[᭔᭖ 46B]
᭔᭖
ᬮᬮᬬᬗᬦ᭄ᬧᭂᬕᬢ᭄᭞ᬢᬦ᭄ᬓᭂᬦᬳᬯᬮᬶᬯᬮᬶ᭟ᬲᬂᬤ᭄ᬬᬄᬘᬢᬸᬃᬤᬰ᭞ᬳᬦᬸᬢ᭄ᬲᬧᬭᬦᬶᬂᬲᬾᬯᬶ᭟᭐᭟ᬳᬦᬸᬢ᭄ᬰᬭᬡᬾᬫᬾᬄᬢᬶᬩᬳᬜ᭄ᬚᬮᬵ᭞ᬓᭂᬩᬢ᭄ᬧᬮᬬᬸᬦᬾᬓᬶ᭞ᬲᬂᬧᬸ
ᬢ᭄ᬭᬶᬳ᭄ᬚᬶᬫᬶᬓᬵ᭞ᬓᬭᬶᬬᬧ᭄ᬭᬢᬦ᭄ᬤᬶᬗᬦ᭄᭞ᬳᬫᬸᬲᬸᬄᬭᬚᬅᬩ᭄ᬱᬶ᭞ᬧᭂᬤᬂᬧᬶᬦᭂᬤᬗᬦ᭄᭞ᬧᬦᬄᬲᬶᬦᬸᬤᬸᬓ᭄ᬚᬫ᭄ᬧᬭᬶᬂ᭟᭐᭟ᬲᬶᬬᬂᬤᬮᬸᬫᬗ᭄ᬓᬦᬢᬧ᭄ᬭᬗᬶᬭ᭞ᬲᬂᬧ᭄ᬭᬪᬸᬫᬶᬦ᭄ᬢᬸᬲᬭᬶ᭞ᬭᬵ
ᬚᬫᬺᬢ᭄ᬢᬲ᭄ᬫᬭ᭞ᬳᬫ᭄ᬩᬦ᭄ᬢᭀᬦᬶᬓᬂᬧᬸᬢ᭄ᬭ᭞ᬩᬜᬓ᭄ᬧᬭᬸᬂᬫᬗ᭄ᬕ᭄ᬯᬾᬗᬃᬱ᭞ᬲᬫᬗ᭄ᬕᬕᬦ᭞ᬳᬧᭂᬭᬂᬦ᭄ᬤᬢᬦ᭄ᬕᬸᬫᬶᬗ᭄ᬲᭂᬃ᭟᭐᭟ᬳᭂᬦᭂᬗᬓ᭄ᬦᬓᬯᬃᬡ᭄ᬦᬘᬓ᭄ᬭᬓᬸᬲᬸᬫᬵ᭞ᬳᬶᬂᬫᬤ᭄ᬬᬦᬶᬗᬯ᭄ᬬᬢᬶ᭞
ᬓᬢᭀᬦ᭄ᬓᬤᬶᬳᬸᬮᬮᬫ᭄᭞ᬓᬲᬶᬮᬶᬃᬤᬾᬦᬶᬂᬫᬭᬸᬣ᭞ᬓᬕᬸᬮᬂᬕᬮᬶᬗᬶᬂᬲᬶᬣᬶ᭞ᬦᬸᬮ᭄ᬬᬗᬦ᭄ᬤᬶᬓᬵ᭞ᬧᬫᬦᬕᬾ ᬢᬸᬮᬸᬗᬶᬦ᭄᭟᭐᭟ᬲᬧᬪᬬᬧᬶᬦᬮᬬᭀᬓ᭄ᬤᬾᬦᬶᬂᬧᬦᬄ
[᭔᭗ 47A]
᭞ᬳᬕᭂᬮᬶᬲ᭄ᬭᬤᬾᬦ᭄ᬲᬭᬲᬶᬮ᭄᭞ᬳᬦᬫ᭄ᬩᬢ᭄ᬭᬳᬤ᭄ᬬᬦ᭄᭞ᬳᬓ᭄ᬦᬭᬤ᭄ᬬᬦ᭄ᬘᬶᬦᬦ᭄ᬤᬓ᭄᭞ᬯᬸᬲᬶᬗᬸᬘᬸᬮ᭄ᬲᬸᬢ᭄ᬭᬓᬫᬤ᭄ᬥᬶ᭞ᬳᬗᭂᬮᬶᬂᬲᬂᬭᬢ᭄ᬦᬵ᭞ᬩᬤᬶᬳᬸᬮᬮᬫ᭄ᬕᬸᬲ᭄ᬢᬶ᭟᭐᭟ᬯᭀᬂᬲᬓᬶᬗᭂᬦ᭄ᬤᬶ
