[᭔᭘ 48B]
᭔᭘
ᬜᬓ᭄ᬱᬶᬦᬦᬄᬤᬾᬦᬶᬂᬲᬂᬭᬢ᭄ᬦᬵ᭞ᬦᬶᬫᬵᬲ᭄ᬓᬸᬭᬳᬾᬲᬶᬦ᭄᭞ᬧᬢᬶᬄᬓᭂᬦᬾᬂᬧᬦᬄ᭞ᬢᬶᬦ᭄ᬬᬸᬧ᭄ᬤᬾᬦᬶᬂᬧᬯᬦ᭞ᬓᬬᬵᬮᬮᬬᬗᬦ᭄ᬢᭂᬩᬶᬄ᭞ᬓᬤᬸᬮᬸᬤᬾᬭ᭞ᬤᬾᬦᬶᬂᬧ᭄ᬭᬪᬸᬩᬂᬩᬗ᭄ᬭᬶ᭟᭐᭟ᬲᭂᬭᬸᬄᬫᬍᬲ
ᬢ᭄ᬳᬦᬫ᭄ᬩᬢ᭄ᬭᬓ᭄ᬭ᭄ᬬᬦᬧᬢ᭄ᬬ᭞ᬓᬲᬫ᭄ᬩᬢ᭄ᬦᬸᬮᬶᬄᬓᭂᬦᬶ᭞ᬦᬸᬮ᭄ᬬᬧᬶᬦᬦᬳᬦ᭄᭞ᬤᬾᬦᬶᬂᬯᬾᬤ᭄ᬬᬅᬪᭂᬱ᭄ᬬ᭞ᬫᬮᬶᬄᬗ᭄ᬕᬕᬦᬲᬗᬚᬶ᭞ᬳᬬᬸᬦᬬᬸᬦᬦ᭄᭞ᬮᬯᬦ᭄ᬭᬤᬾᬦ᭄ᬲᬭᬲᬶᬮ᭄᭟᭐᭟ᬤᬦᬗᬸ
ᬘᬧ᭄ᬧ᭄ᬭᬪᬸᬪᬸᬚᬍᬗ᭄ᬓᬭ᭞ᬳᬶᬗ᭄ᬲᬸᬦ᭄ᬫᬭᬳᭂᬦ᭄ᬲᬗᬚᬶ᭞ᬧᬸᬢ᭄ᬭᬶᬦᬶᬭᬲᬂᬤ᭄ᬬᬄ᭞ᬍᬗ᭄ᬓᬲᬭᬶᬓᬗᬦ᭄ᬢ᭄ᬬᬦ᭄᭞ᬯᬸᬲ᭄ᬓᬮᬧ᭄ᬭᬤᬾᬦ᭄ᬰᬳᬶᬤ᭄᭞ᬓᬶᬦᬃᬬ᭄ᬬᬕᬃᬯ᭄ᬯ᭞ᬩᭂᬘᬶᬓᬚᬳᬚᬸᬭᬶᬢ᭄᭟᭐᭟ᬩᬮᬶᬓ᭄ᬲᬶᬭᬫᬦ᭄ᬢᬸᬓᬶᬂᬦ
ᬕᬭᬦᬶᬭ᭞ᬫᬸᬗ᭄ᬧᬸᬂᬢᬦ᭄ᬓᬲᭀᬃᬚᬸᬭᬶᬢ᭄᭞ᬲᬸᬫᬯᬸᬃᬲᬂᬦᬣ᭞ᬳᬯᬶᬭᬶᬫᬭᬶᬂᬳᬶᬃᬫ᭄ᬫᬦ᭄᭞ᬓᬮᬯᬦ᭄ᬭᬚᬅᬩ᭄ᬱᬶ᭞ᬮᬄᬢ᭄ᬭᬫᬓᭂᬦ᭞ᬲᬶᬳᬦ᭄ᬤᬓᬭᬳᬚᬸᬭᬶᬢ᭄᭟᭐᭟ᬦᬸᬮ᭄ᬬᬫᭂᬤᬧ᭄ᬧᬦ᭄ᬤᬗᬦ᭄ᬲ
[᭔᭙ 49A]
