[᭒ 2 B]
᭒
ᬕᬸᬲ᭄ᬢᬶ᭛ᬓᬯᬃᬡ᭄ᬦᬳᬦᬵᬣᬳᬶᬂᬓᬃᬣᬦᬵᬕᬭ᭞ᬫᬂᬲᬄᬮᬦ᭄ᬯᭀᬂᬲᬶᬦ᭄ᬦᭂᬮᬶᬃ᭞ᬳᬦᬹᬢ᭄ᬢᬓᭂᬦ᭄ᬯᬬᬄ᭞ᬳᬧᬶᬢᬶᬄᬳᬸᬫᬥᬶᬓ᭞ᬭᬶᬫ᭄ᬧᬸᬦ᭄ᬯᬤ᭄ᬬᬓᬂᬮᬸᬫᬭᬶᬲ᭄᭞ᬰ᭄ᬭᬶᬪᬵᬰᬸᬦᭀᬦ᭄ᬥ᭞ᬦᭂᬫ᭄ᬧᬸᬄᬮᬦ᭄ᬯᭀᬂᬲᬶᬦ᭄ᬦᭂᬮᬶᬃ᭛ᬯᬸᬲ᭄ᬳᬧᬗ᭄ᬕᬶᬄᬓᬾᬂᬯᬬᬄᬓᬸᬢᬸᬄᬭᬸᬥᬶᬭ᭞ᬭᬶᬦᬗ᭄ᬓᬸ
ᬮ᭄ᬲᬃᬬ᭄ᬬᬳᬗ᭄ᬮᬶᬂ᭞ᬳᬤᬸᬄᬧᬸᬢᬸᬦ᭄ᬦᬶᬗ᭄ᬯᬂ᭞ᬧᬬᭀᬫᬸᬦ᭄ᬤᬸᬃᬤᬾᬦ᭄ᬦᬾᬗ᭄ᬕᬮ᭄᭞ᬭᬵᬫᬦ᭄ᬦᬶᬭᬳᬦ᭄ᬦᬾᬂᬧᬸᬭᬷ᭞ᬦᬤ᭄ᬬᬦ᭄ᬳᬧ᭄ᬭᬗ᭞ᬧ᭠ᬋᬗᬧᬭᬫᬦ᭄ᬢ᭄ᬭᬶ᭛ᬳᬶᬂᬫᬮᬯᬳᬦᬾᬂᬗᬃᬱᬦ᭄ᬦᬾᬭᬵᬫᬦ᭄ᬢ᭞ᬭᬤ᭄ᬬᬦ᭄ᬓᬗ᭄ᬕᭂᬓ᭄ᬓᬶᬂᬚᬸᬭᬶᬢ᭄᭞ᬳᬚ᭄ᬭᬶᬂᬫ᭄ᬭᬶᬂᬓᬳᬾᬬᬶ᭞ᬢᬶᬦᬯᬂᬫᬸᬦ᭄ᬤᬸᬃ
ᬦᬸᬮ᭄ᬬᬯ᭄ᬯᭀᬂᬓᬃᬣᬦᬵᬕᬭᬲᬫᬶ᭞ᬳᬲᬮᬄᬜᬦ᭞ᬭᬳᬤ᭄ᬬᬦ᭄ᬕᬯᬲᬂᬗᬚᬶᬂᬗ᭄ᬚ᭄ᬬᬳᬸᬦ᭄ᬤᬸᬃᬭᬶᬭᬲᬓᬶᬂᬧᬧ᭄ᬭᬗᬦ᭄ᬘᬶᬦ᭄ᬦᬶ᭠ᬧ᭄ᬢ᭞ᬓᬲᭀᬃᬤᬾᬦ᭄ᬦᬶᬭᬵᬚᬸᬭᬶᬢ᭄᭞ᬤᬤ᭄ᬬᬲᬶᬓᭂᬧ᭄ᬧᬶᬂᬧ᭄ᬭᬂ᭞ᬮᬸᬫᬓᬸᬲᬮᬶᬂᬢᬸᬦ᭄ᬚᬵᬂ᭞ᬲᭂᬤ᭄ᬬᬦ᭄ᬦᬶᬭᬳᬦ᭄ᬥᬶᬳᬶᬦ᭄ᬦᬶ᭞ᬲᬂᬤ᭄ᬬᬄᬢ᭄ᬭᬸᬰᬷ᭠
ᬮ᭞ᬯᬢᬷᬳᬦᬶᬢᬶᬄᬳᬲ᭄ᬢᬶ᭛᭜᭛ᬧᬜᬦᬦ᭄ᬦᬶᬭᬲᬂᬋᬢ᭄ᬦ᭞ᬲᬂᬧᬸᬢ᭄ᬭᬶᬳᬶᬯᬲ᭄ᬲᬶᬂᬚᬸᬭᬶᬢ᭄᭞ᬓᬲᬫ᭄ᬩᬸᬢ᭄ᬳᬶᬂᬗᬤᬶᬮᬕ᭞ᬲᬸᬓᬃᬫᬮᬭᬳᬦ᭄ᬦᬵᬗᬶᬲ᭄᭞ᬓᬯᬃᬡ᭄ᬦᬳᬲᬂᬗᬚᬶ᭞ᬳᬶᬂᬫᬮᬯᬧᬢᬶᬫᬕᬸᬢ᭄᭞ᬳᬶᬂᬭᬡᬲᬳᬯᬤ᭄ᬬ᭞ᬦᬶᬢᬶᬄᬲᬓᬯ
[᭓ 3 A]
