[᭖᭐ 60 B]
᭖᭐
ᬮᬶᬃᬩᭂᬮᬄᬓᬂᬧ᭄ᬭᬢᬶᬯᬶ᭞ᬳᭀᬋᬕ᭄ᬤᬸᬓ᭄ᬢᬸᬫᬶᬩ᭞ᬕᬤᬦ᭄ᬦᬶᬭᬬᬓ᭄ᬧᬾᬦ᭄ᬤ᭄ᬭ᭞ᬫᬮᬸᬫ᭄ᬧᬢ᭄ᬭᬤ᭄ᬬᬦ᭄ᬢᬦ᭄ᬓᭂᬦ᭄ᬦᬶ᭞ᬳᬗ᭄ᬮᬶᬂᬚᬯᬢ᭞᭠ᬯᬮᬶᬯᬮᬶᬢᬦ᭄ᬓᭂᬦ᭄ᬦᬶ᭛ᬫᬮᬄᬓᬶᬬᬸᬩᬯᬸᬦᬾᬲᬂᬤᬦᬯᬾᬦ᭄ᬤ᭄ᬭ᭞ᬮᬶᬫ᭄ᬧᬸᬂᬰᬷᬖ᭄ᬭᬢᬶᬦ᭄ᬦᬭᬶᬓ᭄᭞ᬤ᭄ᬬᬦ᭄ᬧᬸᬢ᭄ᬭᬢᬦ᭄ᬧᬲᬄ᭞ᬲᬶ᭠
ᬦᬯᬸᬢ᭄ᬦᭀᬭᬓᭂᬦ᭄ᬦ᭞ᬳᬓᭂᬲᬶᬢ᭄ᬲᬳᬾᬗ᭄ᬕᬢᬝᬶᬢ᭄᭞ᬓᬓᬸᬢ᭄ᬬᬲ᭄ᬲᬶᬭ᭞ᬭᬵᬚᬓᬵᬮᬯᬺᬢᬶ᭛ᬯᬮᬸᬬᬓᬂᬤᬶᬤ᭄ᬬᬗ᭄ᬭᬶᬓ᭄ᬳᬕᬶᬕᬶᬮ᭞ᬫᬘᬢ᭄ᬫᬓᬸᬝᬦᬸᬮᬶ᭞ᬯᬶᬦᬮᬶᬓ᭄ᬓᬂᬓᬶᬲ᭄ᬯ᭞ᬳᬜ᭄ᬚᬸᬜ᭄ᬚᬸᬂᬲᬸᬓᬸᬓᬶᬯ᭞ᬳᬗ᭄ᬕ᭄ᬭᭀᬤᬺᬱ᭄ᬝᬦ᭄ᬦᬾᬤᬾᬦ᭄ᬳᬶᬲᬶᬲᬶ᭞
ᬳᬗᬫᬄᬳᬫᬄ᭞ᬲᬸᬓᬭᬳᬤᬾᬦ᭄ᬓᬮᬶᬄ᭛ᬦᬭᬶᬓ᭄ᬓᬤ᭄ᬕᬭᬳᬤᬾᬦ᭄ᬳᬗ᭄ᬮᬶᬂᬓᬸᬲᬸᬲ᭄ᬫ᭞ᬦᬭᬘᬤ᭄ᬩᬸᬓᭂᬮ᭄ᬭᬯᬶᬲ᭄᭞ᬫ᭠ᬜ᭄ᬘᬤ᭄ᬮᬫ᭄ᬩᬸᬂᬓᬶᬯ᭞ᬲᬲᬮᬂᬯᬶᬦ᭄ᬦᬃᬚᬬ᭞ᬫᬜ᭄ᬘᬶᬂᬓᬂᬘᬸᬭᬶᬕᬮᬸᬗᬶᬤ᭄᭞ᬭᬄᬲᬸᬫ᭄ᬩᬸᬭᬢ᭄᭞ᬭᬤᬾᬦ᭄ᬥᬦᬹᬃᬯᬾᬦ᭄ᬥᬕ᭄ᬮᬶᬲ᭄᭛᭠
ᬧᬜ᭄ᬘᬢ᭄ᬧᬸᬧᬸᬳᬗᬸᬓᬶᬮ᭄ᬓᬂᬲᬫ᭄ᬩᬃᬚᬚ᭞ᬧᬃᬚᬬᬧᬸᬮᬸᬂᬗᬢᬶ᭞ᬫᬸᬜ᭄ᬘᬃᬓᬂᬭᬸᬥᬶᬭ᭞ᬓᬤ᭄ᬬᬳᬾᬃᬳᬶᬂᬧᬜ᭄ᬚᬭᬦ᭄᭞ᬫᬄᬭᬵᬚᬓᬵᬮᬯᬺᬤᬢᬶ᭞ᬳᬗ᭄ᬕ᭄ᬭᭀᬓᬦ᭄ᬢᬓ᭞ᬕᬸᬫᭂᬩ᭄ᬬᬸᬕ᭄ᬓᬤ᭄ᬬᬯᬸᬓᬶᬃ᭛ᬯᬸᬲ᭄ᬧᬮᬢ᭄ᬭᬋᬓ᭄ᬱᬲᬭᬵᬚᬳᬶᬂᬭᬡ᭞ᬲᬸᬭᬓ᭄ᬧᬸ
[᭖᭑ 61 A]
