Kaca:Bali-lontar-gaguritan-amir-hamsyah-300ppi.pdf/46

Saking Wikisource
Kaca puniki sampun kauji-wacén

[᭔᭕ 45B]
᭔᭕
ᬢᬶᬳᬢᬶ᭞ᬮᬫ᭄ᬧᬳᬾ ᬉᬫᬃᬫᬬᬵ᭞ᬳᬦᬶᬮᬶᬓᬸᬣᬾᬗᬭᬩ᭄᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬫᬃᬫᬬᬾᬓᬶ᭞ᬮᬶᬗ᭄ᬕᬶᬳᬶᬗᬃᬱ᭞ᬳᬸᬫᬢᬸᬃᬲᬳᬵᬪᬓ᭄ᬢᬶ᭟᭐᭟ᬥᬸᬄᬧᬗᬾᬭᬦᬫ᭄ᬱ᭄ᬬᬄᬳᬕᬸᬂᬧ᭄ᬭᬧ᭄ᬢ
ᬓᭀᬘᬧ᭄ᬲᬓᬶᬗᬩ᭄ᬱᬶ᭞ᬳᬗᭂᬲᬂᬦᬵᬕᬭ᭞ᬳᬚᬶᬦ᭄ᬤᬫᬸᬯᬳᬩᬲ᭄᭞ᬓᬮᬯᬵᬦ᭄ᬲᬶᬭᬅᬪᬸᬢᬮᬶᬩ᭄᭞ᬜᬸᬲᬸᬧ᭄ᬭᬶᬂᬯᬦ᭞ᬫᬸᬯᬄᬩᬮᬢᬸᬯᬦ᭄ᬲᬫᬶ᭟᭐᭟ᬪᬕᬡ᭄ᬥᬅᬫ᭄ᬱ᭄ᬬᬄ᭞
ᬳᬗ᭄ᬭᬸᬗᬸᬓᬩ᭄ᬭᬳ᭄ᬫᬦ᭄ᬢ᭄ᬬᬦ᭄᭞ᬮᬦ᭄ᬤᬾᬯᬶᬓᬸᬭᬳᬾᬲᬶᬦ᭄᭞ᬳᬲᭂᬭᬸᬄᬳᬗᬦ᭄ᬤᬶᬓᬵ᭞ᬫᬦ᭄ᬢᬸᬓ᭄ᬲᬶᬭᬲᬤᬬᬵ᭞ᬗᬦ᭄ᬤᬶᬓᬵᬭᬶᬂᬭᬤᬲᬢᬶᬮ᭄᭞ᬫ᭄ᬯᬂᬲᬭᬲᬶᬮ᭄ᬧᬢ᭄ᬬᬵ᭞ᬳᬩᬂᬳᬗᬯᬶᬗᬯᬶ᭟
᭐᭟ᬯᬸᬲ᭄ᬧ᭄ᬭᬬᬢ᭄ᬦᬵᬯᬤ᭄ᬯᬳᬲ᭄ᬭᬓ᭄ᬲᬥᬬᬵ᭞ᬗ᭄ᬕᬕᬦᬲᬓᬾᬳᬶᬳᭂᬚᬶᬫ᭄᭞ᬅᬫᬶᬃᬮᬸᬫᬫ᭄ᬧᬄ᭞ᬮᬦ᭄ᬭᬢᬸᬲ᭄ᬬᬸᬦᬵᬕᬭ᭞ᬳᬫ᭄ᬩᬩᬃᬧᬬᬸᬂᬕᬸᬂᬗᬶᬗ᭄ᬕᬶᬮ᭄᭞ᬲ᭄ᬬᬸᬮᬶᬮᬶᬤᬄᬦ᭄ᬬ᭞ᬕᬸ
[᭔᭖ 46A]
ᬫᭂᬦ᭄ᬢᭂᬃᬓᬢᬶᬬᬸᬧᬗᬶᬦ᭄᭟᭐᭟ᬲ᭄ᬯᬭᬳᬸᬫᬸᬂᬓᬬᬭᬸᬗ᭄ᬯᬶᬯᬶᬬᬢ᭄᭞ᬍᬩᬸᬫᬍᬢᬸᬓ᭄ᬗᬯ᭄ᬬᬢᬶ᭞ᬓᬂᬢᬫ᭄ᬧᬓᬶᬂᬓᬸᬤ᭞ᬮᬶᬫᬦ᭄‌ᬫ᭄ᬯᬂᬓᬂᬯᬤ᭄ᬬᬵ᭞ᬯᬸᬲ᭄‌ᬍᬧᬲ᭄ᬮᬫ᭄ᬧᬳᬾᬅᬫᬶᬃ᭞ᬳᬦᬸᬚᬾᬗᬭᬩ᭄
ᬓᬯᬃᬡ᭄ᬦᬧᬭᬧᬸᬢ᭄ᬭᬶ᭟᭐᭟ᬳᬶᬓᬂᬘᬢᬸᬃᬤᬰᬮᬦ᭄ᬩᬤᬶᬳᬸᬮᬮᬫ᭄᭞ᬓᬮᬶᬳᬶᬧᬾᬦᬵᬧᬸᬢ᭄ᬭᬶᬳ᭄ᬚᬶᬫ᭄᭞ᬳᬧᭂᬭᬂᬮᬦ᭄ᬲᬂᬦᬵᬣ᭞ᬫᭀᬂᬫᬮᬾᬮᬧ᭄ᬭᬓᭀᬱ᭞ᬭᬶᬦᭂᬩᬸᬢᬶᬧᬭᬧᬸᬢ᭄ᬗᬭᬶ
ᬮᬦ᭄ᬫ᭄ᬱ᭄ᬬᬄᬩᬤᬳᬸᬮᬮᬫ᭄᭞ᬓᬭᭀᬧᭀᬢᬦ᭄ᬲᬗᬚᬶ᭟᭐᭟ᬫᬍᬲᬢᬶᬘᬮ᭄ᬩᬦ᭄ᬓᬤᬸᬮᬸᬳᬶᬂᬧᬸᬢ᭄ᬭᬶᬓᬢᬄ᭞ᬫᬶᬯᬄᬲᬂᬭᬵᬚᬲᬾᬯᬶ᭞ᬢᬦᬤᬸᬮᬸᬲᬶᬭ᭞ᬰᬓ᭄ᬢᬶᬦᬵᬣᬾᬗᬫ᭄ᬱ᭄ᬬᬄ᭞ᬳᬫᭂᬦ᭄ᬢᬂ
ᬧᬦᬄᬲᬗᬚᬶ᭞ᬢᬶᬦᬸᬚᬸᬭᬳᬤ᭄ᬬᬦ᭄᭞ᬓᭂᬦᬾᬂᬲᬸᬢ᭄ᬭᬓᬫᬦ᭄ᬤᬶ᭟᭐᭟ᬲᬶᬦᬋᬗᬦ᭄ᬧᬶᬦᬦᬄᬤᬾᬦᬶᬂᬫᬭᬸᬣᬵ᭞ᬧᬶᬦᬮᬬᭀᬓᬶᬗᬗᬶᬦ᭄᭞ᬭᬤᬾᬦ᭄ᬩᬤᬶᬳᬸᬮᬮᬫ᭄᭞ᬓᬬᬵ