Kaca:Bali-lontar-gaguritan-amir-hamsyah-300ppi.pdf/44

Saking Wikisource
Kaca puniki sampun kauji-wacén

[᭔᭓ 43B]
᭔᭓
ᬲᬶᬅᬫᬶᬃ᭞ᬓᬮᬶᬦ᭄ᬢᬂᬧ᭄ᬭᬵᬓᭀᬱ᭞ᬫᭂᬚᬳᬶᬓᬫᬦ᭄ᬢ᭄ᬭᬶᬬ᭞ᬲᬶᬦᬯᬸᬭᬦ᭄ᬤᬸᬤᬸᬳᬫᬶᬃ᭞ᬬᬦ᭄ᬢᬦ᭄ᬯᭂᬭᬸᬳᬵ᭞ᬳᬶᬗ᭄ᬲᬸᬦ᭄ᬩᬜ᭄ᬚᬭᬦ᭄ᬲᬭᬶ᭟᭐᭟ᬓᬂᬓᬧᬺᬦᬄᬧᬸᬢ᭄ᬭᬦᬾ ᬪᬕᬶᬡ᭄ᬥᬅᬫ᭄ᬱ᭄ᬬᬄ᭞ᬳᬶᬗ᭄ᬲᬸᬦᬾᬜᬓ᭄ᬭᬯᬺ
ᬢ᭄ᬢᬶ᭞ᬳᬦᬾᬂᬦᬸᬱᬦ᭄ᬢᬭᬵ᭞ᬮᬳᬶᬬᬢ᭄ᬭᬧᬓ᭄ᬦᬵ᭞ᬲᬳᬦ᭄ᬤᬓᬭᬦᬾ ᬧᬢᬶᬄ᭞ᬕᬥᬕᬶᬦᬥᬵ᭞ᬧᭂᬤᬂᬧᬶᬦᭂᬥᬂᬓᬮᬶᬄ᭟᭐᭟ᬢᬶᬩᬦᬶᬂᬧᭂᬤᬂᬮ᭄ᬯᬶᬃᬧᬭᬶᬲᬾ ᬫᬮᬾᬮᬵ᭞ᬓᬸᬫᭂᬜᬃᬢᬾᬚ
ᬗᬯ᭄ᬬᬢᬶ᭞ᬫ᭄ᬯᬲᬸᬭᬓᬶᬂᬯᬤ᭄ᬬ᭞ᬓᬬᬓᬳᬸᬗ᭄ᬯᬶᬂᬯᬶᬬᬢ᭄᭞ᬧᭂᬤᬂᬧᬶᬦᭂᬤᬂᬢᬦ᭄ᬕᬶᬗ᭄ᬲᬶᬃ᭞ᬓᬶᬧᬢᬶᬄᬗᬸᬘᬧ᭄᭞ᬳᬮᬶᬢ᭄ᬧ᭄ᬭᬓᭀᬱᬾᬂᬚᬸᬭᬶᬢ᭄᭟᭐᭟ᬫᬮᬄᬧᬸᬢᬸᬂᬧᭂᬤᬗᬾᬲᬂᬓᬮᬶᬳᬶᬓᬵ᭞ᬘᬦ᭄ᬤᬓ᭄ᬩ