ᬮᬶᬂᬧᬦᬄ᭞ᬓᬋᬩᬸᬢ᭄ᬰ᭄ᬭᬶᬪᬸᬧᬢᬶ᭞ᬧᭂᬭᬂᬲᭂᬫᬸᬓᬲᭀᬭᬦ᭄᭞ᬦᬶᬫᬲ᭄ᬘᬓ᭄ᬭᬓᬸᬲᬸᬫᬵ᭞ᬗᬦ᭄ᬤᬶᬓᬵᬫᬭᬶᬂᬲᬂᬧᬸᬢ᭄ᬭᬶ᭞ᬍᬗ᭄ᬓᬲᬭᬶᬦᬦᬓ᭄᭞ᬳᬕᭂᬮᬶᬲ᭄ᬳᬫᬾᬢᬦ᭄ᬩᬗᬚᬶ᭟᭐᭟ᬕᬯᬦᬦᬫᬭᬳᬶᬂᬦᭂᬕᬭᬦᬶᬭ
᭞ᬦᬸᬮᬶᬄᬤᬾᬯᬶᬓᬸᬭᬾᬲᬶᬦ᭄᭞ᬳᬫᭂᬦ᭄ᬢᬂᬕᬡ᭄ᬥᬾᬯ᭞ᬲᬂᬧ᭄ᬭᬪᬸᬧᬶᬦᬦᬳᬦ᭄᭞ᬓᭂᬦᬤᬾᬦᬶᬂᬚᬸᬯᬾᬯᬶ᭞ᬧᬶᬦᬮᬬᭀᬓ᭄ᬦ᭞ᬓᬲᬶᬮᬶᬃᬤᬾᬦᬶᬗᬗᬶᬦ᭄᭟᭐᭟ᬦᬶᬫᬲᬬᬸᬍᬗ᭄ᬓᬲᬭᬶᬲ᭄ᬭᬸᬳᬜᬦ᭄ᬤ᭞
ᬓ᭄᭞ᬧᬶᬦᬮᬬ᭄ᬯᬦ᭄ᬩᬧᬳᬚᬶ᭞ᬳᬶᬂᬦᭂᬕᬭᬦᬶᬭ᭞ᬫᬍᬩᬸᬳᬶᬂᬯᭀᬂᬧᬸᬭ᭞ᬓᬯᬃᬡ᭄ᬦᬫᬮᬶᬄᬳᬚᬸᬭᬶᬢ᭄᭞ᬰ᭄ᬭᬶᬫᭀᬂᬫᬮᬾᬮᬵ᭞ᬳᬬᬸᬦᬬᬸᬦ᭄ᬮᬦᬫᬶᬃ᭟᭐᭟ᬮᬶᬂᬦ᭄ᬬᬗᬸᬘᬧ᭄ᬢᬸᬳᬸᬳᬦᭂᬥᬵᬧ᭄ᬭᬓᭀᬱ᭞
ᬓᬲᬸᬩ᭄ᬓᬚᬦᬮᬸᬯᬶᬄ᭞ᬳᬓᬾᬄᬭᬢᬸᬓᬩᬮᬵ᭞ᬫᬗ᭄ᬓᬾᬚᬜ᭄ᬚᬶᬦᬾᬧᭂᬚᬄ᭞ᬢᭂᬩᬸᬲ᭄ᬫᬸᬳᬸᬭᬶᬧ᭄ᬳᬫᬗ᭄ᬓᬶᬦ᭄᭞ᬩᬮᬶᬓ᭄ᬦᬸᬓᬸᬮᬵ᭞ᬳᬾᬫᬦ᭄ᬭᬸᬧᬦ᭄ᬫᬸᬫᬢᬶ᭟᭐᭟ᬅᬫᬶᬭᬫ᭄ᬱ᭄ᬬᬄᬫᬾᬲᭂᬫ᭄ᬤᬾᬦᬶᬭᬗ
Kaca:Bali-lontar-gaguritan-amir-hamsyah-300ppi.pdf/49
Kaca puniki sampun kauji-wacén
