[᭗᭕ 75 B]
᭗᭕
ᬭᬂᬫᬳᬵᬫᬸᬦ᭄ᬦᬶ᭞ᬓᬭᭀᬧᬸᬢ᭄ᬭᬦ᭄ᬦᬶᬗᭀᬂ᭞ᬗᬩᭂᬓ᭄ᬢᬶᬬᬫ᭄ᬭᬶᬂᬳᬾᬬᬂᬫᬸᬳᬕᬾ᭞ᬳᬶᬓᬸᬪᬸᬫᬶᬦᬵᬣᬾᬂᬫ᭄ᬮᬯᬧ᭄ᬢᬶ᭞ᬦᬸᬓ᭄ᬱ᭄ᬫᬾᬓᬥᬮᬶᬧᬸᬢᬶᬄ᭞ᬦᬸᬲᬸᬮᬶᬬᬬᬄᬫᬸ᭛ᬲᬶᬭᬳᬤ᭄ᬬᬦ᭄ᬲᬶᬭᬫᬗᬜ᭄ᬚᬮᬶ᭞ᬧᬋᬂᬮᬦ᭄ᬲᬂᬲᬶᬦᭀᬫ᭄᭞ᬳᬶᬓᬂᬳᬾᬬᬂᬫᬯᬃᬣᬕᬮᬶᬄᬳᬾ᭞
ᬫᬶᬘᬭᬾᬂᬢ᭄ᬬᬲ᭄ᬫᬾᬦ᭄ᬥᬄᬦᬶᬩᭀᬓ᭄ᬱᬭᬷ᭞ᬩᬶᬗᬄᬳᬾᬓᬂᬗᬢᬶ᭞ᬯ᭄ᬭᬸᬄᬳᬯᬬᬄᬳᬶᬧᬸᬦ᭄᭛ᬳᬗᬦ᭄ᬥᬶᬓᬲᬂᬲᬦ᭄ᬢᬡᬸᬫᬹᬃ᭠ᬢ᭄ᬢᬶ᭞ᬯᬬᬄᬚᭂᬂᬲᬂᬲᬢᭀᬂ᭞ᬳᬶᬓᬂᬚᬮᬸᬳᬶᬗ᭄ᬕᬶᬄᬢᬦ᭄ᬦᬬᬦ᭄ᬦᬾ᭞ᬗ᭄ᬮᬶᬂᬓᬸᬲᬸᬫᬤᬾᬦ᭄ᬦᬾᬓᬂᬧᬯᬾᬲ᭄ᬢ᭄ᬭᬷ᭞ᬤᬦᬹᬃᬯᬾᬦ᭄ᬥᬲᬶᬯᬶ᭞ᬳᬓ᭄ᬱᬫ
ᬦ᭄ᬢᬧ᭄ᬭᬪᬸ᭛ᬤᬾᬦ᭄ᬦᬾᬓᬸᬮᬗ᭄ᬭᬸᬳᬸᬦ᭄ᬦᬶᬓᬃᬱᬵᬚᬶ᭞ᬯᬬᬄᬤᬾᬍᬫ᭄ᬓᬭᭀ᭞ᬫᬗ᭄ᬓᬾᬲᬫ᭄ᬧᬸᬦᬓᬸᬮᬤᬳᬸᬧ᭄ᬧᬦ᭄ᬦᬾ᭞ᬫ᭄ᬭᬶᬄᬧᬗ᭄ᬕᬶᬄᬳᬲᬲᬫᬾᬂᬢ᭄ᬭᬄᬳᬤᬶ᭞ᬓᬸᬮᬳᬸᬩᬬᬦ᭄ᬦᬶ᭞ᬯᬬᬄᬚᭂᬂᬧᬸᬓᬸᬮᬸᬦ᭄᭛ᬫᬤᭂᬕ᭄ᬦᬵᬣᬳᬶᬂᬫᬯᬧᬢᬶ᭞ᬤᬶᬩ᭄ᬬᬦᬸᬂᬓᬶᬦᬯᭀᬢ᭄᭞
ᬳᬗᬸᬗ᭄ᬕᬸᬮᬶᬩᬧᬫ᭄ᬬᬂᬳᬾᬬᬂᬗᬾ᭞ᬲᬸᬬᬸᬤ᭄ᬧᬭᬃᬢᬸᬲᬾᬬᬸᬦᬵᬕ᭄ᬭᬷ᭞ᬗ᭄ᬮᬶᬂᬓᬥᬮᬶᬧᬸᬢᬶᬄ᭞ᬓᬯᬸᬮᬚᬸᬫᬸᬭᬸᬂ᭛ᬗᬦ᭄ᬥᬶᬓ᭠ᬫ᭄ᬭᬶᬂᬯᬬᬄᬳᬾᬲᬂᬧᭂᬓᬶᬓ᭄᭞ᬓᬤᬶᬢᬓᬮᬓᭀᬦ᭄᭞ᬳᭂᬫᬵᬲ᭄ᬧᬸᬢᬸᬲᬶᬭᬫᬕ᭄ᬭᬵᬚᬾ᭞ᬳᬗ᭄ᬕᭂᬦ᭄ᬢᬾᬦ᭄ᬦᬶᬧᬜᭂᬦ᭄ᬦᭂᬗᬦ᭄ᬫᬫᬶ᭞ᬲᭂᬥᭂᬂ
[᭗᭖ 76 A]
