[᭖᭓ 63 B]
᭖᭓
᭞ᬧᬸᬗ᭄ᬕᬯᬲᬢ᭄ᬭᬶᬬᬵᬦᬬᬸᬩ᭄᭞ᬓᬲᬸᬓᬦ᭄ᬦᬾᬂᬧᬦᬗ᭄ᬓᬶᬮᬦ᭄᭛ᬓᬾᬯ᭄ᬭᬦ᭄ᬤᬾᬦ᭄ᬦᬶᬭᬵᬃᬱᬗᬫ᭄ᬩᬶᬮ᭄᭞ᬭᬵᬚᬧᬸᬢ᭄ᬭᬦᬾᬂᬚ᭄ᬭᭀᬧᬸᬭ᭞ᬭᬶᬦ᭄ᬦᭂᬓ᭄ᬱᬳᬶᬂᬧᬭᬓᬢᭀᬂ᭞ᬬᬾᬦ᭄ᬦᬶᬗ᭄ᬲᬸᬦ᭄ᬳᬫ᭄ᬩᬶᬮ᭄ᬮᬓᬲᬧ᭄᭞ᬳᬓᬾᬄᬓᬂᬢᬮᬂᬧᭂᬚᬄ᭞ᬤᬤᬶᬲᬶᬓᬭᬵᬯᬓ᭄ᬳᬶᬗ᭄ᬲᬸᬦ᭄᭞ᬲᬓ᭄ᬱᬡᬗᭂ
ᬦ᭄ᬦᬶᬂᬓᭂᬦ᭄ᬘᬶᬧ᭄ᬢ᭛ᬫᬮᬶᬄᬯᬃᬡ᭄ᬦᬳᬸᬮᬲᬶᬓᬶ᭞ᬩᬶᬦ᭄ᬥᬶᬭᬵᬚᬫᬜ᭄ᬚᬶᬧᬸᬭ᭞ᬧ᭄ᬭᬢᬶᬱ᭄ᬝᬾᬦᬕᬲᬭᬶᬦ᭄ᬦᬾ᭞ᬤᬶᬢ᭄ᬬᬭᬶᬡ᭄ᬦᬶᬫᬜ᭄ᬚᬶᬂᬧᬸᬭ᭞ᬳᬯᬃᬡ᭄ᬦᬓᬢᬾᬮ᭄ᬧᭂᬢᬓ᭄᭞ᬭᬸᬫᬫ᭄ᬩᬢ᭄ᬢᬶᬂᬦᬕᬲᬦ᭄ᬢᬸᬦ᭄᭞ᬲᬸᬦ᭄ᬥᬸᬓ᭄ᬓᬮᬯᬦ᭄ᬲᬂᬢᬧ᭛ᬩᬶᬦ᭄ᬥᬶᬭᬵᬚᬤᬶᬢ᭄ᬬᬭᬶᬡ᭄ᬦᬶ᭞ᬢᬦ᭄ᬲᬫᬃᬰᬷᬖ᭄ᬭ᭠
ᬭᬗ᭄ᬓᬸᬮᬦ᭄᭞ᬲᬂᬩᬦ᭄ᬥᬶᬭᬵᬚᬯᬸᬯᬸᬲ᭄ᬲᬾ᭞ᬥᬄᬓᬓᬂᬳᬧᬲᬂᬬᭀᬕ᭞ᬲᬫ᭄ᬧᬸᬦ᭄ᬮᬫᬢᬦ᭄ᬧ᭛ᬤᬶᬢ᭄ᬬᬭᬶᬡ᭄ᬦᬶᬳᬮᭀᬫᬸᬯᬸᬲ᭄᭞ᬢᬦ᭄ᬧᬳᬾᬓᬮᬯᬦ᭄ᬳᬶᬂᬗ᭄ᬯᬂ᭛ᬫᬶᬮᬵᬃᬱᬓᬳᬸᬮᬳᬫ᭄ᬩᬶᬮ᭄᭞ᬤᬶᬢ᭄ᬬᬭᬶᬡ᭄ᬦᬶᬫᬯᬘᬦ᭞ᬢᬸᬗ᭄ᬕᬮ᭄ᬮᬯᬦ᭄ᬮᬓᬸᬦ᭄ᬦᬶᬗᭀᬂ᭞ᬳᬶᬬ
ᬳᬕᬢᬶᬦ᭄ᬦᬗᬶᬱ᭄ᬲᬦ᭄᭞ᬲᬶᬧᬦ᭄ᬥᬫ᭄ᬲᬭᬷᬩ᭄ᬭᭀᬂᬢ᭞ᬫ᭄ᬭᬶᬂᬧᬸᬢ᭄ᬭᬾᬂᬫᬮᬯᬲᭂᬧᬸᬄ᭞ᬓᬂᬗᬭᬦ᭄ᬳᬗ᭄ᬮᬶᬂᬓᬸᬲᬸᬫ᭛ᬮᬄᬧᬬᭀ᭠ᬬᬬᬶᬢᬸᬫᬸᬮᬶ᭞ᬧᬥᬧᬋᬂᬧᬋᬂᬕᬯ᭞ᬲᬓ᭄ᬱᬪᬢᬸᬫᬸᬢᬸᬦ᭄ᬓᬭᭀ᭞ᬲᬓᬶᬂᬯᬺᬓ᭄ᬱᬦᬕᬧᬸᬱ᭄ᬧ᭞ᬫᬜ᭄ᬚᬶᬂᬧᬦ᭄ᬢᬶᬫᬦ᭄ᬥᬧ᭞ᬭᬳᬤᬾ
[᭖᭔ 64 A]
