᬘᬸᬫᬦ᭄ᬥᬓᬲᬤ᭄ᬬᬫᬓᬝᬶᬓ᭄ᬳᬶᬂᬧᬤᬸᬓᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬲᬂᬧ᭄ᬭᬪᬸ᭞ᬢᬦ᭄ᬓᬯᬯᬫᬗ᭄ᬲᬸᬮ᭄ᬮᬦ᭄ᬦ᭞ᬲᬶᬄᬳᬦ᭄ᬥᬶᬓᬧᬸᬦ᭄ᬩᬧᬗᬢᬸᬃᬓᭂᬦ᭄ᬘᬾᬝᬶ᭞ᬩᭂᬕ᭄ᬚᬤᬤ᭄ᬬ
ᬧᬯ᭄ᬯᭀᬗᬦ᭄᭛ᬗ᭄ᬳᬶᬂᬲᬭᬢ᭄ᬢᬾᬫᬓ᭄ᬱᬶᬄᬓᬶᬭᬂᬲᬶᬚᬶ᭞ᬧᬢᬶᬩᬲᬫ᭄ᬧᬶᬃᬭᬶᬭᬳᬶᬂᬢᬶᬮᬫ᭄᭞ᬫᬦᬸᬓ᭄ᬓᬥᬮᬶᬓᬂᬧᬸᬢᬾᬄ᭞ᬳᬶᬓᬂᬩᬗ᭄ᬓᬶᬢ᭄ᬳᬫᬸᬯᬸᬲ᭄᭞ᬩᬲᬚᬦ᭄ᬫᬮᬫᬸᬦ᭄ᬢᬦ᭄ᬳᭀᬮᬶᬄ᭞ᬢᬗᬾᬄᬫᭀᬦ᭄ᬤᭀᬂᬯᬦᭀᬤ᭄ᬬ᭞ᬲᬂᬦᬵᬣᬤ᭄ᬬᬦ᭄ᬓᭀᬦ᭄ᬤᬸᬃ᭞ᬲᬂᬧᬸᬢ᭄ᬭᬾ
ᬩᬶᬦᭂᬓ᭄ᬢᬾᬂᬧᬸᬭ᭞ᬭᬤ᭄ᬬᬦ᭄ᬓᬮᬶᬄᬲᬫ᭄ᬧᬸᬦ᭄ᬳᬶᬦᬢᬸᬭᬦ᭄ᬫᭂᬕᬶᬮ᭄᭞ᬧᬶᬦᬃᬦ᭄ᬦᬄᬚ᭄ᬭᭀᬳᬸᬤ᭄ᬬᬦ᭛ᬲᬶᬦᬸᬕᬢᬥᬥᬭᬩ᭄ᬦᬯᬃᬡ᭄ᬦᬶ᭞ᬭᬵᬚᬧᬸᬢ᭄ᬭᬤᬶᬤᬶᬦᬸᬗ᭄ᬕᬲᬸᬗ᭄ᬕ᭞ᬤᬳᬢ᭄ᬩᬯᬲᬓᬃᬱᬦ᭄ᬦᬾ᭞ᬦᬳᬦ᭄ᬕᬦ᭄ᬢ᭄ᬬᬯᬶᬦᬸᬯᬸᬲ᭄᭞ᬧᬤᬾᬧᭀᬓᬦ᭄ᬳᬶᬂᬗᬃᬘᬫᬦ᭄ᬦᬶᬓ᭄᭞
ᬓᬂᬦᬹᬓᬾ᭄ᬧ᭄ᬫᬂᬥᬮᬶᬲᬾᬢ᭞ᬍᬗ᭄ᬕᬄᬮᬦ᭄ᬲᬂᬯᬶᬓᬸ᭞ᬪᬕᬯᬦ᭄ᬲᬦ᭄ᬢᬦᬸᬫᬹᬃᬢ᭄ᬢ᭄ᬬ᭞ᬳᬗᬦ᭄ᬥᬶᬓᬮᬶᬄᬳᬕᬾᬰ᭄ᬭᬷᬦᬭᬧᬢᬶ᭞ᬳᬶᬂᬫᬗ᭄ᬓᬾᬲᬫ᭄ᬧᬸᬦ᭄ᬫᭀᬗ᭄ᬲ᭛ᬳᬗᬸᬮᬢ᭄ᬢᬶᬧᬸᬢ᭄ᬭᬧᬤᬸᬓᬵᬚᬶ᭞ᬋᬓᬾᬮᬫᬶᬦᬾᬂᬢᬩᭂᬮᬋᬢ᭄ᬦ᭞ᬮᬕ᭄ᬬᬲᬸᬗ᭄ᬓᬯᬢᬶᬮᬶᬄ
[᭘᭖ 86 A]
