[᭓᭕ 35B]
᭓᭕
ᬯᬗ᭄ᬓᬾᬳᬲᬸᬲᬸᬦ᭄ᬳᬢᬸᬫ᭄ᬧᬂ᭞ᬮᬸᬥᬶᬭᬕᬫ᭄ᬩᬮᬶᬂᬲᬶᬣᬶ᭟᭐᭟ᬧᬢᬶᬄᬩᬜᬓ᭄ᬧᬸᬭᬂᬳᬤᬦ᭄᭞ᬳᬗ᭄ᬕᬕᬦᬵᬲᬤ᭄ᬬᬦᬾ ᬳᬗᬸᬮᬢᬶ᭞ᬩᬤᬶᬳᬸᬮᬮᬫ᭄ᬓᬢᭂᬫᬸ᭞ᬯᭀᬂᬗᬭᬩ᭄ᬧᬓ᭄ᬧᬸᬮᬜ᭄ᬘᬂ᭞ᬲᬦ᭄ᬤᬗᬾᬦ
ᬲᬶᬳᬦᬓᬭᬦᬾ ᬳᬶᬓᬸ᭞ᬧᬦᬄᬲᬶᬭᬧᬶᬦᬦᬳᬦ᭄᭞ᬳᬫᭂᬤᬧᬶᬦ᭄ᬤᬂᬓᬮᬶᬄ᭟᭐᭟ᬭᬳᬤ᭄ᬬᬦ᭄ᬩᬤᬶᬳᬸᬮᬮᬫ᭄᭞ᬳᬫᬫᬦᬄᬭᬚᬸᬢ᭄ᬮᬦ᭄ᬧᬳᬗᬶᬦ᭄᭞ᬧᬢᬶᬄᬅᬩ᭄ᬱᬶᬓᬲᬫ᭄ᬩᬸᬢ᭄᭞ᬧᬶᬦᬮ
ᬬᭀᬦᬶᬂᬫᬭᬸᬢ᭞ᬮᬬᬂᬮᬬᬂᬓᬩᬸᬮᬓ᭄ᬩᬮᬶᬓᬶᬂᬮᬸᬳᬸᬃ᭞ᬓᬤᬸᬮᬸᬯᭀᬭᬲᬂᬦᬵᬣ᭞ᬳᬕᭂᬮᬶᬲᬶᬦᬫ᭄ᬩᬢ᭄ᬓᬶᬧᬢᬶᬄ᭟᭐᭟ᬧᬢᬶᬄᬩᬜᬓ᭄ᬓᬤ᭄ᬬᬗᬧ᭞ᬢᭂᬓᬓᬦ᭄ᬤᬧ᭄ᬲᬶᬭᬳᬧᭂᬭᬂᬢᬦ᭄ᬤᬶᬂ᭞ᬓᬶᬧᬢᬶᬄᬲ
ᬫ᭄ᬧᬸᬦ᭄ᬓᬳᬸᬘᬸᬮ᭄᭞ᬧᬢᬶᬄᬧᬓᬸᬦ᭄ᬤᬸᬃᬲᬶᬭ᭞ᬫᬦᬶᬭᬾᬓᬶᬳᬢᬦ᭄ᬤᬶᬂᬤᬶᬕ᭄ᬚᬬᬫᬸᬧᬸᬄ᭞ᬗ᭄ᬕᬕᬦᬵᬰ᭄ᬭᬶᬫᭀᬂᬫᬮᬾᬮ᭞ᬘᬶᬦᬸᬦ᭄ᬤᬸᬓ᭄ᬲᬫᬧ᭄ᬭᬚᬸᬭᬶᬢ᭄᭟᭐᭟ᬗᬦ᭄ᬤᬶᬓᬵᬩᬤᬶᬳᬸᬮᬮᬫ᭄᭞
[᭓᭖ 36A]
ᬲᬧᬳᬶᬓᬶᬢᬸᬫᬦ᭄ᬤᬗᬶᬗᬚᬸᬭᬶᬢ᭄᭞ᬫᬮᬶᬄᬲᬸᬦ᭄ᬚᬤ᭄ᬫᬧᬦ᭄ᬤᬸᬭᬸᬂ᭞ᬫᬸᬮᬢᬶᬯᬃᬡ᭄ᬦᬦᬶᬭ᭞ᬲᬶᬭᬧ᭄ᬭᬪᬸᬲᭂᬕᬓ᭄ᬲᭂᬕᬓ᭄ᬯᭂᬤᬮᬶᬂᬯᬸᬯᬸᬲ᭄᭞ᬢᬦ᭄ᬯᭂᬭᬸᬄᬳᬶᬓᬶᬫᬦᬸᬱ᭞ᬓᬂᬚᬸᬫᭂᬦᭂᬗᬶᬩ᭄ᬱᬶ᭟᭐᭟ᬗᬚᬫᭀᬂᬫᬮᬾᬮᬳᬶ
