[᭘᭔ 84 B]
᭘᭔
ᬳᬦᬩᬳᬸᬲᭂᬫ᭄ᬧᬮ᭄᭞ᬯᭂᬦᬾᬄᬯᬸᬕ᭄ᬬᬢ᭄ᬢᬦ᭄ᬦᬶᬭ᭞ᬧᬸᬢᬸᬂᬓᬫ᭄ᬧᬤ᭄ᬳᬶᬂᬚᭂᬫ᭄ᬧᬭᬶᬂᬲᬯᭂᬦᬾᬄᬭᬵᬚ᭞ᬯᬦ᭄ᬢᭂᬦ᭄ᬳᬦᬶᬢᬶᬄ᭞ᬳᬱ᭄ᬝᬶ᭛ᬢᬶᬮᬃᬯᬤ᭄ᬬᬫᬗ᭄ᬲᬄᬳᬗᬶᬓᬮ᭄ᬲᬭᬫ᭄ᬧᬂ᭞ᬫᬵᬢᬶᬤᬾᬦ᭄ᬦᬶᬂᬚᭂᬫ᭄ᬧᬭᬶᬂ᭞ᬫᬓᬸᬦ᭄ᬥᬄᬳᬶᬂᬓᬶᬱ᭄ᬫ᭞ᬕᬚᬄᬳᬶᬭᬮᬸᬫᬚᬃ᭞ᬫᬢᭂᬳᬦ᭄ᬦ
ᬭᬵᬚᬩᬭᬶᬲ᭄᭞ᬕᬾᬕᬾᬃᬳᬸᬭᬄᬳᬦ᭄᭞ᬓᬤ᭄ᬬᬫᬦ᭄ᬦᭂᬗ᭄ᬓᭂᬃᬮᬗᬶᬢ᭄᭛ᬕᬶᬭᬶᬲ᭄ᬕᬶᬭᬲ᭄ᬫᬯᬸᬃᬓᬸᬯᬸᬃᬲᬸᬫ᭄ᬬᬃᬳᬫ᭄ᬩ᭄ᬬᬃ᭞ᬲᬲᬭᬦ᭄ᬧᬹ᭠ᬩᬸᬢ᭄ᬳᬸᬭᬶᬧ᭄᭞ᬧᬥᬂᬧᬩᬭᬢ᭄ᬢᬦ᭄᭞ᬮᬶᬃᬭᬶᬦ᭄ᬦᬶᬩ᭄ᬳᬶᬂᬤᬄᬳᬦ᭄ᬦ᭞ᬳᬯᬸᬓᬢᭂᬫ᭄ᬧᬸᬄᬳᬶᬂᬳᬗᬶᬦ᭄᭞ᬰᬶᬃᬡ᭄ᬦᬲᬤᬬ᭞ᬲᬚᬸᬕᬢᬦ᭄ᬦᬓ
ᬭᬶ᭛ᬳᬸᬫᬸᬂᬓᬦ᭄ᬢᬸᬦ᭄ᬭᬵᬚᬧᬸᬢ᭄ᬭᬳᬶᬂᬫᬮᬯ᭞ᬗᬤᭂᬕ᭄ᬢᭂᬢᭂᬓᭂᬦ᭄ᬩᬶᬦ᭄ᬥᬶ᭞ᬤ᭄ᬬᬦ᭄ᬳᬗ᭄ᬮᬶᬂᬓᬸᬲᬸᬲ᭄ᬫ᭞ᬳᬢᭂᬢᭂᬓᭂᬦ᭄ᬩᬸᬦ᭄ᬚᬮ᭞ᬓᬂᬲᭀᬃᬭᬶᬂᬯᬭᬶᬗᬶᬦ᭄ᬓᬮᬶᬄ᭞ᬳᬯᬲ᭄ᬢᬸᬫᬶᬗ᭄ᬳᬮ᭄᭞ᬦᬵᬣᬾᬢᬩᭂᬮᬭᬸᬓ᭄ᬫᬶ᭛ᬰ᭄ᬭᬷᬯᬲ᭄ᬧᬪᬰᭀᬦ᭄ᬯᬸᬯᭂᬥᬓ᭄ᬳᬶᬂᬧᬗ᭄ᬕᬸᬗᬦ᭄᭞ᬧᬸᬢ᭄ᬭᬓᬮᬶᬄᬓᬶᬦ
