[᭒᭓ 23 B]
᭒᭓
ᬧᬵᬕᬸᬂ᭞ᬧᬭᬕᬃᬯ᭄ᬯᬗᬧᬶᬢ᭄ᬳᬧᬶᬢ᭄᭞ᬭᬳᬤᬾᬦ᭄ᬓᬮᬶᬄᬗᬦ᭄ᬥᬶᬓ᭞ᬢᬶᬫ᭄ᬩᬮ᭄ᬮᬦ᭄ᬦ᭞ᬧ᭄ᬭᬧ᭄ᬢᬾᬂᬗᬃᬱᬫᬗᬜ᭄ᬚᬮᬶ᭞ᬲᬂᬦᬵᬣᬳᬭᬶᬲ᭄ᬗᬦ᭄ᬥᬶᬓ᭞ᬢᬶᬫ᭄ᬩᬮ᭄ᬮᬧᬭᬧᬸᬢ᭄ᬭᬶ᭛ᬯᬸᬲ᭄ᬧ᭄ᬭᬧ᭄ᬢᬦᬾᬂᬗᬃᬱᬦ᭄ᬦᬶᬧᬸᬦ᭄᭞ᬧᭂᬧᬓ᭄ᬱᬕᬸᬂᬧᬭᬧᬸᬢ᭄ᬭᬷ᭞ᬭᬢᬧ᭄ᬳᬶᬂᬗᬃᬱᬦᬭᬾᬦ᭄ᬤ᭄ᬭ᭞
ᬰ᭄ᬭᬶᬢᬶᬦ᭄ᬦᭀᬦ᭄ᬓᬤᬶᬳᬧ᭄ᬱᬭᬷ᭞ᬦᬵᬣᬗ᭄ᬮᬶᬂᬮᬄᬧᬶᬮᬶᬄᬳᬦ᭄ᬦ᭞ᬳᭂᬦ᭄ᬥᬶᬓᬂᬲᬶᬭᬲᭂᬦ᭄ᬦᭂᬗᬶ᭛ᬫᬭᬳᬭᬦ᭄ᬦᬦᬕᬸᬧᬸᬄ᭞ᬭᬤᬾᬦ᭄ᬓᬮᬶᬄᬳᬦ᭄ᬦᬶᬗ᭄ᬢᬮ᭄ᬮᬶ᭞ᬫ᭄ᬭᬶᬂᬧᬭᬧᬸᬢ᭄ᬭᬶᬲᬤᬬ᭞ᬢᬦ᭄ᬦᬦᬓᬂᬤᬾᬦ᭄ᬲᭂᬦ᭄ᬦᭂᬗᬶ᭞ᬧᬗ᭄ᬭᬲᬦ᭄ᬦᬶᬭᬤ᭄ᬬᬦ᭄ᬧᬸᬢ᭄ᬭ᭞ᬲᬤᬬᬳᬫ᭠
ᬯᬶᬯᬶᬭᬶ᭛ᬳᬓᬾᬄᬳᬶᬓᬂᬧᬤᬳᬬᬸ᭞ᬓᬂᬗᬬᬸᬓᬸᬭᬂᬧ᭄ᬭᬓ᭄ᬳᬢᬶ᭞ᬧ᭄ᬭᬓ᭄ᬳᬢᬶᬓᬶᬭᬂᬢᬦᬕ᭞ᬓᬂᬢᬦᬕᬢᬦ᭄ᬧᬲ᭄ᬧ᭠ᬢᬶ᭞ᬓᬂᬋᬱ᭄ᬧᬢᬶᬢᬦ᭄ᬧᬤᭂᬓ᭄ᬱ᭞ᬓᬂᬧᬤᭂᬓ᭄ᬱᬓᬶᬭᬂᬫᬦᬶᬲ᭄᭛ᬓᬂᬫᬦᬶᬲ᭄ᬫᬦᬶᬲ᭄ᬢᬦ᭄ᬭᬸᬭᬸᬄ᭞ᬓᬂᬭᬸᬭᬸᬄᬓᬶᬭᬂᬮᬸᬮᬸᬗᬶᬤ᭄᭞
ᬓᬂᬧᬸᬗᬶᬤ᭄ᬥᬢᬦ᭄ᬚᬢ᭄ᬫᬶᬓ᭞ᬓᬂᬚᬢ᭄ᬫᬶᬓᬓᬶᬭᬂᬘᬾᬝᬶ᭞ᬓᬂᬘᬾᬝᬶᬓᬶᬭᬂᬧᬲᬚ᭞ᬓᬂᬧᬲᬚᬓᬶᬭᬂᬮᬶᬦ᭄ᬥᬶ᭛ᬓᬂᬮᬶᬦ᭄ᬥᬶᬮᬶᬦ᭄ᬥᬶᬢᬦ᭄ᬲᭂᬫᬸ᭞ᬓᬂᬲᭂᬫᬸᬓᬶᬭᬂᬫᭂᬤᬦ᭄ᬦᬶ᭞ᬓᬂᬫᭂᬤᬦ᭄ᬦᬶᬓᬶᬭᬂᬭᬾᬓ᭞ᬓᬂᬭᬾᬓᬓᬶᬭᬂᬫᬦ᭄ᬢᭂᬲ᭄ᬲᬶ᭞ᬓᬂᬫᬦ᭄ᬢᭂᬲ᭄ᬲᬶᬢᬦ᭄ᬯᬶᬭᬕ᭞ᬓᬂ
[᭒᭔ 24 A]
