[᭒᭙ 29B]
᭒᭙
ᬢᬸᬮᬸᬲ᭄᭞ᬦᬯᬸᬭᬶᬦ᭄ᬲᬶᬭᬭᬳᬤ᭄ᬬᬦ᭄᭞ᬲᬶᬗ᭄ᬕᬶᬄᬲᬶᬦᬤ᭄ᬬᬦᬶᬂᬓᬵᬧ᭄ᬢᬶ᭞ᬯᬸᬲ᭄ᬓᬘᬫ᭄ᬧᬸᬄ᭞ᬭᬕᬦᬾ ᬳᬧᬸᬮᬂᬲ᭄ᬫᬭ᭟᭐᭟ᬯᬸᬲ᭄ᬯᭂᬭᬸᬄᬲᬶᬭᬯᭀᬂᬫᬾᬦᬵᬳᬓ᭄᭞ᬳᬶᬂᬧᬸᬢᬸᬭᬳᬤᬾᬦ᭄ᬰᬳᬶᬤ᭄᭞ᬳᬓ᭄ᬭᬫᬮᬯᬵ
ᬦ᭄ᬲᬂᬤ᭄ᬬᬄ᭞ᬦᬶᬫᬲᬬᬸᬍᬗ᭄ᬓᬲᬭᬶ᭞ᬗᬦ᭄ᬤᬶᬓᬪᬕᬶᬡ᭄ᬥᬅᬫᬶᬃ᭞ᬭᬶᬂᬧᬬᭀᬗᬦ᭄ᬳ᭄ᬬᬳᬬᬸ᭞ᬮᬄᬮᬸᬗ᭄ᬳᬵᬳᬗᬸᬮᬢ᭄ᬬ᭞ᬦᬶᬤᬾᬯᬶᬫᬲ᭄ᬍᬗ᭄ᬓᬲᬭᬶ᭞ᬧ᭄ᬭᬧ᭄ᬢᬫᬗ᭄ᬓᬾ ᭞ᬓᬢᭂᬫᬸᬓᬮᬯᬦᬶᬗ᭄ᬯᬂ᭟᭐᭟ᬦᬶᬳᭂ
ᬫ᭄ᬩᬦᬶᬜᬮᬸᬫᬫ᭄ᬧᬄ᭞ᬫᬍᬩᬸᬳᬶᬂᬤᬍᬫ᭄ᬧᬸᬭᬶ᭞ᬭᬳᬤᬾᬦ᭄ᬰᬳᬶᬤ᭄ᬓᬯᬃᬡ᭄ᬦᬵ᭞ᬮᬯᬦ᭄ᬤᬾᬯᬶᬍᬗ᭄ᬓᬲᬭᬶ᭞ᬓᬾᬲᬳᬲᬶᬭᬫ᭄ᬓᬮᬶᬄ᭞ᬯᬸᬲᬲᬶᬭᬫ᭄ᬳᬬᬸᬲᬫ᭄ᬧᬸᬦ᭄᭞ᬳᬮᬸᬗ᭄ᬕᬸᬄᬫᬲᬲᬦ᭄ᬤᬶᬗ
ᬦ᭄᭞ᬳᬶᬜᬧ᭄ᬭᬧ᭄ᬢᬲᬳᬸᬃᬪᬓ᭄ᬢᬶ᭞ᬓᬃᬬ᭄ᬬᬳᬫ᭄ᬩᬵ᭞ᬳᬫᭂᬤᭂᬓ᭄ᬮᬶᬂᬚᭂᬂᬳᬦ᭄ᬤᬶᬓᬵ᭟᭐᭟ᬤᬾᬦᬾᬳᬾᬬᬂᬚᭂᬂᬗᬦ᭄ᬤᬶᬓᬵ᭞ᬭᬳᬶᬳᬦ᭄ᬤᬶᬓᬵᬲᬂᬧᬸᬢ᭄ᬭᬶ᭞ᬤᬾᬦ᭄ᬫᭂᬢᬸᬫᬋᬓ᭄ᬚᭂᬂᬅᬫ᭄ᬱ᭄ᬬᬄ᭞ᬗᬦ᭄ᬤᬶᬓᬵᬭᬳ
[᭓᭐ 30A]