ᬗ᭄ᬯᬂ᭞ᬲᬶᬭᬲᬧᬳᬮᬶᬢᬦᭀᬫᬧᭂᬓᬶᬓ᭄᭞ᬳᬾᬫᬵᬳᬦᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬲᬯᬸᬭᬾᬳᬶᬗ᭄ᬲᬸᬦ᭄ᬧᬺᬡᬄ᭞ᬧᬸᬢᬸᬦᬶᬭᬅᬫᬶᬭᬫ᭄ᬱ᭄ᬬᬄᬓᬢᬾᬗ᭄ᬲᬸᬦ᭄᭞ᬩᬤᬶᬳᬸᬮᬮᬫ᭄ᬫᬦᬶᬭ᭞ᬧᬸᬢ᭄ᬭᬦᬾ ᬤᬾᬯᬶᬋᬗ
ᬦᬶᬲ᭄᭟᭐᭟ᬩᬤᬶᬳᬸᬮᬮᬫᭂᬦ᭄ᬢᬂᬧᬦᬄ᭞ᬬᬢᬤᭂᬧᬸᬓ᭄ᬫᬗ᭄ᬓᬾ ᬧᬸᬦᬂᬚᬫ᭄ᬧᬭᬶᬂ᭞ᬧᬗᬗ᭄ᬕᭀᬧᬦᬄᬕᬸᬦᬸᬂ᭞ᬗ᭄ᬕᬕᬦᬓᬗᬜ᭄ᬘᬮᬵ᭞ᬳᬶᬗᬯ᭄ᬬᬢᬶᬓᬘᬸᬦ᭄ᬤᬸᬓ᭄ᬲᬫᬦᬶᬂᬕᬸᬦᬸᬂ᭞ᬬᬢᬩᭂᬜ᭄ᬘᬃᬧᬸᬦᬂᬗᬃᬕ᭄ᬕ
᭞ᬧ᭄ᬭᬪᬸᬩ᭄ᬭᬳ᭄ᬫᬦ᭄ᬢ᭄ᬬᬦ᭄ᬢᬦ᭄ᬲᬶᬧᬶ᭟᭐᭟ᬲᬸᬭᬓ᭄ᬮ᭄ᬯᬶᬃᬓᬭᬸᬗ᭄ᬯᬾᬂᬯᬶᬬᬢ᭄᭞ᬰᬓ᭄ᬢᬶᬢᭂᬫᭂᬦ᭄ᬰ᭄ᬭᬶᬪᬸᬧᬢᬶᬅᬩ᭄ᬱᬶ᭞ᬳᬧᭂᬭᬂᬦ᭄ᬤᬢᬦ᭄ᬓᬤᬸᬮᬸ᭞ᬤᬾᬦᬵᬳᬶᬂᬩᬤᬶᬳᬸᬮᬮᬫ᭄᭞ᬱᬵᬧᬦ᭄ᬲᬸᬃᬬ᭄ᬬᬳᬶᬓᬸᬢᬶᬦᬸᬢᬸ
Kaca:Bali-lontar-gaguritan-amir-hamsyah-300ppi.pdf/36
Kaca puniki sampun kauji-wacén