ᬦ᭄ᬢᬶ᭞ᬮᬸᬗ᭄ᬕ᭄ᬯᬾᬂᬲᬶᬢᬶᬩᭂᬦ᭄ᬢᬃ᭞ᬳᬗᬦ᭄ᬥᬶᬓᬫ᭄ᬭᬶᬂᬧᬸᬢ᭄ᬭ᭞ᬦᬶᬦᬶᬧᬧᬕᭂᬦ᭄ᬢᬸᬫᬸᬮᬶ᭞ᬳᬶᬓᬂᬮᬓᬶᬦ᭄ᬢ᭞ᬦᬾᬂᬲᭀᬃᬯᬭᬶᬗᬶᬦ᭄ᬓᬮᬶᬄ᭛ᬳᬸᬫᬋᬓᬲᬃᬢᬧᬥᬫᬦᭂᬫ᭄ᬩᬄᬳ᭞ᬲᬂᬧᬸᬢ᭄ᬭᬷᬍᬗ᭄ᬕᬦᬵᬚ᭄ᬭᬶᬄ᭞ᬯᬸᬲ᭄ᬓᭂᬦᬾᬂᬗᬸᬩᬬ᭞ᬮᬸᬫᬾᬗ᭄ᬲᬾᬃᬲᬓᬶᬂᬗᬃᬱ᭞ᬮᬸᬫᬫ᭄ᬧᬄ
[᭘᭕ 85 A]
ᬫᬦ᭄ᬤᭂᬕ᭄ᬳᬦᭀᬮᬶᬄ᭞ᬳᬲᭂᬫᬸᬫᬾᬭᬂ᭞ᬦᬶᬧ᭄ᬢᬢᬦ᭄ᬢᬸᬓ᭄ᬫᬫᬦᬶᬲ᭄᭛᭜᭛ᬧ᭄ᬭᬧ᭄ᬢᬾᬂᬧᬺᬦ᭄ᬦᬄᬳᬶᬭᬭᬤᬾᬦ᭄ᬲᬶᬯᬶ᭞ᬲᬂᬤ᭄ᬬᬄᬳᬬᬸᬫᭂᬦ᭄ᬥᭂᬓ᭄ᬢᬸᬃᬧ᭄ᬭᬡᬢ᭞ᬳᬗ᭄ᬮᬶᬂᬓᬸᬲᬸᬫᬘᬶᬧ᭄ᬢᬦ᭄ᬦᬾ᭞ᬩᬬᬾᬓᬶᬭᬕᬦ᭄ᬦᬶᬧᬸᬦ᭄᭞ᬓᬂᬓᬳᬾᬓ᭄ᬱᬶᬲᬚ᭄ᬭᭀᬦ᭄ᬦᬶᬂᬕᬸᬮᬶᬂ᭞ᬳᬭᬶᬲ᭄ᬳᬦ᭄ᬥᬶᬓᬦ᭄ᬦᬶᬭ
ᬩᬩᭀᬲᬧᬭᬦ᭄ᬦᬸ᭞ᬳᬦᬯᬸᬃᬭᬶᬓᬂᬢᬶᬦᬦ᭄ᬦ᭄ᬬᬦ᭄᭞ᬭᬤᬾᬦ᭄ᬯᬲ᭄ᬢᬓᬸᬮᬧᬸᬦ᭄ᬫᬬᬦᬲᬭᬷ᭞ᬤᬶᬧᬸᬦᬵᬗᬸᬲ᭄ᬯᬧᬤ᭛ᬤ᭄ᬬᬦ᭄ᬲᬶᬦᬫ᭄ᬩᬸᬢ᭄ᬭᬶᬲᬂᬓᬤᬶᬭᬢᬶᬄ᭞ᬭᬤᬾᬦ᭄ᬥᬦᬹᬃᬯᬾᬦ᭄ᬥᬤᬸᬓ᭄ᬧᬶᬦᬭᬓ᭄᭞ᬤᬾᬭᬤᬾᬦ᭄ᬭᬦ᭄ᬢᬦ᭄ᬲᬭᬷᬦ᭄ᬦᬾ᭞ᬤᬳᬓᭀᬗ᭄ᬲᬶᬳᬫᬸᬯᬸᬲ᭄᭞
