Kaca:Bali-lontar-gaguritan-amir-hamsyah-300ppi.pdf/27

Saking Wikisource
Kaca puniki sampun kauji-wacén

[᭒᭖ 26B]
᭒᭖
ᬦᬸᬜ᭄ᬚᬸᬗᬦ᭄ᬯᬦ᭄ᬢᬶᬯᬦ᭄ᬢᬶ᭞ᬲᬸᬭᬸᬧᬶᬗᬃᬓ᭄ᬓ᭞ᬯᭀᬂᬫᬾᬦᬓ᭄‌ᬦ᭄ᬤᬢᬦᭀᬲᬶᬓ᭄᭟᭐᭟ᬗᬦ᭄ᬤᬶᬓᬵᬮᭀᬦ᭄ᬳᬸᬚᬭᬾᬓᬶᬚᬬᬾᬂᬭᬡ᭞ᬳᬾᬄᬧ᭄ᬭᬪᬸᬯᬶᬂᬩᬂᬩᬗ᭄ᬭᬶ᭞ᬫᬗ᭄ᬓᬾ ᬲᬸᬭᬸᬧ᭄ᬲᬸᬃᬬ᭄ᬬ᭞ᬳᬾᬲᬸᬓ᭄ᬫᬮᬶᬳᬬᬸᬥ
ᬳᬦᬦ᭄ᬤᬶᬗᬓᭂᬦ᭄ᬧ᭄ᬭᬚᬸᬭᬶᬢ᭄᭞ᬲᬳᬸᬃᬳᬾᬮᬄᬳ᭄ᬬ᭞ᬏᬜ᭄ᬚᬂᬫᬮᬶᬳᬚᬸᬭᬶᬢ᭄᭟᭐᭟ᬲᬓᬭᭀᬦᬾ ᬯᬸᬲ᭄ᬫᬸᬦ᭄ᬤᬸᬭᬾᬂᬭᬡᬗ᭄ᬕᬡᬵ᭞ᬤᬾᬦᬶᬂᬓᬲᬸᬭᬸᬧᬦ᭄ᬭᬯᬶ᭞ᬧ᭄ᬭᬪᬸᬪᬸᬚᬍᬗ᭄ᬓᬭ᭞ᬲᭂᬤᬶᬳᬶᬭᬓᬮᬶᬦ᭄ᬢᬂ
᭞ᬫᬍᬩᬸᬳᬶᬂᬫᬥ᭄ᬬᬧᬸᬭᬶ᭞ᬦ᭄ᬤᬦ᭄ᬭᬤᬾᬦ᭄ᬳᬶᬃᬫ᭄ᬫᬦ᭄᭞ᬫᭂᬤᭂᬓ᭄ᬲᬋᬂᬓᬶᬧᬢᬶᬄ᭟᭐᭟ᬭᬤᬾᬦ᭄ᬳᬶᬃᬫ᭄ᬫᬦ᭄ᬳᬮᬸᬗ᭄ᬕᬸᬄᬳᬃᬱᬲᬂᬦᬵᬣ᭞ᬓᬮᬶᬄᬫ᭄ᬯᬂᬲᬶᬭᬧᬢᬶᬄ᭞ᬓᬶᬧᬢᬶᬄᬪᬓ᭄ᬢ᭄ᬬ᭞ᬲᬂᬦᬵᬣᬢᬦ᭄ᬧᬗᬸᬘᬧ᭄᭞ᬯᬶᬭᬂᬓ
ᬭᭀᬥᬵᬢᬦ᭄ᬲᬶᬦᬶᬧᬶ᭞ᬧᬸᬢ᭄ᬭᬶᬦᬾ ᬳᬶᬘᬮ᭄᭞ᬓᬶᬧᬢᬶᬄᬯᬸᬲᬦᬶᬲᬶᬦ᭄᭟᭐᭟ᬬᬦᭂᬧᬶᬦ᭄ᬲᬳᬬᬸᬥᬵᬭᬱᬓᬲᭀᬭᬦ᭄᭞ᬪᬓ᭄ᬢ᭄ᬬᬃᬳᬸᬫᬢᬸᬭᬭᬶᬲ᭄᭞ᬥᬸᬄᬤᬾᬯᬲᬸᬲᬸᬳᬸᬦᬦ᭄᭞ᬲᬫ᭄ᬧᬸᬦ᭄ᬤᬾᬯ