ᬓ᭄ᬓᬮᬶᬄᬳᬮᬸᬗ᭄ᬕᬸᬄ᭞ᬳᬦᬾᬂᬗᬃᬱᬭᬵᬫᬦᬵᬣ᭛ᬳᬶᬂᬗᬧᬶᬧ᭄ᬤᬾᬬᬶᬗᬸᬲᭀᬭᬷ᭞ᬓᬂᬕᬃᬯ᭄ᬯᬲᬸᬫᬦ᭄ᬥᬶᬂᬍᬗ᭄ᬕᬄ᭞ᬓᬢᬾᬮ᭄ᬲᬾᬢᬯᬸᬲ᭄ᬲᬸᬫᬾᬫ᭄ᬧᬾᬮ᭄᭞ᬳᬶᬂᬓᬫ᭄ᬧᬸᬄᬳᬾᬗ᭄ᬮᬶᬂᬓᬸᬲᬸᬫ᭞ᬳᬸᬮᬲᬶᬓᬶᬢᬸᬫᬫ᭞ᬳᬶᬂᬓᬸᬓᬹᬶᬜ᭄ᬘᬤᬦᬹᬃᬯᬾᬦ᭄ᬥᬯᬸᬲ᭄᭞ᬰᬷᬖ᭄ᬭᬧᬋᬂᬳᬸᬦ᭄ᬥᬸᬃ᭠
ᬭᬶᬭ᭛᭜᭛ᬭᬤᬾᬦ᭄ᬓᬮᬶᬄᬮᬶᬃᬢᬶᬦᬸᬮᬸᬂᬳᬶᬂᬚᬯᬢ᭞ᬫᬹᬲ᭄ᬦᬳᬶᬂᬗᬃᬱᬳᬚᬶ᭞ᬰ᭄ᬭᬷᬚᬮᬲᬗ᭄ᬳᬭ᭞ᬳᬜ᭄ᬚᭂᬗᭂᬃᬢᬦ᭄ᬧᬲᬩ᭄ᬤ᭞ᬓᬦ᭄ᬢᬓᬲᬂᬧᬸᬢ᭄ᬭᬶᬓᬮᬶᬄ᭞ᬓᬤ᭄ᬬᬳᬫ᭄ᬧᬸᬄᬳᬦ᭄᭞ᬢᬗᬶᬲ᭄ᬲᬾᬚ᭄ᬭᭀᬦ᭄ᬦᬶᬂᬧᬸᬭᬷ᭛ᬧᬭᬦᬵᬣᬧᬸᬗ᭄ᬕᬯᬯᬸᬲ᭄ᬲᬶᬦᬸᬂᬯᬶᬓ
ᬦ᭄᭞ᬫᬹᬃᬘ᭄ᬘᬦ᭄ᬦᬾᬭᬵᬚᬲᬶᬭᬶ᭞ᬢᭂᬥᬸᬦ᭄ᬲᬦᬵᬕᬭ᭞ᬓᬶᬧᬸᬢᬸᬢ᭄ᬓᬃᬣᬶᬭᬕ᭞ᬓᬃᬣᬶᬲᭀᬫᬲᬫᬶᬦᬗᬶᬲ᭄᭞ᬓᬤ᭄ᬬᬯᬦᬶᬢ᭞ᬢᬶᬦᬶᬗ᭄ᬕᬮ᭄ᬧ᭄ᬭᬶᬬᬫᬵᬢᬶ᭛ᬗᬸᬦᬦᬥᬶᬓᬬᬾᬦ᭄ᬳᬶᬮᬂᬗᬳᬦᬾᬂᬗᬮᬲ᭄᭞ᬳᬶᬗ᭄ᬲᬸᬦ᭄ᬭᬸᬭᬸᬄᬳᬶᬂᬢᬺᬩᬶᬲ᭄᭞ᬳᬶᬮᬂᬗ᭠
ᬳᬶᬂᬢᭀᬬ᭞ᬲᬸᬦ᭄ᬭᬸᬭᬸᬄᬳᬶᬂᬲᬫᭀᬤ᭄ᬭ᭞ᬳᬗᬸᬃᬩᬬᬧᬥᬫᬸᬮᬶᬄ᭞ᬳᬢᬸᬃᬳᬸᬦ᭄ᬦᬶᬗ᭞ᬫᬭᬂᬲᬂᬫᬳᬵᬬᬸᬓ᭄ᬢᬶ᭛᭠ᬬᬾᬦ᭄ᬧᬸᬢ᭄ᬭᬦ᭄ᬦᬾᬫᬹᬲ᭄ᬦᬤᬢᬦ᭄ᬧᬓᬭᬡ᭞ᬤ᭄ᬬᬦ᭄ᬫᭂᬲᬢ᭄ᬢᬯᬦ᭄ᬢᬗᬶᬲ᭄᭞ᬲᬂᬦᬵᬣᬾᬂᬕᬸᬩᬃᬚ᭞ᬳᬗᬼᬲ᭄ᬲᬯᬤ᭄ᬬᬦ᭄ᬦᬶᬭ
Kaca:Bali-lontar-gaguritan-anging-kusuma-250ppi.pdf/64
Kaca puniki sampun kauji-wacén
