Kaca:Bali-lontar-gaguritan-amir-hamsyah-300ppi.pdf/28

Saking Wikisource
Kaca puniki sampun kauji-wacén

[᭒᭗ 27B]
᭒᭗
ᬓᬸᬣᬾᬂᬩᬂᬩᬗ᭄ᬭᬶ᭟᭐᭟ᬮᬶᬦ᭄ᬢᬂᬢᬸᬱ᭄ᬝᬢᬸᬯᬲᬾᬯᬤ᭄ᬯᬳᬭᬩ᭄᭞ᬯᭀᬂᬫᬾᬦᬓ᭄ᬫᬭᬶᬂᬧᬸᬭᬶ᭞ᬫ᭄ᬯᬄᬭᬢᬸᬲᬥᬬ᭞ᬫᬗ᭄ᬤᬦᬾ ᬦᬶᬫᬲ᭄ᬭᬢ᭄ᬦ᭞ᬘᬓ᭄ᬭᬓᬸᬲᬸᬫᬓᬸᬭᬾᬲᬶᬦ᭄᭞ᬭᬤᬾᬦ᭄ᬰᬳᬶᬤ᭄ᬫᬸᬯᬄ᭞ᬫᬍᬩᬸᬳᬶᬂᬓᬦ᭄ᬬᬧᬸᬭᬶ᭟᭐᭟
ᬧᬸᬄᬲᬶᬦᭀᬫ᭄᭟᭐᭟ᬪᬕᬶᬡ᭄ᬥᬅᬫ᭄ᬱ᭄ᬬᬄᬲᬶᬓᭂᬳ᭄᭞ᬮᬦ᭄ᬭᬢᬸᬲ᭄ᬬᬸᬦᭂᬕᬭᬶ᭞ᬗᬦ᭄ᬤᬶᬓᬳᬮᭀᬦ᭄ᬯᭀᬂᬫᬾᬦᬓ᭄᭞ᬳᬾᬄᬭᬢᬸᬲ᭄ᬬᬸᬦᭂᬕᬭᬶ᭞ᬳᭂᬦ᭄ᬤᬶᬧᬭᬦ᭄ᬩᬮᬢᬶ᭞ᬓᬓᬂᬢᬫ᭄ᬩᬓ᭄ᬫᬲ᭄ᬮᬬᬸᬂ᭞ᬳᬸᬭᬶᬧ᭄ᬳᬢᬯᬧᭂᬚᬄ
᭞ᬧᬦ᭄ᬮᬫᬶᬦᭀᬭᬓᬧ᭄ᬭᬧ᭄ᬢᬶ᭞ᬮᬶᬦ᭄ᬢᬂᬓᬗᭂᬦ᭄᭞ᬲᬸᬦ᭄ᬭᬶᬂᬓᬓᬂᬉᬫᬃᬫᬬᬵ᭟᭐᭟ᬳᬢᬸᬭᬾᬭᬢᬸᬲᬤᬬᬵ᭞ᬩᭀᬦ᭄ᬢᭂᬦ᭄ᬓᬯᬸᬮᬳᬸᬤᬦᬶ᭞ᬓᬯᬸᬮᬦᭂᬥᬧᬗᬾᬭᬦ᭄᭞ᬬᬦ᭄ᬲᬢᬯᬶᬧᬢᬶᬦᬚᬶ᭞ᬯᬸᬮᬢᬶᬳᬶᬂ