ᬗᬾᬂᬲᬫᬗ᭄ᬓᬶᬦ᭄᭞ᬫ᭄ᬪᬕᬯᬵᬦ᭄ᬯᬸᬲ᭄ᬲᭂᬧᬸᬄ᭛ᬯᬸᬲ᭄ᬧᬶᬦᬲ᭄ᬢᬶᬲᬶᬭᬓᬂᬲᬸᬫᬶᬮᬶᬄ᭞ᬳᬶᬂᬓᬧ᭄ᬭᬩᭀᬦ᭄ᬦᬶᬗᭀᬂ᭞ᬤᬫᬭᬶᬳᭀᬦ᭄ᬦᭂᬂᬫ᭄ᬭᬶᬂᬧᬸ᭠ᬧᬸᬢ᭄ᬭᬦ᭄ᬦᬾ᭞ᬫᬋᬫ᭄ᬫᬸᬮᬣᬶᬂᬯᬬᬄᬓᬂᬗᬚᬶ᭞ᬲᬶᬄᬳᬶᬭᬢᬦ᭄ᬲᬶᬧᬶ᭞ᬰ᭄ᬭᬷᬦᬵᬣᬫ᭄ᬭᬶᬂᬧᬸᬢᬸ᭛᭜᭛ᬢᬦ᭄ᬯᬶᬦᬃᬡ᭄ᬦᬮᬫᬶᬦ᭄ᬦᬶᬭ᭞ᬳᬦᬾᬂᬯᬸ
ᬓᬶᬂᬳᬃᬘ᭄ᬘᬫᬦᬶᬓ᭄᭞ᬓᬂᬦᬹᬓ᭄ᬱ᭄ᬫᬾᬂᬓᬥᬮᬶᬲᬾᬢ᭞ᬫᬫᬦ᭄ᬦᬶᬂᬓ᭄ᬭᬫᬦᬶᬢᬶ᭞ᬭᬾᬄᬦ᭄ᬦᬶᬂᬳᬸᬫᬤᭂᬕ᭄ᬳᬚᬶ᭞ᬤᬶᬦᬸᬮᬂᬳᬓᭂᬦ᭄ᬳᬶᬂᬧᬸᬢᬸ᭞ᬳᬸᬮᬄᬳᬶᬓᬂᬲᬸᬥᬃᬫ᭄ᬫ᭞ᬳᬗ᭄ᬭᬾᬄᬓᬃᬬ᭄ᬬᬦ᭄ᬦᬶᬂᬦᬵᬕᬭᬷ᭞ᬫᬶᬯᬄᬗᬝᬶᬓ᭄ᬧᬸᬗ᭄ᬕᬯᬤᬶᬩ᭄ᬬᬲᬸᬲᬢ᭄ᬬ᭛ᬲᬶᬬᬂᬭᬢ᭄ᬭᬶᬳᬫᬸᬫᬸᬮᬂᬳᬶᬂᬢ᭠
ᬢᬓᬮᬯᬦ᭄ᬳᬶᬢᬶ᭞ᬫ᭄ᬬᬂᬦᬶᬲ᭄ᬢᬫᬤ᭄ᬬᬳᬸᬢ᭄ᬢᬫ᭞ᬢᬢᬲ᭄ᬲᬶᬂᬧᬗᬸᬮᬄᬚᬸᬭᬶᬢ᭄᭞ᬓᬤᬶᬩ᭄ᬬᬦ᭄ᬦᬶᬂᬦᬃᬧᬢᬶ᭞ᬓᬯᬶᬚᬬᬦ᭄ᬦᬶᬂᬧ᭄ᬭᬂ᭠ᬧᬸᬧᬸᬄ᭞ᬓᬯᬶᬕ᭄ᬦ᭄ᬬᬓᬤᬶᬫ᭄ᬧᬸᬦ᭄ᬦᬦ᭄᭞ᬧᬗᬼᬧᬲ᭄ᬲᬦ᭄ᬦᬶᬂᬚᭂᬫ᭄ᬧᬭᬶᬂ᭞ᬢᬸᬫ᭄ᬧᭂᬓ᭄ᬓᬯ᭄ᬭᬢ᭄ᬲᬤᬬᬫ᭄ᬭᬶᬂᬭᬤᬾᬦ᭄ᬯᬯᬄ᭛ᬫᬸᬂᬳᬚᬶᬓᬮᬶᬄᬧ᭄ᬭ
ᬓᬭ᭞ᬓᬂᬦᭀᬭᬓᭂᬦᬯᬶᬦ᭄ᬦᬶᬚᬶᬮ᭄᭞ᬳᬚᬶᬦ᭄ᬦᬾᬳᬢᬶᬮᬃᬭᬕ᭞ᬮᬦ᭄ᬢᬂᬲᬓᬶᬂᬦᬵᬕᬗᬸᬦ᭄ᬦᬶ᭞ᬮᬶᬬᬦ᭄ᬧᬸᬦᬶᬓᬳᭂᬦ᭄ᬢᬶᬂ᭞ᬯᬶᬦᬸᬢᬄᬳᬓᭂᬦ᭄ᬳᬶᬂᬧᬸᬢᬸ᭞ᬭᬤᬾᬦ᭄ᬕᭀᬦ᭄ᬥᬓᬸᬲᬸᬫ᭞ᬯᬸᬲ᭄ᬤᬶᬩ᭄ᬬᬲᬮᬶᬃᬭᬶᬂᬳᬚᬶ᭞ᬫᬶᬲᬶᬄᬜᬸᬯᬸᬓ᭄᭞ᬧᬗ᭄ᬭᭀᬄᬧᬫᬸᬮᬗᬶᬂᬯᬤ᭄ᬬ᭛ᬦ᭠
Kaca:Bali-lontar-gaguritan-anging-kusuma-250ppi.pdf/76
Kaca puniki sampun kauji-wacén