ᬯᬶᬭᬕᬓᬶᬭᬂᬯᬶᬗᬶᬢ᭄᭛ᬓᬂᬯᬶᬗᬶᬢ᭄ᬢᬦ᭄ᬳᬦᬯᬂᬭᬹᬫ᭄᭞ᬓᬂᬳᬹᬶᬦᬯᬂᬭᬸᬫ᭄ᬥᬯᬶᬭᬶ᭞ᬓᬂᬲᬯᬶᬭᬶᬓᬶᬭᬓᬸᬫ᭄ᬪ᭞ᬓᬂᬓᬸᬫ᭄ᬪᬘᬭᬡᬲᭂᬧᬶ᭞ᬓᬂᬘᬭᬡᬢᬦ᭄ᬲᬸᬰᬷᬮ᭞ᬓᬂᬲᬸᬰᬶᬮᬓᬶᬭᬂᬭᬸᬗᬶᬄ᭛ᬳᬭᬶᬲ᭄ᬗᬦ᭄ᬥᬶᬓᬲᬂᬧ᭄ᬭᬪᬸ᭞ᬳᬦᬢᬓᬂᬲᬶᬭᬧᬶᬮᬶᬄ
᭞ᬧᬸᬢ᭄ᬭᬓᬮᬶᬄᬫᬢᬸᬃᬦᭂᬫ᭄ᬩᬄ᭞ᬢᬦ᭄ᬯᭀᬦ᭄ᬢᭂᬦ᭄ᬳᬫ᭄ᬪᬲᭂᬦ᭄ᬦᬶᬂᬗᬶ᭞ᬍᬳᭂᬂᬢᬦ᭄ᬲᬶᬄᬳᬍᬮᬫ᭄ᬪᬦ᭄᭞ᬬᬾᬦ᭄ᬓ᭄ᬭᬫᬾᬲ᭄ᬢ᭄ᬭᬷᬫᬯᬶᬘᬶᬭᬶ᭛ᬫᭀᬳᬶᬢᬳᬷᬂᬢ᭄ᬬᬲ᭄ᬲᬂᬧ᭄ᬭᬪᬸ᭞ᬗᬦ᭄ᬥᬶᬓᬫ᭄ᬭᬶᬂᬧ᭄ᬭᬫᬾᬰ᭄ᬯᬭᬷ᭞ᬧᬭᬧᬸᬢ᭄ᬭᬶᬤᬯᬸᬄᬳᬦ᭞ᬳᬕᭀᬕᭀᬤᬕᭂᬦ᭄ᬢᬶᬕᭂᬂ
ᬦ᭄ᬢᬶ᭞ᬧᬭᬓ᭄ᬦᬫ᭄ᬭᬶᬂᬧᬚᬸᬗᬸᬢ᭄ᬢᬦ᭄᭞ᬕᬶᬮᬶᬃᬧᬹᬦ᭄ᬦᬧᬭᬧᬸᬢ᭄ᬭᬶ᭛ᬳᬦᬳᬲᬸᬂᬕᬦ᭄ᬢᬾᬦ᭄ᬦᬭᬹᬫ᭄᭞ᬳᬦᬲᬦ᭄ᬤᬶᬂᬜᬶᬯᭂᬮ᭄ᬯᭂᬢᬶᬲ᭄᭞ᬳᬦᬫᬾᬲᭂᬫ᭄ᬳᬗᬶᬚᬶᬯᬢ᭄᭞ᬳᬓᬾᬄᬧᭀᬮᬄᬳᬫᬮᬤ᭄ᬲᬶᬄ᭞ᬭᬳᬤᬾᬦ᭄ᬲᬂᬲᬬᬳᬾᬯ᭞ᬳ᭄ᬬᬲ᭄ᬲᬶᬭᬢᬦ᭄ᬓᭂᬦ᭄ᬦ
ᬕᬶᬕ᭄ᬭᬶᬕ᭄᭛ᬫᬮᬄᬧᬭᬧᬸᬢ᭄ᬭᬷᬳᬸᬬᬸᬂ᭞ᬓᬶᬗ᭄ᬓᬶᬦ᭄ᬢᬦ᭄ᬓᬧᬤᬳᬶᬂᬲᬶᬄ᭞ᬫ᭄ᬭᬶᬂᬭᬤᬾᬦ᭄ᬳᬲ᭄ᬭᬸᬓ᭄ᬫᬭᬦ᭄᭞ᬫᬸᬦ᭄ᬫᬸᬃᬲᬫ᭄ᬬᬫᬾᬭᬂᬦᬗᬶᬲ᭄᭞ᬲᬤᬬᬫᬋᬓ᭄ᬳᬶᬂᬦᬣ᭞ᬦᬕ᭄ᬢᬸᬃᬓᭂᬦ᭄ᬭᬸᬤᬶᬢᬾᬂᬕᬮᬶᬄ᭞᭛ᬢ᭄ᬬᬲ᭄ᬯᬶᬫ᭄ᬩᬸᬄᬤᬸᬓᬲᬂᬧ᭄ᬭᬪᬸ᭞ᬢᬶᬦᬶᬫ᭄ᬩᬮ᭄ᬮᬦ᭄ᬧᬸᬢ᭄ᬭᬷᬓᬮᬶᬄ᭞ᬧ᭄ᬭ᭠
Kaca:Bali-lontar-gaguritan-anging-kusuma-250ppi.pdf/24
Kaca puniki sampun kauji-wacén
