[᭕᭑ 51 B]
᭕᭑
ᬢ᭄ᬢᬶᬂᬫᬃᬕ᭄ᬕ᭞ᬩᬗᬍᬫ᭄ᬧᬃᬳᬢ᭄ᬢᬦᬧᬶᬢᬺᬚᬸᬢᬺᬚᬸᬂ᭞ᬳᬶᬗ᭄ᬲᬸᬦ᭄ᬧ᭄ᬭᬘᬬᬳᬶᬂᬓᬶᬢ᭞ᬫᬥᬵᬦᭀᬫ᭄ᬓᬂᬲᬶᬭ᭞ᬗᬶᬭᬶᬂ᭛᭜᭛ᬮᬶᬗᭂᬦ᭄ᬭᬤ᭄ᬬᬦ᭄ᬧᬜ᭄ᬘᬤ᭄ᬬᬩ᭄ᬦ᭞ᬩᬸᬤᬮ᭄ᬲᬯᬤ᭄ᬬᬗ᭄ᬭᬸᬳᬸᬢ᭄ᬦᬶ᭞ᬫᬦ᭄ᬢᬸᬓ᭄ᬫ᭄ᬭᬶᬂᬧᬭᬂᬳᬸᬩᬃᬚ᭞ᬮᬹᬶᬤ᭄ᬬᬦ᭄ᬳᬗ᭄ᬮᬶᬂᬓᬸᬲᬸᬲ᭄ᬫᬦᬸᬮᬶ᭞ᬧᬫᬶᬢ᭄ᬳᬶᬂ
ᬕᬃᬯ᭄ᬯᬤᬾᬦ᭄ᬦᬶᬂ᭞ᬯᬯ᭄ᬭᬢ᭄ᬢᬦ᭄ᬦᬶᬭᬯᬸᬲ᭄ᬲᭂᬧᬸᬄ᭞ᬭᬤᬾᬦ᭄ᬳᬭᬶᬲ᭄ᬗᬦ᭄ᬥᬶᬓ᭞ᬓᬭᬶᬬᬲᬸᬦ᭄ᬳᬃᬱᬵᬚᬸᬭᬶᬢ᭄᭞ᬳᬢᬸᬢᬸᬮᬸᬂᬫ᭄ᬭᬶᬂᬦᬵᬕᬭᬩᬭᬢ᭄ᬫᬤ᭄ᬬ᭛ᬳᬫᬸᬂᬲᬸᬄᬤᬦᬯᬭᬵᬚ᭞ᬳᬾᬯᬸᬄᬳᬬᬦ᭄ᬦᬶᬂᬗᬚᬸᬭᬶᬢ᭄᭞ᬫᬦᬯᬢᬶᬯᬲ᭄ᬲᬶᬂᬬᬸᬤ᭄ᬥ᭞ᬓᬭᬶᬬᬯᬶ᭠
ᬪᬯᬫᬹᬓ᭄ᬢᬶ᭞ᬲᬂᬤ᭄ᬬᬄᬳᬾᬫᭂᬂᬗᬶᬂᬕᬮᬶᬄ᭞ᬳᬜᬶᬯᭂᬮ᭄ᬯᬘᬦᬲᭂᬦ᭄ᬤᬸ᭞ᬫᭀᬗ᭄ᬲᬦᭀᬭᬮᬓᬶᬬ᭞ᬢᬶᬦᬶᬮᬃᬫᬵᬢᬶ᭠ᬳᬶᬂᬮᬓᬶ᭞ᬭᬭᬾᬕᬸᬦᬸᬂᬭᬗ᭄ᬳᬾᬄᬯ᭄ᬭᬸᬄᬳᬶᬂᬓᬳᬸᬢ᭄ᬢᬫᬦ᭄᭛ᬧᬳᬾᬲᬶᬮᬶᬄᬯ᭄ᬯᭀᬂᬦᬵᬕᬭ᭞ᬳᬸᬮᬄᬲᬲ᭄ᬢ᭄ᬭᬯ᭄ᬭᬸᬄᬳᬶᬂᬓ᭄ᬭᬫᬶ᭞
ᬭᬳᬤᬾᬦ᭄ᬫᬾᬲᭂᬫ᭄ᬩᬦ᭄ᬥᬶᬓ᭞ᬲᭂᬕᬄᬭᬩᬶᬦ᭄ᬦᬶᬂᬧ᭄ᬭᬚᬸᬭᬶᬢ᭄᭞ᬳᬩᭀᬢ᭄ᬢᬶᬦᬶᬮᬃᬚᬸᬥᬶ᭞ᬦᬶᬱ᭄ᬝᬓᬃᬬ᭄ᬬᬳᬸᬮᬄᬋᬗᬸ᭞ᬲᬂᬤ᭄ᬬᬄᬫᭀᬚᬃᬳᬦᭂᬫ᭄ᬩᬄ᭞ᬬᬾᬦᬵᬧᬤᬸᬓᬫᬵᬢ᭄ᬬᬾᬂᬚᬸᬭᬶᬢ᭄᭞ᬤᬲᬶᬄᬳᬶᬭᬧ᭄ᬭᬲᭂᬢ᭄ᬬᬍᬩᬸᬢᬸᬫᬗᬦ᭄᭞᭛ᬓᬮᬶᬄᬳᬾᬫ᭠
[᭕᭒ 52 A]