ᬢᬸᬢ᭄ᬯᬯᬲᬶ᭞ᬧ᭄ᬭᬩᬦ᭄ᬪᬂᬳᬫ᭄ᬪᬧᬂ᭞ᬳᬫ᭄ᬪᭂᬦ᭄ᬤᬾᬘᬗ᭄ᬓᭂᬫ᭄ᬳᬶᬭ᭞ᬫᬗᬸᬬᬸᬘᬦ᭄ᬢ᭄ᬭᬶᬓ᭄ᬳᬕᭂᬦ᭄ᬥᬶᬂ᭞ᬗᬶᬕᭂᬮ᭄ᬲᬤᬬ᭞ᬚᬬᬚᬬᬫᬰᬦ᭄ᬢᬶ᭛ᬦᭀᬭᬧᬤᬸᬓᬭᬾᬯᭀᬂᬗᬶᬂᬗᬃᬘ᭄ᬘᬋᬢ᭄ᬦ᭞ᬲᬸᬦ᭄ᬧᬥᬳᬩᭂᬦ᭄ᬤᬸᬳᬶ᭞ᬳᭂᬦ᭄ᬥᬲ᭄ᬲᬾᬤᬦᬯ᭞ᬲᬶᬬᬸᬗᬾᬳᬶᬗ᭄ᬲᬸᬦ᭄ᬧᭀ
ᬮ᭄ᬮᬂ᭞ᬲᬸᬦ᭄ᬓᬸᬦᬂᬬᬲᬸᬫ᭄ᬮᬾᬯᬄᬳᬶ᭞ᬕᬫ᭄ᬧᬂᬓᬾᬯᬮ᭞ᬢᬦ᭄ᬦᬦᬂᬗᬲ᭄ᬫᬭᬦ᭄ᬦᬶ᭛᭜᭛ᬲᬶᬋᬫ᭄ᬲᬶᬋᬫ᭄ᬫᬶᬂᬯᬶᬬᬢᬶ᭞ᬯᬾᬄᬭᬭᬲ᭄ᬲᬶᬂᬧᬩᬭᬢᬦ᭄᭞ᬮᬶᬃᬧᬧᬚᬗᬦ᭄ᬳᬲ᭄ᬭᬶᬦ᭄ᬦᬾ᭞ᬯᬺᬓ᭄ᬱᬯᬺᬓ᭄ᬱᬮᬶᬃᬯᬶᬦᬸᬮᬲ᭄᭞ᬮᬸᬫ᭄ᬭᬂᬗᬶᬭᬄᬲᬸᬫᬶᬭᬢ᭄᭞ᬮᬮᬬᬸ᭠
ᬩᬦ᭄ᬤᬾᬭᬢᬸᬗ᭄ᬕᬸᬮ᭄᭞ᬳᬗ᭄ᬓᭂᬦ᭄ᬧᬮᬶᬲᬶᬃᬭᬶᬂᬕᬸᬩᬄ᭛ᬭᬸᬯᭂᬤᬶᬂᬓᬸᬫ᭄ᬪᬮᬭᬯᬶᬲ᭄᭞ᬳᬸᬧᬫᬓᭂᬓᭂᬫ᭄ᬩᬂᬫᬬᬂ᭞ᬲᬶᬬᬸᬂᬗᬶᬂ᭠ᬤᬦᬯᬧᬾᬝᬾᬮ᭄᭞ᬮᬶᬃᬲᭂᬓᬃᬭᬶᬂᬧᬲᬭᬾᬬᬦ᭄᭞ᬳᬸᬢᭂᬓ᭄ᬳᬶᬓᬂᬫᬜ᭄ᬘᬸᬭᬢ᭄᭞ᬳᬸᬧᬫᬫᬮᬢᬶᬫᭂᬦᬸᬃ᭞ᬯᬗ᭄ᬓᬾᬦ᭄ᬦᬶᬂᬗᬾ
ᬱ᭄ᬝᬤᬦᬯ᭛ᬢᬸᬳᬸᬫᬓᬲᬸᬃᬕᬸᬕᬸᬮᬶᬂ᭞ᬳᭂᬦ᭄ᬢ᭄ᬬᬵᬃᬱᬰ᭄ᬭᬷᬩᬭᬢ᭄ᬫᬤ᭄ᬬ᭄᭞ᬓᬾᬦ᭄ᬫᬭᬶᬂᬧᬹᬃᬡ᭄ᬦᬧᬸᬢ᭄ᬭᬦ᭄ᬦᬾ᭞ᬩᬸᬤᬮ᭄ᬲᬤᬬᬫ᭄ᬭᬶᬂᬧ᭄ᬭᬚᬦᬵᬣᬳᬶᬂᬩᬭᬢ᭄ᬫᬤ᭄ᬬ᭞ᬓᬮᬗ᭄ᬓᬸᬂᬲᬸᬓᬲᬸᬲᬸᬕᬸᬦ᭄᭞ᬫᬶᬯᬄᬫ᭄ᬭᬶᬂᬦᬵᬣᬾᬂᬕᬸᬩᬃᬚ᭛ᬯᬸᬲ᭄ᬧᬲ᭄ᬭᬄᬳᬶᬂᬦᬭᬧ
Kaca:Bali-lontar-gaguritan-anging-kusuma-250ppi.pdf/61
Kaca puniki sampun kauji-wacén