ᬳ᭞ᬫᬃᬫ᭄ᬫᬲᬂᬬᭀᬕᬶᬕᬸᬧᬸᬄ᭞ᬲᬸᬫᬸᬲᬸᬮ᭄ᬮᬫᬭᬂᬳᬶᬂᬲᬶᬯᬶ᭞ᬓᬂᬦᬹᬓ᭄ᬫᬾᬂᬥ᭄ᬮᬶᬲᬾᬢ᭞ᬢ᭄ᬬᬲ᭄ᬲᬶᬭᬓᬸᬫᭂᬧ᭄ᬬᬃ᭞ᬫᬦ᭄ᬢᬧᬫᬶᬢ᭄ᬬᬸᬲ᭄ᬮᬶᬦᬶᬮᬦ᭄᭞ᬰᬷᬖ᭄ᬭᬫᭂᬲᬢ᭄‌ᬫᬚᭂᬫᬸᬃᬳᬶᬂᬮᬶᬫᬧᬸᬢᬶᬄ᭞ᬳᬶᬓᬂᬲᬶᬦᭂᬤ᭄ᬬᬾᬂᬓᬃᬱ᭛ᬫ᭄ᬭᬶᬂᬦᬵᬕᬭᬷᬳᬶᬂᬢᬩᭂᬮᬭᬸᬓ᭄ᬫᬶ᭞ᬢᬦ᭄ᬭᬶᬦᬃᬡ᭄ᬦᬮ
ᬫ᭄ᬧᬄᬳᬶᬭᬂᬫᬃᬕ᭄ᬕ᭞ᬧ᭄ᬭᬧ᭄ᬢᬾᬂᬢᬹᬶᬢᬩᭂᬮᬋᬢ᭄ᬦᬦ᭄ᬦᬾ᭞ᬭᬶᬲᬓ᭄ᬱᬡᬚᬸᬫᬸᬚᬸᬕ᭄᭞ᬳᬶᬂᬳᬸᬤ᭄ᬬᬦᬲᬤᬦᬲᬶᬯᬶ᭞ᬫᬾᬜ᭄ᬘᭀ᭠ᬓ᭄ᬳᬶᬂᬦᬕᬧᬸᬱ᭄ᬧ᭞ᬳᬤᬗᬸᬦᬾᬂᬭᬶᬓᬸ᭞ᬯᬸᬯᬸᬲᭂᬦ᭄ᬲᬂᬦᬃᬧᬧᬸᬢ᭄ᬭ᭞ᬓᬮᬶᬄᬳᬶᬭᬫᬗ᭄ᬓ᭄ᬬᬯᬸᬲ᭄ᬓᬯᬦ᭄ᬥᬶᬲᬭᬷ᭞ᬫᬓᬸᬯᭀᬦ᭄ᬳᬦᬾᬂᬢ
ᬫᬦ᭄᭛ᬫᬢᬶᬕᬦ᭄ᬢᬸᬦ᭄ᬓᬲ᭄ᬫᬭᬦ᭄ᬳᬶᬂᬕᬮᬶᬄ᭞ᬲᬯᬶᬢ᭄ᬤᬾᬦ᭄ᬦᬶᬂᬧᬸᬦ᭄ᬥᬸᬢᬦᬭᬾᬦ᭄ᬤ᭄ᬭ᭞ᬤᬾᬭᬾᬂᬩᬗ᭄ᬓᬶᬢ᭄ᬳᬦ᭄ᬢᬸᬓ᭄ᬳᬶᬓᬾ᭞ᬲᬫᬦᬭᬵᬚᬲᬸᬦᬸ᭞ᬲᬶᬋᬧ᭄ᬚᬦ᭄ᬫᬫᬶᬚᬶᬮ᭄ᬳᬶᬂᬚᬯᬶ᭞ᬮᬦ᭄ᬳᬭᬶᬧᬋᬫ᭄ᬩᬕᬦ᭄᭞ᬦᬾᬂᬗᬦ᭄ᬥᬶᬧᬶᬂᬢᬭᬸ᭞ᬓᬂᬭᬓᬳᬭᬶᬲ᭄ᬗᬦ᭄ᬥᬶᬓ᭞ᬓᬬᬧ
ᬭᬦ᭄‌ᬬᬬᬶᬫᬵᬲ᭄ᬓᬃᬱᬦ᭄ᬢᬫᬗ᭄ᬓᬶᬦ᭄᭞ᬫᬸᬗ᭄ᬕᬸᬄᬧᬸᬦ᭄ᬥᬸᬢᬦ᭄ᬦᬵᬣ᭛ᬗᭂᬦ᭄ᬥᬶᬳᬦ᭄ᬢᬸᬓ᭄ᬳᬶᬭᬳᬗᬸᬮᬢ᭄ᬢᬶ᭞ᬥᬮᬶᬧᬸᬢᬶᬄ᭞ᬩᬶᬲᬩᬱᬾᬂᬚᬦ᭄ᬫ᭞ᬮᬫᬸᬦ᭄ᬫᬗ᭄ᬕᬸᬂᬗᬫᬗ᭄ᬓᬾᬦ᭄ᬦᬾ᭞ᬧᬭᬦ᭄ᬯᭂᬓᬲᬦ᭄ᬦᬶᬧᬸᬦ᭄᭞ᬬᬾᬦ᭄ᬧᬋᬓᬮᬯᬦ᭄ᬭᬵᬫᬵᬚᬶ᭞ᬓᬬᬢᬦ᭄ᬦᭀᬭᬓᬾᬯ᭄ᬭ