Kaca:Bali-lontar-gaguritan-amir-hamsyah-300ppi.pdf/29

Saking Wikisource
Kaca puniki sampun kauji-wacén

[᭒᭘ 28B]
᭒᭘
ᬤᬲ᭄ᬘᬸᬭᬶᬕ᭞ᬓᬯᬸᬮᬵᬳᬾᬭᬗ᭄ᬓᬤᬦ᭄ᬢᬶ᭞ᬫᬦ᭄ᬤᬦᬾ ᬳᭀᬮᬶᬄᬓᬧᭂᬦ᭄ᬤᬓ᭄᭞ᬓᬯᬸᬮᬵᬭᬶᬂᬲᬗᬧᭂᬓᬶᬓ᭄᭞ᬫᬗ᭄ᬓᬦᬳᬸᬕᬕᬸᬲ᭄ᬢᬶ᭞ᬲᬢᬸᬭᬦᬶᬭᬳᬸᬮᬗᬸᬦ᭄᭞ᬲᬃᬯ᭄ᬯᬶᬢᬦ᭄ᬧᭂᬕᬢ᭄ᬮᬸᬫᬫ᭄ᬧᬄ᭞ᬲᬓᬶᬂᬧ᭄ᬭᬫᬦᬶᬂ
ᬳ᭄ᬬᬂᬯᬶᬥᬶ᭞ᬬᬢᬢᬸᬮᬓ᭄᭞ᬮᬓᬸᬦᬾ ᬧ᭄ᬭᬧ᭄ᬢᬾᬂᬦᬵᬕᬭ᭟᭐᭟ᬓᬧᬗ᭄ᬕᬶᬄᬳᬦᬯᭀᬂᬫᬶᬦ᭄ᬢᬃ᭞ᬲᬂᬧᬸᬢ᭄ᬭᬶᬳᬢᬓᬾᬦᬭᬶᬲ᭄᭞ᬤᬾᬦᬾᬳᬶᬗ᭄ᬓᬶᬦᬾ ᬳᬧᭂᬭᬂ᭞ᬰᬢ᭄ᬭᬸᬲᬓᬶᬂᬩᬸᬓᬶᬢ᭄ᬩ᭄ᬭᬚᬶ᭞ᬓᬂᬢᬶᬦᬜᬲᬯᬸᬭ
ᬭᬶᬲ᭄᭞ᬫᬗ᭄ᬓᬾ ᬧ᭄ᬭᬪᬸᬅᬭᬩ᭄ᬮᬸᬗ᭄ᬕᬸᬄ᭞ᬚᬸᬫᭂᬦᭂᬗᬶᬂᬦᭂᬕᬭ᭞ᬲᬗᬭᬦ᭄ᬯᭀᬂᬫᬾᬦᬵᬳᬓᬫᬶᬃ᭞ᬲᬓᬩᬾᬳᬾ᭞ᬫ᭄ᬯᬂᬭᬤᬾᬦᬵᬰᬳᬶᬤ᭄ᬭᬶᬂᬧᬸᬭ᭟᭐᭟ᬮᬶᬦ᭄ᬢᬂᬢᬸᬱ᭄ᬝᬵᬢ᭄ᬯᬲᬾ ᬲᬂᬤ᭄ᬬᬄ᭞ᬳᬸᬫᬜ᭄ᬚᬶᬂᬫᬭᬶᬂᬦᭂᬕᬭᬶ᭞ᬲ
ᬯᬶᬚᬶᬦᭀᬭᬯᭀᬂᬯᬶᬓᬦ᭄᭞ᬓᬯᬃᬡ᭄ᬦᬭᬳᬤᬾᬦ᭄ᬰᬳᬶᬤ᭄᭞ᬳᬾᬮᬶᬂᬧᭀᬮᬳᬾ ᬦᬾ ᬗᬸᬦᬶ᭞ᬳᬥᭂᬧᬸᬓ᭄ᬧᬥᬳᬦ᭄ᬤᬸᬮᬸ᭞ᬮᬦ᭄ᬦᬶᬫᬲ᭄ᬍᬗ᭄ᬓᬲᬭᬶᬬ᭞ᬮᬶᬦ᭄ᬢᬂᬓᬗᭂᬦ᭄ᬭᬤᬾᬦ᭄ᬰᬳᬶᬤ᭄᭞ᬳ