ᬦ᭄ᬢᬶᬂᬩᬶᬦᬦ᭄ᬢᬶᬂ᭞ᬓᬶᬧᬢᬶᬄᬘᬶᬦᬦ᭄ᬤᬓ᭄᭞ᬩᬶᬦᬸᬯᬦᬶᬂᬕᬕᬦ᭞ᬢᬦ᭄ᬯᭂᬭᬸᬲᬶᬭᬳᬗᬯ᭄ᬬᬢᬶ᭞ᬭᬓ᭄ᬭ᭄ᬬᬦᬧᬢ᭄ᬬ᭞ᬲᭂᬕᬓ᭄ᬲᬓᬶᬂᬯᬶᬬᬢᬶ᭟᭐᭟ᬫᭂᬦ᭄ᬢᬂᬫᬧᬦᬄᬓᬢᬸᬚᬸᬲᬶᬭᬭᬳᬤ᭄ᬬᬦ᭄᭞
[᭔᭔ 44A]
ᬓᭂᬦᬩᬜ᭄ᬚᬭᬦ᭄ᬲᬭᬶ᭞ᬮᬶᬦᬶᬯᬶᬢᬶᬂᬧᬦᬄ᭞ᬢᬸᬫᬗ᭄ᬓᭂᬩᬶᬂᬧᬢᬮᬵ᭞ᬲᬶᬦᬫ᭄ᬩᬸᬢᬶᬂᬯᬤ᭄ᬬᬫᬦ᭄ᬢ᭄ᬭᬶ᭞ᬳᬶᬂᬦᬸᬱᬦ᭄ᬢᬭ᭞ᬲᬸᬭᬸᬧᬶᬂᬲᬸᬃᬬ᭄ᬬᬳᬦᬫᬮᬶᬄᬓᬯᬃᬡ᭄ᬦ᭞ᬲᬶᬃᬳᬲᬂᬧᬸᬢ᭄ᬭᬶᬳᭂᬚᬶ
ᬫ᭄᭞ᬫᬺᬢ᭄ᬢᬲᬭᬶᬲᬂᬤ᭄ᬬᬄ᭞ᬫᬸᬯᬄᬤᬾᬯᬶᬫᬺᬢᬯᬢ᭄ᬬ᭞ᬩᬤᬶᬳᬸᬮᬮᬫᬶᬂᬯᬶᬬᬢᬶ᭞ᬓᬾᬭᬶᬗᬶᬂᬯᬤ᭄ᬬ᭞ᬳᭂᬚᬶᬫ᭄ᬧᬸᬮᭀᬫᬶᬦ᭄ᬢᬲᬭᬶ᭟᭐᭟ᬤᬾᬦᬶᬂᬲᬫ᭄ᬧᬸᬦ᭄ᬢᬶᬦᬸᬩᬶᬂᬤᬾᬦᬶᬂᬧᬯᬦ᭞ᬓᬲᬶ
ᬮᬶᬤᬾᬦᬶᬂᬳᬗᬶᬦ᭄᭞ᬧᬦ᭄ᬢᬦ᭄ᬓᭂᬦᬾᬂᬢᬸᬮᬓ᭄᭞ᬩᬤᬶᬳᬸᬮᬮᬫ᭄ᬓᭂᬩᬢ᭄᭞ᬓᬫ᭄ᬩᬢ᭄ᬲᬗᬶᬩᬸᬋᬗᬦᬶᬲ᭄᭞ᬧᬸᬢ᭄ᬭᬶᬳ᭄ᬚᬶᬫ᭄ᬓᬮᬶᬳᬵ᭞ᬜᬦ᭄ᬤᬓ᭄ᬲᬓᬾᬄᬧᬺᬧᬸᬢ᭄ᬭᬶ᭟᭐᭟ᬧᬦ᭄ᬯᬸᬲ᭄ᬢᭂᬮᬲᬓᬾᬳᬶᬓ
ᬧᬭᬭᬩ᭄ᬬᬵ᭞ᬢᬓᭀᬦ᭄ᬢᬶᬦᬓᭀᬦ᭄ᬲᬫᬶ᭞ᬢᬸᬢᬸᬃᬢᬶᬦᬸᬢᬸᬭᬦ᭄᭞ᬫᬮᬶᬳᬦᬸᬚᬾᬗᬭᬩ᭄᭞ᬳᬃᬱᬳᬫᬕᬸᬢ᭄ᬳᬩ᭄ᬱᬶ᭞ᬳᭂᬦᭂᬗᬓᭂᬦ᭞ᬭᬫ᭄ᬱ᭄ᬬᬳᬦᬾᬦᬵᬕ᭄ᬩᬂᬩᬗ᭄ᬭᬶ᭟᭐᭟ᬳᬗᬦ᭄ᬤᬶ