ᬢᬸᬃᬫᬗ᭄ᬓᬦ᭞ᬯᬶᬲᬢᬲᬂᬭᬵᬚᬲᬶᬯᬶ᭞ᬧᬫᬶᬣᬶᬂᬲᬂᬫᬸᬦᬶᬯᬭ᭞ᬚᬶᬩᭂᬕ᭄ᬓᬂᬧᬘᬯᬲᬶ᭞ᬳᬸᬮᬸᬕᬸᬦ᭄ᬢᬸᬃᬫ᭄ᬬᬂᬘᬦ᭄ᬢ᭄ᬭᬶᬓ᭄᭞ᬭᬵ᭠ᬫ᭄ᬬᬩᭂᬦ᭄ᬥᬾᬘᬗ᭄ᬓᭂᬫ᭄ᬳᬶᬧᬸᬦ᭄᭞ᬗᬶᬕᭂᬮ᭄ᬫᬲᬦ᭄ᬢᬂᬚᬬ᭞ᬚᬬᬳᬲᬂᬦᬃᬧᬲᬶᬯᬶ᭞ᬲᬂᬧᬵᬡ᭄ᬥᬶᬢᬳᬗ᭄ᬮᬶᬂᬢᬲᬶᬭᬫᬗ᭄ᬓᬢ᭄ᬢ᭛ᬫᬸᬫ᭄ᬧᬸᬂᬩᭂ
ᬘᬶᬓ᭄ᬳᬶᬓᬂᬤᬶᬦ᭞ᬳᬸᬫᬾᬗ᭄ᬲᬾᬃᬭᬳᬤᬾᬦ᭄ᬓᬮᬶᬄ᭞ᬓᬃᬣᬶᬭᬕᬓᬃᬣᬶᬲᭀᬫ᭞ᬢᬦ᭄ᬢᭂᬩᬶᬄᬮᬦ᭄ᬦᬃᬧᬲᬶᬯᬶ᭞ᬧᬭᬢᬶᬦ᭄ᬥᬶᬄᬳᬶᬂᬯᬸᬓᬶᬃ᭞ᬧᬭᬗᬫ᭄ᬩᬂᬓᬂᬓᬶᬮᬬᬸ᭞ᬳᬸᬫᬶᬭᬶᬂᬭᬤᬾᬦ᭄ᬧᬸᬢ᭄ᬭ᭞ᬲᬲᬶᬓᭂᬧ᭄ᬧᬸᬭᬳᬶᬂᬚᬸᬭᬶᬢ᭄᭞ᬓᬯᬃᬡ᭄ᬦᬳᬧᬸᬢ᭄ᬭᬳᬶᬂᬧᬭᬂᬕᬸ᭠
ᬩᬃᬚ᭛ᬮᬫ᭄ᬧᬄᬳᬶᬭᬲᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬳᬶᬂᬧ᭄ᬭᬚᬦ᭄ᬦᬶᬭᬫᬋᬗᬶ᭞ᬓᬂᬭᬵᬫᬲᭂᬤᬶᬂᬲᬶᬦᬾᬯ᭞ᬳᬶᬂᬯᬤ᭄ᬬᬧᬸᬗ᭄ᬕᬯᬫᬦ᭄ᬢ᭄ᬭᬶ᭞ᬭᬤᬾᬦ᭄ᬫᬚᭂᬂᬯᭀᬢ᭄ᬲᬭᬷ᭞ᬫᬢᬸᬃᬓᬳᬸᬮᬳᬶᬂᬗᬸᬢᬸᬲ᭄᭞ᬳᬶᬂᬕᬸᬲ᭄ᬢᬶᬲᬸᬂᬧᬯᬃᬣ᭞ᬬᬾᬦ᭄ᬫᬗ᭄ᬓᬾᬧᬸᬢ᭄ᬭᬓᬓᬮᬶᬄ᭞ᬫᬗᬸᬢ᭄ᬳᬶᬂᬧ᭄ᬭᬂᬢᬸᬢᬸ
ᬮᬸᬂᬳᬶᬂᬩᬭᬢ᭄ᬫᬤ᭄ᬬ᭛ᬧᬤᬸᬓᬦᬸᬦ᭄ᬢᭂᬦ᭄ᬦᬩᬶᬥᬮ᭄᭞ᬲᬯᬤ᭄ᬬᬲᬶᬓᭂᬧ᭄ᬧᬶᬂᬚᬸᬭᬶᬢ᭄᭞ᬳᬶᬓᬂᬢᬶᬦ᭄ᬦᬗ᭄ᬕᬸᬮᬂᬳᬶᬂᬧ᭄ᬭᬂ᭞ᬳᬯᬲ᭄ᬢᬓᬵᬮᬯᬺᬤᬢᬶ᭞ᬭᬢᬸᬦ᭄ᬦᬶᬂᬤᬶᬢ᭄ᬬᬲᭂᬓ᭄ᬢᬶ᭞ᬰ᭄ᬭᬷᬰᬸᬭᬯᬶᬰᬾᬱᬕᬸᬧᬸᬄ᭞ᬳᬕᬾᬦᭂᬫ᭄ᬩᬂᬢᭂᬗᬭ᭞ᬳᬸᬫ᭄ᬬᬂᬓᬂᬓᭂᬦ᭄ᬥᬂᬕᭀᬂᬩᬾᬭᬶ
Kaca:Bali-lontar-gaguritan-anging-kusuma-250ppi.pdf/52
Kaca puniki sampun kauji-wacén
