[᭑᭑ 11B]
᭑᭑
ᬓᬶᬯᬢᭂᬗᭂᬦ᭄᭞ᬧᬶᬦᭂᬓᬸᬮ᭄ᬳᬭᬲᬭᬲᬶᬦ᭄᭞ᬗᬶᬫᬸᬩᭂᬳᬶᬂᬲᬂᬤ᭄ᬬᬄ᭟᭐᭟ᬅᬥᬸᬄᬭᬤᬾᬦ᭄ᬰᬳᬶᬤ᭄ᬢᬫ᭄ᬩᬦᭂᬦ᭄ᬩ᭄ᬭᬗ᭄ᬢᬶ᭞ᬳᬶᬂᬩᬾᬲᬸᬓᬾ ᭞ᬓᬳᬸᬮᬵᬓᬾᬦᬧ᭄ᬭᬂ᭞ᬳᬫ᭄ᬧᭂᬄᬤᬾᬯᬕᬢ᭄ᬭᬸᬄᬦ᭞ᬢᬦ᭄ᬲᬄ
ᬳᬶᬗᬭᬲ᭄ᬧᬶᬦ᭄ᬓᬸᬮ᭄᭞ᬭᬤᬾᬦ᭄ᬰᬳᬶᬤ᭄ᬓᭂᬤᭂᬄᬢᬦᬵᬧ᭄ᬢᬶ᭞ᬓᬯᬃᬡ᭄ᬦᬦᬶᬫᬵᬲ᭄ᬮᬭ᭞ᬍᬗ᭄ᬓᬲᬭᬶᬳᬶᬓᬸ᭞ᬳᬗᬸᬮᬢᬶᬳᬶᬂᬭᬳᬤ᭄ᬬᬦ᭄᭞ᬓᬢᬸᬚᬸᬦᬾ᭞ᬧ᭄ᬭᬧ᭄ᬢᬳᬶᬗᬸᬤ᭄ᬬᬦᬲᬭᬶ᭞ᬳᬧᬦ᭄ᬳᬕᬤ᭄ᬫ
ᬗ᭄ᬕᬕᬦ᭟᭐᭟ᬲᬓᬶᬂᬮᬸᬳᬸᬃᬓᬢᭀᬦ᭄ᬭᬤᬾᬦ᭄ᬰᬳᬶᬤ᭄᭞ᬳᬶᬦᬸᬩᭂᬮᬦ᭄᭞ᬭᬶᬦᭂᬩᬸᬢᬶᬗᬭᬲ᭄᭞ᬯᬦ᭄ᬢᬶᬯᬦ᭄ᬢᬶᬧᬗᬭᬲᬾᬲᬂᬧᬸᬢ᭄ᬭᬶᬓᬭᭀᬗᬺᬬᬸᬢ᭄᭞ᬓᬩ᭄ᬭᬳ᭄ᬫᬦ᭄ᬢ᭄ᬬᬦᬶᬍᬗ᭄ᬓᬲᬭᬶ᭞ᬢᬸᬫᬸᬭᬸ
ᬦ᭄ᬲᬃᬯ᭄ᬯᬶᬗᬸᬘᬧ᭄᭞ᬯᭀᬗᭂᬦ᭄ᬤᬶᬕᬢᭂᬮᬶᬗ᭄ᬓᬸ᭞ᬪᬬᬢᬦ᭄ᬳᬦᬺᬩᬾᬯᬶᬭᬂ᭞ᬯᬤᭀᬦ᭄ᬧᬭᬦ᭄᭞ᬬᬢᭂᬓᬓᬶᬭᬗᬦ᭄ᬮᬓᬶ᭞ᬢᭂᬓᬳᬗᬺᬩᬸᬢ᭄ᬦᬾ ᬮᬦᬂ᭟᭐᭟ᬧᬸᬢ᭄ᬭᬶᬳ᭄ᬚᬶᬫ᭄ᬲᬓᬋᬦᬾᬦᬶ
[᭑᭒ 12A]