ᬫᬸᬲᬸᬄᬲᬶᬭᬳᬬᬸᬥ᭞ᬰᬓ᭄ᬢᬶᬧ᭄ᬭᬓᭀᬱᬍᬯᬶᬄ᭞ᬳᬸᬫᬢᬸᬃᬭᬳᬤ᭄ᬬᬦ᭄᭞ᬭᬵᬚᬅᬩ᭄ᬱᬶᬧ᭄ᬭᬧ᭄ᬢᬶ᭞ᬳᬗᭂᬲᬂᬧᬓᭀᬦ᭄ᬫᬤᬬᬶᬦ᭄᭞ᬭᬳᬤᬾᬦ᭄ᬳᬶᬃᬫ᭄ᬫᬦ᭄᭞ᬓᬭᬦ᭄ᬧ᭄ᬭᬧ᭄ᬢᬅᬩ᭄ᬱᬶ᭟᭐᭟ᬦᬶᬫᬵᬬᬓᬸᬭᬾ
ᬲᬶᬦ᭄ᬓᬩ᭄ᬭᬳ᭄ᬫᬦ᭄ᬢ᭄ᬬᬦ᭄᭞ᬧᬬᬸᬮᬯᬦᭂᬦ᭄ᬚᬸᬭᬶᬢ᭄᭞ᬳᬲᭂᬭᬸᬄᬮᬫ᭄ᬧᬄᬦ᭄ᬬ᭞ᬯᬸᬲ᭄ᬧ᭄ᬭᬧ᭄ᬢᬳᬶᬂᬧᬬᬸᬥᬦ᭄᭞ᬓᬯᬃᬡ᭄ᬦᬦᬣᬾᬂᬅᬩ᭄ᬱᬶ᭞ᬮᬦ᭄ᬧᬢᬶᬄᬲᬶᬭ᭞ᬓᬶᬩᬜᬓ᭄ᬧᬭᬸᬂᬮᬶᬦᭂᬯᬶᬄ᭟᭐᭟ᬳᬗᬶᬫ᭄ᬩ
ᬗᬶᬂᬫᬦᬯᬳᬦᬯᬳᬦᬤᬳᭂᬗ᭞ᬓᬘᬸᬦ᭄ᬤᬸᬓ᭄ᬳ᭄ᬚᬫ᭄ᬳᬲ᭄ᬭᬓ᭄ᬧ᭄ᬭᬧ᭄ᬢᬶ᭞ᬲᬸᬭᬓᬶᬂᬕᬕᬦ᭞ᬰ᭄ᬭᬶᬫᭀᬂᬫᬮᬾᬮᬲᬶᬭ᭞ᬫᭂᬦ᭄ᬢᬂᬧᬦᬄᬭᬚᬸᬢᬗᬶᬦ᭄᭞ᬮᬶᬮᬸᬲ᭄ᬕᬸᬂᬧ᭄ᬭᬧ᭄ᬢ᭞ᬳᬕᭂᬮᬶᬲ᭄ᬦᬶᬫᬵᬲ᭄ᬓᬸᬭᬳᬾᬲᬶᬦ᭄᭟᭐᭟
Kaca:Bali-lontar-gaguritan-amir-hamsyah-300ppi.pdf/47
Kaca puniki sampun kauji-wacén