[᭒᭗ 27A]
ᬲᬸᬓ᭄ᬱᭂᬓᬦ᭄᭞ᬳᬫᬸᬲᬸᬄᬯᭀᬂᬫᭂᬦᬓᬫᬶᬃ᭞ᬤᬶᬤᬶᬦᬾᬧᭂᬚᬄ᭞ᬳᬦᬭᬢᬸᬮᬶᬦᬸᬯᬶᬄ᭟᭐᭟ᬤᬯᭂᬕ᭄ᬤᬾᬯᬳᬫᬶᬦ᭄ᬢᬳᬓᭂᬦ᭄ᬰᬭᬬ᭞ᬦᭂᬗ᭄ᬕᬶᬄᬓᬸᬢᬾᬂᬳᬗ᭄ᬲᬶ᭞ᬭᬢᬸᬯᬶᬪᬯᬧ᭄ᬭᬶᬬ᭞ᬫᬸᬓᬦ᭄ᬬᬰ᭄ᬭᬶᬫᭀᬗ᭄ᬓᬮ᭞
ᬰᬓ᭄ᬢᬶᬢᭂᬍᬦ᭄ᬭᬾᬫᬳᬢᬶ᭞ᬪᬶᬰᬾᬓᬲᬂᬦᬵᬣ᭞ᬰ᭄ᬭᬶᬫᭀᬂᬫᬮᬾᬮᬳᬚᬶ᭟᭐᭟ᬲᬶᬭᬲᬂᬧ᭄ᬭᬪᬸᬚᬍᬗ᭄ᬓᬭᬗᬦ᭄ᬤᬶᬓᬵ᭞ᬳᬗᬧᬳᬶᬃᬫ᭄ᬫᬦ᭄ᬫᬗ᭄ᬓᬶᬦ᭄᭞ᬩᬧᬤᬳᬢ᭄ᬓᬃᬱ᭞ᬮᬸᬗ᭄ᬳᬳᬫᬶᬦ᭄ᬢᬰ᭄ᬭᬬ᭞ᬫᬭᬾᬦᬵᬕ᭄ᬦᬕᬭᬾ
ᬗᬩ᭄ᬱᬶ᭞ᬳᬢᬸᬭᬾᬳᬶᬃᬫ᭄ᬫᬦ᭄᭞ᬲᬶᬗ᭄ᬕᬶᬄᬤᬯᭂᬕ᭄ᬮᬸᬫᬭᬶᬲ᭄᭟᭐᭟ᬫᬸᬂᬧᬸᬂᬓᬭᬶᬯᭂᬗᬶᬦ᭄ᬤᬦ᭄ᬮᬸᬫᬫ᭄ᬧᬄ᭞ᬦᬸᬚᬸᬫᬭᬶᬗᬩ᭄ᬱᬶ᭞ᬫᬧᬦ᭄ᬬᬸᬲᬬᬕ᭞ᬲᬓ᭄ᬯᬾᬳᬶᬲᬶᬦᬶᬂᬧᬸᬭᬵ᭞ᬳᬶᬲ᭄ᬢ᭄ᬭᬶᬓᬓᬸᬂᬢᬮᬸᬫᬭᬶᬲ᭄᭞ᬍᬧᬲᬶᬂᬮᬫ᭄ᬧᬄ᭞
ᬲᬶᬬᬂᬮᬢ᭄ᬭᬶᬮᬸᬫᬭᬶᬲ᭄᭟᭐᭟ᬓᬯᬃᬡ᭄ᬦᬳᬫᬗ᭄ᬓᬾ ᬲᬂᬧ᭄ᬭᬪᬸᬳᬶᬗᬭᬩ᭄᭞ᬲᬶᬭᬯᭀᬂᬫᬾᬦᬓᬫᬶᬃ᭞ᬳᬧᬦ᭄ᬯᭂᬭᬸᬳᬲᬶᬭᬵ᭞ᬧ᭄ᬭᬪᬸᬪᬸᬚᬍᬗ᭄ᬓᬭ᭞ᬢᬶᬮᬃᬓᬤᬢᭀᬦ᭄ᬤᬸᬓ᭄ᬯᭂᬗᬶ᭞ᬩᬮᬵᬳᬶᬗᬭᬩ᭄᭞ᬫᬜ᭄ᬚᬶᬂ