[᭔᭘ 48 B]
᭔᭘
ᬯ᭄ᬯᭀᬂᬢᬶᬕᬂᬩᬶᬢᬶᬃ᭞ᬲᬫᬶᬳᬢᬶᬢᬶᬄᬢᬸᬭᭀᬗ᭄ᬕ᭞ᬳᬕᬕᬜ᭄ᬘᬗᬦ᭄ᬮᬫ᭄ᬧᬄ᭞ᬯᬃᬡ᭄ᬦᬦᭂᬦ᭄ᬰ᭄ᬭᬶᬯᬶᬰᬾᬱ᭞ᬮᬯᬦ᭄ᬓᬢ᭄ᬭᬶᬧᬸᬗ᭄ᬕᬯ᭞ᬢᬦ᭄ᬓᬦ᭄ᬥᭂᬕ᭄ᬳᬶᬂᬮᬫ᭄ᬧᬄᬳᬶᬧᬸᬦ᭄᭞ᬢᬦ᭄ᬧᬦᭀᬮᬶᬄᬳᬳᬶᬂᬗᬸᬦ᭄ᬢᬢ᭄᭛᭜᭛ᬧ᭄ᬭᬧ᭄ᬢᬾᬂᬓᬶᬓᬶᬲ᭄ᬲᬶᬂᬦᬵᬕᬭ᭞ᬓᬯᬃᬡ᭄ᬦ
ᬳᬭᬵᬚᬓᬵᬮᬯᬺᬤᬢᬶ᭞ᬫᬶᬬᭀᬲ᭄ᬲᬶᬦᬶᬯᬾᬂᬯᬤ᭄ᬬᬕᬸᬂ᭞ᬫᬭᬧᬸᬗ᭄ᬕᬯᬤᬶᬢ᭄ᬬ᭞ᬢᬶᬂᬳᬗ᭄ᬕᭂᬍᬕ᭄ᬯᬸᬯᬸᬓᬶᬃᬭᬦ᭄ᬦ᭄ᬬᬦ᭄ᬤᬶᬦᬸᬮᬸ᭞ᬓᬂᬫᬸᬗ᭄ᬕ᭄ᬯᬳᬶᬂᬗᬃᬱᬦᬭᬾᬦ᭄ᬤ᭄ᬭ᭞ᬳᬧᬢᬶᬄᬓᬸᬫ᭄ᬪᬮᬕᭂᬦ᭄ᬦᬶ᭛ᬘᬓᭂᬢ᭄ᬢᬾᬂᬗᬃᬱᬦᬭᬾᬦ᭄ᬤ᭄ᬭ᭞ᬯᬃᬡ᭄ᬦᬵᬪᬸᬱᬡ᭄ᬦᬦ᭄ᬦᬸᬭᬾᬂᬤᬲᬶᬄ᭞᭠
ᬳᬸᬧᬫᬳᬃᬤ᭄ᬥᬶᬓᬯᬸᬦᬸ᭞ᬳᬩ᭄ᬭᬧᬢᬶᬂᬧᬮᬸᬜ᭄ᬘᬃ᭞ᬓᬂᬬᬓ᭄ᬱᬾᬦ᭄ᬤ᭄ᬭᬩᬸᬤ᭄ᬥᬶᬗᬸᬦ᭄ᬥᬶᬳᬶᬂᬯᬤ᭄ᬬᬵᬕᬸᬂ᭞ᬳᬬ᭄ᬯᬦᬳᬗᬸᬂᬲᬶᬂᬧ᭄ᬭᬂᬤᬾᬫᬾᬦ᭄ᬦᬾᬦᬸᬗ᭄ᬓᬸᬮ᭄ᬧ᭄ᬭᬶᬩᬤᬶ᭛ᬚᬮᬲᬗ᭄ᬳᬭᬲᬾᬩᬳ᭞ᬲᬩᬮᬦ᭄ᬦᬾᬳᬗᬢᬸᬃᬦᬲᬂᬧᬸᬢ᭄ᬭᬷ᭞ᬫᬭᬂᬧᬜ᭄ᬚᭂᬦ᭄ᬦᭂᬗᬦ᭄ᬦᬶᬗ᭄ᬲᬸ
ᬦ᭄᭞ᬮᬦ᭄ᬫᬦ᭄ᬦᬶᬂᬗᬾᬬᬾᬦ᭄ᬦᬦ᭞ᬤᬸᬢᬧ᭄ᬭᬧ᭄ᬢᬳᬚᬦᬳᬗᬭᬸᬩᬶᬭᬸ᭞ᬤᬶᬫᬾᬦ᭄ᬧ᭄ᬭᬧ᭄ᬢᬗᬃᬱᬦ᭄ᬦᬶᬂᬗ᭄ᬯᬂ᭞ᬯᬭᬢᬳᬸᬦ᭄ᬥᬂᬗᬶᬭᬵᬚᬶ᭛ᬓᬶᬧᬢᬶᬄᬚᬬᬡ᭄ᬦᬓ᭄ᬱᬡ᭄ᬦ᭞ᬫᬜ᭄ᬚᬶᬂᬧ᭄ᬭᬚᬮᬫ᭄ᬧᬄᬳᬶᬭᬍᬲ᭄ᬢᬭᬶ᭞ᬲᬧ᭄ᬭᬧ᭄ᬢᬦ᭄ᬦᬶᬂᬗᬮᬸᬦ᭄ᬳᬮᬸᬦ᭄᭞ᬧᬬᬓ᭄ᬱᬕᬸᬂᬤ᭄ᬭᬸ
[᭔᭙ 49 A]