ᬕᭂᬂᬗᬲ᭄ᬭᬶ᭞ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬳᬶᬂᬗᬧᬶᬢ᭄ᬤᬾᬦ᭄ᬕᬃᬯ᭄ᬯᬦ᭄ᬦᬶᬭ᭛ᬧᬢ᭄ᬦᬳᬫ᭄ᬪᬭᬳᬶᬂᬓᬦᬦ᭄᭞ᬳᬶᬂᬓᬾᬭᬶᬓᬾᬦ᭄ᬫᬬᬶᬲᬭᬷ᭞ᬰ᭄ᬭᬷᬪᬵᬣᬮᬶᬃᬲᬂ᭠ᬳ᭄ᬬᬂᬲ᭄ᬫᬭ᭞ᬳᬶᬗᬲᬶᬢ᭄ᬲᬸᬧ᭄ᬭᬪᬵᬭᬢᬶᬄ᭞ᬳᬸᬧᬘᬭᬦ᭄ᬦᬶᬭᬲ᭄ᬭᬶ᭞ᬓᬂᬧᬸᬢ᭄ᬭᬢᬦ᭄ᬲᬄᬦᬾᬦᬵᬕ᭄ᬗᬬᬸᬦ᭄᭞ᬭᬤᬾᬦ᭄ᬳᬗ᭄ᬮᬶᬂᬓᬸᬲᬸᬫ᭞ᬋᬱ
ᬢᬶᬦᬶᬢᬶᬄᬢᬸᬭᬗ᭄ᬕᬶ᭞ᬳᬲ᭄ᬭᬸᬳᬫ᭄ᬬᬂᬕᬕᬫᬦ᭄ᬧᬶᬦᬗ᭄ᬓ᭄ᬯᬾᬂᬗᬃᬱ᭛ᬲᬂᬦᬵᬣᬓᬕ᭄ᬬᬢ᭄ᬢᬸᬫᬶᬗ᭄ᬳᬮ᭄᭞ᬳᬦᬧᬯᬾᬲ᭄ᬢ᭄ᬭᬷᬳᬓ᭄ᬦᬗᬶ᭠ᬲ᭄᭞ᬕᬸᬕᬸᬮᬸᬗᬦ᭄ᬳᬦᬾᬦᬵᬕ᭄ᬓᬶᬲ᭄ᬫ᭞ᬲᬲᬫ᭄ᬩᬢ᭄ᬢᬾᬳᬫ᭄ᬮᬲ᭄ᬲᬲᬶᬄ᭞ᬭᬾᬫᬮᬶᬃᬳᬲ᭄ᬯᬦᬦ᭄ᬦᬶ᭞ᬰᬭᬷᬭᬮᬶᬂᬳᬯᭀᬂᬍᬩᬸ᭞ᬰ᭄ᬭᬷᬦᬵ᭠
ᬣᬳᬗᬦ᭄ᬥᬶᬓ᭞ᬯ᭄ᬯᭀᬂᬗᬧᬳᬶᬓᬶᬳᬦ᭄ᬦᬗᬶᬲ᭄᭞ᬧ᭄ᬭᬫᬾᬰ᭄ᬯᬭᬷᬧᬢ᭄ᬦᬳᬫ᭄ᬩᬭᬢᬸᬃᬭᬶᬭ᭛ᬤᬾᬯᬚᬶᬳᬾᬲ᭄ᬢᬸᬧᬸᬦ᭄ᬦᬶᬓ᭞ᬲᭂ᭠ᬫᬸᬦ᭄ᬦᬾᬳᬬᬸᬓᬧᬢᬶ᭞ᬓᬤᬶᬤᬾᬤᬾᬭᬾᬭᬾᬤᬾᬰ᭄᭞ᬳᬦ᭄ᬤᬾᬦᬾᬓᬯᭂᬮᬲ᭄ᬲᬲᬶᬄ᭞ᬳᬗ᭄ᬮᬶᬃᬥᬃᬫ᭄ᬫᬫᭂᬃᬧᭂᬓ᭄ᬓᬶ᭞ᬳᬗᬦ᭄ᬥᬶᬓ
ᬦ᭄ᬦᬶᬭᬳᬭᬹᬫ᭄᭞ᬩᭀᬓ᭄ᬗᬦ᭄ᬢᬾᬦ᭄ᬯᬶᬲ᭄ᬫᭂᬦ᭄ᬦᭂᬗ᭞ᬳᬧᬓᬂᬲᬶᬭᬢᬗᬶᬲ᭄ᬲᬶ᭞ᬲᬸᬫᬯᬸᬃᬭᬮᬄᬳᬶᬂᬗᭂᬦ᭄ᬥᬶᬯᬶᬰ᭄ᬫᬦ᭄ᬦᬶᬭ᭛ᬲᬧᬗᬭᬦ᭄ᬦᬾᬧᬸᬢ᭄ᬭᬦ᭄ᬢ᭞ᬓᬂᬧᬓᭂᬦ᭄ᬦᬶᬭᬢᬗᬶᬲ᭄ᬧᬶ᭞ᬲᬂᬗᬬᬸᬫᬾᬗᭀᬳᬗᬶᬯ᭞ᬮᬦ᭄ᬦᬃᬱᬫᬶᬬᬢ᭄ᬢᬶᬂᬮᬓᬶ᭞ᬫᬶᬯᬄᬢᬦ᭄ᬳᬦᬧᬸᬃᬭᬶ
Kaca:Bali-lontar-gaguritan-anging-kusuma-250ppi.pdf/3
Kaca puniki sampun kauji-wacén