ᬓᬸᬲᬸᬫᬵᬬᬸᬲᬶᬦᬫ᭄ᬩᬸᬢ᭄ᬦᬸᬮᬶ᭞ᬓᬶᬦᬸᬲ᭄ᬯᬤ᭄ᬬᬦ᭄ᬳᬶᬗᭂᬫ᭄ᬩᬦ᭄᭞ᬓᬮᬶᬄᬳᬶᬭᬮᬚᬸ᭞ᬮᬸᬫ᭄ᬲᬡᬫ᭄ᬭᬶᬂᬗᬃᬱᬾᬦ᭄ᬤ᭄ᬭ᭞ᬧ᭄ᬭᬧ᭄ᬢᬳᬶᬂᬩ᭄ᬬ᭠ᬦ᭄ᬢᬭᬲᬫᬶᬯᭀᬢ᭄ᬲᬭᬷ᭞ᬗᬦ᭄ᬥᬶᬓᬰ᭄ᬭᬷᬧᬃᬫᬱ᭛ᬲᬶᬦ᭄ᬢᭂᬦ᭄ᬦᬶᬓᬂᬲᬶᬦᬫ᭄ᬩᬢ᭄ᬳᬶᬂᬯᬗᬶ᭞ᬮᬦ᭄ᬳᬶᬂᬧᬸᬦ᭄ᬥᬶᬭᬤᬾᬦ᭄ᬓᬂᬧᬶᬦᭀᬗ᭄ᬓ᭞ᬫᬶᬯᬄ
ᬲᬶᬦ᭄ᬢᭂᬦ᭄ᬲᬸᬥᬃᬫ᭄ᬫᬦ᭄ᬦᬾ᭞ᬤᬾᬦᬾᬧ᭄ᬭᬯᬷᬭᬧᬸᬜ᭄ᬚᬸᬮ᭄᭞ᬳᬶᬂᬧ᭄ᬭᬂᬯᬶᬕ᭄ᬦ᭄ᬬᬢᬸᬃᬰᬹᬭᬲᭂᬓ᭄ᬢᬶ᭞ᬭᬤ᭄ᬬᬦ᭄ᬳᬸᬫᬢᬸᬃᬦᭂᬫ᭄ᬩᬄ᭞ᬳᬶᬓᬂᬳᬲᬸᬲᬸᬦᬸ᭞ᬫᬳᬭᬵᬚᬳᬗ᭄ᬮᬶᬂᬥᬃᬫ᭄ᬫ᭞ᬳᬶᬂᬫᬮᬯᬓᬤᬸᬓᬦ᭄ᬳᬶᬂᬬᬬᬄᬩᬶᬩᬶ᭞ᬢᬶᬦ᭄ᬥᬸᬂᬲᬓᬶᬂᬧ᭄ᬭᬚ᭛ᬤᬤ᭄ᬬᬯᬦᬦ᭄ᬥᬢᬦ᭄ᬧᬦᬵᬕ
Kaca:Bali-lontar-gaguritan-anging-kusuma-250ppi.pdf/85
Kaca puniki sampun kauji-wacén