ᬪᬶᬓ᭄ᬱ᭞ᬘᬶᬗᬓ᭄ᬱᬓ᭄ᬯᬾᬄᬯᬤ᭄ᬬᬋᬓ᭄ᬱᬲᬧᬦ᭄ᬤᬸᬮᬸ᭞ᬫ᭄ᬭᬶᬂᬧᬢᬶᬄᬚᬬᬍᬓ᭄ᬱᬡ᭄ᬦ᭞ᬢᬢᬕ᭄ᬢᬗ᭄ᬕᬸᬄᬢᬦ᭄ᬧᬯᬶᬯ᭄ᬭᬦ᭄᭛ᬧᬸᬗ᭄ᬕᬯᬓᬮᬶᬄᬦᬾᬂᬯᬸᬦ᭄ᬢᬢ᭄᭞ᬯᬸᬮᬢ᭄ᬩᬶᬬᬲ᭄ᬕᬸᬫᭂᬢᭂᬃᬯ᭄ᬭᬸᬄᬭᬲᭂᬓ᭄ᬱᬶ᭞ᬫᬮᬄᬢᬦ᭄ᬩᬶᬲᬮᬸᬫᬓᬸ᭞ᬲᬸᬫᭂᬗᭂᬃᬋᬦ᭄ᬢᬸᬫᬶᬗ᭄ᬳᬮ᭄᭞ᬳᬶᬂᬧᬕ᭄ᬮᬃ᭠
ᬭᬦ᭄ᬤᬦᬯᬧᬢᬶᬂᬓᬦ᭄ᬥᬸᬓᬸᬃ᭞ᬓᬶᬱᬢᬶᬄᬯᬸᬲ᭄ᬧ᭄ᬭᬧ᭄ᬢᬾᬂᬗᬃᬱᬦ᭄ᬦᬶᬭᬦᬵᬣᬳᬢᬸᬃᬢᬸᬮᬶᬲ᭄᭞᭛ᬲᬸᬓᬓᬂᬭᬓ᭄ᬱᬲᬥᬶᬧ᭞ᬳᬦᬗ᭄ᬕᬧᬶᬲᬸᬭᬵᬢ᭄ᬕᬸᬫᬸᬬᬸᬭᬶᬭᬶᬄ᭞ᬕᬸᬫᬍᬕᬶᬓᬤ᭄ᬬᬕᬸᬦ᭄ᬢᬸᬃ᭞ᬧᬢᬶᬄᬚᬬᬍᬓ᭄ᬱᬡ᭄ᬦ᭞ᬫᬶᬘᬭᬾᬂᬢ᭄ᬬᬲ᭄ᬲᬧᬓᬯᬲᬢᬸ᭠
ᬫᬗ᭄ᬕᬸᬄ᭞ᬲᬓ᭄ᬱᬢ᭄ᬳᬫᬸᬗ᭄ᬲᬸᬄᬧ᭄ᬭᬩᬳ᭞ᬲᬂᬦᬵᬣᬳᬫᬳᭀᬲ᭄ᬢᬸᬮᬶᬲ᭄᭛ᬧᬾᬗᭂᬢ᭄ᬢᬶᬓᬂᬲ᭄ᬭᬢ᭄ᬧ᭄ᬭᬢᭀᬦ᭄ᬥ᭞ᬤᬾᬦᬾᬳᬶᬓᬂᬧᬫᬦ᭄ᬥᬮᬲᬂᬗᬚᬶ᭞ᬳᬶᬂᬩᬭᬓ᭄ᬫᬤ᭄ᬬᬳᬢᬶᬦ᭄ᬢᬸᬦ᭄᭞ᬢᬓ᭄ᬮᬶᬫ᭄ᬳᬓᬢᬄᬓᬢᬄ᭞ᬤᬸᬫᬣᭂᬂᬗᬾᬳᬶᬓᬂᬧᬸᬢ᭄ᬭᬫᬳᬵᬧ᭄ᬭ᭠
ᬪᬸ᭞ᬓᬵᬮᬯᬺᬤᬢᬶᬓᬂᬓᬶᬝ᭞ᬦᬵᬕᬭᬳᬶᬂᬕᬶᬮᬯᭂᬲᬶ᭛ᬓᬂᬳᬗ᭄ᬭᬾᬄᬲᬓᬾᬄᬳᬶᬂᬩᬮ᭞ᬋᬓ᭄ᬱᬲᬯᬶᬮ᭄ᬮᬶᬢ᭄ᬬ᭠ᬤᬶᬬᬸᬭᬲᭂᬓ᭄ᬱᬶ᭞ᬓᬂᬲᬫ᭄ᬧᬸᬦ᭄ᬓᬲᬸᬲ᭄ᬭᬧᬸᬜ᭄ᬚᬸᬮ᭄᭞ᬓᬧ᭄ᬭᬯᬷᬭᬦ᭄ᬦᬶᬂᬬᬸᬤ᭄ᬥ᭞ᬓᬂᬗᬚ᭄ᬭᬶᬄᬳᬦ᭄ᬳᬶᬂᬧᬭᬭᬵᬚᬲᬥᬹᬫ᭄᭞ᬳᬶᬗ᭠
Kaca:Bali-lontar-gaguritan-anging-kusuma-250ppi.pdf/49
Kaca puniki sampun kauji-wacén
