[᭔᭕ 45 B]
᭔᭕
ᬧᬸᬦ᭄᭞ᬳᬧᬳᬃᬱᬲᬶᬭᬧᬋᬂᬗᬶ᭞ᬓᬢᬸᬃᬭᬲᬫᬯ᭄ᬯᭀᬂᬗᬦ᭄᭞ᬳᬚᬸᬭᬸᬧᬦᬸᬢᬸ᭞ᬭᬤᬾᬦ᭄ᬓᬮᬶᬄᬫᬢᬸᬃᬦᭂᬫ᭄ᬩᬄ᭞ᬤᬢᬦ᭄ᬲᬕᭂᬤ᭄ᬫᬗ᭄ᬲᬸᬮ᭄ᬮᬶᬂᬳᬶᬂᬲᬶᬄᬲᬂᬬᭀᬕᬶ᭞ᬲᬓ᭄ᬱᬢ᭄ᬗᬸᬭᬶᬧ᭄ᬓᭂᬦ᭄ᬧᭂᬚᬄ᭛ᬦᬤ᭄ᬬᬦ᭄ᬲᬶᬮᬶᬄᬯᬶᬦᬍᬲ᭄ᬲᬶᬂᬧᬢᬶ᭞ᬤᬾᬭᬾᬂᬫᭀᬦ᭄ᬥ᭄ᬭᬳᬸᬭᬸᬧ᭄ᬲᬶᬄ᭠
ᬧᬤᬸᬓ᭞ᬫᬾᬲᭂᬫ᭄ᬲᬂᬚᬤᭂᬮᬶᬂᬗᬾ᭞ᬮᬄᬳᬶᬓᬸᬭᬤ᭄ᬬᬦ᭄ᬮᬸᬧᬸᬢ᭄᭞ᬲᬳᬸᬃᬭᬶᬭᬳᬫᬍᬫ᭄ᬧᬢᬶ᭞ᬢᬦ᭄ᬮᬾᬦ᭄ᬯᬯᬍᬲ᭄ᬲᬶᬭ᭞ᬲᭂᬢ᭄ᬬᬮᬯᬦ᭄ᬢᬸᬳᬸ᭞ᬘᬶᬦ᭄ᬦᬘᬸᬃᬯᬸᬲ᭄ᬢᬶᬕᬂᬤᬶᬦ᭄ᬦ᭞ᬭᬵᬚᬧᬸᬢ᭄ᬭᬓᬮᬶᬄᬳᬦᬾᬂᬗᬃᬘ᭄ᬘᬫᬦᬶᬓ᭄᭞ᬮᬗ᭄ᬓᬸᬂᬲᬶᬄᬳᬶᬭᬤ᭄ᬭᬶᬚ᭛ᬲ᭠
ᬓᬾᬄᬳᬚᬃᬓᬂᬳᬦᬦ᭄ᬥᬂᬓᬦᬶᬦ᭄᭞ᬯᬸᬲ᭄ᬯᬮᬸᬬᬲᬫ᭄ᬬᬳᬶᬂᬗᬸᬱᬥᬦ᭄᭞ᬭᬤᬾᬦ᭄ᬯᬸᬲ᭄ᬧᬶᬦᬗ᭄ᬕᬶᬄᬳᬓᬾ᭞ᬩᬯᬄᬳᬦ᭄ᬦᬶᬭᬳ᭠ᬕᬸᬂ᭞ᬮᬶᬃᬓᬫ᭄ᬧᬶᬢᬲᬺᬗ᭄ᬕᬦ᭄ᬦᬶᬂᬯᬸᬓᬶᬃ᭞ᬲᬓᬶᬂᬕᬸᬂᬗᬶᬂᬯᬶᬯᬳ᭞ᬳᬚᬃᬗᬃᬕ᭄ᬕᬦᬸᬫ᭄ᬧᬸᬮ᭄᭞ᬗᬾᬱ᭄ᬝ᭄ᬬᬓ᭄ᬦᬳᬶᬂᬤᬯᬸᬧ᭄ᬧᬶᬭ᭞ᬓᬤᬶᬩᬜ᭄ᬚᬃ
ᬧᬸᬧᬸᬢ᭄ᬓᬮᬯᬦ᭄ᬘᬦ᭄ᬢᬶᬓ᭄᭞ᬗᬶᬕᭂᬮ᭄ᬲᬫᬶᬓᬲ᭄ᬫᬭᬦ᭄᭛᭜᭛ᬲᬸᬓᬳᬕᬸᬂᬓᬂᬦᬶᬂᬕᬮ᭄ᬮᬶ᭞ᬓ᭄ᬭᬶᬕ᭄ᬧᬥᬳᬾᬦ᭄ᬥᬂᬳᬾᬦ᭄ᬥᬂ᭞ᬳᬩᭂᬢ᭄ᬳᬩᭂᬢ᭄ᬫᬗᬸᬬᬸᬦ᭄ᬦᬾ᭞ᬳᬸᬮᬸᬕᬸᬦ᭄ᬢᬸᬂᬯᬶᬲᬚᬗ᭄ᬕᬦ᭄᭞ᬕᭀᬘᬭᬧᬭᬩᬫ᭄ᬪᬂ᭞ᬳᬭᬫᬾᬓᬲᬸᬓᬳᬸᬚᬸᬂ᭞ᬳᬦᬓᬂ
[᭔᭖ 46 A]