ᬗ᭄ᬳᬮᬶᬦ᭄᭞ᬤᬾᬦᬾ ᬳᬦ᭞ᬯᬤᭀᬦᬶᬓᬂᬧ᭄ᬭᬧ᭄ᬢ᭞ᬳᬗᬯᬸᬳᬯᬸᬉᬚᬭᬾ᭞ᬗᬸᬘᬧ᭄ᬯᭀᬗᭂᬦ᭄ᬤᬶᬳᬶᬓᬸ᭞ᬓᬧ᭄ᬭᬮᬬᬂᬫᭂᬍᬤᭂᬂᬓᬫᬶ᭞ᬤᬾᬦᬾ ᬳᬶᬗ᭄ᬲᬸᬦ᭄ᬗᬭᬲᬭᬲ᭄᭞ᬲᭂᬫ᭄ᬩᬾᬃᬲᬶᬃᬳᬓᬸᬦ᭄ᬤᬸᬃ᭞ᬳᬗ᭄ᬭᬚᬔᬃᬱ
ᬦ᭄ᬫᬦᬶᬭ᭞ᬢᬫᬦᬶᬗ᭄ᬲᬸᬦ᭄᭞ᬍᬗ᭄ᬓᬲᬭᬶᬳᬫᬸᬯᬸᬲᬶᬦ᭄᭟᭐᭟ᬫᬦᬶᬭᬾᬓᬵᬳᬶᬳᬫ᭄ᬩᬸᬤᬸᬄᬭᬸᬫᬶᬢᬶᬦ᭄᭞ᬓᬭᬡᬦᬾ᭞ᬭᬳᬤᬾᬦ᭄ᬓᬮᬭᬦ᭄᭞ᬳᬶᬂᬯᬦᬧᬸᬭᬮᬓᬸᬦᬾ ᭞ᬅᬧᬦ᭄ᬓᭂᬦᭂᬄᬳᬶᬗᬧᬸᬲ᭄᭞
ᬤᬾᬦᬾᬧᬢᬶᬄᬚᬕᬢ᭄ᬓᬂᬮ᭄ᬯᬶᬄ᭞ᬧᬢᬶᬳᬾᬭᬫᬦᬶᬗᬸᬯᬂ᭞ᬧᬸᬢ᭄ᬭᬶᬳ᭄ᬚᬶᬫ᭄ᬳᬫᬸᬯᬸᬲ᭄᭞ᬲᭂᬫ᭄ᬩᬾᬃᬦᬾᬭᬳᬋᬧ᭄ᬩᬸᬤᬮ᭄᭞ᬦᭀᬭᬧᬯᭀᬄ᭞ᬫᬦᬶᬭᬳᬶᬓᬶᬲᬚᬢᬶ᭞ᬧᬦ᭄ᬢᭂᬍᬩᭂᬗᬶᬂᬮᬭᬗᬦ᭄᭟᭐᭟ᬧᬦ᭄ᬬᬸᬲ᭄ᬓᭂ
ᬦᭂᬳᬶᬂᬗᬯᬶᬮᬦ᭄ᬰᬳᬶᬤ᭄᭞ᬬᬾᬦ᭄ᬳᬫ᭄ᬧᬄᬫᬦᬶᬭᬢᬦᬲ᭄ᬭᬄ᭞ᬮᬄᬫᬗ᭄ᬓᬾ ᬳᬧᬓ᭄ᬭᬲᬦᬾ᭞ᬍᬗ᭄ᬓᬲᬭᬶᬲᬸᬫᬯᬸᬃ᭞ᬲᬸᬦ᭄ᬫᬾᬮᬦᬶᬦ᭄ᬧᬢᬶᬳᬸᬭᬶᬧ᭄᭞ᬢᬦ᭄ᬯᬾᬄᬳᬶᬗ᭄ᬲᬸᬦ᭄ᬗᬫᬾᬢ᭄ᬳᬸᬕ᭞ᬓᬭᬡᬲᬸᬦᬸᬲᬸ
Kaca:Bali-lontar-gaguritan-amir-hamsyah-300ppi.pdf/12
Kaca puniki sampun kauji-wacén