[᭒᭙ 29A]
ᬧᬦ᭄ᬢᭂᬮᬲ᭄᭞ᬓᬮᬭᭀᬦ᭄ᬲᬋᬂᬲᬂᬤ᭄ᬬᬄ᭟᭐᭟ᬧ᭄ᬭᬱ᭄ᬝᬲᬂᬧᬸᬢ᭄ᬭᬶᬭᬶᬗᬃᬱ᭞ᬧᬋᬂᬓᬧᬗ᭄ᬕᬶᬳᬶᬂᬢᬗ᭄ᬲᬶ᭞ᬮᬸᬯᬶᬃᬓᬶᬮᬢ᭄ᬳᬫ᭄ᬩᬭᬸᬗᬦ᭄᭞ᬓᬕ᭄ᬬᬢ᭄ᬢᬸᬯᬲᬾᬭᬤᬾᬦ᭄ᬰᬳᬶᬤ᭄᭞ᬫᬾᬲᭂᬫ᭄ᬯᬘᬦᬦᬾᬫᬦᬶᬲ᭄᭞ᬕᬸᬲ᭄ᬢᬶᬫ
ᬲ᭄ᬚᬶᬯᬶᬢᬦᬶᬗ᭄ᬲᬸᬦ᭄᭞ᬲᬸᬓᬸᬃᬤᬾᬯᬳᬶᬓᬂᬧ᭄ᬭᬧ᭄ᬢ᭞ᬲᬯᬸᬭᬾᬯᬶᬦᭀᬭᬦ᭄ᬢᬗᬶᬲ᭄᭞ᬫᬤᬸᬄᬭᬤᬾᬦ᭄᭞ᬢᬦᬦᬜᬫᬧᬗ᭄ᬕᬸᬳᬵ᭟᭐᭟ᬲᬂᬭᬢ᭄ᬦᬵᬜᬦ᭄ᬤᬓ᭄ᬭᬳᬤ᭄ᬬᬦ᭄᭞ᬢᬸᬫᬗ᭄ᬓᬧᬸᬧᬸᬳᬦᬗᬶᬲ᭄᭞ᬢ
ᬦᬾ ᬫᬸᬢ᭄ᬲᬂᬤ᭄ᬬᬄᬫᬸᬃᬘᬶᬢ᭄ᬢ᭞ᬓᬬᬵᬓᬬᬵᬯᭀᬂᬓᬧᬢᬶ᭞ᬳᬶᬗᬸᬲᬸᬗᬦᬾ ᬳᬕᭂᬮᬶᬲ᭄᭞ᬫᬍᬩᬸᬳᬶᬂᬚᬶᬦᭂᬫᬭᬸᬫ᭄᭞ᬢᬸᬫᬗ᭄ᬓᭂᬧ᭄ᬲᬫᬶᬲᬂᬭᬢ᭄ᬦᬵ᭞ᬳᬗ᭄ᬕᬲ᭄ᬓᬬᬸᬦ᭄ᬳᬓᬂᬭᬕᬶᬦ᭄᭞ᬭᬤᬾᬦ᭄ᬰᬳᬶᬤ᭄᭞ᬳᬦ
ᬗ᭄ᬓᭂᬩᬾᬂᬧᬬᭀᬥᬭ᭟᭐᭟ᬲᬂᬧᬸᬢ᭄ᬭᬶᬳᬗ᭄ᬮᬶᬗ᭄ᬲᬶᬂᬲᬶᬭ᭞ᬳᬸᬫᬢᬸᬃᬤᬸᬄᬳᬢ᭄ᬫᬵ ᬕᬸᬲ᭄ᬢᬶ᭞ᬓᬮᬶᬦ᭄ᬢᬂᬮᬫᬶᬓᬾᬤᬦᬦ᭄᭞ᬦᭀᬭᬳᬾᬢᬂᬢᬸᬯ᭄‌ᬳᬧᬢᬶ᭞ᬢᬫ᭄ᬩᬦᬮᬭᬓᬩ᭄ᬭᬗ᭄ᬢᬶ᭞ᬓᬓᬂᬫᬵᬲ᭄‌ᬬᬦ᭄ᬲᬶᬭᬵ