ᬲᬶᬭᬶᬢᬭᬦ᭄ᬢᬂ᭛ᬳᬾᬓᬸᬓᬯᬶᬚᬦ᭄ᬦᬶᬂᬯᬸᬓᬶᬃ᭞ᬤᬳᬢ᭄ᬯᬶᬦ᭄ᬦᬃᬡ᭄ᬦᬾᬂᬧᬸᬲ᭄ᬢᬓ᭞ᬓᬗᭂᬦ᭄ᬦᬾᬲᬂᬧᬶᬦ᭄ᬦᬗᬦ᭄ᬢᬾᬦ᭄᭞ᬢᬮᬗ᭄ᬓᬸᬂᬳᬲᬶᬄᬲᬶᬦᬶᬄᬳᬦ᭄᭞ᬳᬗ᭄ᬕᬸᬂᬘᬗ᭄ᬓ᭄ᬭᬫᬾᬂᬗᬃᬕ᭄ᬕ᭞ᬦᬸᬢᬸᬕ᭄ᬲᬲᬸᬓᬦ᭄ᬦᬶᬂᬓᬮ᭄ᬪᬸ᭞ᬲᬂᬧᬸᬢ᭄ᬭᬷᬓᬮᬶᬄᬯᬸᬲ᭄ᬦ᭄ᬬᬶᬥᬫ᭄᭛ᬬᬢᬓᬯᬃᬡ᭄ᬦᬓᬂᬧ᭄ᬭ
ᬧ᭄ᬢᬶ᭞ᬦᬵᬢᬳᬶᬂᬧᬭᬂᬕᬸᬩᬃᬚ᭞ᬲᬯᬤ᭄ᬬᬧᬭᬧᬸᬢ᭄ᬭᬦ᭄ᬦᬾ᭞ᬲᬫᬩᬶᬦᭂᬓ᭄ᬢᬲᬤᬬ᭞ᬫᬶᬗ᭄ᬕᬄᬥᬢᭂᬂᬗᬘᬮ᭞ᬚᭂᬫ᭄ᬧᬦᬳᬦ᭄ᬥᬓᬵᬲᭂᬮᬸᬃ᭞ᬫᬶᬯᬄᬕᭀᬬᭀᬗᬦ᭄ᬩᬭᬡ᭄ᬦ᭛ᬩᬤᬾᬓᬶᬦᬃᬬ᭄ᬬᬳᬸᬧᭂᬓ᭄ᬢᬶ᭞ᬧ᭄ᬭᬕᬶᬮ᭄ᬢᭂᬧᬶᬦ᭄ᬦᬶᬂᬗᬮ᭄ᬥᬓ᭞ᬳᬓᬧᬂ᭠
ᬫᬕᭂᬂᬲᬭᬶᬦ᭄ᬦᬾ᭞ᬯᬤ᭄ᬬᬓᬂᬫᬵᬢᬶᬳᬶᬂᬭᬡ᭞ᬯᬸᬲ᭄ᬲᬫᬶᬕᬶᬦᭂᬦ᭄ᬢᬾᬦ᭄ᬦᬦ᭄᭞ᬫ᭄ᬭᬶᬂᬲᬸᬢᬦ᭄ᬦᬾᬫ᭄ᬬᬓᬤᬸᬮᬸ᭞ᬢᬦ᭄ᬳᬾᬯᬄ᭠ᬢᬢᬦ᭄ᬦᬶᬂᬓᬶᬦ᭛ᬢᬶᬢᬶᬕᬧᬸᬢ᭄ᬭᬦᬃᬧᬢᬶ᭞ᬳᬶᬓᬂᬓᬓᬮᬶᬄᬯᬦᭀᬤ᭄ᬬ᭞ᬲ᭄ᬫᬫᬢᬸᬃᬲᬸᬯᬃᬡ᭄ᬦᬦ᭄ᬦᬾ᭞ᬳᬫ᭄ᬩᬭᬯᬢᬷᬓᬂ
ᬢᬸᬯ᭞ᬭᬾᬓᬯᬢᬷᬲᬦ᭄ᬦᭂᬗᬄ᭞ᬳᬸᬭᬕᬶᬮ᭄ᬚᬮᬸᬳᬩᬕᬸᬲ᭄᭞ᬯᬲ᭄ᬢᬭᬤᬾᬦ᭄ᬧᬜ᭄ᬘᬤ᭄ᬬᬡ᭄ᬦ᭛ᬲᬫ᭄ᬬᬩᬶᬦᭂᬓ᭄ᬢᬲᬸᬫᬶᬯᬶ᭞ᬧ᭄ᬭᬧ᭄ᬢᬾᬂᬮᬸᬳᬸᬃᬧᬶᬦᬗ᭄ᬕᬶᬄ᭞ᬫ᭄ᬭᬶᬂᬭᬳᬤ᭄ᬬᬦ᭄ᬧᬶᬦᬗᬦ᭄ᬢᬾᬦ᭄᭞ᬓᬢᬸᬃᬲᬓᬾᬄᬳᬶᬂᬩᬭᬡ᭞ᬫᬶᬯᬄᬪᬸᬱᬡᬫᬸ
Kaca:Bali-lontar-gaguritan-anging-kusuma-250ppi.pdf/46
Kaca puniki sampun kauji-wacén