ᬯᬦᬕᬶᬭᬶ᭞ᬫᬦᬯ᭄ᬬᬭᬤ᭄ᬬᬦ᭄ᬓᬢᭂᬫᬸ᭞ᬗᬦ᭄ᬤᬶᬓᬦᬶᬭᬯᭀᬂᬫᬾᬦᬓ᭄᭞ᬮᬄᬳᬦ᭄ᬢᭀᬲᬓᭂᬦᬳᬸᬕᬶ᭞ᬬᬾᬦ᭄ᬢᬦ᭄ᬧ᭄ᬭᬧ᭄ᬢ᭞ᬦᬾ ᬩᬾᬜ᭄ᬚᬂᬳᬾᬲᬸᬓ᭄ᬳᬸᬮᬢ᭟᭐᭟ᬬᭂᬦᭂᬗᬓ᭄ᬦᬲᬓ᭄ᬱᬡ᭞ᬦᬶᬤᬾᬯᬶᬫᬲᬼᬗ᭄ᬓ
[᭒᭘ 28A]
ᬲᬭᬶ᭞ᬓᬮᬭᭀᬦ᭄ᬦᬗᬶᬲ᭄ᬢᬦ᭄ᬧᭂᬕᬢ᭄᭞ᬳᬗᬸᬮᬢᬶᬭᬤᬾᬦ᭄ᬰᬳᬶᬤ᭄᭞ᬲᬲᬫ᭄ᬩᬢᬫᭂᬮᬲᬲᬶᬄ᭞ᬳᬶᬗᭂᬦ᭄ᬤᬶᬤᬾᬯᬓᬢᭂᬫᬸ᭞ᬫᬦᬯᬶᬲᬶᬭᬭᬳᬤ᭄ᬬᬦ᭄᭞ᬤᬤᭀᬲ᭄ᬧᬗᬦ᭄ᬢ᭄ᬬᬦ᭄ᬳᬓ᭄ᬭᬫᬶ᭞ᬳᬫ᭄ᬩᬳᬶᬓᬶ᭞ᬢᬸᬮᬸᬲ᭄ᬓᬾᬤ
ᬦᬦ᭄ᬧᬮᬢ᭄ᬭ᭟᭐᭟ᬤᬸᬄᬭᬤᬾᬦᬵᬰᬳᬶᬤ᭄ᬧᬗᬾᬭᬦ᭄᭞ᬭᬸᬗᬸᬦᭂᬦ᭄ᬓᬯᬸᬮᬦᬗᬶᬲ᭄᭞ᬬᬦᬦ᭄ᬤᬶᬓᬵᬧᬮᬢ᭄ᬭ᭞ᬲᬶᬗ᭄ᬕᬶᬄᬓᬯᬸᬮᬫᬶᬭᬶᬂ᭞ᬢᬸᬫᬸᬢ᭄ᬳᬫ᭄ᬩᬾᬮᬧᬢᬶ᭞ᬩᬾᬲᬸᬓ᭄‌ᬬᬦᬸᬭᬶᬧ᭄ᬢᬸᬫᬸᬯᬸᬄ᭞ᬢᬸᬫᬤᬓᬾᬦᬵᬕ᭄
ᬫᬺᬘᬧᬤ᭞ᬬᬦ᭄ᬭᬤᬾᬦ᭄ᬳᬦ᭄ᬤᬦᭀᬲᬭᬶ᭞ᬳᬫ᭄ᬩᬳᬸᬭᬶᬧ᭄᭞ᬢᬸᬫᬸᬯᬸᬄᬤᬤᭀᬲ᭄ᬩ᭄ᬭᬳ᭄ᬫᬭ᭟᭐᭟ᬳᬦᬸᬗ᭄ᬲᬸᬂᬲᬓ᭄ᬯᬾᬳᬶᬂᬲᭂᬓᬃ᭞ᬳᬶᬗᬶᬲᭂᬧ᭄ᬫᬬᬸᬦᬶᬂᬲᬭᬶ᭞ᬬᬤᬾᬯᬢᬸᬫᬸᬯᬸᬄᬚᬗ᭄ᬕ᭞ᬓᬯᬸᬮᬢᬭᬸᬳᬗᬶ
ᬗ᭄ᬕ᭄ᬕᬶᬮ᭄᭞ᬢᬦ᭄ᬲᬄᬕᬥᬸᬗᬮᬶᬮᬶᬢ᭄᭞ᬳᬦᬸᬢ᭄ᬲᬧᬭᬦᬶᬂᬢᬭᬸ᭞ᬬᬦ᭄ᬤᬾᬯᬤᬤᭀᬲ᭄ᬩᬳᬶᬣ᭞ᬓᬯᬸᬮᬵᬲᬕᬭᬕᭂᬦ᭄ᬥᬶᬲ᭄᭞ᬓᬂᬢᬶᬦ᭄ᬤᬓᬵ᭞ᬓᬢᭂᬫᬸᬳᬸᬕᬧᬗᬾᬭᬦ᭄᭟᭐᭟ᬬᬦ᭄ᬤᬾᬯᬤ