ᬤᬾᬦ᭄ᬰᬳᬶᬤ᭄᭞ᬤᬾᬯᬫᬲᬼᬗ᭄ᬓᬲᬭᬶ᭞ᬤᬾᬯᬫᬲ᭄ᬧᬋᬂᬳᬸᬫᬢᬸᬃ᭞ᬫᭂᬤᭂᬓᬶᬂᬳᬾᬬᬂᬅᬫ᭄ᬱ᭄ᬬᬄᬫᬸᬮᬶᬄᬓᬓᬦ᭄ᬢᬾᬦ᭄ᬮᬸᬫᬭᬶᬲ᭄᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬫᬸᬗ᭄ᬕᬄᬲᬶᬃᬳᬳᬢᬸᬃᬲᭂᬫ᭄ᬩᬄ᭟᭐᭟ᬭᬭᬶᬲ᭄ᬗᬦ᭄ᬤᬶᬓᬯᭀᬂᬫᬾᬦᬵᬳᬓ᭄ᬥᬸᬄ
ᬤᬾᬯᬫᬲ᭄ᬍᬗ᭄ᬓᬲᬭᬶ᭞ᬲᬸᬦ᭄ᬢᬦ᭄ᬬᬫᬭᬳᬶᬂᬲᬶᬭ᭞ᬲᬶᬳᬾᬬᬂᬫᬃᬫᬬᬕᬸᬲ᭄ᬢᬶ᭞ᬢᭂᬓᬦᭀᬃᬳᬓᬧ᭄ᬭᬧ᭄ᬢᬶ᭞ᬲᬂᬧᬸᬢ᭄ᬭᬶᬦᭂᬫ᭄ᬩᬳᬸᬫᬢᬸᬃ᭞ᬲᬶᬗ᭄ᬕᬶᬄᬧᬸᬢ᭄ᬭᬶᬳᬚᬶᬫᬶᬦ᭞ᬲᬓᬶᬂᬧᬸᬮᭀᬫᬶᬦ᭄ᬢᬲᬭᬶ᭞ᬳᬶᬓᬵᬩᬸᬥᬸᬄ᭞ᬫᬭᬶᬂ
ᬭᬤᬾᬦ᭄ᬳᬾᬬᬗᬦ᭄ᬤᬶᬓᬵ᭟᭐᭟ᬋᬩᬸᬢ᭄ᬭᬶᬦᭂᬩᬸᬢ᭄ᬫᬦᬶᬭ᭞ᬳᬾᬬᬂᬫᬃᬫᬬᬦᬸᬮᬸᬗᬶᬦ᭄᭞ᬓᬯᬸᬮᬵᬳᬶᬓᬵᬳᬧᭂᬭᬂ᭞ᬓ᭄ᬦᬳᬾᬬᬂᬫᬃᬫᬬᬳᬶᬓᬶ᭞ᬧᬶᬘᬮᬵᬬᬾᬓᬶᬳᭂᬚᬶᬫ᭄᭞ᬓᬯᬸᬮᬵᬧᭂᬭᬗᬧᬸ
ᬧᬸᬄ᭞ᬳᬶᬓᬸᬫᬃᬫᬶᬦᬾ ᬳᬶᬘᬮ᭄᭞ᬗᬦ᭄ᬤᬶᬓᬵᬪᬕᬶᬦ᭄ᬥᬅᬫᬶᬃ᭞ᬮᬳᬳᬶᬬ᭞ᬰᬳᬶᬤ᭄ᬳᬋᬧ᭄ᬳᬸᬕᬵᬳᬓ᭄ᬭᬫ᭟᭐᭟ᬓᬮᬯᬦ᭄ᬧᬸᬢ᭄ᬭᬶᬳ᭄ᬚᬶᬫᬶᬓᬵ᭞ᬤᬶᬤᬶᬦᬾ ᬳᬾᬬᬂᬳᬸᬫᬸᬮᬶᬄ᭞ᬓᬓᬗᬫᬲ᭄ᬳᬸᬫᬃᬫᬬᬵ᭞
Kaca:Bali-lontar-gaguritan-amir-hamsyah-300ppi.pdf/30
Kaca puniki sampun kauji-wacén
